| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౫. పపాతవగ్గో
5. Papātavaggo
౧. లోకచిన్తాసుత్తవణ్ణనా
1. Lokacintāsuttavaṇṇanā
౧౧౧౧. పఞ్చమస్స పఠమే సుమాగధాయ పోక్ఖరణియాతి ఏవంనామికాయ పోక్ఖరణియా. లోకచిన్తం చిన్తేన్తోతి, ‘‘కేన ను ఖో చన్దిమసూరియా కతా, కేన మహాపథవీ, కేన మహాసముద్దో, కేన సత్తా ఉప్పాదితా, కేన పబ్బతా, కేన అమ్బతాలనాళికేరాదయో’’తి ఏవరూపం లోకచిన్తం చిన్తేన్తో నిసీది.
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
విచేతోతి విగతచిత్తో విక్ఖిత్తచిత్తో వా. భూతంయేవ అద్దసాతి తే కిర అసురా సమ్బరిమాయం సమ్పరివత్తేత్వా యథా నే సో పురిసో హత్థిఅస్సాదీసు ఆరుహన్తే ఉక్ఖిపిత్వా, భిసముళాలచ్ఛిద్దేహి పవిసన్తే పస్సతి, ఏవం అధిట్ఠహింసు. తం సన్ధాయ సత్థా ‘‘భూతంయేవ అద్దసా’’తి ఆహ. దేవానంయేవ మోహయమానాతి దేవానం చిత్తం మోహయన్తా. తస్మాతి యస్మా లోకచిన్తం చిన్తేన్తో ఉమ్మత్తకోపి హోతి, తస్మా.
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. లోకచిన్తాసుత్తం • 1. Lokacintāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. లోకచిన్తాసుత్తవణ్ణనా • 1. Lokacintāsuttavaṇṇanā
