| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. லோகஸுத்தங்
3. Lokasuttaṃ
134. ஸாவத்தி²னிதா³னங் . ஏகமந்தங் நிஸின்னோ கோ² ராஜா பஸேனதி³ கோஸலோ ப⁴க³வந்தங் ஏதத³வோச – ‘‘கதி நு கோ², ப⁴ந்தே, லோகஸ்ஸ த⁴ம்மா உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராயா’’தி? ‘‘தயோ கோ², மஹாராஜ, லோகஸ்ஸ த⁴ம்மா உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராய. கதமே தயோ? லோபோ⁴ கோ², மஹாராஜ, லோகஸ்ஸ த⁴ம்மோ, உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய. தோ³ஸோ கோ², மஹாராஜ, லோகஸ்ஸ த⁴ம்மோ, உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய. மோஹோ கோ², மஹாராஜ, லோகஸ்ஸ த⁴ம்மோ, உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய. இமே கோ², மஹாராஜ, தயோ லோகஸ்ஸ த⁴ம்மா உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராயா’’தி. இத³மவோச…பே॰…
134. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘kati nu kho, bhante, lokassa dhammā uppajjamānā uppajjanti ahitāya dukkhāya aphāsuvihārāyā’’ti? ‘‘Tayo kho, mahārāja, lokassa dhammā uppajjamānā uppajjanti ahitāya dukkhāya aphāsuvihārāya. Katame tayo? Lobho kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Doso kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Moho kho, mahārāja, lokassa dhammo, uppajjamāno uppajjati ahitāya dukkhāya aphāsuvihārāya. Ime kho, mahārāja, tayo lokassa dhammā uppajjamānā uppajjanti ahitāya dukkhāya aphāsuvihārāyā’’ti. Idamavoca…pe…
‘‘லோபோ⁴ தோ³ஸோ ச மோஹோ ச, புரிஸங் பாபசேதஸங்;
‘‘Lobho doso ca moho ca, purisaṃ pāpacetasaṃ;
ஹிங்ஸந்தி அத்தஸம்பூ⁴தா, தசஸாரங்வ ஸம்ப²ல’’ந்தி.
Hiṃsanti attasambhūtā, tacasāraṃva samphala’’nti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. அய்யிகாஸுத்தவண்ணனா • 2. Ayyikāsuttavaṇṇanā
