| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. லோகபஞ்ஹாஸுத்தங்
9. Lokapañhāsuttaṃ
82. அத² கோ² அஞ்ஞதரோ பி⁴க்கு² யேன ப⁴க³வா…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச –
82. Atha kho aññataro bhikkhu yena bhagavā…pe… ekamantaṃ nisinno kho so bhikkhu bhagavantaṃ etadavoca –
‘‘‘லோகோ, லோகோ’தி, ப⁴ந்தே, வுச்சதி. கித்தாவதா நு கோ², ப⁴ந்தே, லோகோதி வுச்சதீ’’தி? ‘‘‘லுஜ்ஜதீ’தி கோ², பி⁴க்கு², தஸ்மா லோகோதி வுச்சதி. கிஞ்ச லுஜ்ஜதி? சக்கு² கோ², பி⁴க்கு², லுஜ்ஜதி. ரூபா லுஜ்ஜந்தி, சக்கு²விஞ்ஞாணங் லுஜ்ஜதி, சக்கு²ஸம்ப²ஸ்ஸோ லுஜ்ஜதி , யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி லுஜ்ஜதி…பே॰… ஜிவ்ஹா லுஜ்ஜதி…பே॰… மனோ லுஜ்ஜதி, த⁴ம்மா லுஜ்ஜந்தி, மனோவிஞ்ஞாணங் லுஜ்ஜதி, மனோஸம்ப²ஸ்ஸோ லுஜ்ஜதி, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி லுஜ்ஜதி. லுஜ்ஜதீதி கோ², பி⁴க்கு², தஸ்மா லோகோதி வுச்சதீ’’தி. நவமங்.
‘‘‘Loko, loko’ti, bhante, vuccati. Kittāvatā nu kho, bhante, lokoti vuccatī’’ti? ‘‘‘Lujjatī’ti kho, bhikkhu, tasmā lokoti vuccati. Kiñca lujjati? Cakkhu kho, bhikkhu, lujjati. Rūpā lujjanti, cakkhuviññāṇaṃ lujjati, cakkhusamphasso lujjati , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati…pe… jivhā lujjati…pe… mano lujjati, dhammā lujjanti, manoviññāṇaṃ lujjati, manosamphasso lujjati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati. Lujjatīti kho, bhikkhu, tasmā lokoti vuccatī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. லோகபஞ்ஹாஸுத்தவண்ணனா • 9. Lokapañhāsuttavaṇṇanā
