| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
5. පපාතවග්‌ගො
5. Papātavaggo
1. ලොකචින්‌තාසුත්‌තවණ්‌ණනා
1. Lokacintāsuttavaṇṇanā
1111. ලොකචින්‌තන්‌ති ලොකසන්‌නිවෙසපටිසංයුත්‌තවීමංසාව. ‘‘ලොකචිත්‌ත’’න්‌තිපි පාඨො, තංතංලොකපරියාපන්‌නං චිත්‌තන්‌ති අත්‌ථො. නාළිකෙරාදයොති ආදි-සද්‌දෙන අවුත්‌තානං ඔසධිතිණවනප්‌පතිආදීනං සඞ්‌ගහො. එවරූපන්‌ති එදිසං අඤ්‌ඤම්‌පි තංතංලොකචිත්‌තං.
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
විගතචිත්‌තොති අත්‌තත්‌ථපරත්‌ථතො අපගතවිතක්‌කො අද්‌දස එවං අධිට්‌ඨහිංසූති සම්‌බන්‌ධො. සම්‌බරිමායන්‌ති සම්‌බරෙන අසුරින්‌දෙන උප්‌පාදිතං අසුරමායං, යං ‘‘ඉන්‌දජාල’’න්‌තිපි වුච්‌චති ඉන්‌දස්‌ස මොහනත්‌ථං උප්‌පාදිතත්‌තා. සම්‌පරිවත්‌තෙත්‌වාති පරිධාවෙත්‌වා. යථා නෙති නෙ අසුරෙ යථා සො පුරිසො පස්‌සති, එවං අධිට්‌ඨහිංසු. කස්‌මා පනෙතෙ එවං අධිට්‌ඨහිංසූති? තං පුරිසං තත්‌ථ තථානිසින්‌නං දිස්‌වා ‘‘අයඤ්‌ච දෙවො’’ති ආසඞ්‌කන්‌තා තථා අධිට්‌ඨහිත්‌වා භිසමුළාලඡිද්‌දෙහි පවිසිත්‌වා අත්‌තනො අසුරභවනං ගතා. තෙනාහ භගවා – ‘‘දෙවානංයෙව මොහයමානා’’ති.
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. ලොකචින්‌තාසුත්‌තං • 1. Lokacintāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. ලොකචින්‌තාසුත්‌තවණ්‌ණනා • 1. Lokacintāsuttavaṇṇanā
