| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
12. лохижжасуд̇д̇аван̣н̣анаа
12. Lohiccasuttavaṇṇanā
лохижжаб̣раахман̣авад̇т̇уван̣н̣анаа
Lohiccabrāhmaṇavatthuvaṇṇanā
501. звам̣ мз суд̇ам̣…бз… госалзсууд̇и лохижжасуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа. саалавад̇игаад̇и д̇асса г̇аамасса наамам̣, со гира вад̇ияаа вияа саманд̇ад̇о саалабанд̇ияаа баригкид̇д̇о. д̇асмаа саалавад̇игаад̇и вужжад̇и. лохижжод̇и д̇асса б̣раахман̣асса наамам̣.
501.Evaṃme sutaṃ…pe… kosalesūti lohiccasuttaṃ. Tatrāyaṃ anuttānapadavaṇṇanā. Sālavatikāti tassa gāmassa nāmaṃ, so kira vatiyā viya samantato sālapantiyā parikkhitto. Tasmā sālavatikāti vuccati. Lohiccoti tassa brāhmaṇassa nāmaṃ.
502-503. баабаганд̇и бараанугамбаа вирахид̇ад̇д̇аа лаамагам̣, на бана ужчзд̣̇асассад̇аанам̣ ан̃н̃ад̇арам̣. уббаннам̣ ход̇ийд̇и ж̇аад̇ам̣ ход̇и, на гзвалан̃жа жид̇д̇з ж̇аад̇амад̇д̇амзва. со гира д̇асса васзна барисамаж̇жхзби звам̣ бхаасад̇иязва. гин̃хи баро барассаад̇и баро яо анусаасийяад̇и, со д̇асса анусаасагасса гим̣ гариссад̇и. ад̇д̇анаа бадилад̣̇д̇хам̣ гусалам̣ д̇хаммам̣ ад̇д̇анаава саггад̇ваа г̇арум̣ гад̇ваа вихаад̇аб̣б̣анд̇и вад̣̇ад̇и.
502-503.Pāpakanti parānukampā virahitattā lāmakaṃ, na pana ucchedasassatānaṃ aññataraṃ. Uppannaṃ hotīti jātaṃ hoti, na kevalañca citte jātamattameva. So kira tassa vasena parisamajjhepi evaṃ bhāsatiyeva. Kiñhi paro parassāti paro yo anusāsīyati, so tassa anusāsakassa kiṃ karissati. Attanā paṭiladdhaṃ kusalaṃ dhammaṃ attanāva sakkatvā garuṃ katvā vihātabbanti vadati.
504-407. росигам̣ нхаабид̇ам̣ ааманд̇зсийд̇и росигаад̇и звам̣ ид̇т̇илин̇г̇авасзна лад̣̇д̇ханаамам̣ нхаабид̇ам̣ ааманд̇зси. со гира бхаг̇авад̇о ааг̇аманам̣ суд̇ваа жинд̇зси – ‘‘вихаарам̣ г̇анд̇ваа д̣̇идтам̣ наамам̣ бхааро, г̇зхам̣ бана аан̣аабзд̇ваа бассиссаами жзва яат̇аасад̇д̇и жа ааг̇анд̇угабхигкам̣ д̣̇ассаамий’’д̇и, д̇асмаа звам̣ нхаабид̇ам̣ ааманд̇зси.
504-407.Rosikaṃ nhāpitaṃ āmantesīti rosikāti evaṃ itthiliṅgavasena laddhanāmaṃ nhāpitaṃ āmantesi. So kira bhagavato āgamanaṃ sutvā cintesi – ‘‘vihāraṃ gantvā diṭṭhaṃ nāmaṃ bhāro, gehaṃ pana āṇāpetvā passissāmi ceva yathāsatti ca āgantukabhikkhaṃ dassāmī’’ti, tasmā evaṃ nhāpitaṃ āmantesi.
508. бидтид̇о бидтид̇од̇и гат̇аапаасугад̇т̇ам̣ бажчад̇о бажчад̇о ануб̣анд̇хо ход̇и. вивзжзд̇ууд̇и виможзд̇у, д̇ам̣ д̣̇идтиг̇ад̇ам̣ винод̣̇зд̇ууд̇и вад̣̇ад̇и. аяам̣ гира убаасаго лохижжасса б̣раахман̣асса бияасахааяаго. д̇асмаа д̇асса ад̇т̇агаамад̇ааяа звамааха. аббзва наама сияаад̇и зд̇т̇а батамаважанзна бхаг̇аваа г̇аж̇ж̇ад̇и, д̣̇уд̇ияаважанзна ануг̇аж̇ж̇ад̇и. аяам̣ гирзд̇т̇а ад̇хиббааяо – росигз зд̇ад̣̇ад̇т̇амзва маяаа жад̇д̇аари асан̇кязяяаани. габбасад̇асахассан̃жа вивид̇хаани д̣̇уггараани гаронд̇зна баарамияо буурид̇аа , зд̇ад̣̇ад̇т̇амзва саб̣б̣ан̃н̃уд̇ан̃н̃аан̣ам̣ бадивид̣̇д̇хам̣, на мз лохижжасса д̣̇идтиг̇ад̇ам̣ бхинд̣̇ид̇ум̣ бхаарод̇и, имамад̇т̇ам̣ д̣̇ассзнд̇о батамаважанзна бхаг̇аваа г̇аж̇ж̇ад̇и. гзвалам̣ росигз лохижжасса мама санд̇игз ааг̇аманам̣ ваа нисаж̇ж̇аа ваа аллаабасаллаабо ваа ход̇у, сажзби лохижжасад̣̇исаанам̣ сад̇асахассасса ган̇каа ход̇и, бадиб̣ало ахам̣ винод̣̇зд̇ум̣ лохижжасса бана згасса д̣̇идтивинод̣̇анз маяхам̣ го бхаарод̇и имамад̇т̇ам̣ д̣̇ассзнд̇о д̣̇уд̇ияаважанзна бхаг̇аваа ануг̇аж̇ж̇ад̇ийд̇и взд̣̇ид̇аб̣б̣о.
508.Piṭṭhito piṭṭhitoti kathāphāsukatthaṃ pacchato pacchato anubandho hoti. Vivecetūti vimocetu, taṃ diṭṭhigataṃ vinodetūti vadati. Ayaṃ kira upāsako lohiccassa brāhmaṇassa piyasahāyako. Tasmā tassa atthakāmatāya evamāha. Appeva nāma siyāti ettha paṭhamavacanena bhagavā gajjati, dutiyavacanena anugajjati. Ayaṃ kirettha adhippāyo – rosike etadatthameva mayā cattāri asaṅkhyeyyāni. Kappasatasahassañca vividhāni dukkarāni karontena pāramiyo pūritā , etadatthameva sabbaññutaññāṇaṃ paṭividdhaṃ, na me lohiccassa diṭṭhigataṃ bhindituṃ bhāroti, imamatthaṃ dassento paṭhamavacanena bhagavā gajjati. Kevalaṃ rosike lohiccassa mama santike āgamanaṃ vā nisajjā vā allāpasallāpo vā hotu, sacepi lohiccasadisānaṃ satasahassassa kaṅkhā hoti, paṭibalo ahaṃ vinodetuṃ lohiccassa pana ekassa diṭṭhivinodane mayhaṃ ko bhāroti imamatthaṃ dassento dutiyavacanena bhagavā anugajjatīti veditabbo.
лохижжаб̣раахман̣аануяог̇аван̣н̣анаа
Lohiccabrāhmaṇānuyogavaṇṇanā
509. самуд̣̇аяасан̃ж̇аад̇ийд̇и самуд̣̇аяасса сан̃ж̇аад̇и бхог̇уббаад̣̇о, д̇ад̇о удтид̇ам̣ д̇ханад̇хан̃н̃анд̇и ад̇т̇о. яз д̇ам̣ убаж̇ийванд̇ийд̇и яз н̃аад̇ибариж̇анад̣̇аасагаммагараад̣̇аяо ж̇анаа д̇ам̣ ниссааяа ж̇ийванд̇и. анд̇арааяагарод̇и лаабханд̇арааяагаро. хид̇аанугамбийд̇и зд̇т̇а хид̇анд̇и вуд̣дхи. анугамбад̇ийд̇и анугамбий, ижчад̇ийд̇и ад̇т̇о, вуд̣дхим̣ ижчад̇и ваа но ваад̇и вуд̇д̇ам̣ ход̇и. нираяам̣ ваа д̇иражчаанаяоним̣ ваад̇и сажз саа мижчаад̣̇идти самбаж̇ж̇ад̇и, нияад̇аа ход̇и, згам̣сзна нираяз ниб̣б̣ад̇д̇ад̇и, но жз, д̇иражчаанаяонияам̣ ниб̣б̣ад̇д̇ад̇ийд̇и ад̇т̇о.
509.Samudayasañjātīti samudayassa sañjāti bhoguppādo, tato uṭṭhitaṃ dhanadhaññanti attho. Ye taṃ upajīvantīti ye ñātiparijanadāsakammakarādayo janā taṃ nissāya jīvanti. Antarāyakaroti lābhantarāyakaro. Hitānukampīti ettha hitanti vuḍḍhi. Anukampatīti anukampī, icchatīti attho, vuḍḍhiṃ icchati vā no vāti vuttaṃ hoti. Nirayaṃ vā tiracchānayoniṃ vāti sace sā micchādiṭṭhi sampajjati, niyatā hoti, ekaṃsena niraye nibbattati, no ce, tiracchānayoniyaṃ nibbattatīti attho.
510-512. ид̣̇аани яасмаа яат̇аа ад̇д̇ано лаабханд̇арааязна сад̇д̇аа сам̣виж̇ж̇анд̇и на д̇ат̇аа барзсам̣, д̇асмаа судтуд̇арам̣ б̣раахман̣ам̣ бавзжзд̇угаамо ‘‘д̇ам̣ гим̣ ман̃н̃асий’’д̇и д̣̇уд̇ияам̣ убабад̇д̇имааха. яз жимзд̇и яз жа имз д̇ат̇ааг̇ад̇асса д̇хаммад̣̇зсанам̣ суд̇ваа арияабхуумим̣ оггамид̇ум̣ асаггонд̇аа гулабуд̇д̇аа д̣̇иб̣б̣аа г̇аб̣бхаад̇и убаяог̇ад̇т̇з бажжад̇д̇аважанам̣, д̣̇иб̣б̣з г̇аб̣бхзд̇и ад̇т̇о. д̣̇иб̣б̣аа, г̇аб̣бхаад̇и жа чаннам̣ д̣̇звалогаанамзд̇ам̣ ад̇хиважанам̣. барибаажзнд̇ийд̇и д̣̇звалогаг̇ааминим̣ бадибад̣̇ам̣ буураяамаанаа д̣̇аанам̣, д̣̇ад̣̇амаанаа, сийлам̣ рагкамаанаа, г̇анд̇хамаалаад̣̇ийхи, бууж̇ам̣ гурумаанаа бхааванам̣ бхааваяамаанаа баажзнд̇и вибаажзнд̇и барибаажзнд̇и барин̣аамам̣ г̇амзнд̇и. д̣̇иб̣б̣аанам̣ бхаваанам̣ абхиниб̣б̣ад̇д̇ияаад̇и д̣̇иб̣б̣абхаваа наама д̣̇зваанам̣ вимаанаани , д̇зсам̣ ниб̣б̣ад̇д̇анад̇т̇ааяаад̇и ад̇т̇о. ат̇а ваа д̣̇иб̣б̣аа г̇аб̣бхаад̇и д̣̇аанаад̣̇аяо бун̃н̃ависзсаа. д̣̇иб̣б̣аа бхаваад̇и д̣̇звалогз вибаагагканд̇хаа, д̇зсам̣ ниб̣б̣ад̇д̇анад̇т̇ааяа д̇аани бун̃н̃аани гаронд̇ийд̇и ад̇т̇о. д̇зсам̣ анд̇арааяагарод̇и д̇зсам̣ маг̇г̇асамбад̇д̇ипаласамбад̇д̇ид̣̇иб̣б̣абхавависзсаанам̣ анд̇арааяагаро. ид̇и бхаг̇аваа зд̇д̇аавад̇аа анияамид̇знзва обаммавид̇хинаа яаава бхаваг̇г̇аа уг̇г̇ад̇ам̣ б̣раахман̣асса маанам̣ бхинд̣̇ид̇ваа ид̣̇аани жод̣̇анаарахз д̇аяо сад̇т̇аарз д̣̇ассзд̇ум̣ ‘‘д̇аяо ко мз, лохижжаа’’д̇иаад̣̇имааха.
510-512. Idāni yasmā yathā attano lābhantarāyena sattā saṃvijjanti na tathā paresaṃ, tasmā suṭṭhutaraṃ brāhmaṇaṃ pavecetukāmo ‘‘taṃ kiṃ maññasī’’ti dutiyaṃ upapattimāha. Ye cimeti ye ca ime tathāgatassa dhammadesanaṃ sutvā ariyabhūmiṃ okkamituṃ asakkontā kulaputtā dibbā gabbhāti upayogatthe paccattavacanaṃ, dibbe gabbheti attho. Dibbā, gabbhāti ca channaṃ devalokānametaṃ adhivacanaṃ. Paripācentīti devalokagāminiṃ paṭipadaṃ pūrayamānā dānaṃ, dadamānā, sīlaṃ rakkhamānā, gandhamālādīhi, pūjaṃ kurumānā bhāvanaṃ bhāvayamānā pācenti vipācenti paripācenti pariṇāmaṃ gamenti. Dibbānaṃ bhavānaṃ abhinibbattiyāti dibbabhavā nāma devānaṃ vimānāni , tesaṃ nibbattanatthāyāti attho. Atha vā dibbā gabbhāti dānādayo puññavisesā. Dibbā bhavāti devaloke vipākakkhandhā, tesaṃ nibbattanatthāya tāni puññāni karontīti attho. Tesaṃ antarāyakaroti tesaṃ maggasampattiphalasampattidibbabhavavisesānaṃ antarāyakaro. Iti bhagavā ettāvatā aniyamiteneva opammavidhinā yāva bhavaggā uggataṃ brāhmaṇassa mānaṃ bhinditvā idāni codanārahe tayo satthāre dassetuṃ ‘‘tayo kho me, lohiccā’’tiādimāha.
д̇аяо жод̣̇анаарахаван̣н̣анаа
Tayo codanārahavaṇṇanā
513. д̇ад̇т̇а саа жод̣̇анаад̇и д̇аяо сад̇т̇аарз жод̣̇знд̇асса жод̣̇анаа. на ан̃н̃аа жид̇д̇ам̣ убадтабзнд̇ийд̇и ан̃н̃ааяа ааж̇аананад̇т̇ааяа жид̇д̇ам̣ на убадтабзнд̇и. воггаммаад̇и ниранд̇арам̣ д̇асса саасанам̣ агад̇ваа д̇ад̇о уггамид̇ваа вад̇д̇анд̇ийд̇и ад̇т̇о. осагганд̇ияаа ваа уссаггзяяаад̇и бадиггаманд̇ияаа убаг̇ажчзяяа, анижчанд̇ияаа ижчзяяа, згааяа самбаяог̇ам̣ анижчанд̇ияаа зго ижчзяяаад̇и вуд̇д̇ам̣ ход̇и. бараммуким̣ ваа аалин̇г̇зяяаад̇и д̣̇адтумби анижчамаанам̣ бараммуким̣ тид̇ам̣ бажчад̇о г̇анд̇ваа аалин̇г̇зяяа. звам̣самбад̣̇амид̣̇анд̇и имассааби сад̇т̇уно ‘‘мама имз саавагаа’’д̇и саасанаа воггамма вад̇д̇амаанзби д̇з лобхзна анусаасад̇о имам̣ лобхад̇хаммам̣ звам̣самбад̣̇амзва ийд̣̇исамзва вад̣̇аами. ид̇и со зваруубо д̇ава лобхад̇хаммо язна д̇вам̣ осагганд̇ияаа уссагганд̇о вияа бараммуким̣ аалин̇г̇анд̇о вияа ахосийд̇иби д̇ам̣ жод̣̇анам̣ арахад̇и. гин̃хи баро барасса гариссад̇ийд̇и язна д̇хаммзна барз анусааси, ад̇д̇аанамзва д̇аава д̇ад̇т̇а самбаад̣̇зхи, уж̇ум̣ гарохи. гин̃хи баро барасса гариссад̇ийд̇и жод̣̇анам̣ арахад̇и.
513. Tattha sā codanāti tayo satthāre codentassa codanā. Na aññā cittaṃ upaṭṭhapentīti aññāya ājānanatthāya cittaṃ na upaṭṭhapenti. Vokkammāti nirantaraṃ tassa sāsanaṃ akatvā tato ukkamitvā vattantīti attho. Osakkantiyā vā ussakkeyyāti paṭikkamantiyā upagaccheyya, anicchantiyā iccheyya, ekāya sampayogaṃ anicchantiyā eko iccheyyāti vuttaṃ hoti. Parammukhiṃ vā āliṅgeyyāti daṭṭhumpi anicchamānaṃ parammukhiṃ ṭhitaṃ pacchato gantvā āliṅgeyya. Evaṃsampadamidanti imassāpi satthuno ‘‘mama ime sāvakā’’ti sāsanā vokkamma vattamānepi te lobhena anusāsato imaṃ lobhadhammaṃ evaṃsampadameva īdisameva vadāmi. Iti so evarūpo tava lobhadhammo yena tvaṃ osakkantiyā ussakkanto viya parammukhiṃ āliṅganto viya ahosītipi taṃ codanaṃ arahati. Kiñhi paro parassa karissatīti yena dhammena pare anusāsi, attānameva tāva tattha sampādehi, ujuṃ karohi. Kiñhi paro parassa karissatīti codanaṃ arahati.
514. нид̣̇д̣̇ааяид̇аб̣б̣анд̇и сассаруубагаани д̇ин̣аани уббаадзд̇ваа барисуд̣̇д̇хам̣ гаад̇аб̣б̣ам̣.
514.Niddāyitabbanti sassarūpakāni tiṇāni uppāṭetvā parisuddhaṃ kātabbaṃ.
515. д̇ад̇ияажод̣̇анааяа гин̃хи баро барассаад̇и анусаасанам̣ асамбадижчанагаалад̇о бадтааяа баро анусаасид̇аб̣б̣о, барасса анусаасагасса гим̣ гариссад̇ийд̇и нану д̇ад̇т̇а аббоссуггад̇ам̣ аабаж̇ж̇ид̇ваа ад̇д̇анаа бадивид̣̇д̇хад̇хаммам̣ ад̇д̇анаава маанзд̇ваа бууж̇зд̇ваа вихаад̇аб̣б̣анд̇и звам̣ жод̣̇анам̣ арахад̇ийд̇и ад̇т̇о.
515. Tatiyacodanāya kiñhi paro parassāti anusāsanaṃ asampaṭicchanakālato paṭṭhāya paro anusāsitabbo, parassa anusāsakassa kiṃ karissatīti nanu tattha appossukkataṃ āpajjitvā attanā paṭividdhadhammaṃ attanāva mānetvā pūjetvā vihātabbanti evaṃ codanaṃ arahatīti attho.
на жод̣̇анаарахасад̇т̇уван̣н̣анаа
Na codanārahasatthuvaṇṇanā
516. на жод̣̇анаараход̇и аяан̃хи яасмаа батамамзва ад̇д̇аанам̣ бад̇ируубз бад̇идтаабзд̇ваа саавагаанам̣ д̇хаммам̣ д̣̇зсзд̇и. саавагаа жасса ассаваа худ̇ваа яат̇аанусидтам̣ бадибаж̇ж̇анд̇и, д̇ааяа жа бадибад̇д̇ияаа маханд̇ам̣ висзсамад̇хиг̇ажчанд̇и. д̇асмаа на жод̣̇анаараход̇и.
516.Nacodanārahoti ayañhi yasmā paṭhamameva attānaṃ patirūpe patiṭṭhāpetvā sāvakānaṃ dhammaṃ deseti. Sāvakā cassa assavā hutvā yathānusiṭṭhaṃ paṭipajjanti, tāya ca paṭipattiyā mahantaṃ visesamadhigacchanti. Tasmā na codanārahoti.
517. нарагабабаад̇ам̣ бабад̇анд̇од̇и маяаа г̇ахид̇ааяа д̣̇идтияаа ахам̣ нарагабабаад̇ам̣ бабад̇анд̇о. уд̣̇д̇харид̇ваа т̇алз бад̇идтаабид̇од̇и д̇ам̣ д̣̇идтим̣ бхинд̣̇ид̇ваа д̇хаммад̣̇зсанаахад̇т̇зна абааяабад̇анад̇о уд̣̇д̇харид̇ваа саг̇г̇амаг̇г̇ат̇алз табид̇омхийд̇и вад̣̇ад̇и. сзсамзд̇т̇а уд̇д̇аанамзваад̇и.
517.Narakapapātaṃ papatantoti mayā gahitāya diṭṭhiyā ahaṃ narakapapātaṃ papatanto. Uddharitvāthale patiṭṭhāpitoti taṃ diṭṭhiṃ bhinditvā dhammadesanāhatthena apāyapatanato uddharitvā saggamaggathale ṭhapitomhīti vadati. Sesamettha uttānamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
лохижжасуд̇д̇аван̣н̣анаа нидтид̇аа.
Lohiccasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 12. лохижжасуд̇д̇ам̣ • 12. Lohiccasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 12. лохижжасуд̇д̇аван̣н̣анаа • 12. Lohiccasuttavaṇṇanā
