| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
லோகபாலது³கவண்ணனா
Lokapāladukavaṇṇanā
ஹிரொத்தப்பானிபி ஹெட்டா² ப³லவஸேன க³ஹிதானி, இத⁴ லோகபாலவஸேன. லோகஞ்ஹி இமே த்³வே த⁴ம்மா பாலயந்தி. யதா²ஹ –
Hirottappānipi heṭṭhā balavasena gahitāni, idha lokapālavasena. Lokañhi ime dve dhammā pālayanti. Yathāha –
‘‘த்³வேமே, பி⁴க்க²வே, ஸுக்கா த⁴ம்மா லோகங் பாலெந்தி. கதமே த்³வே? ஹிரீ ச ஒத்தப்பஞ்ச . இமே கோ², பி⁴க்க²வே, த்³வே ஸுக்கா த⁴ம்மா லோகங் பாலெந்தி . ஸசே, பி⁴க்க²வே, த்³வே ஸுக்கா த⁴ம்மா லோகங் ந பாலெய்யுங், நயித⁴ பஞ்ஞாயேத² மாதாதி வா, மாதுச்சா²தி வா, மாதுலானீதி வா, ஆசரியப⁴ரியாதி வா, க³ரூனங் தா³ராதி வா. ஸம்பே⁴த³ங் லோகோ அக³மிஸ்ஸ யதா² அஜேளகா குக்குடஸூகரா ஸோணஸிங்கா³லா. யஸ்மா ச கோ², பி⁴க்க²வே, இமே த்³வே ஸுக்கா த⁴ம்மா லோகங் பாலெந்தி, தஸ்மா பஞ்ஞாயதி மாதாதி வா மாதுச்சா²தி வா மாதுலானீதி வா ஆசரியப⁴ரியாதி வா க³ரூனங் தா³ராதி வா’’தி (அ॰ நி॰ 2.9).
‘‘Dveme, bhikkhave, sukkā dhammā lokaṃ pālenti. Katame dve? Hirī ca ottappañca . Ime kho, bhikkhave, dve sukkā dhammā lokaṃ pālenti . Sace, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā, mātucchāti vā, mātulānīti vā, ācariyabhariyāti vā, garūnaṃ dārāti vā. Sambhedaṃ loko agamissa yathā ajeḷakā kukkuṭasūkarā soṇasiṅgālā. Yasmā ca kho, bhikkhave, ime dve sukkā dhammā lokaṃ pālenti, tasmā paññāyati mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti (a. ni. 2.9).
