| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. лохижжасуд̇д̇аван̣н̣анаа
9. Lohiccasuttavaṇṇanā
132. д̇зби маан̣авагаад̇взва вуд̇д̇аа, на б̣раахман̣агумаараа зва. сзлзяяагаанийд̇и ан̃н̃аман̃н̃ам̣ силиссаналан̇гханагийл̣анаани.
132.Tepi māṇavakātveva vuttā, na brāhmaṇakumārā eva. Seleyyakānīti aññamaññaṃ silissanalaṅghanakīḷanāni.
убадтаанавасзна ибхам̣ харанд̇ийд̇и иб̣бхаа, хад̇т̇иг̇обагаа. д̇з бана нихийнагудумб̣асса бхог̇г̇ам̣ убаад̣̇ааяа г̇ахабад̇ибхаавам̣ убаад̣̇ааяа ‘‘г̇ахабад̇игаа’’д̇иби вужжанд̇ийд̇и ааха ‘‘г̇ахабад̇игаа’’д̇и. ган̣хаад̇и ган̣хаабхиж̇аад̇игаа. радтам̣ бхаранд̇ийд̇и яасмим̣ радтз васанд̇и, д̇асса радтасса б̣алим̣ бхаран̣зна, ад̇д̇ано ваа гудумб̣асса бхаран̣зна бхарад̇аа. барияааяанд̇аад̇и барид̇о сам̣жаранд̇аа гийл̣анд̇и.
Upaṭṭhānavasena ibhaṃ harantīti ibbhā, hatthigopakā. Te pana nihīnakuṭumbassa bhoggaṃ upādāya gahapatibhāvaṃ upādāya ‘‘gahapatikā’’tipi vuccantīti āha ‘‘gahapatikā’’ti. Kaṇhāti kaṇhābhijātikā. Raṭṭhaṃ bharantīti yasmiṃ raṭṭhe vasanti, tassa raṭṭhassa baliṃ bharaṇena, attano vā kuṭumbassa bharaṇena bharatā. Pariyāyantāti parito saṃcarantā kīḷanti.
сийлаж̇здтагаад̇и сийлаббад̇хаанаа. яз бураан̣ам̣ саранд̇и, д̇з сийлуд̇д̇амаа ахзсум̣. д̣̇ваараани жагкаад̣̇ид̣̇ваараани.
Sīlajeṭṭhakāti sīlappadhānā. Ye purāṇaṃ saranti, te sīluttamā ahesuṃ. Dvārāni cakkhādidvārāni.
абаггамид̇ваа абзд̇аа вирахид̇аа худ̇ваа. висамаанийд̇и виг̇ад̇асамаани д̣̇ужжарид̇асабхааваани. наанаавид̇хад̣̇ан̣д̣аа наанаавид̇хад̣̇ан̣д̣анибаад̇аа.
Apakkamitvā apetā virahitā hutvā. Visamānīti vigatasamāni duccaritasabhāvāni. Nānāvidhadaṇḍā nānāvidhadaṇḍanipātā.
анаахаарагаад̇и гин̃жи абхун̃ж̇анагаа. бан̇го вияа бан̇го, малам̣. д̣̇анд̇абан̇го буримабад̣̇алобзна бан̇год̇и вуд̇д̇од̇и ‘‘бан̇го наама д̣̇анд̇амала’’нд̇и вуд̇д̇ам̣. аж̇зхи гаад̇аб̣б̣агаанам̣ агобзд̇ваа гаран̣ам̣ самаад̣̇аанавасзна вад̇ам̣. зса наяо сзсзсуби. гохан̃н̃ам̣ наама ад̇д̇ани виж̇ж̇амаанад̣̇осам̣ бадижчаад̣̇зд̇ваа асанд̇аг̇ун̣абагаасанаад̇и ааха – ‘‘бадижчанна…бз… гохан̃н̃ан̃жзваа’’д̇и. баригкаарабхан̣д̣агаван̣н̣аад̇и баригкаарабхан̣д̣аа габбагаад̇и. д̇з жа ко ад̇д̇ано ж̇ийвигад̇т̇ааяа аамисагин̃ж̇агкасса ад̇д̇аниб̣анд̇ханад̇т̇ааяа аможанад̇т̇ааяа гад̇аа.
Anāhārakāti kiñci abhuñjanakā. Paṅko viya paṅko, malaṃ. Dantapaṅko purimapadalopena paṅkoti vuttoti ‘‘paṅko nāma dantamala’’nti vuttaṃ. Ajehi kātabbakānaṃ akopetvā karaṇaṃ samādānavasena vataṃ. Esa nayo sesesupi. Kohaññaṃ nāma attani vijjamānadosaṃ paṭicchādetvā asantaguṇapakāsanāti āha – ‘‘paṭicchanna…pe… kohaññañcevā’’ti. Parikkhārabhaṇḍakavaṇṇāti parikkhārabhaṇḍā kappakāti. Te ca kho attano jīvikatthāya āmisakiñjakkhassa attanibandhanatthāya amocanatthāya katā.
акиланд̇и жзд̇окиларахид̇ам̣ б̣рахмавихааравасзна. д̇знааха ‘‘муд̣̇у ат̇ад̣̇д̇ха’’нд̇и.
Akhilanti cetokhilarahitaṃ brahmavihāravasena. Tenāha ‘‘mudu athaddha’’nti.
ад̇химуд̇д̇од̇и абхирад̇ивасзна яуд̇д̇абаяуд̇д̇о. барид̇д̇ажид̇д̇од̇и барид̇о кан̣д̣ид̇ажид̇д̇о. аббамаан̣ажид̇д̇од̇и зд̇т̇а ‘‘го аяа’’нд̇и бадигкид̇ум̣ саггун̣зяяажид̇д̇о.
Adhimuttoti abhirativasena yuttapayutto. Parittacittoti parito khaṇḍitacitto. Appamāṇacittoti ettha ‘‘ko aya’’nti paṭikkhituṃ sakkuṇeyyacitto.
лохижжасуд̇д̇аван̣н̣анаа нидтид̇аа.
Lohiccasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. лохижжасуд̇д̇ам̣ • 9. Lohiccasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. лохижжасуд̇д̇аван̣н̣анаа • 9. Lohiccasuttavaṇṇanā
