| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
логабаалад̣̇угаван̣н̣анаа
Lokapāladukavaṇṇanā
хирод̇д̇аббааниби хздтаа б̣алавасзна г̇ахид̇аани, ид̇ха логабаалавасзна. логан̃хи имз д̣̇вз д̇хаммаа баалаяанд̇и. яат̇ааха –
Hirottappānipi heṭṭhā balavasena gahitāni, idha lokapālavasena. Lokañhi ime dve dhammā pālayanti. Yathāha –
‘‘д̣̇взмз, бхигкавз, суггаа д̇хаммаа логам̣ баалзнд̇и. гад̇амз д̣̇вз? хирий жа од̇д̇аббан̃жа . имз ко, бхигкавз, д̣̇вз суггаа д̇хаммаа логам̣ баалзнд̇и . сажз, бхигкавз, д̣̇вз суггаа д̇хаммаа логам̣ на баалзяяум̣, наяид̇ха бан̃н̃ааязт̇а маад̇аад̇и ваа, маад̇ужчаад̇и ваа, маад̇улаанийд̇и ваа, аажарияабхарияаад̇и ваа, г̇аруунам̣ д̣̇аараад̇и ваа. самбхзд̣̇ам̣ лого аг̇амисса яат̇аа аж̇зл̣агаа гуггудасуугараа сон̣асин̇г̇аалаа. яасмаа жа ко, бхигкавз, имз д̣̇вз суггаа д̇хаммаа логам̣ баалзнд̇и, д̇асмаа бан̃н̃ааяад̇и маад̇аад̇и ваа маад̇ужчаад̇и ваа маад̇улаанийд̇и ваа аажарияабхарияаад̇и ваа г̇аруунам̣ д̣̇аараад̇и ваа’’д̇и (а. ни. 2.9).
‘‘Dveme, bhikkhave, sukkā dhammā lokaṃ pālenti. Katame dve? Hirī ca ottappañca . Ime kho, bhikkhave, dve sukkā dhammā lokaṃ pālenti . Sace, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā, mātucchāti vā, mātulānīti vā, ācariyabhariyāti vā, garūnaṃ dārāti vā. Sambhedaṃ loko agamissa yathā ajeḷakā kukkuṭasūkarā soṇasiṅgālā. Yasmā ca kho, bhikkhave, ime dve sukkā dhammā lokaṃ pālenti, tasmā paññāyati mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti (a. ni. 2.9).
