| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. бабаад̇аваг̇г̇о
5. Papātavaggo
1. логажинд̇аасуд̇д̇ам̣
1. Lokacintāsuttaṃ
1111. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа бхигкуу ааманд̇зси – ‘‘бхууд̇абуб̣б̣ам̣, бхигкавз, ан̃н̃ад̇аро бурисо рааж̇аг̇ахаа нигкамид̇ваа ‘логажинд̇ам̣ жинд̇зссаамий’д̇и язна сумааг̇ад̇хаа богкаран̣ий д̇знубасан̇гами; убасан̇гамид̇ваа сумааг̇ад̇хааяа богкаран̣ияаа д̇ийрз нисийд̣̇и логажинд̇ам̣ жинд̇знд̇о. ад̣̇д̣̇асаа ко, бхигкавз, со бурисо сумааг̇ад̇хааяа богкаран̣ияаа д̇ийрз жад̇уран̇г̇иним̣ сзнам̣ 1 бхисамул̣аалам̣ 2 бависанд̇ам̣. д̣̇исваанасса зд̇ад̣̇ахоси – ‘уммад̇д̇осми наамаахам̣, вижзд̇осми наамаахам̣! яам̣ логз над̇т̇и д̇ам̣ маяаа д̣̇идта’’’нд̇и.
1111. Ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā bhikkhū āmantesi – ‘‘bhūtapubbaṃ, bhikkhave, aññataro puriso rājagahā nikkhamitvā ‘lokacintaṃ cintessāmī’ti yena sumāgadhā pokkharaṇī tenupasaṅkami; upasaṅkamitvā sumāgadhāya pokkharaṇiyā tīre nisīdi lokacintaṃ cintento. Addasā kho, bhikkhave, so puriso sumāgadhāya pokkharaṇiyā tīre caturaṅginiṃ senaṃ 3 bhisamuḷālaṃ 4 pavisantaṃ. Disvānassa etadahosi – ‘ummattosmi nāmāhaṃ, vicetosmi nāmāhaṃ! Yaṃ loke natthi taṃ mayā diṭṭha’’’nti.
‘‘ат̇а ко со, бхигкавз, бурисо наг̇арам̣ бависид̇ваа махааж̇анагааяасса аарожзси – ‘уммад̇д̇осми наамаахам̣, бханд̇з, вижзд̇осми наамаахам̣, бханд̇з! яам̣ логз над̇т̇и д̇ам̣ маяаа д̣̇идта’’’нд̇и. ‘‘гат̇ам̣ бана д̇вам̣, амбхо буриса, уммад̇д̇о гат̇ам̣ вижзд̇о? гин̃жа логз над̇т̇и яам̣ д̇аяаа д̣̇идта’’нд̇и? ‘‘ид̇хаахам̣, бханд̇з, рааж̇аг̇ахаа нигкамид̇ваа ‘логажинд̇ам̣ жинд̇зссаамий’д̇и язна сумааг̇ад̇хаа богкаран̣ий д̇знубасан̇гамим̣; убасан̇гамид̇ваа сумааг̇ад̇хааяа богкаран̣ияаа д̇ийрз нисийд̣̇им̣ логажинд̇ам̣ жинд̇знд̇о. ад̣̇д̣̇асам̣ кваахам̣, бханд̇з, сумааг̇ад̇хааяа богкаран̣ияаа д̇ийрз жад̇уран̇г̇иним̣ сзнам̣ бхисамул̣аалам̣ бависанд̇ам̣. звам̣ кваахам̣, бханд̇з, уммад̇д̇о звам̣ вижзд̇о. ид̣̇ан̃жа логз над̇т̇и яам̣ маяаа д̣̇идта’’нд̇и. ‘‘д̇аг̇гха д̇вам̣, амбхо буриса, уммад̇д̇о д̇аг̇гха вижзд̇о. ид̣̇ан̃жа логз над̇т̇и яам̣ д̇аяаа д̣̇идта’’нд̇и.
‘‘Atha kho so, bhikkhave, puriso nagaraṃ pavisitvā mahājanakāyassa ārocesi – ‘ummattosmi nāmāhaṃ, bhante, vicetosmi nāmāhaṃ, bhante! Yaṃ loke natthi taṃ mayā diṭṭha’’’nti. ‘‘Kathaṃ pana tvaṃ, ambho purisa, ummatto kathaṃ viceto? Kiñca loke natthi yaṃ tayā diṭṭha’’nti? ‘‘Idhāhaṃ, bhante, rājagahā nikkhamitvā ‘lokacintaṃ cintessāmī’ti yena sumāgadhā pokkharaṇī tenupasaṅkamiṃ; upasaṅkamitvā sumāgadhāya pokkharaṇiyā tīre nisīdiṃ lokacintaṃ cintento. Addasaṃ khvāhaṃ, bhante, sumāgadhāya pokkharaṇiyā tīre caturaṅginiṃ senaṃ bhisamuḷālaṃ pavisantaṃ. Evaṃ khvāhaṃ, bhante, ummatto evaṃ viceto. Idañca loke natthi yaṃ mayā diṭṭha’’nti. ‘‘Taggha tvaṃ, ambho purisa, ummatto taggha viceto. Idañca loke natthi yaṃ tayā diṭṭha’’nti.
‘‘д̇ам̣ ко бана, бхигкавз, со бурисо бхууд̇ам̣язва ад̣̇д̣̇аса, но абхууд̇ам̣. бхууд̇абуб̣б̣ам̣, бхигкавз, д̣̇зваасурасан̇г̇аамо самубаб̣яуул̣хо ахоси. д̇асмим̣ ко бана, бхигкавз, сан̇г̇аамз д̣̇зваа ж̇иним̣су, асураа барааж̇иним̣су. барааж̇ид̇аа жа ко, бхигкавз, асураа бхийд̇аа бхисамул̣аалзна асурабурам̣ бависим̣су д̣̇зваанам̣язва мохаяамаанаа.
‘‘Taṃ kho pana, bhikkhave, so puriso bhūtaṃyeva addasa, no abhūtaṃ. Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme devā jiniṃsu, asurā parājiniṃsu. Parājitā ca kho, bhikkhave, asurā bhītā bhisamuḷālena asurapuraṃ pavisiṃsu devānaṃyeva mohayamānā.
‘‘д̇асмаад̇иха, бхигкавз, маа логажинд̇ам̣ жинд̇зт̇а – ‘сассад̇о лого’д̇и ваа ‘асассад̇о лого’д̇и ваа, ‘анд̇аваа лого’д̇и ваа ‘ананд̇аваа лого’д̇и ваа, ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа, ‘ход̇и д̇ат̇ааг̇ад̇о барам̣ маран̣аа’д̇и ваа ‘на ход̇и д̇ат̇ааг̇ад̇о барам̣ маран̣аа’д̇и ваа, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и ваа, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа. д̇ам̣ гисса хзд̇у? нзсаа, бхигкавз, жинд̇аа ад̇т̇асам̣хид̇аа наад̣̇иб̣рахмажарияагаа на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и.
‘‘Tasmātiha, bhikkhave, mā lokacintaṃ cintetha – ‘sassato loko’ti vā ‘asassato loko’ti vā, ‘antavā loko’ti vā ‘anantavā loko’ti vā, ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā, ‘hoti tathāgato paraṃ maraṇā’ti vā ‘na hoti tathāgato paraṃ maraṇā’ti vā, ‘hoti ca na ca hoti tathāgato paraṃ maraṇā’ti vā, ‘neva hoti na na hoti tathāgato paraṃ maraṇā’ti vā. Taṃ kissa hetu? Nesā, bhikkhave, cintā atthasaṃhitā nādibrahmacariyakā na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati.
‘‘жинд̇знд̇аа ко д̇умхз, бхигкавз, ‘ид̣̇ам̣ д̣̇угка’нд̇и жинд̇зяяаат̇а…бз… ‘аяам̣ д̣̇угканирод̇хаг̇ааминий бадибад̣̇аа’д̇и жинд̇зяяаат̇а. д̇ам̣ гисса хзд̇у? зсаа, бхигкавз, жинд̇аа ад̇т̇асам̣хид̇аа зсаа аад̣̇иб̣рахмажарияагаа зсаа ниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.
‘‘Cintentā kho tumhe, bhikkhave, ‘idaṃ dukkha’nti cinteyyātha…pe… ‘ayaṃ dukkhanirodhagāminī paṭipadā’ti cinteyyātha. Taṃ kissa hetu? Esā, bhikkhave, cintā atthasaṃhitā esā ādibrahmacariyakā esā nibbidāya virāgāya nirodhāya upasamāya abhiññāya sambodhāya nibbānāya saṃvattati.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. батамам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. логажинд̇аасуд̇д̇аван̣н̣анаа • 1. Lokacintāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. логажинд̇аасуд̇д̇аван̣н̣анаа • 1. Lokacintāsuttavaṇṇanā
