| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๕. ปปาตวโคฺค
5. Papātavaggo
๑. โลกจินฺตาสุตฺตวณฺณนา
1. Lokacintāsuttavaṇṇanā
๑๑๑๑. ปญฺจมสฺส ปฐเม สุมาคธาย โปกฺขรณิยาติ เอวํนามิกาย โปกฺขรณิยาฯ โลกจินฺตํ จิเนฺตโนฺตติ, ‘‘เกน นุ โข จนฺทิมสูริยา กตา, เกน มหาปถวี, เกน มหาสมุโทฺท, เกน สตฺตา อุปฺปาทิตา, เกน ปพฺพตา, เกน อมฺพตาลนาฬิเกราทโย’’ติ เอวรูปํ โลกจินฺตํ จิเนฺตโนฺต นิสีทิฯ
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
วิเจโตติ วิคตจิโตฺต วิกฺขิตฺตจิโตฺต วาฯ ภูตํเยว อทฺทสาติ เต กิร อสุรา สมฺพริมายํ สมฺปริวเตฺตตฺวา ยถา เน โส ปุริโส หตฺถิอสฺสาทีสุ อารุหเนฺต อุกฺขิปิตฺวา, ภิสมุฬาลจฺฉิเทฺทหิ ปวิสเนฺต ปสฺสติ, เอวํ อธิฎฺฐหิํสุฯ ตํ สนฺธาย สตฺถา ‘‘ภูตํเยว อทฺทสา’’ติ อาหฯ เทวานํเยว โมหยมานาติ เทวานํ จิตฺตํ โมหยนฺตาฯ ตสฺมาติ ยสฺมา โลกจินฺตํ จิเนฺตโนฺต อุมฺมตฺตโกปิ โหติ, ตสฺมาฯ
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. โลกจินฺตาสุตฺตํ • 1. Lokacintāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. โลกจินฺตาสุตฺตวณฺณนา • 1. Lokacintāsuttavaṇṇanā
