Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    3. логасуд̇д̇ам̣

    3. Lokasuttaṃ

    23. ‘‘лого , бхигкавз, д̇ат̇ааг̇ад̇зна абхисамб̣уд̣̇д̇хо. логасмаа д̇ат̇ааг̇ад̇о висам̣яуд̇д̇о. логасамуд̣̇аяо, бхигкавз, д̇ат̇ааг̇ад̇зна абхисамб̣уд̣̇д̇хо. логасамуд̣̇аяо д̇ат̇ааг̇ад̇асса бахийно. логанирод̇хо, бхигкавз, д̇ат̇ааг̇ад̇зна абхисамб̣уд̣̇д̇хо. логанирод̇хо д̇ат̇ааг̇ад̇асса сажчигад̇о. логанирод̇хаг̇ааминий бадибад̣̇аа, бхигкавз, д̇ат̇ааг̇ад̇зна абхисамб̣уд̣̇д̇хаа. логанирод̇хаг̇ааминий бадибад̣̇аа д̇ат̇ааг̇ад̇асса бхаавид̇аа.

    23. ‘‘Loko , bhikkhave, tathāgatena abhisambuddho. Lokasmā tathāgato visaṃyutto. Lokasamudayo, bhikkhave, tathāgatena abhisambuddho. Lokasamudayo tathāgatassa pahīno. Lokanirodho, bhikkhave, tathāgatena abhisambuddho. Lokanirodho tathāgatassa sacchikato. Lokanirodhagāminī paṭipadā, bhikkhave, tathāgatena abhisambuddhā. Lokanirodhagāminī paṭipadā tathāgatassa bhāvitā.

    ‘‘яам̣, бхигкавз, сад̣̇звагасса логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣. д̇асмаа ‘д̇ат̇ааг̇ад̇о’д̇и вужжад̇и.

    ‘‘Yaṃ, bhikkhave, sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, sabbaṃ taṃ tathāgatena abhisambuddhaṃ. Tasmā ‘tathāgato’ti vuccati.

    ‘‘яан̃жа, бхигкавз, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и саб̣б̣ам̣ д̇ам̣ д̇ат̇зва ход̇и, но ан̃н̃ат̇аа. д̇асмаа ‘д̇ат̇ааг̇ад̇о’д̇и вужжад̇и.

    ‘‘Yañca, bhikkhave, rattiṃ tathāgato anuttaraṃ sammāsambodhiṃ abhisambujjhati yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati sabbaṃ taṃ tatheva hoti, no aññathā. Tasmā ‘tathāgato’ti vuccati.

    ‘‘яат̇ааваад̣̇ий, бхигкавз, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. д̇асмаа ‘д̇ат̇ааг̇ад̇о’д̇и вужжад̇и.

    ‘‘Yathāvādī, bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī. Tasmā ‘tathāgato’ti vuccati.

    ‘‘сад̣̇звагз, бхигкавз, логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇у д̣̇асо васавад̇д̇ий. д̇асмаа ‘д̇ат̇ааг̇ад̇о’д̇и вужжад̇и’’.

    ‘‘Sadevake, bhikkhave, loke samārake sabrahmake sassamaṇabrāhmaṇiyā pajāya sadevamanussāya tathāgato abhibhū anabhibhūto aññadatthu daso vasavattī. Tasmā ‘tathāgato’ti vuccati’’.

    ‘‘саб̣б̣ам̣ логам̣ абхин̃н̃ааяа, саб̣б̣ам̣ логз яат̇аад̇ат̇ам̣;

    ‘‘Sabbaṃ lokaṃ abhiññāya, sabbaṃ loke yathātathaṃ;

    саб̣б̣ам̣ логам̣ 1 висам̣яуд̇д̇о, саб̣б̣алогз ануубаяо.

    Sabbaṃ lokaṃ 2 visaṃyutto, sabbaloke anūpayo.

    ‘‘са вз саб̣б̣аабхибхуу д̇хийро, саб̣б̣аг̇ант̇аббаможано;

    ‘‘Sa ve sabbābhibhū dhīro, sabbaganthappamocano;

    пудта’сса барамаа санд̇и, ниб̣б̣аанам̣ агуд̇обхаяам̣.

    Phuṭṭha’ssa paramā santi, nibbānaṃ akutobhayaṃ.

    ‘‘зса кийн̣аасаво б̣уд̣̇д̇хо, анийгхо чиннасам̣саяо;

    ‘‘Esa khīṇāsavo buddho, anīgho chinnasaṃsayo;

    саб̣б̣агаммагкаяам̣ бад̇д̇о, вимуд̇д̇о убад̇хисан̇каяз.

    Sabbakammakkhayaṃ patto, vimutto upadhisaṅkhaye.

    ‘‘зса со бхаг̇аваа б̣уд̣̇д̇хо, зса сийхо ануд̇д̇аро;

    ‘‘Esa so bhagavā buddho, esa sīho anuttaro;

    сад̣̇звагасса логасса, б̣рахмажаггам̣ бавад̇д̇аяий.

    Sadevakassa lokassa, brahmacakkaṃ pavattayī.

    ‘‘ид̇и д̣̇зваа мануссаа жа, яз б̣уд̣̇д̇хам̣ саран̣ам̣ г̇ад̇аа;

    ‘‘Iti devā manussā ca, ye buddhaṃ saraṇaṃ gatā;

    сан̇г̇амма д̇ам̣ намассанд̇и, маханд̇ам̣ вийд̇асаарад̣̇ам̣.

    Saṅgamma taṃ namassanti, mahantaṃ vītasāradaṃ.

    ‘‘д̣̇анд̇о д̣̇амаяад̇ам̣ сздто, санд̇о самаяад̇ам̣ иси;

    ‘‘Danto damayataṃ seṭṭho, santo samayataṃ isi;

    муд̇д̇о можаяад̇ам̣ аг̇г̇о, д̇ин̣н̣о д̇аараяад̇ам̣ варо.

    Mutto mocayataṃ aggo, tiṇṇo tārayataṃ varo.

    ‘‘ид̇и хзд̇ам̣ намассанд̇и, маханд̇ам̣ вийд̇асаарад̣̇ам̣;

    ‘‘Iti hetaṃ namassanti, mahantaṃ vītasāradaṃ;

    сад̣̇звагасмим̣ логасмим̣, над̇т̇и д̇з 3 бадибуг̇г̇ало’’д̇и. д̇ад̇ияам̣;

    Sadevakasmiṃ lokasmiṃ, natthi te 4 paṭipuggalo’’ti. tatiyaṃ;




    Next: 4. гаал̣агаараамасуд̇д̇ам̣ • 4. Kāḷakārāmasuttaṃ




    Footnotes:
    1. саб̣б̣алога (сий. сяаа. гам̣. бий.)
    2. sabbaloka (sī. syā. kaṃ. pī.)
    3. над̇т̇и д̇з (сий. сяаа. гам̣. бий.)
    4. natthi te (sī. syā. kaṃ. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. логасуд̇д̇аван̣н̣анаа • 3. Lokasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. логасуд̇д̇аван̣н̣анаа • 3. Lokasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact