| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. ලොකසුත්‌තං
8. Lokasuttaṃ
394. තංයෙව නිදානං. එකමන්‌තං නිසින්‌නො ඛො ආයස්‌මා සාරිපුත්‌තො ආයස්‌මන්‌තං අනුරුද්‌ධං එතදවොච – ‘‘කතමෙසං, ආවුසො අනුරුද්‌ධ, ධම්‌මානං භාවිතත්‌තා බහුලීකතත්‌තා මහාභිඤ්‌ඤතං 1 පත්‌තො’’ති? ‘‘චතුන්‌නං , ආවුසො, සතිපට්‌ඨානානං භාවිතත්‌තා බහුලීකතත්‌තා මහාභිඤ්‌ඤතං පත්‌තො’’.
394. Taṃyeva nidānaṃ. Ekamantaṃ nisinno kho āyasmā sāriputto āyasmantaṃ anuruddhaṃ etadavoca – ‘‘katamesaṃ, āvuso anuruddha, dhammānaṃ bhāvitattā bahulīkatattā mahābhiññataṃ 2 patto’’ti? ‘‘Catunnaṃ , āvuso, satipaṭṭhānānaṃ bhāvitattā bahulīkatattā mahābhiññataṃ patto’’.
‘‘කතමෙසං චතුන්‌නං? ඉධාහං, ආවුසො, කායෙ කායානුපස්‌සී විහරාමි ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං; වෙදනාසු…පෙ.… චිත්‌තෙ…පෙ.… ධම්‌මෙසු ධම්‌මානුපස්‌සී විහරාමි ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං. ඉමෙසං ඛ්‌වාහං, ආවුසො , චතුන්‌නං සතිපට්‌ඨානානං භාවිතත්‌තා බහුලීකතත්‌තා මහාභිඤ්‌ඤතං පත්‌තො. ඉමෙසඤ්‌ච පනාහං, ආවුසො, චතුන්‌නං සතිපට්‌ඨානානං භාවිතත්‌තා බහුලීකතත්‌තා සහස්‌සං ලොකං අභිජානාමී’’ති. අට්‌ඨමං.
‘‘Katamesaṃ catunnaṃ? Idhāhaṃ, āvuso, kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ. Imesaṃ khvāhaṃ, āvuso , catunnaṃ satipaṭṭhānānaṃ bhāvitattā bahulīkatattā mahābhiññataṃ patto. Imesañca panāhaṃ, āvuso, catunnaṃ satipaṭṭhānānaṃ bhāvitattā bahulīkatattā sahassaṃ lokaṃ abhijānāmī’’ti. Aṭṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-10. ලොකසුත්‌තාදිවණ්‌ණනා • 8-10. Lokasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8-10. ලොකසුත්‌තාදිවණ්‌ණනා • 8-10. Lokasuttādivaṇṇanā
