| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. பபாதவக்³கோ³
5. Papātavaggo
1. லோகசிந்தாஸுத்தவண்ணனா
1. Lokacintāsuttavaṇṇanā
1111. பஞ்சமஸ்ஸ பட²மே ஸுமாக³தா⁴ய பொக்க²ரணியாதி ஏவங்னாமிகாய பொக்க²ரணியா. லோகசிந்தங் சிந்தெந்தோதி, ‘‘கேன நு கோ² சந்தி³மஸூரியா கதா, கேன மஹாபத²வீ, கேன மஹாஸமுத்³தோ³, கேன ஸத்தா உப்பாதி³தா, கேன பப்³ப³தா, கேன அம்ப³தாலனாளிகேராத³யோ’’தி ஏவரூபங் லோகசிந்தங் சிந்தெந்தோ நிஸீதி³.
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
விசேதோதி விக³தசித்தோ விக்கி²த்தசித்தோ வா. பூ⁴தங்யேவ அத்³த³ஸாதி தே கிர அஸுரா ஸம்ப³ரிமாயங் ஸம்பரிவத்தெத்வா யதா² நே ஸோ புரிஸோ ஹத்தி²அஸ்ஸாதீ³ஸு ஆருஹந்தே உக்கி²பித்வா, பி⁴ஸமுளாலச்சி²த்³தே³ஹி பவிஸந்தே பஸ்ஸதி, ஏவங் அதி⁴ட்ட²ஹிங்ஸு. தங் ஸந்தா⁴ய ஸத்தா² ‘‘பூ⁴தங்யேவ அத்³த³ஸா’’தி ஆஹ. தே³வானங்யேவ மோஹயமானாதி தே³வானங் சித்தங் மோஹயந்தா. தஸ்மாதி யஸ்மா லோகசிந்தங் சிந்தெந்தோ உம்மத்தகோபி ஹோதி, தஸ்மா.
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. லோகசிந்தாஸுத்தங் • 1. Lokacintāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. லோகசிந்தாஸுத்தவண்ணனா • 1. Lokacintāsuttavaṇṇanā
