| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. ලොකපඤ්‌හාසුත්‌තං
9. Lokapañhāsuttaṃ
82. අථ ඛො අඤ්‌ඤතරො භික්‌ඛු යෙන භගවා…පෙ.… එකමන්‌තං නිසින්‌නො ඛො සො භික්‌ඛු භගවන්‌තං එතදවොච –
82. Atha kho aññataro bhikkhu yena bhagavā…pe… ekamantaṃ nisinno kho so bhikkhu bhagavantaṃ etadavoca –
‘‘‘ලොකො, ලොකො’ති, භන්‌තෙ, වුච්‌චති. කිත්‌තාවතා නු ඛො, භන්‌තෙ, ලොකොති වුච්‌චතී’’ති? ‘‘‘ලුජ්‌ජතී’ති ඛො, භික්‌ඛු, තස්‌මා ලොකොති වුච්‌චති. කිඤ්‌ච ලුජ්‌ජති? චක්‌ඛු ඛො, භික්‌ඛු, ලුජ්‌ජති. රූපා ලුජ්‌ජන්‌ති, චක්‌ඛුවිඤ්‌ඤාණං ලුජ්‌ජති, චක්‌ඛුසම්‌ඵස්‌සො ලුජ්‌ජති , යම්‌පිදං චක්‌ඛුසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි ලුජ්‌ජති…පෙ.… ජිව්‌හා ලුජ්‌ජති…පෙ.… මනො ලුජ්‌ජති, ධම්‌මා ලුජ්‌ජන්‌ති, මනොවිඤ්‌ඤාණං ලුජ්‌ජති, මනොසම්‌ඵස්‌සො ලුජ්‌ජති, යම්‌පිදං මනොසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි ලුජ්‌ජති. ලුජ්‌ජතීති ඛො, භික්‌ඛු, තස්‌මා ලොකොති වුච්‌චතී’’ති. නවමං.
‘‘‘Loko, loko’ti, bhante, vuccati. Kittāvatā nu kho, bhante, lokoti vuccatī’’ti? ‘‘‘Lujjatī’ti kho, bhikkhu, tasmā lokoti vuccati. Kiñca lujjati? Cakkhu kho, bhikkhu, lujjati. Rūpā lujjanti, cakkhuviññāṇaṃ lujjati, cakkhusamphasso lujjati , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati…pe… jivhā lujjati…pe… mano lujjati, dhammā lujjanti, manoviññāṇaṃ lujjati, manosamphasso lujjati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati. Lujjatīti kho, bhikkhu, tasmā lokoti vuccatī’’ti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. ලොකපඤ්‌හාසුත්‌තවණ්‌ණනා • 9. Lokapañhāsuttavaṇṇanā
