| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਲੋਹਿਚ੍ਚਸੁਤ੍ਤવਣ੍ਣਨਾ
9. Lohiccasuttavaṇṇanā
੧੩੨. ਤੇਪਿ ਮਾਣવਕਾਤ੍વੇવ વੁਤ੍ਤਾ, ਨ ਬ੍ਰਾਹ੍ਮਣਕੁਮਾਰਾ ਏવ। ਸੇਲੇਯ੍ਯਕਾਨੀਤਿ ਅਞ੍ਞਮਞ੍ਞਂ ਸਿਲਿਸ੍ਸਨਲਙ੍ਘਨਕੀਲ਼ਨਾਨਿ।
132.Tepi māṇavakātveva vuttā, na brāhmaṇakumārā eva. Seleyyakānīti aññamaññaṃ silissanalaṅghanakīḷanāni.
ਉਪਟ੍ਠਾਨવਸੇਨ ਇਭਂ ਹਰਨ੍ਤੀਤਿ ਇਬ੍ਭਾ, ਹਤ੍ਥਿਗੋਪਕਾ। ਤੇ ਪਨ ਨਿਹੀਨਕੁਟੁਮ੍ਬਸ੍ਸ ਭੋਗ੍ਗਂ ਉਪਾਦਾਯ ਗਹਪਤਿਭਾવਂ ਉਪਾਦਾਯ ‘‘ਗਹਪਤਿਕਾ’’ਤਿਪਿ વੁਚ੍ਚਨ੍ਤੀਤਿ ਆਹ ‘‘ਗਹਪਤਿਕਾ’’ਤਿ। ਕਣ੍ਹਾਤਿ ਕਣ੍ਹਾਭਿਜਾਤਿਕਾ। ਰਟ੍ਠਂ ਭਰਨ੍ਤੀਤਿ ਯਸ੍ਮਿਂ ਰਟ੍ਠੇ વਸਨ੍ਤਿ, ਤਸ੍ਸ ਰਟ੍ਠਸ੍ਸ ਬਲਿਂ ਭਰਣੇਨ, ਅਤ੍ਤਨੋ વਾ ਕੁਟੁਮ੍ਬਸ੍ਸ ਭਰਣੇਨ ਭਰਤਾ। ਪਰਿਯਾਯਨ੍ਤਾਤਿ ਪਰਿਤੋ ਸਂਚਰਨ੍ਤਾ ਕੀਲ਼ਨ੍ਤਿ।
Upaṭṭhānavasena ibhaṃ harantīti ibbhā, hatthigopakā. Te pana nihīnakuṭumbassa bhoggaṃ upādāya gahapatibhāvaṃ upādāya ‘‘gahapatikā’’tipi vuccantīti āha ‘‘gahapatikā’’ti. Kaṇhāti kaṇhābhijātikā. Raṭṭhaṃ bharantīti yasmiṃ raṭṭhe vasanti, tassa raṭṭhassa baliṃ bharaṇena, attano vā kuṭumbassa bharaṇena bharatā. Pariyāyantāti parito saṃcarantā kīḷanti.
ਸੀਲਜੇਟ੍ਠਕਾਤਿ ਸੀਲਪ੍ਪਧਾਨਾ। ਯੇ ਪੁਰਾਣਂ ਸਰਨ੍ਤਿ, ਤੇ ਸੀਲੁਤ੍ਤਮਾ ਅਹੇਸੁਂ। ਦ੍વਾਰਾਨਿ ਚਕ੍ਖਾਦਿਦ੍વਾਰਾਨਿ।
Sīlajeṭṭhakāti sīlappadhānā. Ye purāṇaṃ saranti, te sīluttamā ahesuṃ. Dvārāni cakkhādidvārāni.
ਅਪਕ੍ਕਮਿਤ੍વਾ ਅਪੇਤਾ વਿਰਹਿਤਾ ਹੁਤ੍વਾ। વਿਸਮਾਨੀਤਿ વਿਗਤਸਮਾਨਿ ਦੁਚ੍ਚਰਿਤਸਭਾવਾਨਿ। ਨਾਨਾવਿਧਦਣ੍ਡਾ ਨਾਨਾવਿਧਦਣ੍ਡਨਿਪਾਤਾ।
Apakkamitvā apetā virahitā hutvā. Visamānīti vigatasamāni duccaritasabhāvāni. Nānāvidhadaṇḍā nānāvidhadaṇḍanipātā.
ਅਨਾਹਾਰਕਾਤਿ ਕਿਞ੍ਚਿ ਅਭੁਞ੍ਜਨਕਾ। ਪਙ੍ਕੋ વਿਯ ਪਙ੍ਕੋ, ਮਲਂ। ਦਨ੍ਤਪਙ੍ਕੋ ਪੁਰਿਮਪਦਲੋਪੇਨ ਪਙ੍ਕੋਤਿ વੁਤ੍ਤੋਤਿ ‘‘ਪਙ੍ਕੋ ਨਾਮ ਦਨ੍ਤਮਲ’’ਨ੍ਤਿ વੁਤ੍ਤਂ। ਅਜੇਹਿ ਕਾਤਬ੍ਬਕਾਨਂ ਅਕੋਪੇਤ੍વਾ ਕਰਣਂ ਸਮਾਦਾਨવਸੇਨ વਤਂ। ਏਸ ਨਯੋ ਸੇਸੇਸੁਪਿ। ਕੋਹਞ੍ਞਂ ਨਾਮ ਅਤ੍ਤਨਿ વਿਜ੍ਜਮਾਨਦੋਸਂ ਪਟਿਚ੍ਛਾਦੇਤ੍વਾ ਅਸਨ੍ਤਗੁਣਪਕਾਸਨਾਤਿ ਆਹ – ‘‘ਪਟਿਚ੍ਛਨ੍ਨ…ਪੇ॰… ਕੋਹਞ੍ਞਞ੍ਚੇવਾ’’ਤਿ। ਪਰਿਕ੍ਖਾਰਭਣ੍ਡਕવਣ੍ਣਾਤਿ ਪਰਿਕ੍ਖਾਰਭਣ੍ਡਾ ਕਪ੍ਪਕਾਤਿ। ਤੇ ਚ ਖੋ ਅਤ੍ਤਨੋ ਜੀવਿਕਤ੍ਥਾਯ ਆਮਿਸਕਿਞ੍ਜਕ੍ਖਸ੍ਸ ਅਤ੍ਤਨਿਬਨ੍ਧਨਤ੍ਥਾਯ ਅਮੋਚਨਤ੍ਥਾਯ ਕਤਾ।
Anāhārakāti kiñci abhuñjanakā. Paṅko viya paṅko, malaṃ. Dantapaṅko purimapadalopena paṅkoti vuttoti ‘‘paṅko nāma dantamala’’nti vuttaṃ. Ajehi kātabbakānaṃ akopetvā karaṇaṃ samādānavasena vataṃ. Esa nayo sesesupi. Kohaññaṃ nāma attani vijjamānadosaṃ paṭicchādetvā asantaguṇapakāsanāti āha – ‘‘paṭicchanna…pe… kohaññañcevā’’ti. Parikkhārabhaṇḍakavaṇṇāti parikkhārabhaṇḍā kappakāti. Te ca kho attano jīvikatthāya āmisakiñjakkhassa attanibandhanatthāya amocanatthāya katā.
ਅਖਿਲਨ੍ਤਿ ਚੇਤੋਖਿਲਰਹਿਤਂ ਬ੍ਰਹ੍ਮવਿਹਾਰવਸੇਨ। ਤੇਨਾਹ ‘‘ਮੁਦੁ ਅਥਦ੍ਧ’’ਨ੍ਤਿ।
Akhilanti cetokhilarahitaṃ brahmavihāravasena. Tenāha ‘‘mudu athaddha’’nti.
ਅਧਿਮੁਤ੍ਤੋਤਿ ਅਭਿਰਤਿવਸੇਨ ਯੁਤ੍ਤਪਯੁਤ੍ਤੋ। ਪਰਿਤ੍ਤਚਿਤ੍ਤੋਤਿ ਪਰਿਤੋ ਖਣ੍ਡਿਤਚਿਤ੍ਤੋ। ਅਪ੍ਪਮਾਣਚਿਤ੍ਤੋਤਿ ਏਤ੍ਥ ‘‘ਕੋ ਅਯ’’ਨ੍ਤਿ ਪਟਿਕ੍ਖਿਤੁਂ ਸਕ੍ਕੁਣੇਯ੍ਯਚਿਤ੍ਤੋ।
Adhimuttoti abhirativasena yuttapayutto. Parittacittoti parito khaṇḍitacitto. Appamāṇacittoti ettha ‘‘ko aya’’nti paṭikkhituṃ sakkuṇeyyacitto.
ਲੋਹਿਚ੍ਚਸੁਤ੍ਤવਣ੍ਣਨਾ ਨਿਟ੍ਠਿਤਾ।
Lohiccasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਲੋਹਿਚ੍ਚਸੁਤ੍ਤਂ • 9. Lohiccasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਲੋਹਿਚ੍ਚਸੁਤ੍ਤવਣ੍ਣਨਾ • 9. Lohiccasuttavaṇṇanā
