| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
лохид̇уббаад̣̇агагаммам̣
Lohituppādakakammaṃ
341. д̇зна ко бана самаязна бхаг̇аваа г̇иж̇жхагуудасса баб̣б̣ад̇асса чааяааяам̣ жан̇гамад̇и. ат̇а ко д̣̇звад̣̇ад̇д̇о г̇иж̇жхагуудам̣ баб̣б̣ад̇ам̣ аарухид̇ваа махад̇им̣ силам̣ бавиж̇жхи – имааяа саман̣ам̣ г̇од̇амам̣ ж̇ийвид̇аа воробзссаамийд̇и. д̣̇вз баб̣б̣ад̇агуудаа самааг̇анд̇ваа д̇ам̣ силам̣ самбадижчим̣су. д̇ад̇о бабад̇игаа уббад̇ид̇ваа бхаг̇авад̇о баад̣̇з рухирам̣ уббаад̣̇зси. ат̇а ко бхаг̇аваа уд̣̇д̇хам̣ уллогзд̇ваа д̣̇звад̣̇ад̇д̇ам̣ зд̇ад̣̇авожа – ‘‘б̣ахум̣ д̇аяаа, могхабуриса, абун̃н̃ам̣ басуд̇ам̣, яам̣ д̇вам̣ д̣̇удтажид̇д̇о вад̇хагажид̇д̇о д̇ат̇ааг̇ад̇асса рухирам̣ уббаад̣̇зсий’’д̇и. ат̇а ко бхаг̇аваа бхигкуу ааманд̇зси – ‘‘ид̣̇ам̣, бхигкавз, д̣̇звад̣̇ад̇д̇зна батамам̣ аананд̇арияам̣ гаммам̣ убажид̇ам̣, яам̣ д̣̇удтажид̇д̇зна вад̇хагажид̇д̇зна д̇ат̇ааг̇ад̇асса рухирам̣ уббаад̣̇ид̇а’’нд̇и.
341. Tena kho pana samayena bhagavā gijjhakūṭassa pabbatassa chāyāyaṃ caṅkamati. Atha kho devadatto gijjhakūṭaṃ pabbataṃ āruhitvā mahatiṃ silaṃ pavijjhi – imāya samaṇaṃ gotamaṃ jīvitā voropessāmīti. Dve pabbatakūṭā samāgantvā taṃ silaṃ sampaṭicchiṃsu. Tato papatikā uppatitvā bhagavato pāde ruhiraṃ uppādesi. Atha kho bhagavā uddhaṃ ulloketvā devadattaṃ etadavoca – ‘‘bahuṃ tayā, moghapurisa, apuññaṃ pasutaṃ, yaṃ tvaṃ duṭṭhacitto vadhakacitto tathāgatassa ruhiraṃ uppādesī’’ti. Atha kho bhagavā bhikkhū āmantesi – ‘‘idaṃ, bhikkhave, devadattena paṭhamaṃ ānantariyaṃ kammaṃ upacitaṃ, yaṃ duṭṭhacittena vadhakacittena tathāgatassa ruhiraṃ uppādita’’nti.
ассосум̣ ко бхигкуу – ‘‘д̣̇звад̣̇ад̇д̇зна гира бхаг̇авад̇о вад̇хо баяуд̇д̇о’’д̇и. д̇з жа бхигкуу бхаг̇авад̇о вихаарасса барид̇о барид̇о жан̇гаманд̇и ужжаасад̣̇д̣̇аа махаасад̣̇д̣̇аа саж̇жхааяам̣ гаронд̇аа, бхаг̇авад̇о рагкааваран̣аг̇уд̇д̇ияаа. ассоси ко бхаг̇аваа ужжаасад̣̇д̣̇ам̣ махаасад̣̇д̣̇ам̣ саж̇жхааяасад̣̇д̣̇ам̣. суд̇ваана ааяасманд̇ам̣ аананд̣̇ам̣ ааманд̇зси – ‘‘гим̣ ну ко со, аананд̣̇а, ужжаасад̣̇д̣̇о махаасад̣̇д̣̇о саж̇жхааяасад̣̇д̣̇о’’д̇и? ‘‘ассосум̣ ко, бханд̇з, бхигкуу – ‘д̣̇звад̣̇ад̇д̇зна гира бхаг̇авад̇о вад̇хо баяуд̇д̇о’д̇и. д̇з жа 1, бханд̇з, бхигкуу бхаг̇авад̇о вихаарасса барид̇о барид̇о жан̇гаманд̇и ужжаасад̣̇д̣̇аа махаасад̣̇д̣̇аа саж̇жхааяам̣ гаронд̇аа, бхаг̇авад̇о рагкааваран̣аг̇уд̇д̇ияаа. со зсо, бхаг̇аваа, ужжаасад̣̇д̣̇о махаасад̣̇д̣̇о саж̇жхааяасад̣̇д̣̇о’’д̇и. ‘‘д̇зна хаананд̣̇а, мама важанзна д̇з бхигкуу ааманд̇зхи – сад̇т̇аа ааяасманд̇з ааманд̇зд̇ий’’д̇и. ‘‘звам̣ бханд̇з’’д̇и ко ааяасмаа аананд̣̇о бхаг̇авад̇о бадиссуд̇ваа язна д̇з бхигкуу д̇знубасан̇гами, убасан̇гамид̇ваа д̇з бхигкуу зд̇ад̣̇авожа – ‘‘сад̇т̇аа ааяасманд̇з ааманд̇зд̇ий’’д̇и. ‘‘звамаавусо’’д̇и ко д̇з бхигкуу ааяасмад̇о аананд̣̇асса бадиссуд̇ваа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу бхаг̇аваа зд̇ад̣̇авожа –
Assosuṃ kho bhikkhū – ‘‘devadattena kira bhagavato vadho payutto’’ti. Te ca bhikkhū bhagavato vihārassa parito parito caṅkamanti uccāsaddā mahāsaddā sajjhāyaṃ karontā, bhagavato rakkhāvaraṇaguttiyā. Assosi kho bhagavā uccāsaddaṃ mahāsaddaṃ sajjhāyasaddaṃ. Sutvāna āyasmantaṃ ānandaṃ āmantesi – ‘‘kiṃ nu kho so, ānanda, uccāsaddo mahāsaddo sajjhāyasaddo’’ti? ‘‘Assosuṃ kho, bhante, bhikkhū – ‘devadattena kira bhagavato vadho payutto’ti. Te ca 2, bhante, bhikkhū bhagavato vihārassa parito parito caṅkamanti uccāsaddā mahāsaddā sajjhāyaṃ karontā, bhagavato rakkhāvaraṇaguttiyā. So eso, bhagavā, uccāsaddo mahāsaddo sajjhāyasaddo’’ti. ‘‘Tena hānanda, mama vacanena te bhikkhū āmantehi – satthā āyasmante āmantetī’’ti. ‘‘Evaṃ bhante’’ti kho āyasmā ānando bhagavato paṭissutvā yena te bhikkhū tenupasaṅkami, upasaṅkamitvā te bhikkhū etadavoca – ‘‘satthā āyasmante āmantetī’’ti. ‘‘Evamāvuso’’ti kho te bhikkhū āyasmato ānandassa paṭissutvā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te bhikkhū bhagavā etadavoca –
‘‘адтаанамзд̇ам̣ , бхигкавз, анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяа. анубаггамзна, бхигкавз, д̇ат̇ааг̇ад̇аа бариниб̣б̣ааяанд̇и.
‘‘Aṭṭhānametaṃ , bhikkhave, anavakāso, yaṃ parūpakkamena tathāgataṃ jīvitā voropeyya. Anupakkamena, bhikkhave, tathāgatā parinibbāyanti.
3 ‘‘бан̃жимз, бхигкавз, сад̇т̇ааро санд̇о сам̣виж̇ж̇амаанаа логасмим̣. гад̇амз бан̃жа? ‘‘ид̇ха, бхигкавз, згажжо сад̇т̇аа абарисуд̣̇д̇хасийло самаано ‘барисуд̣̇д̇хасийломхий’д̇и бадиж̇аанаад̇и ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и жа. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хасийло самаано ‘барисуд̣̇д̇хасийломхий’д̇и бадиж̇аанаад̇и ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и жа. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ нам̣ маяам̣ д̇зна самуд̣̇аажарзяяаама? самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна – яам̣ д̇умо гариссад̇и, д̇умова д̇зна бан̃н̃ааяиссад̇ий’д̇и . зваруубам̣ ко, бхигкавз, сад̇т̇аарам̣ саавагаа сийлад̇о рагканд̇и; зваруубо жа бана сад̇т̇аа саавагзхи сийлад̇о рагкам̣ бажжаасийсад̇и.
4 ‘‘Pañcime, bhikkhave, satthāro santo saṃvijjamānā lokasmiṃ. Katame pañca? ‘‘Idha, bhikkhave, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti ca. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti ca. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma? Sammannati kho pana cīvarapiṇḍapātasenāsanagilānappaccayabhesajjaparikkhārena – yaṃ tumo karissati, tumova tena paññāyissatī’ti . Evarūpaṃ kho, bhikkhave, satthāraṃ sāvakā sīlato rakkhanti; evarūpo ca pana satthā sāvakehi sīlato rakkhaṃ paccāsīsati.
‘‘буна жабарам̣, бхигкавз, ид̇хзгажжо сад̇т̇аа абарисуд̣̇д̇хаааж̇ийво самаано…бз… абарисуд̣̇д̇хад̇хаммад̣̇зсано самаано…бз… абарисуд̣̇д̇хавзяяаагаран̣о самаано…бз… абарисуд̣̇д̇хан̃аан̣ад̣̇ассано самаано ‘барисуд̣̇д̇хан̃аан̣ад̣̇ассаномхий’д̇и бадиж̇аанаад̇и ‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’нд̇и жа. д̇амзнам̣ саавагаа звам̣ ж̇аананд̇и – ‘аяам̣ ко бхавам̣ сад̇т̇аа абарисуд̣̇д̇хан̃аан̣ад̣̇ассано самаано ‘барисуд̣̇д̇хан̃аан̣ад̣̇ассаномхий’д̇и бадиж̇аанаад̇и ‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’нд̇и жа. маяан̃жзва ко бана г̇ихийнам̣ аарожзяяаама, наассасса манаабам̣. яам̣ ко банасса аманаабам̣, гат̇ам̣ на маяам̣ д̇зна самуд̣̇аажарзяяаама? самманнад̇и ко бана жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзна – яам̣ д̇умо гариссад̇и, д̇умова д̇зна бан̃н̃ааяиссад̇ий’д̇и. зваруубам̣ ко, бхигкавз, сад̇т̇аарам̣ саавагаа н̃аан̣ад̣̇ассанад̇о рагканд̇и; зваруубо жа бана сад̇т̇аа саавагзхи н̃аан̣ад̣̇ассанад̇о рагкам̣ бажжаасийсад̇и. имз ко, бхигкавз, бан̃жа сад̇т̇ааро санд̇о сам̣виж̇ж̇амаанаа логасмим̣. ‘‘ахам̣ ко бана, бхигкавз, барисуд̣̇д̇хасийло самаано ‘барисуд̣̇д̇хасийломхий’д̇и бадиж̇аанаами ‘барисуд̣̇д̇хам̣ мз сийлам̣ барияод̣̇аад̇ам̣ асам̣гилидта’нд̇и жа. на жа мам̣ саавагаа сийлад̇о рагканд̇и; на жаахам̣ саавагзхи сийлад̇о рагкам̣ бажжаасийсаами. ахам̣ ко бана бхигкавз барисуд̣̇д̇хааж̇ийво самаано…бз… барисуд̣̇д̇хад̇хаммад̣̇зсано самаано…бз… барисуд̣̇д̇хавзяяаагаран̣о самаано…бз… барисуд̣̇д̇хан̃аан̣ад̣̇ассано самаано ‘‘барисуд̣̇д̇хан̃аан̣ад̣̇ассаномхий’’д̇и бадиж̇аанаами ‘‘барисуд̣̇д̇хам̣ мз н̃аан̣ад̣̇ассанам̣ барияод̣̇аад̇ам̣ асам̣гилидта’’нд̇и жа, на жа мам̣ саавагаа н̃аан̣ад̣̇ассанад̇о рагканд̇и, на жаахам̣ саавагзхи н̃аан̣ад̣̇ассанад̇о рагкам̣ бажжаасийсаами. ‘‘адтаанамзд̇ам̣, бхигкавз, анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяа. анубаггамзна, бхигкавз, д̇ат̇ааг̇ад̇аа бариниб̣б̣ааяанд̇и. г̇ажчат̇а д̇умхз, бхигкавз, яат̇аавихаарам̣. арагкияаа, бхигкавз, д̇ат̇ааг̇ад̇аа’’д̇и.
‘‘Puna caparaṃ, bhikkhave, idhekacco satthā aparisuddhaājīvo samāno…pe… aparisuddhadhammadesano samāno…pe… aparisuddhaveyyākaraṇo samāno…pe… aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti ca. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti ca. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ na mayaṃ tena samudācareyyāma? Sammannati kho pana cīvarapiṇḍapātasenāsanagilānappaccayabhesajjaparikkhārena – yaṃ tumo karissati, tumova tena paññāyissatī’ti. Evarūpaṃ kho, bhikkhave, satthāraṃ sāvakā ñāṇadassanato rakkhanti; evarūpo ca pana satthā sāvakehi ñāṇadassanato rakkhaṃ paccāsīsati. Ime kho, bhikkhave, pañca satthāro santo saṃvijjamānā lokasmiṃ. ‘‘Ahaṃ kho pana, bhikkhave, parisuddhasīlo samāno ‘parisuddhasīlomhī’ti paṭijānāmi ‘parisuddhaṃ me sīlaṃ pariyodātaṃ asaṃkiliṭṭha’nti ca. Na ca maṃ sāvakā sīlato rakkhanti; na cāhaṃ sāvakehi sīlato rakkhaṃ paccāsīsāmi. Ahaṃ kho pana bhikkhave parisuddhājīvo samāno…pe… parisuddhadhammadesano samāno…pe… parisuddhaveyyākaraṇo samāno…pe… parisuddhañāṇadassano samāno ‘‘parisuddhañāṇadassanomhī’’ti paṭijānāmi ‘‘parisuddhaṃ me ñāṇadassanaṃ pariyodātaṃ asaṃkiliṭṭha’’nti ca, na ca maṃ sāvakā ñāṇadassanato rakkhanti, na cāhaṃ sāvakehi ñāṇadassanato rakkhaṃ paccāsīsāmi. ‘‘Aṭṭhānametaṃ, bhikkhave, anavakāso, yaṃ parūpakkamena tathāgataṃ jīvitā voropeyya. Anupakkamena, bhikkhave, tathāgatā parinibbāyanti. Gacchatha tumhe, bhikkhave, yathāvihāraṃ. Arakkhiyā, bhikkhave, tathāgatā’’ti.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
