| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. лохижжасуд̇д̇аван̣н̣анаа
9. Lohiccasuttavaṇṇanā
132. навамз маггарагад̇зд̇и звам̣наамагз наг̇арз аран̃н̃агудигааяанд̇и аран̃н̃з гад̇ааяа баадиязггааяа гудияам̣, на вихаарабажжанд̇агудияам̣. маан̣авагаад̇и язби д̇ад̇т̇а махаллагаа, д̇з махаллагагаалзби анд̇зваасигад̇ааяа маан̣авагаад̇взва вуд̇д̇аа. д̇знубасан̇гамим̣сууд̇и баад̇о сиббам̣ уг̇г̇ан̣хид̇ваа сааяам̣ ‘‘аажарияасса гадтаани аахариссаамаа’’д̇и аран̃н̃ам̣ бависид̇ваа вижаранд̇аа язна саа гудигаа, д̇знубасан̇гамим̣су. барид̇о барид̇о гудигааяаад̇и д̇ассаа гудигааяа саманд̇ад̇о саманд̇ад̇о. сзлзяяагаанийд̇и ан̃н̃аман̃н̃асса бидтим̣ г̇ахзд̇ваа лан̇гхид̇ваа ид̇о жид̇о жан̇гаманагийл̣анаани.
132. Navame makkarakateti evaṃnāmake nagare araññakuṭikāyanti araññe katāya pāṭiyekkāya kuṭiyaṃ, na vihārapaccantakuṭiyaṃ. Māṇavakāti yepi tattha mahallakā, te mahallakakālepi antevāsikatāya māṇavakātveva vuttā. Tenupasaṅkamiṃsūti pāto sippaṃ uggaṇhitvā sāyaṃ ‘‘ācariyassa kaṭṭhāni āharissāmā’’ti araññaṃ pavisitvā vicarantā yena sā kuṭikā, tenupasaṅkamiṃsu. Parito parito kuṭikāyāti tassā kuṭikāya samantato samantato. Seleyyakānīti aññamaññassa piṭṭhiṃ gahetvā laṅghitvā ito cito caṅkamanakīḷanāni.
мун̣д̣агаад̇иаад̣̇ийсу мун̣д̣з мун̣д̣аад̇и, саман̣з жа саман̣аад̇и вад̇д̇ум̣ ваддзяяа, имз бана хийл̣знд̇аа ‘‘мун̣д̣агаа саман̣агаа’’д̇и аахам̣су. иб̣бхаад̇и г̇ахабад̇игаа. ган̣хаад̇и ган̣хаа, гаал̣агаад̇и ад̇т̇о. б̣анд̇хубаад̣̇аабажжаад̇и зд̇т̇а б̣анд̇хууд̇и б̣рахмаа ад̇хиббзд̇о. д̇ан̃хи б̣раахман̣аа бид̇аамаход̇и вохаранд̇и. баад̣̇аанам̣ абажжаа баад̣̇аабажжаа, б̣рахмуно бидтибаад̣̇ад̇о ж̇аад̇аад̇и ад̇хиббааяо. д̇зсам̣ гира аяам̣ лад̣̇д̇хи ‘‘б̣раахман̣аа б̣рахмуно мукад̇о нигканд̇аа, кад̇д̇ияаа урад̇о, взссаа наабхид̇о, суд̣̇д̣̇аа ж̇аан̣уд̇о, саман̣аа бидтибаад̣̇ад̇о’’д̇и. бхарад̇агаананд̇и гудимб̣игаанам̣. гудимб̣игаа хи яасмаа радтам̣ бхаранд̇и, д̇асмаа бхарад̇аад̇и вужжанд̇и. имз бана барибхавам̣ гад̇ваа вад̣̇амаанаа ‘‘бхарад̇агаана’’нд̇и аахам̣су.
Muṇḍakātiādīsu muṇḍe muṇḍāti, samaṇe ca samaṇāti vattuṃ vaṭṭeyya, ime pana hīḷentā ‘‘muṇḍakā samaṇakā’’ti āhaṃsu. Ibbhāti gahapatikā. Kaṇhāti kaṇhā, kāḷakāti attho. Bandhupādāpaccāti ettha bandhūti brahmā adhippeto. Tañhi brāhmaṇā pitāmahoti voharanti. Pādānaṃ apaccā pādāpaccā, brahmuno piṭṭhipādato jātāti adhippāyo. Tesaṃ kira ayaṃ laddhi ‘‘brāhmaṇā brahmuno mukhato nikkhantā, khattiyā urato, vessā nābhito, suddā jāṇuto, samaṇā piṭṭhipādato’’ti. Bharatakānanti kuṭimbikānaṃ. Kuṭimbikā hi yasmā raṭṭhaṃ bharanti, tasmā bharatāti vuccanti. Ime pana paribhavaṃ katvā vadamānā ‘‘bharatakāna’’nti āhaṃsu.
вихаараа нигкамид̇ваад̇и ‘‘рад̇д̇идтагаабарижчаннз раж̇ад̇абаддасаннибхасамавиббагин̣н̣аваалигз раман̣ийяз баривзн̣з гадтагалаабз б̣анд̇хид̇ваа кибамаанаа ваалигам̣ аалул̣зд̇ваа, хад̇т̇зна хад̇т̇ам̣ аад̣̇ааяа бан̣н̣агудим̣ барияааяанд̇аа ‘имз имзсам̣ бхарад̇агаанам̣ саггад̇аа, имз имзсам̣ бхарад̇агаанам̣ саггад̇аа’д̇и бунаббунам̣ вираванд̇аа ад̇ивияа имз маан̣авагаа гийл̣ам̣ гаронд̇и, вихаарз бхигкуунам̣ ад̇т̇ибхаавамби на ж̇аананд̇и, д̣̇ассзссаами нзсам̣ бхигкуунам̣ ад̇т̇ибхаава’’нд̇и жинд̇зд̇ваа бан̣н̣агудид̇о нигками.
Vihārā nikkhamitvāti ‘‘rattiṭṭhakāparicchanne rajatapaṭṭasannibhasamavippakiṇṇavālike ramaṇīye pariveṇe kaṭṭhakalāpe bandhitvā khipamānā vālikaṃ āluḷetvā, hatthena hatthaṃ ādāya paṇṇakuṭiṃ pariyāyantā ‘ime imesaṃ bharatakānaṃ sakkatā, ime imesaṃ bharatakānaṃ sakkatā’ti punappunaṃ viravantā ativiya ime māṇavakā kīḷaṃ karonti, vihāre bhikkhūnaṃ atthibhāvampi na jānanti, dassessāmi nesaṃ bhikkhūnaṃ atthibhāva’’nti cintetvā paṇṇakuṭito nikkhami.
сийлуд̇д̇амаа буб̣б̣ад̇араа ахзсунд̇и г̇ун̣аванд̇аанам̣ г̇ун̣з гат̇ид̇з ниг̇г̇ун̣аанам̣ г̇ун̣аабхааво баагадова бхависсад̇ийд̇и бораан̣агаб̣раахман̣аанам̣ г̇ун̣з гат̇знд̇о звамааха. д̇ад̇т̇а сийлуд̇д̇амаад̇и сийлаж̇здтагаа. сийлан̃хи д̇зсам̣ уд̇д̇амам̣, на ж̇аад̇иг̇од̇д̇ам̣. яз бураан̣ам̣ саранд̇ийд̇и яз бораан̣агам̣ б̣раахман̣ад̇хаммам̣ саранд̇и. абхибхуяяа год̇ханд̇и год̇хам̣ абхибхавид̇ваа д̇зсам̣ д̣̇ваараани суг̇уд̇д̇аани сурагкид̇аани ахзсум̣. д̇хаммз жа жхаанз жа рад̇аад̇и д̣̇асавид̇хз гусалагаммабат̇ад̇хаммз адтасамаабад̇д̇ижхаанзсу жа рад̇аа.
Sīluttamā pubbatarā ahesunti guṇavantānaṃ guṇe kathite nigguṇānaṃ guṇābhāvo pākaṭova bhavissatīti porāṇakabrāhmaṇānaṃ guṇe kathento evamāha. Tattha sīluttamāti sīlajeṭṭhakā. Sīlañhi tesaṃ uttamaṃ, na jātigottaṃ. Ye purāṇaṃ sarantīti ye porāṇakaṃ brāhmaṇadhammaṃ saranti. Abhibhuyya kodhanti kodhaṃ abhibhavitvā tesaṃ dvārāni suguttāni surakkhitāni ahesuṃ. Dhamme ca jhāne ca ratāti dasavidhe kusalakammapathadhamme aṭṭhasamāpattijhānesu ca ratā.
звам̣ бораан̣аанам̣ г̇ун̣ам̣ гат̇зд̇ваа ат̇зд̇арахи б̣раахман̣аанам̣ маанам̣ ниммад̣̇д̣̇знд̇о имз жа воггамма ж̇абаамасзд̇иаад̣̇имааха. д̇ад̇т̇а воггаммаад̇и зд̇зхи г̇ун̣зхи абаггамид̇ваа. ж̇абаамасзд̇и маяам̣ ж̇абаама саж̇жхааяаамаад̇и зд̇д̇агзнзва б̣раахман̣амхаад̇и ман̃н̃амаанаа б̣раахман̣аа маяанд̇и иминаа г̇од̇д̇зна мад̇д̇аа худ̇ваа висамам̣ жаранд̇и, висамаани гааяагаммаад̣̇ийни гаронд̇ийд̇и ад̇т̇о. бут̇уад̇д̇ад̣̇ан̣д̣аад̇и бут̇у ад̇д̇аа д̣̇ан̣д̣аа зд̇зхийд̇и бут̇уад̇д̇ад̣̇ан̣д̣аа, г̇ахид̇анаанаавид̇хад̣̇ан̣д̣аад̇и ад̇т̇о. сад̇ан̣хаад̇ан̣хзсууд̇и сад̇ан̣ханид̇д̇ан̣хзсу. аг̇уд̇д̇ад̣̇ваарасса бхаванд̇и могхаад̇и асам̣вуд̇ад̣̇ваарасса саб̣б̣зби вад̇асамаад̣̇аанаа могхаа бхаванд̇ийд̇и д̣̇ийбзд̇и. яат̇аа гинд̇и? субинзва лад̣̇д̇хам̣ бурисасса вид̇д̇анд̇и яат̇аа субинз бурисасса лад̣̇д̇хам̣ ман̣имуд̇д̇аад̣̇инаанаавид̇хам̣ вид̇д̇ам̣ могхам̣ ход̇и, баб̣уж̇жхид̇ваа гин̃жи на бассад̇и, звам̣ могхаа бхаванд̇ийд̇и ад̇т̇о.
Evaṃ porāṇānaṃ guṇaṃ kathetvā athetarahi brāhmaṇānaṃ mānaṃ nimmaddento ime ca vokkamma japāmasetiādimāha. Tattha vokkammāti etehi guṇehi apakkamitvā. Japāmaseti mayaṃ japāma sajjhāyāmāti ettakeneva brāhmaṇamhāti maññamānā brāhmaṇā mayanti iminā gottena mattā hutvā visamaṃ caranti, visamāni kāyakammādīni karontīti attho. Puthuattadaṇḍāti puthu attā daṇḍā etehīti puthuattadaṇḍā, gahitanānāvidhadaṇḍāti attho. Sataṇhātaṇhesūti sataṇhanittaṇhesu. Aguttadvārassa bhavanti moghāti asaṃvutadvārassa sabbepi vatasamādānā moghā bhavantīti dīpeti. Yathā kinti? Supineva laddhaṃ purisassa vittanti yathā supine purisassa laddhaṃ maṇimuttādinānāvidhaṃ vittaṃ moghaṃ hoti, pabujjhitvā kiñci na passati, evaṃ moghā bhavantīti attho.
анаасагаад̇и згаахад̣̇вийхаад̣̇ивасзна анаахаарагаа. т̇ан̣д̣иласааяигаа жаад̇и харид̇агусасант̇ад̇з бхуумибхааг̇з саяанам̣, баад̇о синаанан̃жа д̇аяо жа взд̣̇аад̇и баад̇ова уд̣̇агам̣ бависид̇ваа нхаанан̃жзва д̇аяо жа взд̣̇аа. карааж̇инам̣ ж̇адаа бан̇год̇и карасампассам̣ аж̇инажамман̃жзва ж̇адаагалаабо жа бан̇го жа, бан̇го наама д̣̇анд̇амалам̣. манд̇аа сийлаб̣б̣ад̇ам̣ д̇абод̇и манд̇аа жа аж̇асийлаг̇осийласан̇каад̇ам̣ сийлам̣ аж̇авад̇аг̇овад̇асан̇каад̇ам̣ вад̇ан̃жа. аяам̣ ид̣̇аани б̣раахман̣аанам̣ д̇абод̇и вад̣̇ад̇и. гуханаа ван̇гад̣̇ан̣д̣аа жаад̇и бадижчаннагуубо вияа бадижчаннад̣̇осам̣ гохан̃н̃ан̃жзва ван̇гад̣̇ан̣д̣о, жа уд̣̇умб̣арабалаасаб̣зл̣уваругкаанам̣ ан̃н̃ад̇арад̇о г̇ахид̇ам̣ ван̇гад̣̇ан̣д̣ан̃жаад̇и ад̇т̇о. уд̣̇агаажаманаани жаад̇и уд̣̇агзна мукабаримаж̇ж̇анаани. ван̣н̣аа зд̇з б̣раахман̣аананд̇и зд̇з б̣раахман̣аанам̣ баригкаарабхан̣д̣агаван̣н̣аад̇и д̣̇ассзд̇и. гад̇а гин̃жигкабхааванаад̇и гад̇аа гин̃жигкабхааванаа. аяамзва ваа баато, аамисагин̃жигкасса вад̣дханад̇т̇ааяа гад̇анд̇и ад̇т̇о.
Anāsakāti ekāhadvīhādivasena anāhārakā. Thaṇḍilasāyikā cāti haritakusasanthate bhūmibhāge sayanaṃ, pāto sinānañcatayo ca vedāti pātova udakaṃ pavisitvā nhānañceva tayo ca vedā. Kharājinaṃ jaṭā paṅkoti kharasamphassaṃ ajinacammañceva jaṭākalāpo ca paṅko ca, paṅko nāma dantamalaṃ. Mantā sīlabbataṃ tapoti mantā ca ajasīlagosīlasaṅkhātaṃ sīlaṃ ajavatagovatasaṅkhātaṃ vatañca. Ayaṃ idāni brāhmaṇānaṃ tapoti vadati. Kuhanā vaṅkadaṇḍā cāti paṭicchannakūpo viya paṭicchannadosaṃ kohaññañceva vaṅkadaṇḍo, ca udumbarapalāsabeḷuvarukkhānaṃ aññatarato gahitaṃ vaṅkadaṇḍañcāti attho. Udakācamanāni cāti udakena mukhaparimajjanāni. Vaṇṇā ete brāhmaṇānanti ete brāhmaṇānaṃ parikkhārabhaṇḍakavaṇṇāti dasseti. Kata kiñcikkhabhāvanāti katā kiñcikkhabhāvanā. Ayameva vā pāṭho, āmisakiñcikkhassa vaḍḍhanatthāya katanti attho.
звам̣ зд̇арахи б̣раахман̣аанам̣ маанам̣ ниммад̣̇д̣̇ид̇ваа буна бораан̣агаб̣раахман̣аанам̣ ван̣н̣ам̣ гат̇знд̇о жид̇д̇ан̃жа сусамаахид̇анд̇иаад̣̇имааха. д̇ад̇т̇а сусамаахид̇анд̇и д̇зсам̣ б̣раахман̣аанам̣ жид̇д̇ам̣ убажаараббанаасамаад̇хийхи сусамаахид̇ам̣ ахосийд̇и д̣̇ассзд̇и. акиланд̇и муд̣̇у ат̇ад̣̇д̇хам̣. со маг̇г̇о б̣рахмабад̇д̇ияаад̇и со сздтабад̇д̇ияаа маг̇г̇о, д̇умхз бана гим̣ б̣раахман̣аа наамаад̇и д̣̇ийбзнд̇о звамааха.
Evaṃ etarahi brāhmaṇānaṃ mānaṃ nimmadditvā puna porāṇakabrāhmaṇānaṃ vaṇṇaṃ kathento cittañca susamāhitantiādimāha. Tattha susamāhitanti tesaṃ brāhmaṇānaṃ cittaṃ upacārappanāsamādhīhi susamāhitaṃ ahosīti dasseti. Akhilanti mudu athaddhaṃ. So maggo brahmapattiyāti so seṭṭhapattiyā maggo, tumhe pana kiṃ brāhmaṇā nāmāti dīpento evamāha.
ааг̇амам̣су ну квид̇хаад̇и ааг̇амам̣су ну ко ид̇ха. ад̇химужжад̇ийд̇и гилзсавасзна ад̇химуд̇д̇о г̇ид̣̇д̇хо ход̇и. б̣яаабаж̇ж̇ад̇ийд̇и б̣яаабаад̣̇авасзна бууд̇ижид̇д̇ам̣ ход̇и. барид̇д̇ажзд̇асод̇и анубадтид̇асад̇ид̇ааяа сам̣гилзсажид̇д̇зна барид̇д̇ажид̇д̇о. жзд̇овимуд̇д̇инд̇и паласамаад̇хим̣. бан̃н̃аавимуд̇д̇инд̇и палабан̃н̃ам̣. аббамаан̣ажзд̇асод̇и убадтид̇асад̇ид̇ааяа ниггилзсажид̇д̇зна аббамаан̣ажид̇д̇о.
Āgamaṃsu nu khvidhāti āgamaṃsu nu kho idha. Adhimuccatīti kilesavasena adhimutto giddho hoti. Byāpajjatīti byāpādavasena pūticittaṃ hoti. Parittacetasoti anupaṭṭhitasatitāya saṃkilesacittena parittacitto. Cetovimuttinti phalasamādhiṃ. Paññāvimuttinti phalapaññaṃ. Appamāṇacetasoti upaṭṭhitasatitāya nikkilesacittena appamāṇacitto.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. лохижжасуд̇д̇ам̣ • 9. Lohiccasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. лохижжасуд̇д̇аван̣н̣анаа • 9. Lohiccasuttavaṇṇanā
