| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൫. പപാതവഗ്ഗോ
5. Papātavaggo
൧. ലോകചിന്താസുത്തവണ്ണനാ
1. Lokacintāsuttavaṇṇanā
൧൧൧൧. പഞ്ചമസ്സ പഠമേ സുമാഗധായ പോക്ഖരണിയാതി ഏവംനാമികായ പോക്ഖരണിയാ. ലോകചിന്തം ചിന്തേന്തോതി, ‘‘കേന നു ഖോ ചന്ദിമസൂരിയാ കതാ, കേന മഹാപഥവീ, കേന മഹാസമുദ്ദോ, കേന സത്താ ഉപ്പാദിതാ, കേന പബ്ബതാ, കേന അമ്ബതാലനാളികേരാദയോ’’തി ഏവരൂപം ലോകചിന്തം ചിന്തേന്തോ നിസീദി.
1111. Pañcamassa paṭhame sumāgadhāya pokkharaṇiyāti evaṃnāmikāya pokkharaṇiyā. Lokacintaṃ cintentoti, ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpaṃ lokacintaṃ cintento nisīdi.
വിചേതോതി വിഗതചിത്തോ വിക്ഖിത്തചിത്തോ വാ. ഭൂതംയേവ അദ്ദസാതി തേ കിര അസുരാ സമ്ബരിമായം സമ്പരിവത്തേത്വാ യഥാ നേ സോ പുരിസോ ഹത്ഥിഅസ്സാദീസു ആരുഹന്തേ ഉക്ഖിപിത്വാ, ഭിസമുളാലച്ഛിദ്ദേഹി പവിസന്തേ പസ്സതി, ഏവം അധിട്ഠഹിംസു. തം സന്ധായ സത്ഥാ ‘‘ഭൂതംയേവ അദ്ദസാ’’തി ആഹ. ദേവാനംയേവ മോഹയമാനാതി ദേവാനം ചിത്തം മോഹയന്താ. തസ്മാതി യസ്മാ ലോകചിന്തം ചിന്തേന്തോ ഉമ്മത്തകോപി ഹോതി, തസ്മാ.
Vicetoti vigatacitto vikkhittacitto vā. Bhūtaṃyeva addasāti te kira asurā sambarimāyaṃ samparivattetvā yathā ne so puriso hatthiassādīsu āruhante ukkhipitvā, bhisamuḷālacchiddehi pavisante passati, evaṃ adhiṭṭhahiṃsu. Taṃ sandhāya satthā ‘‘bhūtaṃyeva addasā’’ti āha. Devānaṃyeva mohayamānāti devānaṃ cittaṃ mohayantā. Tasmāti yasmā lokacintaṃ cintento ummattakopi hoti, tasmā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. ലോകചിന്താസുത്തം • 1. Lokacintāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. ലോകചിന്താസുത്തവണ്ണനാ • 1. Lokacintāsuttavaṇṇanā
