| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. лохижжасуд̇д̇ам̣
9. Lohiccasuttaṃ
132. згам̣ самаяам̣ ааяасмаа махаагажжаано аванд̇ийсу вихарад̇и маггарагад̇з 1 аран̃н̃агудигааяам̣. ат̇а ко лохижжасса б̣раахман̣асса самб̣ахулаа анд̇зваасигаа гадтахаарагаа маан̣авагаа язнааяасмад̇о махаагажжаанасса аран̃н̃агудигаа д̇знубасан̇гамим̣су; убасан̇гамид̇ваа барид̇о барид̇о гудигааяа анужан̇гаманд̇и анувижаранд̇и ужжаасад̣̇д̣̇аа махаасад̣̇д̣̇аа гаанижи гаанижи сзлзяяагаани гаронд̇и 2 – ‘‘имз бана мун̣д̣агаа саман̣агаа иб̣бхаа ган̣хаа 3 б̣анд̇хубаад̣̇аабажжаа, имзсам̣ бхарад̇агаанам̣ саггад̇аа г̇аругад̇аа маанид̇аа бууж̇ид̇аа абажид̇аа’’д̇и. ат̇а ко ааяасмаа махаагажжаано вихаараа нигкамид̇ваа д̇з маан̣авагз зд̇ад̣̇авожа – ‘‘маа маан̣авагаа сад̣̇д̣̇амагад̇т̇а; д̇хаммам̣ во бхаасиссаамий’’д̇и. звам̣ вуд̇д̇з, д̇з маан̣авагаа д̇ун̣хий ахзсум̣. ат̇а ко ааяасмаа махаагажжаано д̇з маан̣авагз г̇аат̇аахи аж̇жхабхааси –
132. Ekaṃ samayaṃ āyasmā mahākaccāno avantīsu viharati makkarakate 4 araññakuṭikāyaṃ. Atha kho lohiccassa brāhmaṇassa sambahulā antevāsikā kaṭṭhahārakā māṇavakā yenāyasmato mahākaccānassa araññakuṭikā tenupasaṅkamiṃsu; upasaṅkamitvā parito parito kuṭikāya anucaṅkamanti anuvicaranti uccāsaddā mahāsaddā kānici kānici seleyyakāni karonti 5 – ‘‘ime pana muṇḍakā samaṇakā ibbhā kaṇhā 6 bandhupādāpaccā, imesaṃ bharatakānaṃ sakkatā garukatā mānitā pūjitā apacitā’’ti. Atha kho āyasmā mahākaccāno vihārā nikkhamitvā te māṇavake etadavoca – ‘‘mā māṇavakā saddamakattha; dhammaṃ vo bhāsissāmī’’ti. Evaṃ vutte, te māṇavakā tuṇhī ahesuṃ. Atha kho āyasmā mahākaccāno te māṇavake gāthāhi ajjhabhāsi –
‘‘сийлуд̇д̇амаа буб̣б̣ад̇араа ахзсум̣,
‘‘Sīluttamā pubbatarā ahesuṃ,
д̇з б̣раахман̣аа яз бураан̣ам̣ саранд̇и;
Te brāhmaṇā ye purāṇaṃ saranti;
г̇уд̇д̇аани д̣̇ваараани сурагкид̇аани,
Guttāni dvārāni surakkhitāni,
ахзсум̣ д̇зсам̣ абхибхуяяа год̇хам̣.
Ahesuṃ tesaṃ abhibhuyya kodhaṃ.
‘‘д̇хаммз жа жхаанз жа рад̇аа ахзсум̣,
‘‘Dhamme ca jhāne ca ratā ahesuṃ,
д̇з б̣раахман̣аа яз бураан̣ам̣ саранд̇и;
Te brāhmaṇā ye purāṇaṃ saranti;
имз жа воггамма ж̇абаамасзд̇и,
Ime ca vokkamma japāmaseti,
г̇од̇д̇зна мад̇д̇аа висамам̣ жаранд̇и.
Gottena mattā visamaṃ caranti.
вираж̇ж̇амаанаа сад̇ан̣хаад̇ан̣хзсу;
Virajjamānā sataṇhātaṇhesu;
аг̇уд̇д̇ад̣̇ваарасса бхаванд̇и могхаа,
Aguttadvārassa bhavanti moghā,
субинзва лад̣̇д̇хам̣ бурисасса вид̇д̇ам̣.
Supineva laddhaṃ purisassa vittaṃ.
‘‘анаасагаа т̇ан̣д̣иласааяигаа жа;
‘‘Anāsakā thaṇḍilasāyikā ca;
баад̇о синаанан̃жа д̇аяо жа взд̣̇аа.
Pāto sinānañca tayo ca vedā.
‘‘карааж̇инам̣ ж̇адаабан̇го, манд̇аа сийлаб̣б̣ад̇ам̣ д̇або;
‘‘Kharājinaṃ jaṭāpaṅko, mantā sīlabbataṃ tapo;
гуханаа ван̇гад̣̇ан̣д̣аа жа, уд̣̇агаажаманаани жа.
Kuhanā vaṅkadaṇḍā ca, udakācamanāni ca.
‘‘ван̣н̣аа зд̇з б̣раахман̣аанам̣, гад̇аа гин̃жигкабхааванаа;
‘‘Vaṇṇā ete brāhmaṇānaṃ, katā kiñcikkhabhāvanā;
жид̇д̇ан̃жа сусамаахид̇ам̣, виббасаннаманаавилам̣;
Cittañca susamāhitaṃ, vippasannamanāvilaṃ;
акилам̣ саб̣б̣абхууд̇зсу, со маг̇г̇о б̣рахмабад̇д̇ияаа’’д̇и.
Akhilaṃ sabbabhūtesu, so maggo brahmapattiyā’’ti.
ат̇а ко д̇з маан̣авагаа губид̇аа анад̇д̇аманаа язна лохижжо б̣раахман̣о д̇знубасан̇гамим̣су; убасан̇гамид̇ваа лохижжам̣ б̣раахман̣ам̣ зд̇ад̣̇авожум̣ – ‘‘яаг̇гхз! бхавам̣ ж̇аанзяяа, саман̣о махаагажжаано б̣раахман̣аанам̣ манд̇з 9 згам̣сзна абавад̣̇ад̇и, бадиггосад̇ий’’д̇и? звам̣ вуд̇д̇з, лохижжо б̣раахман̣о губид̇о ахоси анад̇д̇амано. ат̇а ко лохижжасса б̣раахман̣асса зд̇ад̣̇ахоси – ‘‘на ко бана мзд̇ам̣ бад̇ируубам̣ яохам̣ ан̃н̃ад̣̇ад̇т̇у маан̣авагаанам̣язва суд̇ваа саман̣ам̣ махаагажжаанам̣ аггосзяяам̣ 10 барибхаасзяяам̣. яам̣нуунаахам̣ убасан̇гамид̇ваа бужчзяяа’’нд̇и.
Atha kho te māṇavakā kupitā anattamanā yena lohicco brāhmaṇo tenupasaṅkamiṃsu; upasaṅkamitvā lohiccaṃ brāhmaṇaṃ etadavocuṃ – ‘‘yagghe! Bhavaṃ jāneyya, samaṇo mahākaccāno brāhmaṇānaṃ mante 11 ekaṃsena apavadati, paṭikkosatī’’ti? Evaṃ vutte, lohicco brāhmaṇo kupito ahosi anattamano. Atha kho lohiccassa brāhmaṇassa etadahosi – ‘‘na kho pana metaṃ patirūpaṃ yohaṃ aññadatthu māṇavakānaṃyeva sutvā samaṇaṃ mahākaccānaṃ akkoseyyaṃ 12 paribhāseyyaṃ. Yaṃnūnāhaṃ upasaṅkamitvā puccheyya’’nti.
ат̇а ко лохижжо б̣раахман̣о д̇зхи маан̣авагзхи сад̣̇д̇хим̣ язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко лохижжо б̣раахман̣о ааяасманд̇ам̣ махаагажжаанам̣ зд̇ад̣̇авожа – ‘‘ааг̇амам̣су ну квид̇ха, бхо гажжаана, амхаагам̣ самб̣ахулаа анд̇зваасигаа гадтахаарагаа маан̣авагаа’’д̇и? ‘‘ааг̇амам̣су квид̇ха д̇з, б̣раахман̣а, самб̣ахулаа анд̇зваасигаа гадтахаарагаа маан̣авагаа’’д̇и. ‘‘аху бана бход̇о гажжаанасса д̇зхи маан̣авагзхи сад̣̇д̇хим̣ гожид̣̇зва гат̇аасаллаабо’’д̇и? ‘‘аху ко мз, б̣раахман̣а, д̇зхи маан̣авагзхи сад̣̇д̇хим̣ гожид̣̇зва гат̇аасаллаабо’’д̇и . ‘‘яат̇аа гат̇ам̣ бана бход̇о гажжаанасса д̇зхи маан̣авагзхи сад̣̇д̇хим̣ ахоси гат̇аасаллаабо’’д̇и? ‘‘звам̣ ко мз, б̣раахман̣а, д̇зхи маан̣авагзхи сад̣̇д̇хим̣ ахоси гат̇аасаллаабо –
Atha kho lohicco brāhmaṇo tehi māṇavakehi saddhiṃ yenāyasmā mahākaccāno tenupasaṅkami; upasaṅkamitvā āyasmatā mahākaccānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho lohicco brāhmaṇo āyasmantaṃ mahākaccānaṃ etadavoca – ‘‘āgamaṃsu nu khvidha, bho kaccāna, amhākaṃ sambahulā antevāsikā kaṭṭhahārakā māṇavakā’’ti? ‘‘Āgamaṃsu khvidha te, brāhmaṇa, sambahulā antevāsikā kaṭṭhahārakā māṇavakā’’ti. ‘‘Ahu pana bhoto kaccānassa tehi māṇavakehi saddhiṃ kocideva kathāsallāpo’’ti? ‘‘Ahu kho me, brāhmaṇa, tehi māṇavakehi saddhiṃ kocideva kathāsallāpo’’ti . ‘‘Yathā kathaṃ pana bhoto kaccānassa tehi māṇavakehi saddhiṃ ahosi kathāsallāpo’’ti? ‘‘Evaṃ kho me, brāhmaṇa, tehi māṇavakehi saddhiṃ ahosi kathāsallāpo –
‘‘сийлуд̇д̇амаа буб̣б̣ад̇араа ахзсум̣,
‘‘Sīluttamā pubbatarā ahesuṃ,
д̇з б̣раахман̣аа яз бураан̣ам̣ саранд̇и;…бз…;
Te brāhmaṇā ye purāṇaṃ saranti;…Pe…;
акилам̣ саб̣б̣абхууд̇зсу,
Akhilaṃ sabbabhūtesu,
со маг̇г̇о б̣рахмабад̇д̇ияаа’’д̇и.
So maggo brahmapattiyā’’ti.
‘‘звам̣ ко мз, б̣раахман̣а, д̇зхи маан̣авагзхи сад̣̇д̇хим̣ ахоси гат̇аасаллаабо’’д̇и.
‘‘Evaṃ kho me, brāhmaṇa, tehi māṇavakehi saddhiṃ ahosi kathāsallāpo’’ti.
‘‘‘аг̇уд̇д̇ад̣̇вааро’д̇и 13 бхавам̣ гажжаано ааха. гид̇д̇аавад̇аа ну ко, бхо гажжаана, аг̇уд̇д̇ад̣̇вааро ход̇ий’’д̇и? ‘‘ид̇ха, б̣раахман̣а, згажжо жагкунаа руубам̣ д̣̇исваа бияаруубз руубз ад̇химужжад̇и, аббияаруубз руубз б̣яаабаж̇ж̇ад̇и, анубадтид̇агааяассад̇и 14 жа вихарад̇и, барид̇д̇ажзд̇асо д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа бияаруубз д̇хаммз ад̇химужжад̇и, аббияаруубз жа д̇хаммз б̣яаабаж̇ж̇ад̇и, анубадтид̇агааяассад̇и жа вихарад̇и, барид̇д̇ажзд̇асо д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ наббаж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. звам̣ ко, б̣раахман̣а, аг̇уд̇д̇ад̣̇вааро ход̇ий’’д̇и. ‘‘ажчарияам̣, бхо гажжаана; аб̣бхуд̇ам̣, бхо гажжаана! яааван̃жид̣̇ам̣ бход̇аа гажжаанзна аг̇уд̇д̇ад̣̇ваарова самаано аг̇уд̇д̇ад̣̇ваарод̇и агкаад̇о.
‘‘‘Aguttadvāro’ti 15 bhavaṃ kaccāno āha. Kittāvatā nu kho, bho kaccāna, aguttadvāro hotī’’ti? ‘‘Idha, brāhmaṇa, ekacco cakkhunā rūpaṃ disvā piyarūpe rūpe adhimuccati, appiyarūpe rūpe byāpajjati, anupaṭṭhitakāyassati 16 ca viharati, parittacetaso tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya piyarūpe dhamme adhimuccati, appiyarūpe ca dhamme byāpajjati, anupaṭṭhitakāyassati ca viharati, parittacetaso tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti. Evaṃ kho, brāhmaṇa, aguttadvāro hotī’’ti. ‘‘Acchariyaṃ, bho kaccāna; abbhutaṃ, bho kaccāna! Yāvañcidaṃ bhotā kaccānena aguttadvārova samāno aguttadvāroti akkhāto.
‘‘‘г̇уд̇д̇ад̣̇вааро’д̇и бхавам̣ гажжаано ааха. гид̇д̇аавад̇аа ну ко, бхо гажжаана, г̇уд̇д̇ад̣̇вааро ход̇ий’’д̇и? ‘‘ид̇ха, б̣раахман̣а, бхигку жагкунаа руубам̣ д̣̇исваа бияаруубз руубз наад̇химужжад̇и, аббияаруубз руубз на б̣яаабаж̇ж̇ад̇и, убадтид̇агааяассад̇и жа вихарад̇и, аббамаан̣ажзд̇асо д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа бияаруубз д̇хаммз наад̇химужжад̇и, аббияаруубз д̇хаммз на б̣яаабаж̇ж̇ад̇и, убадтид̇агааяассад̇и жа вихарад̇и, аббамаан̣ажзд̇асо д̇ан̃жа жзд̇овимуд̇д̇им̣ бан̃н̃аавимуд̇д̇им̣ яат̇аабхууд̇ам̣ баж̇аанаад̇и, яад̇т̇асса д̇з уббаннаа баабагаа агусалаа д̇хаммаа абарисзсаа нируж̇жханд̇и. звам̣ ко, б̣раахман̣а, г̇уд̇д̇ад̣̇вааро ход̇ий’’д̇и.
‘‘‘Guttadvāro’ti bhavaṃ kaccāno āha. Kittāvatā nu kho, bho kaccāna, guttadvāro hotī’’ti? ‘‘Idha, brāhmaṇa, bhikkhu cakkhunā rūpaṃ disvā piyarūpe rūpe nādhimuccati, appiyarūpe rūpe na byāpajjati, upaṭṭhitakāyassati ca viharati, appamāṇacetaso tañca cetovimuttiṃ paññāvimuttiṃ yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya piyarūpe dhamme nādhimuccati, appiyarūpe dhamme na byāpajjati, upaṭṭhitakāyassati ca viharati, appamāṇacetaso tañca cetovimuttiṃ paññāvimuttiṃ yathābhūtaṃ pajānāti, yatthassa te uppannā pāpakā akusalā dhammā aparisesā nirujjhanti. Evaṃ kho, brāhmaṇa, guttadvāro hotī’’ti.
‘‘ажчарияам̣, бхо гажжаана; аб̣бхуд̇ам̣, бхо гажжаана! яааван̃жид̣̇ам̣ бход̇аа гажжаанзна г̇уд̇д̇ад̣̇ваарова самаано г̇уд̇д̇ад̣̇ваарод̇и агкаад̇о. абхигганд̇ам̣, бхо гажжаана; абхигганд̇ам̣, бхо гажжаана! сзяяат̇ааби, бхо гажжаана, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа, жагкуманд̇о руубаани д̣̇агканд̇ийд̇и; звамзвам̣ бход̇аа гажжаанзна анзгабарияааязна д̇хаммо багаасид̇о. зсаахам̣, бхо гажжаана, д̇ам̣ бхаг̇аванд̇ам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣. яат̇аа жа бхавам̣ гажжаано маггарагад̇з убаасагагулаани убасан̇гамад̇и; звамзва лохижжагулам̣ убасан̇гамад̇у. д̇ад̇т̇а яз маан̣авагаа ваа маан̣авигаа ваа бхаванд̇ам̣ гажжаанам̣ абхиваад̣̇зссанд̇и бажжудтиссанд̇и аасанам̣ ваа уд̣̇агам̣ ваа д̣̇ассанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и. навамам̣.
‘‘Acchariyaṃ, bho kaccāna; abbhutaṃ, bho kaccāna! Yāvañcidaṃ bhotā kaccānena guttadvārova samāno guttadvāroti akkhāto. Abhikkantaṃ, bho kaccāna; abhikkantaṃ, bho kaccāna! Seyyathāpi, bho kaccāna, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya, cakkhumanto rūpāni dakkhantīti; evamevaṃ bhotā kaccānena anekapariyāyena dhammo pakāsito. Esāhaṃ, bho kaccāna, taṃ bhagavantaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gataṃ. Yathā ca bhavaṃ kaccāno makkarakate upāsakakulāni upasaṅkamati; evameva lohiccakulaṃ upasaṅkamatu. Tattha ye māṇavakā vā māṇavikā vā bhavantaṃ kaccānaṃ abhivādessanti paccuṭṭhissanti āsanaṃ vā udakaṃ vā dassanti, tesaṃ taṃ bhavissati dīgharattaṃ hitāya sukhāyā’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. лохижжасуд̇д̇аван̣н̣анаа • 9. Lohiccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. лохижжасуд̇д̇аван̣н̣анаа • 9. Lohiccasuttavaṇṇanā
