| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
12. лохижжасуд̇д̇ам̣
12. Lohiccasuttaṃ
лохижжаб̣раахман̣авад̇т̇у
Lohiccabrāhmaṇavatthu
501. звам̣ мз суд̇ам̣ – згам̣ самаяам̣ бхаг̇аваа госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна саалавад̇игаа д̇ад̣̇авасари. д̇зна ко бана самаязна лохижжо б̣раахман̣о саалавад̇игам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣, б̣рахмад̣̇зяяам̣.
501. Evaṃ me sutaṃ – ekaṃ samayaṃ bhagavā kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena sālavatikā tadavasari. Tena kho pana samayena lohicco brāhmaṇo sālavatikaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ, brahmadeyyaṃ.
502. д̇зна ко бана самаязна лохижжасса б̣раахман̣асса зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘ид̇ха саман̣о ваа б̣раахман̣о ваа гусалам̣ д̇хаммам̣ ад̇хиг̇ажчзяяа, гусалам̣ д̇хаммам̣ ад̇хиг̇анд̇ваа на барасса аарожзяяа, гин̃хи баро барасса гариссад̇и. сзяяат̇ааби наама бураан̣ам̣ б̣анд̇ханам̣ чинд̣̇ид̇ваа ан̃н̃ам̣ навам̣ б̣анд̇ханам̣ гарзяяа, звам̣самбад̣̇амид̣̇ам̣ баабагам̣ лобхад̇хаммам̣ вад̣̇аами, гин̃хи баро барасса гариссад̇ий’’д̇и.
502. Tena kho pana samayena lohiccassa brāhmaṇassa evarūpaṃ pāpakaṃ diṭṭhigataṃ uppannaṃ hoti – ‘‘idha samaṇo vā brāhmaṇo vā kusalaṃ dhammaṃ adhigaccheyya, kusalaṃ dhammaṃ adhigantvā na parassa āroceyya, kiñhi paro parassa karissati. Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya, evaṃsampadamidaṃ pāpakaṃ lobhadhammaṃ vadāmi, kiñhi paro parassa karissatī’’ti.
503. ассоси ко лохижжо б̣раахман̣о – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи саалавад̇игам̣ ануббад̇д̇о. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
503. Assosi kho lohicco brāhmaṇo – ‘‘samaṇo khalu, bho, gotamo sakyaputto sakyakulā pabbajito kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi sālavatikaṃ anuppatto. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
504. ат̇а ко лохижжо б̣раахман̣о росигам̣ 1 нхаабид̇ам̣ ааманд̇зси – ‘‘зхи д̇вам̣, самма росигз, язна саман̣о г̇од̇амо д̇знубасан̇гама ; убасан̇гамид̇ваа мама важанзна саман̣ам̣ г̇од̇амам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – лохижжо, бхо г̇од̇ама, б̣раахман̣о бхаванд̇ам̣ г̇од̇амам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’’д̇и. зван̃жа вад̣̇зхи – ‘‘ад̇хиваасзд̇у гира бхавам̣ г̇од̇амо лохижжасса б̣раахман̣асса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и.
504. Atha kho lohicco brāhmaṇo rosikaṃ 2 nhāpitaṃ āmantesi – ‘‘ehi tvaṃ, samma rosike, yena samaṇo gotamo tenupasaṅkama ; upasaṅkamitvā mama vacanena samaṇaṃ gotamaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – lohicco, bho gotama, brāhmaṇo bhavantaṃ gotamaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’’ti. Evañca vadehi – ‘‘adhivāsetu kira bhavaṃ gotamo lohiccassa brāhmaṇassa svātanāya bhattaṃ saddhiṃ bhikkhusaṅghenā’’ti.
505. ‘‘звам̣, бхо’’д̇и 3 ко росигаа нхаабид̇о лохижжасса б̣раахман̣асса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко росигаа нхаабид̇о бхаг̇аванд̇ам̣ зд̇ад̣̇авожа – ‘‘лохижжо, бханд̇з, б̣раахман̣о бхаг̇аванд̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ад̇хиваасзд̇у гира, бханд̇з, бхаг̇аваа лохижжасса б̣раахман̣асса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
505. ‘‘Evaṃ, bho’’ti 4 kho rosikā nhāpito lohiccassa brāhmaṇassa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rosikā nhāpito bhagavantaṃ etadavoca – ‘‘lohicco, bhante, brāhmaṇo bhagavantaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – adhivāsetu kira, bhante, bhagavā lohiccassa brāhmaṇassa svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
506. ат̇а ко росигаа нхаабид̇о бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна лохижжо б̣раахман̣о д̇знубасан̇гами; убасан̇гамид̇ваа лохижжам̣ б̣раахман̣ам̣ зд̇ад̣̇авожа – ‘‘авожумхаа ко маяам̣ бход̇о 5 важанзна д̇ам̣ бхаг̇аванд̇ам̣ – ‘лохижжо, бханд̇з, б̣раахман̣о бхаг̇аванд̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ад̇хиваасзд̇у гира, бханд̇з, бхаг̇аваа лохижжасса б̣раахман̣асса сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’д̇и. ад̇хивуд̇т̇ан̃жа бана д̇зна бхаг̇авад̇аа’’д̇и.
506. Atha kho rosikā nhāpito bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā yena lohicco brāhmaṇo tenupasaṅkami; upasaṅkamitvā lohiccaṃ brāhmaṇaṃ etadavoca – ‘‘avocumhā kho mayaṃ bhoto 6 vacanena taṃ bhagavantaṃ – ‘lohicco, bhante, brāhmaṇo bhagavantaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – adhivāsetu kira, bhante, bhagavā lohiccassa brāhmaṇassa svātanāya bhattaṃ saddhiṃ bhikkhusaṅghenā’ti. Adhivutthañca pana tena bhagavatā’’ti.
507. ат̇а ко лохижжо б̣раахман̣о д̇ассаа рад̇д̇ияаа ажжаязна сагз нивзсанз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа росигам̣ нхаабид̇ам̣ ааманд̇зси – ‘‘зхи д̇вам̣, самма росигз, язна саман̣о г̇од̇амо д̇знубасан̇гама; убасан̇гамид̇ваа саман̣асса г̇од̇амасса гаалам̣ аарожзхи – гаало бхо, г̇од̇ама, нидтид̇ам̣ бхад̇д̇а’’нд̇и. ‘‘звам̣, бхо’’д̇и ко росигаа нхаабид̇о лохижжасса б̣раахман̣асса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси . згаманд̇ам̣ тид̇о ко росигаа нхаабид̇о бхаг̇авад̇о гаалам̣ аарожзси – ‘‘гаало, бханд̇з, нидтид̇ам̣ бхад̇д̇а’’нд̇и.
507. Atha kho lohicco brāhmaṇo tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā rosikaṃ nhāpitaṃ āmantesi – ‘‘ehi tvaṃ, samma rosike, yena samaṇo gotamo tenupasaṅkama; upasaṅkamitvā samaṇassa gotamassa kālaṃ ārocehi – kālo bho, gotama, niṭṭhitaṃ bhatta’’nti. ‘‘Evaṃ, bho’’ti kho rosikā nhāpito lohiccassa brāhmaṇassa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho rosikā nhāpito bhagavato kālaṃ ārocesi – ‘‘kālo, bhante, niṭṭhitaṃ bhatta’’nti.
508. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа сад̣̇д̇хим̣ бхигкусан̇гхзна язна саалавад̇игаа д̇знубасан̇гами. д̇зна ко бана самаязна росигаа нхаабид̇о бхаг̇аванд̇ам̣ бидтид̇о бидтид̇о ануб̣анд̇хо ход̇и. ат̇а ко росигаа нхаабид̇о бхаг̇аванд̇ам̣ зд̇ад̣̇авожа – ‘‘лохижжасса, бханд̇з, б̣раахман̣асса зваруубам̣ баабагам̣ д̣̇идтиг̇ад̇ам̣ уббаннам̣ – ‘ид̇ха саман̣о ваа б̣раахман̣о ваа гусалам̣ д̇хаммам̣ ад̇хиг̇ажчзяяа, гусалам̣ д̇хаммам̣ ад̇хиг̇анд̇ваа на барасса аарожзяяа – гин̃хи баро барасса гариссад̇и. сзяяат̇ааби наама бураан̣ам̣ б̣анд̇ханам̣ чинд̣̇ид̇ваа ан̃н̃ам̣ навам̣ б̣анд̇ханам̣ гарзяяа, звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аами – гин̃хи баро барасса гариссад̇ий’д̇и. саад̇ху, бханд̇з, бхаг̇аваа лохижжам̣ б̣раахман̣ам̣ зд̇асмаа баабагаа д̣̇идтиг̇ад̇аа вивзжзд̇уу’’д̇и. ‘‘аббзва наама сияаа росигз, аббзва наама сияаа росигз’’д̇и.
508. Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena sālavatikā tenupasaṅkami. Tena kho pana samayena rosikā nhāpito bhagavantaṃ piṭṭhito piṭṭhito anubandho hoti. Atha kho rosikā nhāpito bhagavantaṃ etadavoca – ‘‘lohiccassa, bhante, brāhmaṇassa evarūpaṃ pāpakaṃ diṭṭhigataṃ uppannaṃ – ‘idha samaṇo vā brāhmaṇo vā kusalaṃ dhammaṃ adhigaccheyya, kusalaṃ dhammaṃ adhigantvā na parassa āroceyya – kiñhi paro parassa karissati. Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya, evaṃ sampadamidaṃ pāpakaṃ lobhadhammaṃ vadāmi – kiñhi paro parassa karissatī’ti. Sādhu, bhante, bhagavā lohiccaṃ brāhmaṇaṃ etasmā pāpakā diṭṭhigatā vivecetū’’ti. ‘‘Appeva nāma siyā rosike, appeva nāma siyā rosike’’ti.
ат̇а ко бхаг̇аваа язна лохижжасса б̣раахман̣асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и . ат̇а ко лохижжо б̣раахман̣о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси.
Atha kho bhagavā yena lohiccassa brāhmaṇassa nivesanaṃ tenupasaṅkami; upasaṅkamitvā paññatte āsane nisīdi . Atha kho lohicco brāhmaṇo buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi.
лохижжаб̣раахман̣аануяог̇о
Lohiccabrāhmaṇānuyogo
509. ат̇а ко лохижжо б̣раахман̣о бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко лохижжам̣ б̣раахман̣ам̣ бхаг̇аваа зд̇ад̣̇авожа – ‘‘сажжам̣ гира д̇з, лохижжа, зваруубам̣ баабагам̣ д̣̇идтиг̇ад̇ам̣ уббаннам̣ – ‘ид̇ха саман̣о ваа б̣раахман̣о ваа гусалам̣ д̇хаммам̣ ад̇хиг̇ажчзяяа, гусалам̣ д̇хаммам̣ ад̇хиг̇анд̇ваа на барасса аарожзяяа – гин̃хи баро барасса гариссад̇и. сзяяат̇ааби наама бураан̣ам̣ б̣анд̇ханам̣ чинд̣̇ид̇ваа ан̃н̃ам̣ навам̣ б̣анд̇ханам̣ гарзяяа, звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аами, гин̃хи баро барасса гариссад̇ий’’’ д̇и? ‘‘звам̣, бхо г̇од̇ама’’. ‘‘д̇ам̣ гим̣ ман̃н̃аси лохижжа нану д̇вам̣ саалавад̇игам̣ аж̇жхаавасасий’’д̇и? ‘‘звам̣, бхо г̇од̇ама’’. ‘‘яо ну ко, лохижжа, звам̣ вад̣̇зяяа – ‘лохижжо б̣раахман̣о саалавад̇игам̣ аж̇жхаавасад̇и. яаа саалавад̇игааяа самуд̣̇аяасан̃ж̇аад̇и лохижжова д̇ам̣ б̣раахман̣о згаго барибхун̃ж̇зяяа, на ан̃н̃зсам̣ д̣̇ад̣̇зяяаа’д̇и. звам̣ ваад̣̇ий со яз д̇ам̣ убаж̇ийванд̇и, д̇зсам̣ анд̇арааяагаро ваа ход̇и, но ваа’’д̇и?
509. Atha kho lohicco brāhmaṇo bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho lohiccaṃ brāhmaṇaṃ bhagavā etadavoca – ‘‘saccaṃ kira te, lohicca, evarūpaṃ pāpakaṃ diṭṭhigataṃ uppannaṃ – ‘idha samaṇo vā brāhmaṇo vā kusalaṃ dhammaṃ adhigaccheyya, kusalaṃ dhammaṃ adhigantvā na parassa āroceyya – kiñhi paro parassa karissati. Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya, evaṃ sampadamidaṃ pāpakaṃ lobhadhammaṃ vadāmi, kiñhi paro parassa karissatī’’’ ti? ‘‘Evaṃ, bho gotama’’. ‘‘Taṃ kiṃ maññasi lohicca nanu tvaṃ sālavatikaṃ ajjhāvasasī’’ti? ‘‘Evaṃ, bho gotama’’. ‘‘Yo nu kho, lohicca, evaṃ vadeyya – ‘lohicco brāhmaṇo sālavatikaṃ ajjhāvasati. Yā sālavatikāya samudayasañjāti lohiccova taṃ brāhmaṇo ekako paribhuñjeyya, na aññesaṃ dadeyyā’ti. Evaṃ vādī so ye taṃ upajīvanti, tesaṃ antarāyakaro vā hoti, no vā’’ti?
‘‘анд̇арааяагаро, бхо г̇од̇ама’’. ‘‘анд̇арааяагаро самаано хид̇аанугамбий ваа д̇зсам̣ ход̇и ахид̇аанугамбий ваа’’д̇и? ‘‘ахид̇аанугамбий, бхо г̇од̇ама’’. ‘‘ахид̇аанугамбисса мзд̇д̇ам̣ ваа д̇зсу жид̇д̇ам̣ бажжубадтид̇ам̣ ход̇и сабад̇д̇агам̣ ваа’’д̇и? ‘‘сабад̇д̇агам̣, бхо г̇од̇ама’’. ‘‘сабад̇д̇агз жид̇д̇з бажжубадтид̇з мижчаад̣̇идти ваа ход̇и саммаад̣̇идти ваа’’д̇и? ‘‘мижчаад̣̇идти, бхо г̇од̇ама’’. ‘‘мижчаад̣̇идтисса ко ахам̣, лохижжа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа’’.
‘‘Antarāyakaro, bho gotama’’. ‘‘Antarāyakaro samāno hitānukampī vā tesaṃ hoti ahitānukampī vā’’ti? ‘‘Ahitānukampī, bho gotama’’. ‘‘Ahitānukampissa mettaṃ vā tesu cittaṃ paccupaṭṭhitaṃ hoti sapattakaṃ vā’’ti? ‘‘Sapattakaṃ, bho gotama’’. ‘‘Sapattake citte paccupaṭṭhite micchādiṭṭhi vā hoti sammādiṭṭhi vā’’ti? ‘‘Micchādiṭṭhi, bho gotama’’. ‘‘Micchādiṭṭhissa kho ahaṃ, lohicca, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’.
510. ‘‘д̇ам̣ гим̣ ман̃н̃аси, лохижжа, нану рааж̇аа басзнад̣̇и госало гаасигосалам̣ аж̇жхаавасад̇ий’’д̇и? ‘‘звам̣, бхо г̇од̇ама’’. ‘‘яо ну ко, лохижжа, звам̣ вад̣̇зяяа – ‘рааж̇аа басзнад̣̇и госало гаасигосалам̣ аж̇жхаавасад̇и; яаа гаасигосалз самуд̣̇аяасан̃ж̇аад̇и, рааж̇аава д̇ам̣ басзнад̣̇и госало згаго барибхун̃ж̇зяяа, на ан̃н̃зсам̣ д̣̇ад̣̇зяяаа’д̇и. звам̣ ваад̣̇ий со яз рааж̇аанам̣ басзнад̣̇им̣ госалам̣ убаж̇ийванд̇и д̇умхз жзва ан̃н̃з жа, д̇зсам̣ анд̇арааяагаро ваа ход̇и, но ваа’’д̇и?
510. ‘‘Taṃ kiṃ maññasi, lohicca, nanu rājā pasenadi kosalo kāsikosalaṃ ajjhāvasatī’’ti? ‘‘Evaṃ, bho gotama’’. ‘‘Yo nu kho, lohicca, evaṃ vadeyya – ‘rājā pasenadi kosalo kāsikosalaṃ ajjhāvasati; yā kāsikosale samudayasañjāti, rājāva taṃ pasenadi kosalo ekako paribhuñjeyya, na aññesaṃ dadeyyā’ti. Evaṃ vādī so ye rājānaṃ pasenadiṃ kosalaṃ upajīvanti tumhe ceva aññe ca, tesaṃ antarāyakaro vā hoti, no vā’’ti?
‘‘анд̇арааяагаро, бхо г̇од̇ама’’. ‘‘анд̇арааяагаро самаано хид̇аанугамбий ваа д̇зсам̣ ход̇и ахид̇аанугамбий ваа’’д̇и? ‘‘ахид̇аанугамбий, бхо г̇од̇ама’’. ‘‘ахид̇аанугамбисса мзд̇д̇ам̣ ваа д̇зсу жид̇д̇ам̣ бажжубадтид̇ам̣ ход̇и сабад̇д̇агам̣ ваа’’д̇и? ‘‘сабад̇д̇агам̣, бхо г̇од̇ама’’. ‘‘сабад̇д̇агз жид̇д̇з бажжубадтид̇з мижчаад̣̇идти ваа ход̇и саммаад̣̇идти ваа’’д̇и? ‘‘мижчаад̣̇идти, бхо г̇од̇ама’’. ‘‘мижчаад̣̇идтисса ко ахам̣, лохижжа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа’’.
‘‘Antarāyakaro, bho gotama’’. ‘‘Antarāyakaro samāno hitānukampī vā tesaṃ hoti ahitānukampī vā’’ti? ‘‘Ahitānukampī, bho gotama’’. ‘‘Ahitānukampissa mettaṃ vā tesu cittaṃ paccupaṭṭhitaṃ hoti sapattakaṃ vā’’ti? ‘‘Sapattakaṃ, bho gotama’’. ‘‘Sapattake citte paccupaṭṭhite micchādiṭṭhi vā hoti sammādiṭṭhi vā’’ti? ‘‘Micchādiṭṭhi, bho gotama’’. ‘‘Micchādiṭṭhissa kho ahaṃ, lohicca, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’.
511. ‘‘ид̇и гира, лохижжа, яо звам̣ вад̣̇зяяа – ‘‘лохижжо б̣раахман̣о саалавад̇игам̣ аж̇жхаавасад̇и; яаа саалавад̇игааяа самуд̣̇аяасан̃ж̇аад̇и, лохижжова д̇ам̣ б̣раахман̣о згаго барибхун̃ж̇зяяа, на ан̃н̃зсам̣ д̣̇ад̣̇зяяаа’’д̇и. звам̣ваад̣̇ий со яз д̇ам̣ убаж̇ийванд̇и, д̇зсам̣ анд̇арааяагаро ход̇и. анд̇арааяагаро самаано ахид̇аанугамбий ход̇и, ахид̇аанугамбисса сабад̇д̇агам̣ жид̇д̇ам̣ бажжубадтид̇ам̣ ход̇и, сабад̇д̇агз жид̇д̇з бажжубадтид̇з мижчаад̣̇идти ход̇и. звамзва ко, лохижжа, яо звам̣ вад̣̇зяяа – ‘‘ид̇ха саман̣о ваа б̣раахман̣о ваа гусалам̣ д̇хаммам̣ ад̇хиг̇ажчзяяа, гусалам̣ д̇хаммам̣ ад̇хиг̇анд̇ваа на барасса аарожзяяа, гин̃хи баро барасса гариссад̇и. сзяяат̇ааби наама бураан̣ам̣ б̣анд̇ханам̣ чинд̣̇ид̇ваа ан̃н̃ам̣ навам̣ б̣анд̇ханам̣ гарзяяа…бз… гариссад̇ий’’д̇и. звам̣ваад̣̇ий со яз д̇з гулабуд̇д̇аа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма зваруубам̣ ул̣аарам̣ висзсам̣ ад̇хиг̇ажчанд̇и, сод̇аабад̇д̇ипаламби сажчигаронд̇и, сагад̣̇ааг̇аамипаламби сажчигаронд̇и, анааг̇аамипаламби сажчигаронд̇и, арахад̇д̇амби сажчигаронд̇и, яз жимз д̣̇иб̣б̣аа г̇аб̣бхаа барибаажзнд̇и д̣̇иб̣б̣аанам̣ бхаваанам̣ абхиниб̣б̣ад̇д̇ияаа, д̇зсам̣ анд̇арааяагаро ход̇и, анд̇арааяагаро самаано ахид̇аанугамбий ход̇и , ахид̇аанугамбисса сабад̇д̇агам̣ жид̇д̇ам̣ бажжубадтид̇ам̣ ход̇и, сабад̇д̇агз жид̇д̇з бажжубадтид̇з мижчаад̣̇идти ход̇и. мижчаад̣̇идтисса ко ахам̣, лохижжа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа.
511. ‘‘Iti kira, lohicca, yo evaṃ vadeyya – ‘‘lohicco brāhmaṇo sālavatikaṃ ajjhāvasati; yā sālavatikāya samudayasañjāti, lohiccova taṃ brāhmaṇo ekako paribhuñjeyya, na aññesaṃ dadeyyā’’ti. Evaṃvādī so ye taṃ upajīvanti, tesaṃ antarāyakaro hoti. Antarāyakaro samāno ahitānukampī hoti, ahitānukampissa sapattakaṃ cittaṃ paccupaṭṭhitaṃ hoti, sapattake citte paccupaṭṭhite micchādiṭṭhi hoti. Evameva kho, lohicca, yo evaṃ vadeyya – ‘‘idha samaṇo vā brāhmaṇo vā kusalaṃ dhammaṃ adhigaccheyya, kusalaṃ dhammaṃ adhigantvā na parassa āroceyya, kiñhi paro parassa karissati. Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya…pe… karissatī’’ti. Evaṃvādī so ye te kulaputtā tathāgatappaveditaṃ dhammavinayaṃ āgamma evarūpaṃ uḷāraṃ visesaṃ adhigacchanti, sotāpattiphalampi sacchikaronti, sakadāgāmiphalampi sacchikaronti, anāgāmiphalampi sacchikaronti, arahattampi sacchikaronti, ye cime dibbā gabbhā paripācenti dibbānaṃ bhavānaṃ abhinibbattiyā, tesaṃ antarāyakaro hoti, antarāyakaro samāno ahitānukampī hoti , ahitānukampissa sapattakaṃ cittaṃ paccupaṭṭhitaṃ hoti, sapattake citte paccupaṭṭhite micchādiṭṭhi hoti. Micchādiṭṭhissa kho ahaṃ, lohicca, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā.
512. ‘‘ид̇и гира, лохижжа, яо звам̣ вад̣̇зяяа – ‘‘рааж̇аа басзнад̣̇и госало гаасигосалам̣ аж̇жхаавасад̇и; яаа гаасигосалз самуд̣̇аяасан̃ж̇аад̇и, рааж̇аава д̇ам̣ басзнад̣̇и госало згаго барибхун̃ж̇зяяа, на ан̃н̃зсам̣ д̣̇ад̣̇зяяаа’’д̇и. звам̣ваад̣̇ий со яз рааж̇аанам̣ басзнад̣̇им̣ госалам̣ убаж̇ийванд̇и д̇умхз жзва ан̃н̃з жа, д̇зсам̣ анд̇арааяагаро ход̇и. анд̇арааяагаро самаано ахид̇аанугамбий ход̇и, ахид̇аанугамбисса сабад̇д̇агам̣ жид̇д̇ам̣ бажжубадтид̇ам̣ ход̇и, сабад̇д̇агз жид̇д̇з бажжубадтид̇з мижчаад̣̇идти ход̇и. звамзва ко, лохижжа, яо звам̣ вад̣̇зяяа – ‘‘ид̇ха саман̣о ваа б̣раахман̣о ваа гусалам̣ д̇хаммам̣ ад̇хиг̇ажчзяяа, гусалам̣ д̇хаммам̣ ад̇хиг̇анд̇ваа на барасса аарожзяяа, гин̃хи баро барасса гариссад̇и. сзяяат̇ааби наама…бз… гин̃хи баро барасса гариссад̇ий’’д̇и, звам̣ ваад̣̇ий со яз д̇з гулабуд̇д̇аа д̇ат̇ааг̇ад̇аббавзд̣̇ид̇ам̣ д̇хаммавинаяам̣ ааг̇амма зваруубам̣ ул̣аарам̣ висзсам̣ ад̇хиг̇ажчанд̇и, сод̇аабад̇д̇ипаламби сажчигаронд̇и, сагад̣̇ааг̇аамипаламби сажчигаронд̇и, анааг̇аамипаламби сажчигаронд̇и, арахад̇д̇амби сажчигаронд̇и. яз жимз д̣̇иб̣б̣аа г̇аб̣бхаа барибаажзнд̇и д̣̇иб̣б̣аанам̣ бхаваанам̣ абхиниб̣б̣ад̇д̇ияаа, д̇зсам̣ анд̇арааяагаро ход̇и, анд̇арааяагаро самаано ахид̇аанугамбий ход̇и, ахид̇аанугамбисса сабад̇д̇агам̣ жид̇д̇ам̣ бажжубадтид̇ам̣ ход̇и, сабад̇д̇агз жид̇д̇з бажжубадтид̇з мижчаад̣̇идти ход̇и. мижчаад̣̇идтисса ко ахам̣, лохижжа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа.
512. ‘‘Iti kira, lohicca, yo evaṃ vadeyya – ‘‘rājā pasenadi kosalo kāsikosalaṃ ajjhāvasati; yā kāsikosale samudayasañjāti, rājāva taṃ pasenadi kosalo ekako paribhuñjeyya, na aññesaṃ dadeyyā’’ti. Evaṃvādī so ye rājānaṃ pasenadiṃ kosalaṃ upajīvanti tumhe ceva aññe ca, tesaṃ antarāyakaro hoti. Antarāyakaro samāno ahitānukampī hoti, ahitānukampissa sapattakaṃ cittaṃ paccupaṭṭhitaṃ hoti, sapattake citte paccupaṭṭhite micchādiṭṭhi hoti. Evameva kho, lohicca, yo evaṃ vadeyya – ‘‘idha samaṇo vā brāhmaṇo vā kusalaṃ dhammaṃ adhigaccheyya, kusalaṃ dhammaṃ adhigantvā na parassa āroceyya, kiñhi paro parassa karissati. Seyyathāpi nāma…pe… kiñhi paro parassa karissatī’’ti, evaṃ vādī so ye te kulaputtā tathāgatappaveditaṃ dhammavinayaṃ āgamma evarūpaṃ uḷāraṃ visesaṃ adhigacchanti, sotāpattiphalampi sacchikaronti, sakadāgāmiphalampi sacchikaronti, anāgāmiphalampi sacchikaronti, arahattampi sacchikaronti. Ye cime dibbā gabbhā paripācenti dibbānaṃ bhavānaṃ abhinibbattiyā, tesaṃ antarāyakaro hoti, antarāyakaro samāno ahitānukampī hoti, ahitānukampissa sapattakaṃ cittaṃ paccupaṭṭhitaṃ hoti, sapattake citte paccupaṭṭhite micchādiṭṭhi hoti. Micchādiṭṭhissa kho ahaṃ, lohicca, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā.
д̇аяо жод̣̇анаарахаа
Tayo codanārahā
513. ‘‘д̇аяо комз, лохижжа, сад̇т̇ааро, яз логз жод̣̇анаарахаа; яо жа банзваруубз сад̇т̇ааро жод̣̇зд̇и, саа жод̣̇анаа бхууд̇аа д̇ажчаа д̇хаммигаа анаваж̇ж̇аа . гад̇амз д̇аяо? ид̇ха, лохижжа, згажжо сад̇т̇аа яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о ход̇и, сваасса сааман̃н̃ад̇т̇о анануббад̇д̇о ход̇и. со д̇ам̣ сааман̃н̃ад̇т̇ам̣ ананубаабун̣ид̇ваа саавагаанам̣ д̇хаммам̣ д̣̇зсзд̇и – ‘‘ид̣̇ам̣ во хид̇ааяа ид̣̇ам̣ во сукааяаа’’д̇и. д̇асса саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, воггамма жа сад̇т̇усаасанаа вад̇д̇анд̇и. со звамасса жод̣̇зд̇аб̣б̣о – ‘‘ааяасмаа ко яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о, со д̇з сааман̃н̃ад̇т̇о анануббад̇д̇о, д̇ам̣ д̇вам̣ сааман̃н̃ад̇т̇ам̣ ананубаабун̣ид̇ваа саавагаанам̣ д̇хаммам̣ д̣̇зсзси – ‘ид̣̇ам̣ во хид̇ааяа ид̣̇ам̣ во сукааяаа’д̇и . д̇асса д̇з саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, воггамма жа сад̇т̇усаасанаа вад̇д̇анд̇и. сзяяат̇ааби наама осагганд̇ияаа ваа уссаггзяяа, бараммуким̣ ваа аалин̇г̇зяяа, звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аами – гин̃хи баро барасса гариссад̇ий’’д̇и. аяам̣ ко, лохижжа, батамо сад̇т̇аа, яо логз жод̣̇анаарахо; яо жа банзваруубам̣ сад̇т̇аарам̣ жод̣̇зд̇и, саа жод̣̇анаа бхууд̇аа д̇ажчаа д̇хаммигаа анаваж̇ж̇аа.
513. ‘‘Tayo khome, lohicca, satthāro, ye loke codanārahā; yo ca panevarūpe satthāro codeti, sā codanā bhūtā tacchā dhammikā anavajjā . Katame tayo? Idha, lohicca, ekacco satthā yassatthāya agārasmā anagāriyaṃ pabbajito hoti, svāssa sāmaññattho ananuppatto hoti. So taṃ sāmaññatthaṃ ananupāpuṇitvā sāvakānaṃ dhammaṃ deseti – ‘‘idaṃ vo hitāya idaṃ vo sukhāyā’’ti. Tassa sāvakā na sussūsanti, na sotaṃ odahanti, na aññā cittaṃ upaṭṭhapenti, vokkamma ca satthusāsanā vattanti. So evamassa codetabbo – ‘‘āyasmā kho yassatthāya agārasmā anagāriyaṃ pabbajito, so te sāmaññattho ananuppatto, taṃ tvaṃ sāmaññatthaṃ ananupāpuṇitvā sāvakānaṃ dhammaṃ desesi – ‘idaṃ vo hitāya idaṃ vo sukhāyā’ti . Tassa te sāvakā na sussūsanti, na sotaṃ odahanti, na aññā cittaṃ upaṭṭhapenti, vokkamma ca satthusāsanā vattanti. Seyyathāpi nāma osakkantiyā vā ussakkeyya, parammukhiṃ vā āliṅgeyya, evaṃ sampadamidaṃ pāpakaṃ lobhadhammaṃ vadāmi – kiñhi paro parassa karissatī’’ti. Ayaṃ kho, lohicca, paṭhamo satthā, yo loke codanāraho; yo ca panevarūpaṃ satthāraṃ codeti, sā codanā bhūtā tacchā dhammikā anavajjā.
514. ‘‘буна жабарам̣, лохижжа, ид̇хзгажжо сад̇т̇аа яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о ход̇и, сваасса сааман̃н̃ад̇т̇о анануббад̇д̇о ход̇и. со д̇ам̣ сааман̃н̃ад̇т̇ам̣ ананубаабун̣ид̇ваа саавагаанам̣ д̇хаммам̣ д̣̇зсзд̇и – ‘‘ид̣̇ам̣ во хид̇ааяа, ид̣̇ам̣ во сукааяаа’’д̇и. д̇асса саавагаа суссуусанд̇и, сод̇ам̣ од̣̇аханд̇и, ан̃н̃аа жид̇д̇ам̣ убадтабзнд̇и, на жа воггамма сад̇т̇усаасанаа вад̇д̇анд̇и. со звамасса жод̣̇зд̇аб̣б̣о – ‘‘ааяасмаа ко яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о, со д̇з сааман̃н̃ад̇т̇о анануббад̇д̇о. д̇ам̣ д̇вам̣ сааман̃н̃ад̇т̇ам̣ ананубаабун̣ид̇ваа саавагаанам̣ д̇хаммам̣ д̣̇зсзси – ‘ид̣̇ам̣ во хид̇ааяа ид̣̇ам̣ во сукааяаа’д̇и. д̇асса д̇з саавагаа суссуусанд̇и, сод̇ам̣ од̣̇аханд̇и , ан̃н̃аа жид̇д̇ам̣ убадтабзнд̇и, на жа воггамма сад̇т̇усаасанаа вад̇д̇анд̇и. сзяяат̇ааби наама сагам̣ кзд̇д̇ам̣ охааяа барам̣ кзд̇д̇ам̣ нид̣̇д̣̇ааяид̇аб̣б̣ам̣ ман̃н̃зяяа , звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аами – гин̃хи баро барасса гариссад̇ий’’д̇и. аяам̣ ко, лохижжа, д̣̇уд̇ияо сад̇т̇аа, яо, логз жод̣̇анаарахо; яо жа банзваруубам̣ сад̇т̇аарам̣ жод̣̇зд̇и, саа жод̣̇анаа бхууд̇аа д̇ажчаа д̇хаммигаа анаваж̇ж̇аа.
514. ‘‘Puna caparaṃ, lohicca, idhekacco satthā yassatthāya agārasmā anagāriyaṃ pabbajito hoti, svāssa sāmaññattho ananuppatto hoti. So taṃ sāmaññatthaṃ ananupāpuṇitvā sāvakānaṃ dhammaṃ deseti – ‘‘idaṃ vo hitāya, idaṃ vo sukhāyā’’ti. Tassa sāvakā sussūsanti, sotaṃ odahanti, aññā cittaṃ upaṭṭhapenti, na ca vokkamma satthusāsanā vattanti. So evamassa codetabbo – ‘‘āyasmā kho yassatthāya agārasmā anagāriyaṃ pabbajito, so te sāmaññattho ananuppatto. Taṃ tvaṃ sāmaññatthaṃ ananupāpuṇitvā sāvakānaṃ dhammaṃ desesi – ‘idaṃ vo hitāya idaṃ vo sukhāyā’ti. Tassa te sāvakā sussūsanti, sotaṃ odahanti , aññā cittaṃ upaṭṭhapenti, na ca vokkamma satthusāsanā vattanti. Seyyathāpi nāma sakaṃ khettaṃ ohāya paraṃ khettaṃ niddāyitabbaṃ maññeyya , evaṃ sampadamidaṃ pāpakaṃ lobhadhammaṃ vadāmi – kiñhi paro parassa karissatī’’ti. Ayaṃ kho, lohicca, dutiyo satthā, yo, loke codanāraho; yo ca panevarūpaṃ satthāraṃ codeti, sā codanā bhūtā tacchā dhammikā anavajjā.
515. ‘‘буна жабарам̣, лохижжа, ид̇хзгажжо сад̇т̇аа яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о ход̇и, сваасса сааман̃н̃ад̇т̇о ануббад̇д̇о ход̇и. со д̇ам̣ сааман̃н̃ад̇т̇ам̣ анубаабун̣ид̇ваа саавагаанам̣ д̇хаммам̣ д̣̇зсзд̇и – ‘‘ид̣̇ам̣ во хид̇ааяа ид̣̇ам̣ во сукааяаа’’д̇и. д̇асса саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и, воггамма жа сад̇т̇усаасанаа вад̇д̇анд̇и. со звамасса жод̣̇зд̇аб̣б̣о – ‘‘ааяасмаа ко яассад̇т̇ааяа аг̇аарасмаа анаг̇аарияам̣ баб̣б̣аж̇ид̇о, со д̇з сааман̃н̃ад̇т̇о ануббад̇д̇о. д̇ам̣ д̇вам̣ сааман̃н̃ад̇т̇ам̣ анубаабун̣ид̇ваа саавагаанам̣ д̇хаммам̣ д̣̇зсзси – ‘ид̣̇ам̣ во хид̇ааяа ид̣̇ам̣ во сукааяаа’д̇и. д̇асса д̇з саавагаа на суссуусанд̇и, на сод̇ам̣ од̣̇аханд̇и, на ан̃н̃аа жид̇д̇ам̣ убадтабзнд̇и , воггамма жа сад̇т̇усаасанаа вад̇д̇анд̇и. сзяяат̇ааби наама бураан̣ам̣ б̣анд̇ханам̣ чинд̣̇ид̇ваа ан̃н̃ам̣ навам̣ б̣анд̇ханам̣ гарзяяа, звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аами, гин̃хи баро барасса гариссад̇ий’’д̇и. аяам̣ ко, лохижжа, д̇ад̇ияо сад̇т̇аа, яо логз жод̣̇анаарахо; яо жа банзваруубам̣ сад̇т̇аарам̣ жод̣̇зд̇и, саа жод̣̇анаа бхууд̇аа д̇ажчаа д̇хаммигаа анаваж̇ж̇аа. имз ко, лохижжа, д̇аяо сад̇т̇ааро, яз логз жод̣̇анаарахаа, яо жа банзваруубз сад̇т̇ааро жод̣̇зд̇и, саа жод̣̇анаа бхууд̇аа д̇ажчаа д̇хаммигаа анаваж̇ж̇аад̇и.
515. ‘‘Puna caparaṃ, lohicca, idhekacco satthā yassatthāya agārasmā anagāriyaṃ pabbajito hoti, svāssa sāmaññattho anuppatto hoti. So taṃ sāmaññatthaṃ anupāpuṇitvā sāvakānaṃ dhammaṃ deseti – ‘‘idaṃ vo hitāya idaṃ vo sukhāyā’’ti. Tassa sāvakā na sussūsanti, na sotaṃ odahanti, na aññā cittaṃ upaṭṭhapenti, vokkamma ca satthusāsanā vattanti. So evamassa codetabbo – ‘‘āyasmā kho yassatthāya agārasmā anagāriyaṃ pabbajito, so te sāmaññattho anuppatto. Taṃ tvaṃ sāmaññatthaṃ anupāpuṇitvā sāvakānaṃ dhammaṃ desesi – ‘idaṃ vo hitāya idaṃ vo sukhāyā’ti. Tassa te sāvakā na sussūsanti, na sotaṃ odahanti, na aññā cittaṃ upaṭṭhapenti , vokkamma ca satthusāsanā vattanti. Seyyathāpi nāma purāṇaṃ bandhanaṃ chinditvā aññaṃ navaṃ bandhanaṃ kareyya, evaṃ sampadamidaṃ pāpakaṃ lobhadhammaṃ vadāmi, kiñhi paro parassa karissatī’’ti. Ayaṃ kho, lohicca, tatiyo satthā, yo loke codanāraho; yo ca panevarūpaṃ satthāraṃ codeti, sā codanā bhūtā tacchā dhammikā anavajjā. Ime kho, lohicca, tayo satthāro, ye loke codanārahā, yo ca panevarūpe satthāro codeti, sā codanā bhūtā tacchā dhammikā anavajjāti.
нажод̣̇анаарахасад̇т̇у
Nacodanārahasatthu
516. звам̣ вуд̇д̇з, лохижжо б̣раахман̣о бхаг̇аванд̇ам̣ зд̇ад̣̇авожа – ‘‘ад̇т̇и бана, бхо г̇од̇ама, гожи сад̇т̇аа, яо логз нажод̣̇анаарахо’’д̇и? ‘‘ад̇т̇и ко, лохижжа, сад̇т̇аа, яо логз нажод̣̇анаарахо’’д̇и. ‘‘гад̇амо бана со, бхо г̇од̇ама, сад̇т̇аа, яо логз нажод̣̇анаарахо’’д̇и?
516. Evaṃ vutte, lohicco brāhmaṇo bhagavantaṃ etadavoca – ‘‘atthi pana, bho gotama, koci satthā, yo loke nacodanāraho’’ti? ‘‘Atthi kho, lohicca, satthā, yo loke nacodanāraho’’ti. ‘‘Katamo pana so, bho gotama, satthā, yo loke nacodanāraho’’ti?
‘‘ид̇ха, лохижжа, д̇ат̇ааг̇ад̇о логз уббаж̇ж̇ад̇и арахам̣, саммаасамб̣уд̣̇д̇хо…бз… (яат̇аа 190-212 анужчзд̣̇зсу звам̣ вид̇т̇аарзд̇аб̣б̣ам̣). звам̣ ко, лохижжа, бхигку сийласамбанно ход̇и…бз… батамам̣ жхаанам̣ убасамбаж̇ж̇а вихарад̇и… яасмим̣ ко, лохижжа, сад̇т̇ари сааваго зваруубам̣ ул̣аарам̣ висзсам̣ ад̇хиг̇ажчад̇и, аяамби ко, лохижжа, сад̇т̇аа, яо логз нажод̣̇анаарахо . яо жа банзваруубам̣ сад̇т̇аарам̣ жод̣̇зд̇и, саа жод̣̇анаа абхууд̇аа ад̇ажчаа ад̇хаммигаа сааваж̇ж̇аа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. яасмим̣ ко, лохижжа, сад̇т̇ари сааваго зваруубам̣ ул̣аарам̣ висзсам̣ ад̇хиг̇ажчад̇и, аяамби ко, лохижжа, сад̇т̇аа, яо логз нажод̣̇анаарахо, яо жа банзваруубам̣ сад̇т̇аарам̣ жод̣̇зд̇и, саа жод̣̇анаа абхууд̇аа ад̇ажчаа ад̇хаммигаа сааваж̇ж̇аа… н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… яасмим̣ ко, лохижжа, сад̇т̇ари сааваго зваруубам̣ ул̣аарам̣ висзсам̣ ад̇хиг̇ажчад̇и, аяамби ко, лохижжа, сад̇т̇аа, яо логз нажод̣̇анаарахо, яо жа банзваруубам̣ сад̇т̇аарам̣ жод̣̇зд̇и, саа жод̣̇анаа абхууд̇аа ад̇ажчаа ад̇хаммигаа сааваж̇ж̇аа… наабарам̣ ид̇т̇ад̇д̇ааяаад̇и баж̇аанаад̇и. яасмим̣ ко, лохижжа, сад̇т̇ари сааваго зваруубам̣ ул̣аарам̣ висзсам̣ ад̇хиг̇ажчад̇и, аяамби ко, лохижжа, сад̇т̇аа, яо логз нажод̣̇анаарахо, яо жа банзваруубам̣ сад̇т̇аарам̣ жод̣̇зд̇и, саа жод̣̇анаа абхууд̇аа ад̇ажчаа ад̇хаммигаа сааваж̇ж̇аа’’д̇и.
‘‘Idha, lohicca, tathāgato loke uppajjati arahaṃ, sammāsambuddho…pe… (yathā 190-212 anucchedesu evaṃ vitthāretabbaṃ). Evaṃ kho, lohicca, bhikkhu sīlasampanno hoti…pe… paṭhamaṃ jhānaṃ upasampajja viharati… yasmiṃ kho, lohicca, satthari sāvako evarūpaṃ uḷāraṃ visesaṃ adhigacchati, ayampi kho, lohicca, satthā, yo loke nacodanāraho . Yo ca panevarūpaṃ satthāraṃ codeti, sā codanā abhūtā atacchā adhammikā sāvajjā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Yasmiṃ kho, lohicca, satthari sāvako evarūpaṃ uḷāraṃ visesaṃ adhigacchati, ayampi kho, lohicca, satthā, yo loke nacodanāraho, yo ca panevarūpaṃ satthāraṃ codeti, sā codanā abhūtā atacchā adhammikā sāvajjā… ñāṇadassanāya cittaṃ abhinīharati abhininnāmeti…pe… yasmiṃ kho, lohicca, satthari sāvako evarūpaṃ uḷāraṃ visesaṃ adhigacchati, ayampi kho, lohicca, satthā, yo loke nacodanāraho, yo ca panevarūpaṃ satthāraṃ codeti, sā codanā abhūtā atacchā adhammikā sāvajjā… nāparaṃ itthattāyāti pajānāti. Yasmiṃ kho, lohicca, satthari sāvako evarūpaṃ uḷāraṃ visesaṃ adhigacchati, ayampi kho, lohicca, satthā, yo loke nacodanāraho, yo ca panevarūpaṃ satthāraṃ codeti, sā codanā abhūtā atacchā adhammikā sāvajjā’’ti.
517. звам̣ вуд̇д̇з, лохижжо б̣раахман̣о бхаг̇аванд̇ам̣ зд̇ад̣̇авожа – ‘‘сзяяат̇ааби, бхо г̇од̇ама, бурисо бурисам̣ нарагабабаад̇ам̣ бад̇анд̇ам̣ гзсзсу г̇ахзд̇ваа уд̣̇д̇харид̇ваа т̇алз бад̇идтабзяяа, звамзваахам̣ бход̇аа г̇од̇амзна нарагабабаад̇ам̣ бабад̇анд̇о уд̣̇д̇харид̇ваа т̇алз бад̇идтаабид̇о. абхигганд̇ам̣, бхо г̇од̇ама, абхигганд̇ам̣, бхо г̇од̇ама, сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, ‘жагкуманд̇о руубаани д̣̇агканд̇ий’д̇и. звамзвам̣ бход̇аа г̇од̇амзна анзгабарияааязна д̇хаммо багаасид̇о . зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
517. Evaṃ vutte, lohicco brāhmaṇo bhagavantaṃ etadavoca – ‘‘seyyathāpi, bho gotama, puriso purisaṃ narakapapātaṃ patantaṃ kesesu gahetvā uddharitvā thale patiṭṭhapeyya, evamevāhaṃ bhotā gotamena narakapapātaṃ papatanto uddharitvā thale patiṭṭhāpito. Abhikkantaṃ, bho gotama, abhikkantaṃ, bho gotama, seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, ‘cakkhumanto rūpāni dakkhantī’ti. Evamevaṃ bhotā gotamena anekapariyāyena dhammo pakāsito . Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
лохижжасуд̇д̇ам̣ нидтид̇ам̣ д̣̇ваад̣̇асамам̣.
Lohiccasuttaṃ niṭṭhitaṃ dvādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 12. лохижжасуд̇д̇аван̣н̣анаа • 12. Lohiccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 12. лохижжасуд̇д̇аван̣н̣анаа • 12. Lohiccasuttavaṇṇanā
