| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৫. পপাতৰগ্গো
5. Papātavaggo
১. লোকচিন্তাসুত্তৰণ্ণনা
1. Lokacintāsuttavaṇṇanā
১১১১. লোকচিন্তন্তি লোকসন্নিৰেসপটিসংযুত্তৰীমংসাৰ। ‘‘লোকচিত্ত’’ন্তিপি পাঠো, তংতংলোকপরিযাপন্নং চিত্তন্তি অত্থো। নাল়িকেরাদযোতি আদি-সদ্দেন অৰুত্তানং ওসধিতিণৰনপ্পতিআদীনং সঙ্গহো। এৰরূপন্তি এদিসং অঞ্ঞম্পি তংতংলোকচিত্তং।
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
ৰিগতচিত্তোতি অত্তত্থপরত্থতো অপগতৰিতক্কো অদ্দস এৰং অধিট্ঠহিংসূতি সম্বন্ধো। সম্বরিমাযন্তি সম্বরেন অসুরিন্দেন উপ্পাদিতং অসুরমাযং, যং ‘‘ইন্দজাল’’ন্তিপি ৰুচ্চতি ইন্দস্স মোহনত্থং উপ্পাদিতত্তা। সম্পরিৰত্তেত্ৰাতি পরিধাৰেত্ৰা। যথা নেতি নে অসুরে যথা সো পুরিসো পস্সতি, এৰং অধিট্ঠহিংসু। কস্মা পনেতে এৰং অধিট্ঠহিংসূতি? তং পুরিসং তত্থ তথানিসিন্নং দিস্ৰা ‘‘অযঞ্চ দেৰো’’তি আসঙ্কন্তা তথা অধিট্ঠহিত্ৰা ভিসমুল়ালছিদ্দেহি পৰিসিত্ৰা অত্তনো অসুরভৰনং গতা। তেনাহ ভগৰা – ‘‘দেৰানংযেৰ মোহযমানা’’তি।
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. লোকচিন্তাসুত্তং • 1. Lokacintāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. লোকচিন্তাসুত্তৰণ্ণনা • 1. Lokacintāsuttavaṇṇanā
