| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
10. логасуд̇д̇ам̣
10. Lokasuttaṃ
30. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз б̣од̇хиругкамуулз батамаабхисамб̣уд̣̇д̇хо. д̇зна ко бана самаязна бхаг̇аваа сад̇д̇аахам̣ згабаллан̇гзна нисинно ход̇и вимуд̇д̇исукабадисам̣взд̣̇ий.
30. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre bodhirukkhamūle paṭhamābhisambuddho. Tena kho pana samayena bhagavā sattāhaṃ ekapallaṅkena nisinno hoti vimuttisukhapaṭisaṃvedī.
ат̇а ко бхаг̇аваа д̇асса сад̇д̇аахасса ажжаязна д̇амхаа самаад̇химхаа вудтахид̇ваа б̣уд̣̇д̇хажагкунаа логам̣ вологзси. ад̣̇д̣̇асаа ко бхаг̇аваа б̣уд̣̇д̇хажагкунаа вологзнд̇о сад̇д̇з анзгзхи санд̇аабзхи санд̇аббамаанз, анзгзхи жа барил̣аахзхи барид̣аяхамаанз – рааг̇аж̇зхиби, д̣̇осаж̇зхиби, мохаж̇зхиби 1.
Atha kho bhagavā tassa sattāhassa accayena tamhā samādhimhā vuṭṭhahitvā buddhacakkhunā lokaṃ volokesi. Addasā kho bhagavā buddhacakkhunā volokento satte anekehi santāpehi santappamāne, anekehi ca pariḷāhehi pariḍayhamāne – rāgajehipi, dosajehipi, mohajehipi 2.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘аяам̣ лого санд̇аабаж̇аад̇о,
‘‘Ayaṃ loko santāpajāto,
пассабарзд̇о рог̇ам̣ вад̣̇ад̇и ад̇д̇ад̇о;
Phassapareto rogaṃ vadati attato;
д̇ад̇о д̇ам̣ ход̇и ан̃н̃ат̇аа.
Tato taṃ hoti aññathā.
‘‘ан̃н̃ат̇аабхаавий бхавасад̇д̇о лого,
‘‘Aññathābhāvī bhavasatto loko,
бхавабарзд̇о бхавамзваабхинанд̣̇ад̇и;
Bhavapareto bhavamevābhinandati;
яад̣̇абхинанд̣̇ад̇и д̇ам̣ бхаяам̣,
Yadabhinandati taṃ bhayaṃ,
яасса бхааяад̇и д̇ам̣ д̣̇угкам̣;
Yassa bhāyati taṃ dukkhaṃ;
бхававиббахаанааяа ко банид̣̇ам̣ б̣рахмажарияам̣ вуссад̇и’’.
Bhavavippahānāya kho panidaṃ brahmacariyaṃ vussati’’.
‘‘‘яз хи гзжи саман̣аа ваа б̣раахман̣аа ваа бхавзна бхавасса виббамогкамаахам̣су, саб̣б̣з д̇з авиббамуд̇д̇аа бхавасмаа’д̇и вад̣̇аами. ‘яз ваа бана гзжи саман̣аа ваа б̣раахман̣аа ваа вибхавзна бхавасса ниссаран̣амаахам̣су, саб̣б̣з д̇з аниссадаа бхавасмаа’д̇и вад̣̇аами.
‘‘‘Ye hi keci samaṇā vā brāhmaṇā vā bhavena bhavassa vippamokkhamāhaṃsu, sabbe te avippamuttā bhavasmā’ti vadāmi. ‘Ye vā pana keci samaṇā vā brāhmaṇā vā vibhavena bhavassa nissaraṇamāhaṃsu, sabbe te anissaṭā bhavasmā’ti vadāmi.
‘‘убад̇хин̃хи бадижжа д̣̇угкамид̣̇ам̣ самбход̇и, саб̣б̣убаад̣̇аанагкаяаа над̇т̇и д̣̇угкасса самбхаво. логамимам̣ басса; бут̇уу авиж̇ж̇ааяа барзд̇аа бхууд̇аа бхууд̇арад̇аа абаримуд̇д̇аа; яз хи гзжи бхаваа саб̣б̣ад̇хи саб̣б̣ад̇т̇ад̇ааяа саб̣б̣з д̇з бхаваа анижжаа д̣̇угкаа вибарин̣аамад̇хаммаа’’д̇и.
‘‘Upadhiñhi paṭicca dukkhamidaṃ sambhoti, sabbupādānakkhayā natthi dukkhassa sambhavo. Lokamimaṃ passa; puthū avijjāya paretā bhūtā bhūtaratā aparimuttā; ye hi keci bhavā sabbadhi sabbatthatāya sabbe te bhavā aniccā dukkhā vipariṇāmadhammā’’ti.
‘‘звамзд̇ам̣ яат̇аабхууд̇ам̣, саммаббан̃н̃ааяа бассад̇о;
‘‘Evametaṃ yathābhūtaṃ, sammappaññāya passato;
бхавад̇ан̣хаа бахийяад̇и, вибхавам̣ наабхинанд̣̇ад̇и.
Bhavataṇhā pahīyati, vibhavaṃ nābhinandati.
‘‘саб̣б̣асо д̇ан̣хаанам̣ каяаа,
‘‘Sabbaso taṇhānaṃ khayā,
асзсавирааг̇анирод̇хо ниб̣б̣аанам̣;
Asesavirāganirodho nibbānaṃ;
д̇асса ниб̣б̣уд̇асса бхигкуно,
Tassa nibbutassa bhikkhuno,
абхибхууд̇о мааро виж̇ид̇асан̇г̇аамо,
Abhibhūto māro vijitasaṅgāmo,
убажжаг̇аа саб̣б̣абхаваани д̇аад̣̇ий’’д̇и. д̣̇асамам̣;
Upaccagā sabbabhavāni tādī’’ti. dasamaṃ;
нанд̣̇аваг̇г̇о д̇ад̇ияо нидтид̇о.
Nandavaggo tatiyo niṭṭhito.
д̇ассуд̣̇д̣̇аанам̣ –
Tassuddānaṃ –
гаммам̣ нанд̣̇о яасож̇о жа, саарибуд̇д̇о жа голид̇о;
Kammaṃ nando yasojo ca, sāriputto ca kolito;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 10. логасуд̇д̇аван̣н̣анаа • 10. Lokasuttavaṇṇanā
