| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. логасуд̇д̇аван̣н̣анаа
3. Lokasuttavaṇṇanā
23. д̇ад̇ияз логод̇и д̣̇угкасажжам̣. абхисамб̣уд̣̇д̇ход̇и н̃аад̇о бажжагко гад̇о. логасмаад̇и д̣̇угкасажжад̇о. бахийнод̇и махааб̣од̇химан̣д̣з арахад̇д̇амаг̇г̇ан̃аан̣зна бахийно. д̇ат̇ааг̇ад̇асса бхаавид̇аад̇и д̇ат̇ааг̇ад̇зна бхаавид̇аа.
23. Tatiye lokoti dukkhasaccaṃ. Abhisambuddhoti ñāto paccakkho kato. Lokasmāti dukkhasaccato. Pahīnoti mahābodhimaṇḍe arahattamaggañāṇena pahīno. Tathāgatassa bhāvitāti tathāgatena bhāvitā.
звам̣ зд̇д̇агзна таанзна жад̇уухи сажжзхи ад̇д̇ано б̣уд̣̇д̇хабхаавам̣ гат̇зд̇ваа ид̣̇аани д̇ат̇ааг̇ад̇абхаавам̣ гат̇зд̇ум̣ яам̣, бхигкавзд̇иаад̣̇имааха. д̇ад̇т̇а д̣̇идтанд̇и руубааяад̇анам̣. суд̇анд̇и сад̣̇д̣̇ааяад̇анам̣. муд̇анд̇и бад̇ваа г̇ахзд̇аб̣б̣ад̇о г̇анд̇хааяад̇анам̣ расааяад̇анам̣ подтаб̣б̣ааяад̇анам̣. вин̃н̃аад̇анд̇и сукад̣̇угкаад̣̇и д̇хаммаарамман̣ам̣. бад̇д̇анд̇и бариязсид̇ваа ваа абариязсид̇ваа ваа бад̇д̇ам̣. бариязсид̇анд̇и бад̇д̇ам̣ ваа аббад̇д̇ам̣ ваа бариязсид̇ам̣. анувижарид̇ам̣ манасаад̇и жид̇д̇зна анусан̃жарид̇ам̣.
Evaṃ ettakena ṭhānena catūhi saccehi attano buddhabhāvaṃ kathetvā idāni tathāgatabhāvaṃ kathetuṃ yaṃ, bhikkhavetiādimāha. Tattha diṭṭhanti rūpāyatanaṃ. Sutanti saddāyatanaṃ. Mutanti patvā gahetabbato gandhāyatanaṃ rasāyatanaṃ phoṭṭhabbāyatanaṃ. Viññātanti sukhadukkhādi dhammārammaṇaṃ. Pattanti pariyesitvā vā apariyesitvā vā pattaṃ. Pariyesitanti pattaṃ vā appattaṃ vā pariyesitaṃ. Anuvicaritaṃ manasāti cittena anusañcaritaṃ.
д̇ат̇ааг̇ад̇зна абхисамб̣уд̣̇д̇ханд̇и иминаа зд̇ам̣ д̣̇ассзд̇и – яам̣ абаримаан̣аасу логад̇хаад̇уусу имасса сад̣̇звагасса логасса нийлам̣ бийд̇аганд̇иаад̣̇и руубаарамман̣ам̣ жагкуд̣̇ваарз аабаат̇ам̣ ааг̇ажчад̇и, ‘‘аяам̣ сад̇д̇о имасмим̣ кан̣з имам̣ наама руубаарамман̣ам̣ д̣̇исваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ат̇ааг̇ад̇асса звам̣ абхисамб̣уд̣̇д̇хам̣. д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса бхзрисад̣̇д̣̇о муд̣̇ин̇г̇асад̣̇д̣̇од̇иаад̣̇и сад̣̇д̣̇аарамман̣ам̣ сод̇ад̣̇ваарз аабаат̇ам̣ ааг̇ажчад̇и, муулаг̇анд̇хо д̇ажаг̇анд̇ход̇иаад̣̇и г̇анд̇хаарамман̣ам̣ гхаанад̣̇ваарз аабаат̇ам̣ ааг̇ажчад̇и, мууларасо канд̇харасод̇иаад̣̇и расаарамман̣ам̣ ж̇ивхаад̣̇ваарз аабаат̇ам̣ ааг̇ажчад̇и, гагкал̣ам̣ муд̣̇уганд̇иаад̣̇и бат̇авийд̇хаад̇уд̇зж̇од̇хаад̇увааяод̇хаад̇убхзд̣̇ам̣ подтаб̣б̣аарамман̣ам̣ гааяад̣̇ваарз аабаат̇ам̣ ааг̇ажчад̇и, ‘‘аяам̣ сад̇д̇о имасмим̣ кан̣з имам̣ наама подтаб̣б̣аарамман̣ам̣ пусид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ат̇ааг̇ад̇асса звам̣ абхисамб̣уд̣̇д̇хам̣. д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса сукад̣̇угкаад̣̇ибхзд̣̇ам̣ д̇хаммаарамман̣ам̣ манод̣̇ваарасса аабаат̇ам̣ ааг̇ажчад̇и, ‘‘аяам̣ сад̇д̇о имасмим̣ кан̣з имам̣ наама д̇хаммаарамман̣ам̣ виж̇аанид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ат̇ааг̇ад̇асса звам̣ абхисамб̣уд̣̇д̇хам̣. яан̃хи, бхигкавз, имзсам̣ саб̣б̣асад̇д̇аанам̣ д̣̇идтам̣ суд̇ам̣ муд̇ам̣ вин̃н̃аад̇ам̣, д̇ад̇т̇а д̇ат̇ааг̇ад̇зна ад̣̇идтам̣ ваа асуд̇ам̣ ваа амуд̇ам̣ ваа авин̃н̃аад̇ам̣ ваа над̇т̇и, имасса бана махааж̇анасса бариязсид̇ваа аббад̇д̇амби ад̇т̇и, абариязсид̇ваа аббад̇д̇амби ад̇т̇и, бариязсид̇ваа бад̇д̇амби ад̇т̇и, абариязсид̇ваа бад̇д̇амби ад̇т̇и, саб̣б̣амби д̇ат̇ааг̇ад̇асса аббад̇д̇ам̣ наама над̇т̇и н̃аан̣зна асажчигад̇ам̣.
Tathāgatenaabhisambuddhanti iminā etaṃ dasseti – yaṃ aparimāṇāsu lokadhātūsu imassa sadevakassa lokassa nīlaṃ pītakantiādi rūpārammaṇaṃ cakkhudvāre āpāthaṃ āgacchati, ‘‘ayaṃ satto imasmiṃ khaṇe imaṃ nāma rūpārammaṇaṃ disvā sumano vā dummano vā majjhatto vā jāto’’ti sabbaṃ tathāgatassa evaṃ abhisambuddhaṃ. Tathā yaṃ aparimāṇāsu lokadhātūsu imassa sadevakassa lokassa bherisaddo mudiṅgasaddotiādi saddārammaṇaṃ sotadvāre āpāthaṃ āgacchati, mūlagandho tacagandhotiādi gandhārammaṇaṃ ghānadvāre āpāthaṃ āgacchati, mūlaraso khandharasotiādi rasārammaṇaṃ jivhādvāre āpāthaṃ āgacchati, kakkhaḷaṃ mudukantiādi pathavīdhātutejodhātuvāyodhātubhedaṃ phoṭṭhabbārammaṇaṃ kāyadvāre āpāthaṃ āgacchati, ‘‘ayaṃ satto imasmiṃ khaṇe imaṃ nāma phoṭṭhabbārammaṇaṃ phusitvā sumano vā dummano vā majjhatto vā jāto’’ti sabbaṃ tathāgatassa evaṃ abhisambuddhaṃ. Tathā yaṃ aparimāṇāsu lokadhātūsu imassa sadevakassa lokassa sukhadukkhādibhedaṃ dhammārammaṇaṃ manodvārassa āpāthaṃ āgacchati, ‘‘ayaṃ satto imasmiṃ khaṇe imaṃ nāma dhammārammaṇaṃ vijānitvā sumano vā dummano vā majjhatto vā jāto’’ti sabbaṃ tathāgatassa evaṃ abhisambuddhaṃ. Yañhi, bhikkhave, imesaṃ sabbasattānaṃ diṭṭhaṃ sutaṃ mutaṃ viññātaṃ, tattha tathāgatena adiṭṭhaṃ vā asutaṃ vā amutaṃ vā aviññātaṃ vā natthi, imassa pana mahājanassa pariyesitvā appattampi atthi, apariyesitvā appattampi atthi, pariyesitvā pattampi atthi, apariyesitvā pattampi atthi, sabbampi tathāgatassa appattaṃ nāma natthi ñāṇena asacchikataṃ.
д̇асмаа д̇ат̇ааг̇ад̇од̇и вужжад̇ийд̇и яам̣ яат̇аа логзна г̇ад̇ам̣, д̇асса д̇ат̇зва г̇ад̇ад̇д̇аа д̇ат̇ааг̇ад̇од̇и вужжад̇и . баал̣ияам̣ бана ‘‘абхисамб̣уд̣̇д̇ха’’нд̇и вуд̇д̇ам̣, д̇ам̣ г̇ад̇асад̣̇д̣̇зна згад̇т̇ам̣. иминаа наязна саб̣б̣аваарзсу д̇ат̇ааг̇ад̇од̇и ниг̇амасса ад̇т̇о взд̣̇ид̇аб̣б̣о. д̇асса яуд̇д̇и згабуг̇г̇алаван̣н̣анааяам̣ д̇ат̇ааг̇ад̇асад̣̇д̣̇авид̇т̇аарз вуд̇д̇ааязва. абижзд̇т̇а ан̃н̃ад̣̇ад̇т̇ууд̇и згам̣сад̇т̇з нибаад̇о. д̣̇агкад̇ийд̇и д̣̇асо. васам̣ вад̇д̇зд̇ийд̇и васавад̇д̇ий.
Tasmā tathāgatoti vuccatīti yaṃ yathā lokena gataṃ, tassa tatheva gatattā tathāgatoti vuccati . Pāḷiyaṃ pana ‘‘abhisambuddha’’nti vuttaṃ, taṃ gatasaddena ekatthaṃ. Iminā nayena sabbavāresu tathāgatoti nigamassa attho veditabbo. Tassa yutti ekapuggalavaṇṇanāyaṃ tathāgatasaddavitthāre vuttāyeva. Apicettha aññadatthūti ekaṃsatthe nipāto. Dakkhatīti daso. Vasaṃ vattetīti vasavattī.
саб̣б̣ам̣ логам̣ абхин̃н̃аад̇и д̇зд̇хаад̇угам̣ логасанниваасам̣ ж̇аанид̇ваа. саб̣б̣ам̣ логз яат̇аад̇ат̇анд̇и д̇асмим̣ д̇зд̇хаад̇угалогасанниваасз яам̣гин̃жи нзяяам̣, саб̣б̣ам̣ д̇ам̣ яат̇аад̇ат̇ам̣ авибарийд̇ам̣ ж̇аанид̇ваа. висам̣яуд̇д̇од̇и жад̇уннам̣ яог̇аанам̣ бахаанзна висам̣яуд̇д̇о. ануубаяод̇и д̇ан̣хаад̣̇идтиубаязхи вирахид̇о. саб̣б̣аабхибхууд̇и руубаад̣̇ийни саб̣б̣аарамман̣аани абхибхавид̇ваа тид̇о. д̇хийрод̇и д̇хид̇исамбанно. саб̣б̣аг̇ант̇аббаможанод̇и саб̣б̣з жад̇д̇аароби г̇ант̇з можзд̇ваа тид̇о. пудтассаад̇и пудтаа асса. ид̣̇ан̃жа гаран̣ад̇т̇з саамиважанам̣. барамаа санд̇ийд̇и ниб̣б̣аанам̣. д̇ан̃хи д̇зна н̃аан̣апусанзна пудтам̣. д̇знзвааха – ниб̣б̣аанам̣ агуд̇обхаяанд̇и. ат̇а ваа барамаасанд̇ийд̇и уд̇д̇амаа санд̇и. гад̇араа саад̇и? ниб̣б̣аанам̣. яасмаа бана ниб̣б̣аанз гуд̇ожи бхаяам̣ над̇т̇и, д̇асмаа д̇ам̣ агуд̇обхаяанд̇и вужжад̇и. вимуд̇д̇о убад̇хисан̇каязд̇и убад̇хисан̇каяасан̇каад̇з ниб̣б̣аанз д̇ад̣̇аарамман̣ааяа палавимуд̇д̇ияаа вимуд̇д̇о. сийхо ануд̇д̇арод̇и бариссаяаанам̣ саханадтзна гилзсаанан̃жа хим̣санадтзна д̇ат̇ааг̇ад̇о ануд̇д̇аро сийхо наама. б̣рахманд̇и сздтам̣. ид̇ийд̇и звам̣ д̇ат̇ааг̇ад̇асса г̇ун̣з ж̇аанид̇ваа. сан̇г̇аммаад̇и самааг̇анд̇ваа. д̇ам̣ намассанд̇ийд̇и д̇ам̣ д̇ат̇ааг̇ад̇ам̣ д̇з саран̣ам̣ г̇ад̇аа намассанд̇и. ид̣̇аани яам̣ вад̣̇анд̇аа д̇з намассанд̇и, д̇ам̣ д̣̇ассзд̇ум̣ д̣̇анд̇од̇иаад̣̇и вуд̇д̇ам̣. д̇ам̣ уд̇д̇аанад̇т̇амзваад̇и.
Sabbaṃ lokaṃ abhiññāti tedhātukaṃ lokasannivāsaṃ jānitvā. Sabbaṃ loke yathātathanti tasmiṃ tedhātukalokasannivāse yaṃkiñci neyyaṃ, sabbaṃ taṃ yathātathaṃ aviparītaṃ jānitvā. Visaṃyuttoti catunnaṃ yogānaṃ pahānena visaṃyutto. Anūpayoti taṇhādiṭṭhiupayehi virahito. Sabbābhibhūti rūpādīni sabbārammaṇāni abhibhavitvā ṭhito. Dhīroti dhitisampanno. Sabbaganthappamocanoti sabbe cattāropi ganthe mocetvā ṭhito. Phuṭṭhassāti phuṭṭhā assa. Idañca karaṇatthe sāmivacanaṃ. Paramā santīti nibbānaṃ. Tañhi tena ñāṇaphusanena phuṭṭhaṃ. Tenevāha – nibbānaṃ akutobhayanti. Atha vā paramāsantīti uttamā santi. Katarā sāti? Nibbānaṃ. Yasmā pana nibbāne kutoci bhayaṃ natthi, tasmā taṃ akutobhayanti vuccati. Vimutto upadhisaṅkhayeti upadhisaṅkhayasaṅkhāte nibbāne tadārammaṇāya phalavimuttiyā vimutto. Sīho anuttaroti parissayānaṃ sahanaṭṭhena kilesānañca hiṃsanaṭṭhena tathāgato anuttaro sīho nāma. Brahmanti seṭṭhaṃ. Itīti evaṃ tathāgatassa guṇe jānitvā. Saṅgammāti samāgantvā. Taṃ namassantīti taṃ tathāgataṃ te saraṇaṃ gatā namassanti. Idāni yaṃ vadantā te namassanti, taṃ dassetuṃ dantotiādi vuttaṃ. Taṃ uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. логасуд̇д̇ам̣ • 3. Lokasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. логасуд̇д̇аван̣н̣анаа • 3. Lokasuttavaṇṇanā
