| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. бабаад̇аваг̇г̇о
5. Papātavaggo
1. логажинд̇аасуд̇д̇аван̣н̣анаа
1. Lokacintāsuttavaṇṇanā
1111. логажинд̇анд̇и логасаннивзсабадисам̣яуд̇д̇авиймам̣саава. ‘‘логажид̇д̇а’’нд̇иби баато, д̇ам̣д̇ам̣логабарияаабаннам̣ жид̇д̇анд̇и ад̇т̇о. наал̣игзраад̣̇аяод̇и аад̣̇и-сад̣̇д̣̇зна авуд̇д̇аанам̣ осад̇хид̇ин̣аванаббад̇иаад̣̇ийнам̣ сан̇г̇ахо. зваруубанд̇и зд̣̇исам̣ ан̃н̃амби д̇ам̣д̇ам̣логажид̇д̇ам̣.
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
виг̇ад̇ажид̇д̇од̇и ад̇д̇ад̇т̇абарад̇т̇ад̇о абаг̇ад̇авид̇агго ад̣̇д̣̇аса звам̣ ад̇хидтахим̣сууд̇и самб̣анд̇хо. самб̣аримааяанд̇и самб̣арзна асуринд̣̇зна уббаад̣̇ид̇ам̣ асурамааяам̣, яам̣ ‘‘инд̣̇аж̇аала’’нд̇иби вужжад̇и инд̣̇асса моханад̇т̇ам̣ уббаад̣̇ид̇ад̇д̇аа. самбаривад̇д̇зд̇ваад̇и барид̇хаавзд̇ваа. яат̇аа нзд̇и нз асурз яат̇аа со бурисо бассад̇и, звам̣ ад̇хидтахим̣су. гасмаа банзд̇з звам̣ ад̇хидтахим̣сууд̇и? д̇ам̣ бурисам̣ д̇ад̇т̇а д̇ат̇аанисиннам̣ д̣̇исваа ‘‘аяан̃жа д̣̇зво’’д̇и аасан̇ганд̇аа д̇ат̇аа ад̇хидтахид̇ваа бхисамул̣аалачид̣̇д̣̇зхи бависид̇ваа ад̇д̇ано асурабхаванам̣ г̇ад̇аа. д̇знааха бхаг̇аваа – ‘‘д̣̇зваанам̣язва мохаяамаанаа’’д̇и.
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. логажинд̇аасуд̇д̇ам̣ • 1. Lokacintāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. логажинд̇аасуд̇д̇аван̣н̣анаа • 1. Lokacintāsuttavaṇṇanā
