| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. логанд̇аг̇аманасуд̇д̇аван̣н̣анаа
3. Lokantagamanasuttavaṇṇanā
116. д̇ад̇ияз логассаад̇и жаггаваал̣алогасса. логасса анд̇анд̇и сан̇кааралогасса анд̇ам̣. вихаарам̣ баависийд̇и ‘‘маяи вихаарам̣ бавидтз имз бхигкуу, имам̣ уд̣̇д̣̇зсам̣ аананд̣̇ам̣ бужчиссанд̇и, со жа д̇зсам̣ мама саб̣б̣ан̃н̃уд̇ан̃н̃аан̣зна сам̣санд̣̇ид̇ваа гат̇зссад̇и. д̇ад̇о нам̣ т̇омзссаами, мама т̇оманам̣ суд̇ваа бхигкуу аананд̣̇ам̣ убасан̇гамид̇аб̣б̣ам̣, важанан̃жасса сод̇аб̣б̣ам̣ сад̣̇д̇хаад̇аб̣б̣ам̣ ман̃н̃иссанд̇и, д̇ам̣ нзсам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и жинд̇зд̇ваа сам̣кид̇д̇зна бхаасид̇асса вид̇т̇аарзна ад̇т̇ам̣ авибхаж̇ид̇ваава нисиннаасанз анд̇арахид̇о г̇анд̇хагудияам̣ баад̇урахоси. д̇зна вуд̇д̇ам̣ ‘‘удтааяаасанаа вихаарам̣ баависий’’д̇и.
116. Tatiye lokassāti cakkavāḷalokassa. Lokassa antanti saṅkhāralokassa antaṃ. Vihāraṃ pāvisīti ‘‘mayi vihāraṃ paviṭṭhe ime bhikkhū, imaṃ uddesaṃ ānandaṃ pucchissanti, so ca tesaṃ mama sabbaññutaññāṇena saṃsanditvā kathessati. Tato naṃ thomessāmi, mama thomanaṃ sutvā bhikkhū ānandaṃ upasaṅkamitabbaṃ, vacanañcassa sotabbaṃ saddhātabbaṃ maññissanti, taṃ nesaṃ bhavissati dīgharattaṃ hitāya sukhāyā’’ti cintetvā saṃkhittena bhāsitassa vitthārena atthaṃ avibhajitvāva nisinnāsane antarahito gandhakuṭiyaṃ pāturahosi. Tena vuttaṃ ‘‘uṭṭhāyāsanā vihāraṃ pāvisī’’ti.
сад̇т̇у жзва сам̣ван̣н̣ид̇од̇и сад̇т̇аараа жа басад̇т̇о. вин̃н̃уунанд̇и ид̣̇амби гаран̣ад̇т̇з саамиважанам̣, бан̣д̣ид̇зхи саб̣рахмажаарийхи жа самбхаавид̇од̇и ад̇т̇о. баход̇ийд̇и саггод̇и. ад̇иггаммзва муулам̣ ад̇иггаммзва канд̇ханд̇и сааро наама муулз ваа канд̇хз ваа бхавзяяа, д̇амби ад̇иггамид̇ваад̇и ад̇т̇о. звам̣самбад̣̇амид̣̇анд̇и звам̣самбад̇д̇игам̣, ийд̣̇исанд̇и ад̇т̇о. ад̇исид̇ваад̇и ад̇иггамид̇ваа. ж̇аанам̣ ж̇аанаад̇ийд̇и ж̇аанид̇аб̣б̣амзва ж̇аанаад̇и. бассам̣ бассад̇ийд̇и бассид̇аб̣б̣амзва бассад̇и. яат̇аа ваа згажжо вибарийд̇ам̣ г̇ан̣ханд̇о ж̇аананд̇оби на ж̇аанаад̇и, бассанд̇оби на бассад̇и, на звам̣ бхаг̇аваа. бхаг̇аваа бана ж̇аананд̇о ж̇аанаад̇и, бассанд̇о бассад̇иязва. свааяам̣ д̣̇ассанабарин̣ааяагадтзна жагкубхууд̇о. вид̣̇ид̇агаран̣адтзна н̃аан̣абхууд̇о . авибарийд̇асабхаавадтзна барияад̇д̇ид̇хаммабавад̇д̇анад̇о ваа хад̣̇аязна жинд̇зд̇ваа ваажааяа нижчаарид̇ад̇хаммамаяод̇и д̇хаммабхууд̇о. сздтадтзна б̣рахмабхууд̇о. ат̇а ваа жагку вияа бхууд̇од̇и жагкубхууд̇о. звамзд̇зсу бад̣̇зсу ад̇т̇о взд̣̇ид̇аб̣б̣о. свааяам̣ д̇хаммасса вад̇д̇анад̇о вад̇д̇аа. бавад̇д̇анад̇о бавад̇д̇аа. ад̇т̇ам̣ нийхарид̇ваа нийхарид̇ваа д̣̇ассанасамад̇т̇ад̇ааяа ад̇т̇асса ниннзд̇аа. амад̇аад̇хиг̇амааяа бадибад̇д̇им̣ д̣̇зсзд̇ийд̇и амад̇асса д̣̇аад̇аа.
Satthu ceva saṃvaṇṇitoti satthārā ca pasattho. Viññūnanti idampi karaṇatthe sāmivacanaṃ, paṇḍitehi sabrahmacārīhi ca sambhāvitoti attho. Pahotīti sakkoti. Atikkammeva mūlaṃ atikkammeva khandhanti sāro nāma mūle vā khandhe vā bhaveyya, tampi atikkamitvāti attho. Evaṃsampadamidanti evaṃsampattikaṃ, īdisanti attho. Atisitvāti atikkamitvā. Jānaṃ jānātīti jānitabbameva jānāti. Passaṃ passatīti passitabbameva passati. Yathā vā ekacco viparītaṃ gaṇhanto jānantopi na jānāti, passantopi na passati, na evaṃ bhagavā. Bhagavā pana jānanto jānāti, passanto passatiyeva. Svāyaṃ dassanapariṇāyakaṭṭhena cakkhubhūto. Viditakaraṇaṭṭhena ñāṇabhūto. Aviparītasabhāvaṭṭhena pariyattidhammapavattanato vā hadayena cintetvā vācāya nicchāritadhammamayoti dhammabhūto. Seṭṭhaṭṭhena brahmabhūto. Atha vā cakkhu viya bhūtoti cakkhubhūto. Evametesu padesu attho veditabbo. Svāyaṃ dhammassa vattanato vattā. Pavattanato pavattā. Atthaṃ nīharitvā nīharitvā dassanasamatthatāya atthassa ninnetā. Amatādhigamāya paṭipattiṃ desetīti amatassa dātā.
аг̇арум̣ гарид̇ваад̇и бунаббунам̣ яаажаабзнд̇оби хи г̇арум̣ гарод̇и наама. ад̇д̇ано сзгкабадисамбхид̣̇аан̃аан̣з тад̇ваа синзрубаад̣̇ад̇о ваалигам̣ уд̣̇д̇харамаано вияа д̣̇уб̣б̣ин̃н̃зяяам̣ гад̇ваа гат̇знд̇оби г̇арум̣ гарод̇иязва наама. звам̣ агад̇ваа амхз бунаббунам̣ аяаажаабзд̇ваа сувин̃н̃зяяамби но гад̇ваа гат̇зхийд̇и вуд̇д̇ам̣ ход̇и.
Agaruṃ karitvāti punappunaṃ yācāpentopi hi garuṃ karoti nāma. Attano sekkhapaṭisambhidāñāṇe ṭhatvā sinerupādato vālikaṃ uddharamāno viya dubbiññeyyaṃ katvā kathentopi garuṃ karotiyeva nāma. Evaṃ akatvā amhe punappunaṃ ayācāpetvā suviññeyyampi no katvā kathehīti vuttaṃ hoti.
яам̣ ко вод̇и яам̣ ко д̇умхаагам̣. жагкунаа ко, аавусо, логасмим̣ логасан̃н̃ий ход̇и логамаанийд̇и жагкун̃хи логз аббахийнад̣̇идти бут̇уж̇ж̇ано сад̇д̇алогавасзна логод̇и сан̃ж̇аанаад̇и жзва ман̃н̃ад̇и жа, д̇ат̇аа жаггаваал̣алогавасзна. на хи ан̃н̃ад̇ра жагкаад̣̇ийхи д̣̇ваад̣̇асааяад̇анзхи д̇асса саа сан̃н̃аа ваа маано ваа уббаж̇ж̇ад̇и. д̇зна вуд̇д̇ам̣, ‘‘жагкунаа ко, аавусо, логасмим̣ логасан̃н̃ий ход̇и логамааний’’д̇и. имасса жа логасса г̇аманзна анд̇о наама н̃аад̇ум̣ ваа д̣̇адтум̣ ваа бад̇д̇ум̣ ваа на саггаа. луж̇ж̇анадтзна бана д̇ассзва жагкаад̣̇ибхзд̣̇асса логасса ниб̣б̣аанасан̇каад̇ам̣ анд̇ам̣ аббад̇ваа ваддад̣̇угкасса анд̇агирияаа наама над̇т̇ийд̇и взд̣̇ид̇аб̣б̣аа.
Yaṃ kho voti yaṃ kho tumhākaṃ. Cakkhunā kho, āvuso, lokasmiṃ lokasaññī hoti lokamānīti cakkhuñhi loke appahīnadiṭṭhi puthujjano sattalokavasena lokoti sañjānāti ceva maññati ca, tathā cakkavāḷalokavasena. Na hi aññatra cakkhādīhi dvādasāyatanehi tassa sā saññā vā māno vā uppajjati. Tena vuttaṃ, ‘‘cakkhunā kho, āvuso, lokasmiṃ lokasaññī hoti lokamānī’’ti. Imassa ca lokassa gamanena anto nāma ñātuṃ vā daṭṭhuṃ vā pattuṃ vā na sakkā. Lujjanaṭṭhena pana tasseva cakkhādibhedassa lokassa nibbānasaṅkhātaṃ antaṃ appatvā vaṭṭadukkhassa antakiriyā nāma natthīti veditabbā.
звам̣ бан̃хам̣ виссаж̇ж̇зд̇ваа ид̣̇аани ‘‘саавагзна бан̃хо гат̇ид̇од̇и маа нигган̇каа ахувад̇т̇а, аяам̣ бхаг̇аваа саб̣б̣ан̃н̃уд̇ан̃н̃аан̣ад̇улам̣ г̇ахзд̇ваа нисинно. ижчамаанаа д̇амзва убасан̇гамид̇ваа нигган̇каа хот̇аа’’д̇и уяяож̇знд̇о ааган̇камаанаа банаад̇иаад̣̇имааха.
Evaṃ pañhaṃ vissajjetvā idāni ‘‘sāvakena pañho kathitoti mā nikkaṅkhā ahuvattha, ayaṃ bhagavā sabbaññutaññāṇatulaṃ gahetvā nisinno. Icchamānā tameva upasaṅkamitvā nikkaṅkhā hothā’’ti uyyojento ākaṅkhamānā panātiādimāha.
имзхи аагаарзхийд̇и имзхи гааран̣зхи жаггаваал̣алогасса анд̇аабхаавагааран̣зхи жзва сан̇кааралогасса анд̇аабад̇д̇игааран̣зхи жа. имзхи бад̣̇зхийд̇и имзхи агкарасамбин̣д̣анзхи. б̣яан̃ж̇анзхийд̇и баадиязггаагкарзхи.
Imehi ākārehīti imehi kāraṇehi cakkavāḷalokassa antābhāvakāraṇehi ceva saṅkhāralokassa antāpattikāraṇehi ca. Imehi padehīti imehi akkharasampiṇḍanehi. Byañjanehīti pāṭiyekkaakkharehi.
бан̣д̣ид̇од̇и бан̣д̣ижжзна саманнааг̇ад̇о. жад̇уухи гааран̣зхи бан̣д̣ид̇о д̇хаад̇угусало ааяад̇анагусало бажжаяаагаарагусало гааран̣аагааран̣агусалод̇и. махаабан̃н̃од̇и маханд̇з ад̇т̇з маханд̇з д̇хаммз маханд̇аа нируд̇д̇ияо маханд̇аани бадибхаанаани бадиг̇г̇ан̣ханасамад̇т̇ад̇ааяа махаабан̃н̃ааяа саманнааг̇ад̇о. яат̇аа д̇ам̣ аананд̣̇знаад̇и яат̇аа аананд̣̇зна б̣яаагад̇ам̣, д̇ам̣ санд̇хааяа вуд̇д̇ам̣. яат̇аа аананд̣̇зна д̇ам̣ б̣яаагад̇ам̣, ахамби д̇ам̣ звамзва б̣яаагарзяяанд̇и ад̇т̇о.
Paṇḍitoti paṇḍiccena samannāgato. Catūhi kāraṇehi paṇḍito dhātukusalo āyatanakusalo paccayākārakusalo kāraṇākāraṇakusaloti. Mahāpaññoti mahante atthe mahante dhamme mahantā niruttiyo mahantāni paṭibhānāni paṭiggaṇhanasamatthatāya mahāpaññāya samannāgato. Yathātaṃ ānandenāti yathā ānandena byākataṃ, taṃ sandhāya vuttaṃ. Yathā ānandena taṃ byākataṃ, ahampi taṃ evameva byākareyyanti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. логанд̇аг̇аманасуд̇д̇ам̣ • 3. Lokantagamanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. логанд̇аг̇аманасуд̇д̇аван̣н̣анаа • 3. Lokantagamanasuttavaṇṇanā
