| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
12. лохижжасуд̇д̇аван̣н̣анаа
12. Lohiccasuttavaṇṇanā
лохижжаб̣раахман̣авад̇т̇уван̣н̣анаа
Lohiccabrāhmaṇavatthuvaṇṇanā
501. саалавад̇игаад̇и ид̇т̇илин̇г̇авасзна д̇асса г̇аамасса наамам̣. г̇ааман̣игаабхаавзнаад̇и гзжи. лохид̇о наама д̇асса гулз буб̣б̣абурисо, д̇асса васзна лохижжод̇и д̇асса б̣раахман̣асса г̇од̇д̇ад̇о ааг̇ад̇ам̣ наамам̣.
501.Sālavatikāti itthiliṅgavasena tassa gāmassa nāmaṃ. Gāmaṇikābhāvenāti keci. Lohito nāma tassa kule pubbapuriso, tassa vasena lohiccoti tassa brāhmaṇassa gottato āgataṃ nāmaṃ.
502. ‘‘д̣̇идтиг̇ад̇а’’нд̇и лад̣̇д̇химад̇д̇ам̣ ад̇хиббзд̇анд̇и ааха ‘‘на бана ужчзд̣̇асассад̇аанам̣ ан̃н̃ад̇ара’’нд̇и. на хи ужчзд̣̇асассад̇аг̇аахавинимуд̇д̇о гожи д̣̇идтиг̇аахо ад̇т̇и. ‘‘бхаасад̇и язваа’’д̇и д̇ассаа лад̣̇д̇хияаа логз баагадабхаавам̣ д̣̇ассзд̇и. ад̇д̇ад̇о ан̃н̃о барод̇и яат̇аа анусаасагад̇о анусаасид̇аб̣б̣о баро, звам̣ анусаасид̇аб̣б̣ад̇оби анусаасаго барод̇и вуд̇д̇ам̣ ‘‘баро барассаад̇и баро яо’’д̇иаад̣̇и. гим̣-сад̣̇д̣̇аабзгкааяа жзд̇т̇а ‘‘гариссад̇ий’’д̇и анааг̇ад̇агаалаважанам̣, анааг̇ад̇зби ваа д̇зна д̇асса гаад̇аб̣б̣ам̣ над̇т̇ийд̇и д̣̇ассанад̇т̇ам̣. гусалам̣ д̇хамманд̇и анаваж̇ж̇ад̇хаммам̣ ниггилзсад̇хаммам̣ вимогкад̇хамманд̇и ад̇т̇о. ‘‘барзсам̣ д̇хаммам̣ гат̇зссаамий’’д̇и д̇зхи ад̇д̇аанам̣ бариваараабзд̇ваа вижаран̣ам̣ гим̣ ад̇т̇ияам̣ аасаяаб̣уд̣̇д̇хассааби анурод̇хзна винаа д̇ам̣ на ход̇ийд̇и д̇асмаа ад̇д̇анаа бадилад̣̇д̇хам̣…бз… вихаад̇аб̣б̣анд̇и вад̣̇ад̇и. д̇знааха ‘‘звам̣ самбад̣̇амид̣̇ам̣ баабагам̣ лобхад̇хаммам̣ вад̣̇аамий’’д̇и.
502. ‘‘Diṭṭhigata’’nti laddhimattaṃ adhippetanti āha ‘‘na pana ucchedasassatānaṃ aññatara’’nti. Na hi ucchedasassatagāhavinimutto koci diṭṭhigāho atthi. ‘‘Bhāsati yevā’’ti tassā laddhiyā loke pākaṭabhāvaṃ dasseti. Attato añño paroti yathā anusāsakato anusāsitabbo paro, evaṃ anusāsitabbatopi anusāsako paroti vuttaṃ ‘‘paro parassāti paro yo’’tiādi. Kiṃ-saddāpekkhāya cettha ‘‘karissatī’’ti anāgatakālavacanaṃ, anāgatepi vā tena tassa kātabbaṃ natthīti dassanatthaṃ. Kusalaṃ dhammanti anavajjadhammaṃ nikkilesadhammaṃ vimokkhadhammanti attho. ‘‘Paresaṃ dhammaṃ kathessāmī’’ti tehi attānaṃ parivārāpetvā vicaraṇaṃ kiṃ atthiyaṃ āsayabuddhassāpi anurodhena vinā taṃ na hotīti tasmā attanā paṭiladdhaṃ…pe… vihātabbanti vadati. Tenāha ‘‘evaṃ sampadamidaṃ pāpakaṃ lobhadhammaṃ vadāmī’’ti.
504. сод̇и лохижжо б̣раахман̣о.
504.Soti lohicco brāhmaṇo.
508. гат̇аапаасугад̇т̇анд̇и гат̇аасукад̇т̇ам̣, сукзна гат̇ам̣ гат̇зд̇ун̃жзва сод̇ун̃жаад̇и ад̇т̇о. аббзва наама сияаад̇и зд̇т̇а бийд̇ивасзна аамзд̣ид̇ам̣ д̣̇адтаб̣б̣ам̣. д̇ат̇аа хи д̇ам̣ ‘‘б̣уд̣̇д̇хаг̇аж̇ж̇ид̇а’’нд̇и вужжад̇и . бхаг̇аваа хи ийд̣̇исзсу таанзсу висзсад̇о бийд̇исоманассаж̇аад̇о ход̇и. д̇знааха ‘‘аяам̣ гирзд̇т̇а ад̇хиббааяо’’д̇иаад̣̇и.
508.Kathāphāsukatthanti kathāsukhatthaṃ, sukhena kathaṃ kathetuñceva sotuñcāti attho. Appeva nāma siyāti ettha pītivasena āmeḍitaṃ daṭṭhabbaṃ. Tathā hi taṃ ‘‘buddhagajjita’’nti vuccati . Bhagavā hi īdisesu ṭhānesu visesato pītisomanassajāto hoti. Tenāha ‘‘ayaṃ kirettha adhippāyo’’tiādi.
лохижжаб̣раахман̣аануяог̇аван̣н̣анаа
Lohiccabrāhmaṇānuyogavaṇṇanā
509. самуд̣̇аяасан̃ж̇аад̇ийд̇и ааяуббаад̣̇о. анубуб̣б̣о гамбий-сад̣̇д̣̇о ааган̇канад̇т̇о ход̇ийд̇и ‘‘ижчад̇ийд̇и ад̇т̇о’’д̇и вуд̇д̇ам̣. саад̇исаязна ваа хид̇зна анугамбаго ануг̇г̇ан̣ханаго хид̇аанугамбий. самбаж̇ж̇ад̇ийд̇и аасзваналаабхзна ниббаж̇ж̇ад̇и б̣алавад̇ий ход̇и, аваг̇г̇ахаад̇и ад̇т̇о, д̇знааха ‘‘нияад̇аа ход̇ий’’д̇и. нираяз ниб̣б̣ад̇д̇ад̇и мижчаад̣̇идтиго.
509.Samudayasañjātīti āyuppādo. Anupubbo kampī-saddo ākaṅkhanattho hotīti ‘‘icchatīti attho’’ti vuttaṃ. Sātisayena vā hitena anukampako anuggaṇhanako hitānukampī. Sampajjatīti āsevanalābhena nippajjati balavatī hoti, avaggahāti attho, tenāha ‘‘niyatā hotī’’ti. Niraye nibbattati micchādiṭṭhiko.
510-11. д̣̇уд̇ияам̣ убабад̇д̇инд̇и ‘‘нану рааж̇аа басзнад̣̇ий госало’’д̇иаад̣̇инаа д̣̇уд̇ияам̣ убабад̇д̇им̣ саад̇ханаяуд̇д̇им̣. гааран̣ан̃хи бхаг̇аваа убамаамукзна д̣̇ассзд̇и. яз жимзд̇и яз жа имз гулабуд̇д̇аа д̣̇иб̣б̣аа г̇аб̣бхаа барибаажзнд̇ийд̇и яож̇анаа. асаггун̣анд̇аа убаниссаяасамбад̇д̇ияаа, н̃аан̣абарибаагасса ваа абхаавзна. яз бана ‘‘барибажжанд̇ий’’д̇и батанд̇и, д̇зсам̣ ‘‘д̣̇иб̣б̣з г̇аб̣бхз’’д̇и важанавибаллаасзна баяож̇анам̣ над̇т̇и. ад̇т̇о жа д̣̇уд̇ияавигаббз вуд̇д̇анаязна взд̣̇ид̇аб̣б̣о. ахид̇аанугамбид̇аа жа д̇ам̣саман̇г̇исад̇д̇авасзна. д̣̇иви бхаваад̇и д̣̇иб̣б̣аа. г̇аб̣бхзнд̇и барибажжанавасзна санд̇аанам̣ баб̣анд̇хзнд̇ийд̇и г̇аб̣бхаа. ‘‘чаннам̣ д̣̇звалогаана’’нд̇и нид̣̇ассанаважанамзд̇ам̣. б̣рахмалогассааби хи д̣̇иб̣б̣аг̇аб̣бхабхааво лаб̣бхад̇зва д̣̇иб̣б̣авихаарахзд̇угад̇д̇аа. зван̃жа гад̇ваа ‘‘бхааванам̣ бхааваяамаанаа’’д̇и ид̣̇амби важанам̣ самад̇т̇ид̇ам̣ ход̇и. бхаванд̇и зд̇т̇а яат̇ааружи сукасамаббид̇аад̇и бхаваа, вимаанаани. д̣̇звабхааваавахад̇д̇аа д̣̇иб̣б̣аа. вуд̇д̇анаязнзва г̇аб̣бхаа. д̣̇аанаад̣̇аяо д̣̇звалогасам̣вад̇д̇анияабун̃н̃ависзсаа. д̣̇иб̣б̣аа бхаваад̇и д̣̇звалогабарияаабаннаа убабад̇д̇ибхаваа. д̇ад̣̇аавахо хи гаммабхаво буб̣б̣з г̇ахид̇о.
510-11.Dutiyaṃ upapattinti ‘‘nanu rājā pasenadī kosalo’’tiādinā dutiyaṃ upapattiṃ sādhanayuttiṃ. Kāraṇañhi bhagavā upamāmukhena dasseti. Ye cimeti ye ca ime kulaputtā dibbā gabbhā paripācentīti yojanā. Asakkuṇantā upanissayasampattiyā, ñāṇaparipākassa vā abhāvena. Ye pana ‘‘paripaccantī’’ti paṭhanti, tesaṃ ‘‘dibbe gabbhe’’ti vacanavipallāsena payojanaṃ natthi. Attho ca dutiyavikappe vuttanayena veditabbo. Ahitānukampitā ca taṃsamaṅgisattavasena. Divi bhavāti dibbā. Gabbhenti paripaccanavasena santānaṃ pabandhentīti gabbhā. ‘‘Channaṃ devalokāna’’nti nidassanavacanametaṃ. Brahmalokassāpi hi dibbagabbhabhāvo labbhateva dibbavihārahetukattā. Evañca katvā ‘‘bhāvanaṃ bhāvayamānā’’ti idampi vacanaṃ samatthitaṃ hoti. Bhavanti ettha yathāruci sukhasamappitāti bhavā, vimānāni. Devabhāvāvahattā dibbā. Vuttanayeneva gabbhā. Dānādayo devalokasaṃvattaniyapuññavisesā.Dibbā bhavāti devalokapariyāpannā upapattibhavā. Tadāvaho hi kammabhavo pubbe gahito.
д̇аяожод̣̇анаарахаван̣н̣анаа
Tayocodanārahavaṇṇanā
513. анияамид̇знзваад̇и анияамзнзва ‘‘д̇вам̣ звам̣д̣̇идтиго звам̣ сад̇д̇аанам̣ анад̇т̇асса гаараго’’д̇и звам̣ ануд̣̇д̣̇зсигзнзва . маананд̇и ‘‘ахамзд̇ам̣ ж̇аанаами, ахамзд̇ам̣ бассаамий’’д̇и звам̣ бан̣д̣ид̇амаанам̣. бхинд̣̇ид̇ваад̇и вид̇хамзд̇ваа, ж̇ахаабзд̇ваад̇и ад̇т̇о. д̇аяо сад̇т̇аарзд̇и асамбаад̣̇ид̇аад̇д̇ахид̇о ановаад̣̇агарасааваго, асамбаад̣̇ид̇аад̇д̇ахид̇о оваад̣̇агарасааваго, самбаад̣̇ид̇аад̇д̇ахид̇о ановаад̣̇агарасаавагод̇и имз д̇аяо сад̇т̇аарз. жад̇уд̇т̇о бана саммаасамб̣уд̣̇д̇хо на жод̣̇анаарахо ход̇ийд̇и ‘‘д̇зна бужчид̇з зва гат̇зссаамий’’д̇и жод̣̇анаарахз д̇аяо сад̇т̇аарз батамам̣ д̣̇ассзси , бажчаа жад̇уд̇т̇ам̣сад̇т̇аарам̣. гааман̃жзд̇т̇а жад̇уд̇т̇о сад̇т̇аа зго ад̣̇уд̇ияо анан̃н̃асаад̇хааран̣о, д̇ат̇ааби со язсам̣ уд̇д̇аримануссад̇хаммаанам̣ васзна ‘‘д̇хаммамаяо гааяо’’д̇и вужжад̇и, д̇зсам̣ самуд̣̇ааяабхууд̇оби д̇з г̇ун̣ааваяавз сад̇т̇удтаанияз гад̇ваа д̣̇ассзнд̇о бхаг̇аваа ‘‘аяамби ко, лохижжа, сад̇т̇аа’’д̇и абхааси.
513.Aniyamitenevāti aniyameneva ‘‘tvaṃ evaṃdiṭṭhiko evaṃ sattānaṃ anatthassa kārako’’ti evaṃ anuddesikeneva . Mānanti ‘‘ahametaṃ jānāmi, ahametaṃ passāmī’’ti evaṃ paṇḍitamānaṃ. Bhinditvāti vidhametvā, jahāpetvāti attho. Tayo satthāreti asampāditaattahito anovādakarasāvako, asampāditaattahito ovādakarasāvako, sampāditaattahito anovādakarasāvakoti ime tayo satthāre. Catuttho pana sammāsambuddho na codanāraho hotīti ‘‘tena pucchite eva kathessāmī’’ti codanārahe tayo satthāre paṭhamaṃ dassesi , pacchā catutthaṃsatthāraṃ. Kāmañcettha catuttho satthā eko adutiyo anaññasādhāraṇo, tathāpi so yesaṃ uttarimanussadhammānaṃ vasena ‘‘dhammamayo kāyo’’ti vuccati, tesaṃ samudāyabhūtopi te guṇāvayave satthuṭṭhāniye katvā dassento bhagavā ‘‘ayampi kho, lohicca, satthā’’ti abhāsi.
ан̃н̃аад̇и яа-гааралобзна нид̣̇д̣̇зсо ‘‘саяам̣ абхин̃н̃аа’’д̇и аад̣̇ийсу (д̣̇ий. ни. 1.28, 37, 52; ма. ни. 1.284; 2.341; а. ни. 2.5; 10.11; махаава. 11; д̇ха. ба. 353; гат̇аа. 405) вияа. ан̃н̃ааяаад̇и жа д̇ад̣̇ад̇т̇ияз самбад̣̇аанаважананд̇и ааха ‘‘ааж̇аананад̇т̇ааяаа’’д̇и. саавагад̇д̇ам̣ бадиж̇аанид̇ваа тид̇ад̇д̇аа згад̣̇зсзнасса саасанам̣ гаронд̇ийд̇и ааха ‘‘ниранд̇арам̣ д̇асса саасанам̣ агад̇ваа’’д̇и. уггамид̇ваа вад̇д̇анд̇ийд̇и яат̇ижчид̇ам̣ гаронд̇ийд̇и ад̇т̇о. бадиггаманд̇ияаад̇и анабхирад̇ияаа аг̇ааравзна абаг̇ажчанд̇ияаа, д̇знааха ‘‘анижчанд̇ияаа’’д̇иаад̣̇и. згааяаад̇и згааяа ид̇т̇ияаа. зго ижчзяяаад̇и зго бурисо д̇ааяа анижчанд̇ияаа самбаяог̇ам̣ гаамзяяа. осагганаад̣̇имукзна ид̇т̇ибурисасамб̣анд̇ханид̣̇ассанам̣ г̇зхасид̇аабзгкаавасзна д̇асса сад̇т̇уно саавагзсу бадибад̇д̇ийд̇и д̣̇ассзд̇и. ад̇ивияа вирад̇д̇абхаавад̇о д̣̇адтумби анижчамаанам̣. лобхзнаад̇и баривааравасзна уббаж̇ж̇анагалаабхасаггааралобхзна. д̇ад̇т̇а самбаад̣̇зхийд̇и д̇асмим̣ бадибад̇д̇ид̇хаммз бад̇идтид̇ам̣ гад̇ваа самбаад̣̇зхи. уж̇ум̣ гарохи гааяаван̇гаад̣̇ивиг̇амзна.
Aññāti ya-kāralopena niddeso ‘‘sayaṃ abhiññā’’ti ādīsu (dī. ni. 1.28, 37, 52; ma. ni. 1.284; 2.341; a. ni. 2.5; 10.11; mahāva. 11; dha. pa. 353; kathā. 405) viya. Aññāyāti ca tadatthiye sampadānavacananti āha ‘‘ājānanatthāyā’’ti. Sāvakattaṃ paṭijānitvā ṭhitattā ekadesenassa sāsanaṃ karontīti āha ‘‘nirantaraṃ tassa sāsanaṃ akatvā’’ti. Ukkamitvā vattantīti yathicchitaṃ karontīti attho. Paṭikkamantiyāti anabhiratiyā agāravena apagacchantiyā, tenāha ‘‘anicchantiyā’’tiādi. Ekāyāti ekāya itthiyā. Eko iccheyyāti eko puriso tāya anicchantiyā sampayogaṃ kāmeyya. Osakkanādimukhena itthipurisasambandhanidassanaṃ gehasitaapekkhāvasena tassa satthuno sāvakesu paṭipattīti dasseti. Ativiya virattabhāvato daṭṭhumpi anicchamānaṃ. Lobhenāti parivāravasena uppajjanakalābhasakkāralobhena. Tattha sampādehīti tasmiṃ paṭipattidhamme patiṭṭhitaṃ katvā sampādehi. Ujuṃ karohi kāyavaṅkādivigamena.
515. звам̣ жод̣̇анам̣ арахад̇ийд̇и звам̣ вуд̇д̇анаязна саавагзсу аббоссуггабхааваабаад̣̇анз нияож̇анавасзна жод̣̇анам̣ арахад̇и, на батамо вияа ‘‘зваруубо д̇ава лобхад̇хаммо’’д̇иаад̣̇инаа, на жа д̣̇уд̇ияо вияа ‘‘ад̇д̇аанамзва д̇аава д̇ад̇т̇а самбаад̣̇зхий’’д̇иаад̣̇инаа. гасмаа? самбаад̣̇ид̇аад̇д̇ахид̇ад̇ааяа д̇ад̇ияасса.
515.Evaṃ codanaṃ arahatīti evaṃ vuttanayena sāvakesu appossukkabhāvāpādane niyojanavasena codanaṃ arahati, na paṭhamo viya ‘‘evarūpo tava lobhadhammo’’tiādinā, na ca dutiyo viya ‘‘attānameva tāva tattha sampādehī’’tiādinā. Kasmā? Sampāditaattahitatāya tatiyassa.
нажод̣̇анаарахасад̇т̇уван̣н̣анаа
Nacodanārahasatthuvaṇṇanā
516. ‘‘на жод̣̇анаарахо’’д̇и зд̇т̇а яасмаа жод̣̇анаарахад̇аа наама сад̇т̇увиббадибад̇д̇ияаа ваа саавагавиббадибад̇д̇ияаа ваа убхаяавиббадибад̇д̇ияаа ваа, д̇аяид̣̇ам̣ саб̣б̣амби имасмим̣ сад̇т̇ари над̇т̇и, д̇асмаа на жод̣̇анаараход̇и имамад̇т̇ам̣ д̣̇ассзд̇ум̣ ‘‘аяан̃хий’’д̇иаад̣̇и вуд̇д̇ам̣.
516. ‘‘Na codanāraho’’ti ettha yasmā codanārahatā nāma satthuvippaṭipattiyā vā sāvakavippaṭipattiyā vā ubhayavippaṭipattiyā vā, tayidaṃ sabbampi imasmiṃ satthari natthi, tasmā na codanārahoti imamatthaṃ dassetuṃ ‘‘ayañhī’’tiādi vuttaṃ.
517. маяаа г̇ахид̇ааяа д̣̇идтияаад̇и саб̣б̣асо анаваж̇ж̇з саммаабадибаннз барзсам̣ саммад̣̇зва саммаабадибад̇д̇им̣ д̣̇зссзнд̇з сад̇т̇ари абхууд̇ад̣̇осааробанавасзна мижчааг̇ахид̇ааяа нираяаг̇ааминияаа баабад̣̇идтияаа . нарагабабаад̇анд̇и нарагасан̇каад̇ам̣ махаабабаад̇ам̣. бабад̇анд̇и д̇ад̇т̇аад̇и хи бабаад̇о. саг̇г̇амаг̇г̇ат̇алзд̇и саг̇г̇аг̇аамимаг̇г̇абхууд̇з бун̃н̃ад̇хаммат̇алз. сзсам̣ сувин̃н̃зяяамзва.
517.Mayāgahitāya diṭṭhiyāti sabbaso anavajje sammāpaṭipanne paresaṃ sammadeva sammāpaṭipattiṃ dessente satthari abhūtadosāropanavasena micchāgahitāya nirayagāminiyā pāpadiṭṭhiyā . Narakapapātanti narakasaṅkhātaṃ mahāpapātaṃ. Papatanti tatthāti hi papāto. Saggamaggathaleti saggagāmimaggabhūte puññadhammathale. Sesaṃ suviññeyyameva.
лохижжасуд̇д̇аван̣н̣анааяа лийнад̇т̇аббагаасанаа.
Lohiccasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 12. лохижжасуд̇д̇ам̣ • 12. Lohiccasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 12. лохижжасуд̇д̇аван̣н̣анаа • 12. Lohiccasuttavaṇṇanā
