| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
13. логасуд̇д̇аван̣н̣анаа
13. Lokasuttavaṇṇanā
112. д̇зрасамз логод̇и луж̇ж̇анабалуж̇ж̇анадтзна лого, ад̇т̇ад̇о буримам̣ арияасажжад̣̇ваяам̣ ид̇ха бана д̣̇угкам̣ арияасажжам̣ взд̣̇ид̇аб̣б̣ам̣. свааяам̣ сад̇д̇алого, сан̇кааралого, огаасалогод̇и вибхааг̇ад̇о саруубад̇о жа хздтаа вуд̇д̇оязва. абижа канд̇халогаад̣̇ивасзна жа анзгавид̇хо лого. яат̇ааха –
112. Terasame lokoti lujjanapalujjanaṭṭhena loko, atthato purimaṃ ariyasaccadvayaṃ idha pana dukkhaṃ ariyasaccaṃ veditabbaṃ. Svāyaṃ sattaloko, saṅkhāraloko, okāsalokoti vibhāgato sarūpato ca heṭṭhā vuttoyeva. Apica khandhalokādivasena ca anekavidho loko. Yathāha –
‘‘логод̇и канд̇халого, д̇хаад̇улого, ааяад̇аналого, вибад̇д̇ибхавалого, вибад̇д̇исамбхавалого, самбад̇д̇ибхавалого, самбад̇д̇исамбхавалого, зго лого саб̣б̣з сад̇д̇аа ахаарадтид̇игаа, д̣̇вз логаа нааман̃жа руубан̃жа, д̇аяо логаа д̇иссо взд̣̇анаа, жад̇д̇ааро логаа жад̇д̇ааро аахаараа, бан̃жа логаа бан̃жубаад̣̇аанагканд̇хаа, ча логаа ча аж̇жхад̇д̇игаани ааяад̇анаани, сад̇д̇а логаа сад̇д̇а вин̃н̃аан̣адтид̇ияо, адта логаа адта логад̇хаммаа, нава логаа нава сад̇д̇ааваасаа, д̣̇аса логаа д̣̇асааяад̇анаани, д̣̇ваад̣̇аса логаа д̣̇ваад̣̇асааяад̇анаани, адтаараса логаа адтаараса д̇хаад̇уяо’’д̇и (махаани. 3; жуул̣ани. аж̇ид̇амаан̣авабужчаанид̣̇д̣̇зса 2).
‘‘Lokoti khandhaloko, dhātuloko, āyatanaloko, vipattibhavaloko, vipattisambhavaloko, sampattibhavaloko, sampattisambhavaloko, eko loko sabbe sattā ahāraṭṭhitikā, dve lokā nāmañca rūpañca, tayo lokā tisso vedanā, cattāro lokā cattāro āhārā, pañca lokā pañcupādānakkhandhā, cha lokā cha ajjhattikāni āyatanāni, satta lokā satta viññāṇaṭṭhitiyo, aṭṭha lokā aṭṭha lokadhammā, nava lokā nava sattāvāsā, dasa lokā dasāyatanāni, dvādasa lokā dvādasāyatanāni, aṭṭhārasa lokā aṭṭhārasa dhātuyo’’ti (mahāni. 3; cūḷani. ajitamāṇavapucchāniddesa 2).
зваманзгад̇хаа вибхад̇д̇оби лого бан̃жасу убаад̣̇аанагканд̇хзсу зва сан̇г̇ахам̣ самосаран̣ам̣ г̇ажчад̇и, убаад̣̇аанагканд̇хаа жа д̣̇угкам̣ арияасажжам̣ ж̇аад̇иби д̣̇угкаа …бз… сам̣кид̇д̇зна бан̃жубаад̣̇аанагканд̇хааби д̣̇угкаад̇и. д̇зна вуд̇д̇ам̣ ‘‘ад̇т̇ад̇о буримам̣ арияасажжад̣̇ваяам̣, ид̇ха бана д̣̇угкам̣ арияасажжам̣ взд̣̇ид̇аб̣б̣а’’нд̇и. нану жа луж̇ж̇анабалуж̇ж̇анадто ависзсзна бан̃жасу канд̇хзсу самбхавад̇ийд̇и? сажжам̣ самбхавад̇и. яам̣ бана на луж̇ж̇ад̇ийд̇и г̇ахид̇ам̣, д̇ам̣ д̇ат̇аа на ход̇и, згам̣сзнзва луж̇ж̇ад̇и балуж̇ж̇ад̇ийд̇и со логод̇и убаад̣̇аанагканд̇хзсвзва логасад̣̇д̣̇о нируул̣ход̇и взд̣̇ид̇аб̣б̣о. д̇асмаа логод̇и д̣̇угкам̣ арияасажжам̣ зва.
Evamanekadhā vibhattopi loko pañcasu upādānakkhandhesu eva saṅgahaṃ samosaraṇaṃ gacchati, upādānakkhandhā ca dukkhaṃ ariyasaccaṃ jātipi dukkhā …pe… saṃkhittena pañcupādānakkhandhāpi dukkhāti. Tena vuttaṃ ‘‘atthato purimaṃ ariyasaccadvayaṃ, idha pana dukkhaṃ ariyasaccaṃ veditabba’’nti. Nanu ca lujjanapalujjanaṭṭho avisesena pañcasu khandhesu sambhavatīti? Saccaṃ sambhavati. Yaṃ pana na lujjatīti gahitaṃ, taṃ tathā na hoti, ekaṃseneva lujjati palujjatīti so lokoti upādānakkhandhesveva lokasaddo nirūḷhoti veditabbo. Tasmā lokoti dukkhaṃ ariyasaccaṃ eva.
яад̣̇иби д̇ат̇ааг̇ад̇а-сад̣̇д̣̇асса хздтаа д̇ат̇ааг̇ад̇асуд̇д̇з наанаанаязхи вид̇т̇аарад̇о ад̇т̇о вибхад̇д̇о, д̇ат̇ааби баал̣ияаа ад̇т̇асам̣ван̣н̣анаамукзна аяамад̇т̇авибхааванаа – абхисамб̣уд̣̇д̇ход̇и ‘‘абхин̃н̃зяяад̇о барин̃н̃зяяад̇о’’д̇и буб̣б̣з вуд̇д̇авибхааг̇зна ваа ависзсад̇о д̇аава аасаяаанусаяажарияаад̇химуд̇д̇иаад̣̇ибхзд̣̇ад̇о гусалаагусалаад̣̇ивибхааг̇ад̇о ваддаббамаан̣асан̣таанаад̣̇ибхзд̣̇ад̇о, висзсад̇о ваа бана ‘‘аяам̣ сассад̇аасаяо, аяам̣ ужчзд̣̇аасаяо’’д̇иаад̣̇инаа ‘‘гагкал̣алагкан̣аа бат̇авийд̇хаад̇у, баг̇гхаран̣алагкан̣аа аабод̇хаад̇уу’’д̇иаад̣̇инаа жа абхивисидтзна саяамбхун̃аан̣зна саммаа авибарийд̇ам̣ яо яо ад̇т̇о яат̇аа яат̇аа б̣уж̇жхид̇аб̣б̣о, д̇ат̇аа д̇ат̇аа б̣уд̣̇д̇хо н̃аад̇о ад̇д̇абажжагко гад̇од̇и абхисамб̣уд̣̇д̇хо.
Yadipi tathāgata-saddassa heṭṭhā tathāgatasutte nānānayehi vitthārato attho vibhatto, tathāpi pāḷiyā atthasaṃvaṇṇanāmukhena ayamatthavibhāvanā – abhisambuddhoti ‘‘abhiññeyyato pariññeyyato’’ti pubbe vuttavibhāgena vā avisesato tāva āsayānusayacariyādhimuttiādibhedato kusalākusalādivibhāgato vaṭṭappamāṇasaṇṭhānādibhedato, visesato vā pana ‘‘ayaṃ sassatāsayo, ayaṃ ucchedāsayo’’tiādinā ‘‘kakkhaḷalakkhaṇā pathavīdhātu, paggharaṇalakkhaṇā āpodhātū’’tiādinā ca abhivisiṭṭhena sayambhuñāṇena sammā aviparītaṃ yo yo attho yathā yathā bujjhitabbo, tathā tathā buddho ñāto attapaccakkho katoti abhisambuddho.
логасмаад̇и яат̇аавуд̇д̇алогад̇о. висам̣яуд̇д̇од̇и висам̣садто, д̇аббадиб̣ад̣̇д̇хаанам̣ саб̣б̣зсам̣ сам̣яож̇анаанам̣ саммад̣̇зва самужчиннад̇д̇аа д̇ад̇о виббамуд̇д̇од̇и ад̇т̇о. логасамуд̣̇аяод̇и суд̇д̇анд̇анаязна д̇ан̣хаа, абхид̇хамманаязна бана абхисан̇каарзхи сад̣̇д̇хим̣ д̣̇ияад̣дхагилзсасахассам̣. бахийнод̇и б̣од̇химан̣д̣з арахад̇д̇амаг̇г̇ан̃аан̣зна самужчзд̣̇аббахаанавасзна саваасанам̣ бахийно. логанирод̇ход̇и ниб̣б̣аанам̣. сажчигад̇од̇и ад̇д̇абажжагко гад̇о. логанирод̇хаг̇ааминий бадибад̣̇аад̇и сийлаад̣̇игканд̇хад̇д̇аяасан̇г̇ахо арияо адтан̇г̇иго маг̇г̇о. со хи логанирод̇хам̣ ниб̣б̣аанам̣ г̇ажчад̇и ад̇хиг̇ажчад̇и, д̇ад̣̇ад̇т̇ам̣ ариязхи бадибаж̇ж̇ийяад̇и жаад̇и логанирод̇хаг̇ааминий бадибад̣̇аад̇и вужжад̇и.
Lokasmāti yathāvuttalokato. Visaṃyuttoti visaṃsaṭṭho, tappaṭibaddhānaṃ sabbesaṃ saṃyojanānaṃ sammadeva samucchinnattā tato vippamuttoti attho. Lokasamudayoti suttantanayena taṇhā, abhidhammanayena pana abhisaṅkhārehi saddhiṃ diyaḍḍhakilesasahassaṃ. Pahīnoti bodhimaṇḍe arahattamaggañāṇena samucchedappahānavasena savāsanaṃ pahīno. Lokanirodhoti nibbānaṃ. Sacchikatoti attapaccakkho kato. Lokanirodhagāminī paṭipadāti sīlādikkhandhattayasaṅgaho ariyo aṭṭhaṅgiko maggo. So hi lokanirodhaṃ nibbānaṃ gacchati adhigacchati, tadatthaṃ ariyehi paṭipajjīyati cāti lokanirodhagāminī paṭipadāti vuccati.
зд̇д̇аавад̇аа д̇ат̇аани абхисамб̣уд̣̇д̇хо яаат̇аавад̇о г̇ад̇од̇и д̇ат̇ааг̇ад̇од̇и аяамад̇т̇о д̣̇ассид̇о ход̇и. жад̇д̇аари хи арияасажжаани д̇ат̇аани наама. яат̇ааха –
Ettāvatā tathāni abhisambuddho yāthāvato gatoti tathāgatoti ayamattho dassito hoti. Cattāri hi ariyasaccāni tathāni nāma. Yathāha –
‘‘жад̇д̇ааримаани , бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ид̣̇ам̣ д̣̇угканд̇и, бхигкавз, д̇ат̇амзд̇ам̣ авид̇ат̇амзд̇ам̣, анан̃н̃ат̇амзд̇а’’нд̇и (сам̣. ни. 5.1090) вид̇т̇ааро.
‘‘Cattārimāni , bhikkhave, tathāni avitathāni anaññathāni. Katamāni cattāri? Idaṃ dukkhanti, bhikkhave, tathametaṃ avitathametaṃ, anaññathameta’’nti (saṃ. ni. 5.1090) vitthāro.
абижа д̇ат̇ааяа г̇ад̇од̇и д̇ат̇ааг̇ад̇о, д̇ат̇ам̣ г̇ад̇од̇и д̇ат̇ааг̇ад̇о , г̇ад̇од̇и жа аваг̇ад̇о ад̇ийд̇о бад̇д̇о бадибаннод̇и ад̇т̇о. ид̣̇ам̣ вуд̇д̇ам̣ ход̇и – яасмаа бхаг̇аваа сагалалогам̣ д̇ийран̣абарин̃н̃ааяа д̇ат̇ааяа авибарийд̇ааяа г̇ад̇о аваг̇ад̇о, д̇асмаа лого д̇ат̇ааг̇ад̇зна абхисамб̣уд̣̇д̇ход̇и д̇ат̇ааг̇ад̇о. логасамуд̣̇аяам̣ бахаанабарин̃н̃ааяа д̇ат̇ааяа г̇ад̇о ад̇ийд̇од̇и д̇ат̇ааг̇ад̇о. логанирод̇хам̣ сажчигирияааяа д̇ат̇ааяа г̇ад̇о бад̇д̇од̇и д̇ат̇ааг̇ад̇о. логанирод̇хаг̇ааминим̣ бадибад̣̇ам̣ д̇ат̇ам̣ авибарийд̇ам̣ г̇ад̇о бадибаннод̇и д̇ат̇ааг̇ад̇од̇и. звам̣ имиссаа баал̣ияаа бхаг̇авад̇о д̇ат̇ааг̇ад̇абхаавад̣̇ийбанавасзна ад̇т̇о взд̣̇ид̇аб̣б̣о.
Apica tathāya gatoti tathāgato, tathaṃ gatoti tathāgato , gatoti ca avagato atīto patto paṭipannoti attho. Idaṃ vuttaṃ hoti – yasmā bhagavā sakalalokaṃ tīraṇapariññāya tathāya aviparītāya gato avagato, tasmā loko tathāgatena abhisambuddhoti tathāgato. Lokasamudayaṃ pahānapariññāya tathāya gato atītoti tathāgato. Lokanirodhaṃ sacchikiriyāya tathāya gato pattoti tathāgato. Lokanirodhagāminiṃ paṭipadaṃ tathaṃ aviparītaṃ gato paṭipannoti tathāgatoti. Evaṃ imissā pāḷiyā bhagavato tathāgatabhāvadīpanavasena attho veditabbo.
ид̇и бхаг̇аваа жад̇усажжаабхисамб̣од̇ханавасзна ад̇д̇ано д̇ат̇ааг̇ад̇абхаавам̣ багаасзд̇ваа ид̣̇аани д̇ад̇т̇а д̣̇идтаад̣̇иабхисамб̣од̇хивасзнаби д̇ам̣ д̣̇ассзд̇ум̣ ‘‘яам̣, бхигкавз’’д̇иаад̣̇имааха. ан̇г̇уд̇д̇арадтагат̇ааяам̣ (а. ни. адта. 2.4.23) бана ‘‘жад̇уухи сажжзхи ад̇д̇ано б̣уд̣̇д̇хабхаавам̣ гат̇зд̇ваа’’д̇иаад̣̇и вуд̇д̇ам̣. д̇ам̣ д̇ат̇ааг̇ад̇асад̣̇д̣̇а-б̣уд̣̇д̇хасад̣̇д̣̇аанам̣ ад̇т̇ад̇о ниннаанаагаран̣ад̇ам̣ д̣̇ассзд̇ум̣ вуд̇д̇ам̣. д̇ат̇аа жзва хи баал̣и бавад̇д̇аад̇и. д̇ад̇т̇а д̣̇идтанд̇и руубааяад̇анам̣. суд̇анд̇и сад̣̇д̣̇ааяад̇анам̣. муд̇анд̇и бад̇ваа г̇ахзд̇аб̣б̣ад̇о г̇анд̇хааяад̇анам̣, расааяад̇анам̣, подтаб̣б̣ааяад̇анан̃жа. вин̃н̃аад̇анд̇и сукад̣̇угкаад̣̇ид̇хаммаарамман̣ам̣. бад̇д̇анд̇и бариязсид̇ваа ваа абариязсид̇ваа ваа бад̇д̇ам̣. бариязсид̇анд̇и бад̇д̇ам̣ ваа аббад̇д̇ам̣ ваа бариязсид̇ам̣. анувижарид̇ам̣ манасаад̇и жид̇д̇зна анусан̃жарид̇ам̣. гасса бана анувижарид̇ам̣ манасаад̇и? сад̣̇звагасса…бз… сад̣̇звамануссааяаад̇и самб̣анд̇ханийяам̣. д̇ад̇т̇а саха д̣̇звзхийд̇и сад̣̇зваго, д̇асса сад̣̇звагасса. сзсабад̣̇зсуби зсзва наяо.
Iti bhagavā catusaccābhisambodhanavasena attano tathāgatabhāvaṃ pakāsetvā idāni tattha diṭṭhādiabhisambodhivasenapi taṃ dassetuṃ ‘‘yaṃ, bhikkhave’’tiādimāha. Aṅguttaraṭṭhakathāyaṃ (a. ni. aṭṭha. 2.4.23) pana ‘‘catūhi saccehi attano buddhabhāvaṃ kathetvā’’tiādi vuttaṃ. Taṃ tathāgatasadda-buddhasaddānaṃ atthato ninnānākaraṇataṃ dassetuṃ vuttaṃ. Tathā ceva hi pāḷi pavattāti. Tattha diṭṭhanti rūpāyatanaṃ. Sutanti saddāyatanaṃ. Mutanti patvā gahetabbato gandhāyatanaṃ, rasāyatanaṃ, phoṭṭhabbāyatanañca. Viññātanti sukhadukkhādidhammārammaṇaṃ. Pattanti pariyesitvā vā apariyesitvā vā pattaṃ. Pariyesitanti pattaṃ vā appattaṃ vā pariyesitaṃ. Anuvicaritaṃ manasāti cittena anusañcaritaṃ. Kassa pana anuvicaritaṃ manasāti? Sadevakassa…pe… sadevamanussāyāti sambandhanīyaṃ. Tattha saha devehīti sadevako, tassa sadevakassa. Sesapadesupi eseva nayo.
сад̣̇звагаважанзна жзд̇т̇а бан̃жагаамааважарад̣̇зваг̇г̇ахан̣ам̣ взд̣̇ид̇аб̣б̣ам̣, самаарагаважанзна чадтагаамааважарад̣̇зваг̇г̇ахан̣ам̣, саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣, сассаман̣аб̣раахман̣иважанзна саасанасса бажжад̇т̇игасаман̣аб̣раахман̣аг̇г̇ахан̣ан̃жзва самид̇абаабаб̣аахид̇абаабасаман̣аб̣раахман̣аг̇г̇ахан̣ан̃жа, баж̇ааважанзна сад̇д̇алогаг̇г̇ахан̣ам̣ , сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи д̣̇звамаараб̣рахмзхи сад̣̇д̇хим̣ сад̇д̇алого, д̣̇вийхи баж̇аавасзна сад̇д̇алого г̇ахид̇од̇и взд̣̇ид̇аб̣б̣о.
Sadevakavacanena cettha pañcakāmāvacaradevaggahaṇaṃ veditabbaṃ, samārakavacanena chaṭṭhakāmāvacaradevaggahaṇaṃ, sabrahmakavacanena brahmakāyikādibrahmaggahaṇaṃ, sassamaṇabrāhmaṇivacanena sāsanassa paccatthikasamaṇabrāhmaṇaggahaṇañceva samitapāpabāhitapāpasamaṇabrāhmaṇaggahaṇañca, pajāvacanena sattalokaggahaṇaṃ , sadevamanussavacanena sammutidevaavasesamanussaggahaṇaṃ. Evamettha tīhi padehi devamārabrahmehi saddhiṃ sattaloko, dvīhi pajāvasena sattaloko gahitoti veditabbo.
абаро наяо – сад̣̇звагаг̇г̇ахан̣зна аруубааважарад̣̇звалого г̇ахид̇о, самаарагаважанзна чагаамааважарад̣̇звалого, саб̣рахмагаважанзна руубийб̣рахмалого, сассаман̣аб̣раахман̣аад̣̇иважанзна саммуд̇ид̣̇звзхи саха авасзсасад̇д̇алого г̇ахид̇о. абижзд̇т̇а сад̣̇звагаважанзна уггадтабарижчзд̣̇ад̇о саб̣б̣алогависаяасса бхаг̇авад̇о абхисамб̣уд̣̇д̇хабхаавз багаасид̇з язсамзвам̣ сияаа ‘‘мааро наама махаанубхааво чагаамааважариссаро васавад̇д̇ий, б̣рахмаа бана д̇ад̇оби махаанубхаавад̇аро д̣̇асахи ан̇г̇улийхи д̣̇асасу жаггаваал̣асахассзсу аалогам̣ парад̇и, уд̇д̇амаж̇жхаанасамаабад̇д̇исукам̣ бадисам̣взд̣̇зд̇и. бут̇уу жа саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно махаанубхааваа сам̣виж̇ж̇анд̇и. аяан̃жа сад̇д̇агааяо ананд̇о абаримаан̣о, гимзд̇зсам̣ саб̣б̣зсам̣язва висаяо анавасзсад̇о бхаг̇авад̇аа абхисамб̣уд̣̇д̇хо’’д̇и? д̇зсам̣ вимад̇им̣ вид̇хамзнд̇о бхаг̇аваа ‘‘сад̣̇звагасса логассаа’’д̇иаад̣̇имааха.
Aparo nayo – sadevakaggahaṇena arūpāvacaradevaloko gahito, samārakavacanena chakāmāvacaradevaloko, sabrahmakavacanena rūpībrahmaloko, sassamaṇabrāhmaṇādivacanena sammutidevehi saha avasesasattaloko gahito. Apicettha sadevakavacanena ukkaṭṭhaparicchedato sabbalokavisayassa bhagavato abhisambuddhabhāve pakāsite yesamevaṃ siyā ‘‘māro nāma mahānubhāvo chakāmāvacarissaro vasavattī, brahmā pana tatopi mahānubhāvataro dasahi aṅgulīhi dasasu cakkavāḷasahassesu ālokaṃ pharati, uttamajjhānasamāpattisukhaṃ paṭisaṃvedeti. Puthū ca samaṇabrāhmaṇā iddhimanto dibbacakkhukā paracittaviduno mahānubhāvā saṃvijjanti. Ayañca sattakāyo ananto aparimāṇo, kimetesaṃ sabbesaṃyeva visayo anavasesato bhagavatā abhisambuddho’’ti? Tesaṃ vimatiṃ vidhamento bhagavā ‘‘sadevakassa lokassā’’tiādimāha.
бораан̣аа банааху – ‘‘сад̣̇звагассаа’’д̇и д̣̇звад̇аахи сад̣̇д̇хим̣ авасзсалогам̣ барияаад̣̇ияад̇и, ‘‘самаарагассаа’’д̇и маарзна сад̣̇д̇хим̣ авасзсалогам̣, ‘‘саб̣рахмагассаа’’д̇и б̣рахмзхи сад̣̇д̇хим̣ авасзсалогам̣. звам̣ саб̣б̣зби д̇ибхавуубаг̇з сад̇д̇з д̇ийсу бад̣̇зсу багкибид̇ваа буна д̣̇вийхи бад̣̇зхи барияаад̣̇ияанд̇о ‘‘сассаман̣аб̣раахман̣ияаа баж̇ааяа сад̣̇звамануссааяаа’’д̇и ааха. звам̣ бан̃жахиби бад̣̇зхи канд̇хад̇д̇аяабарижчиннз саб̣б̣асад̇д̇з барияаад̣̇ияад̇и.
Porāṇā panāhu – ‘‘sadevakassā’’ti devatāhi saddhiṃ avasesalokaṃ pariyādiyati, ‘‘samārakassā’’ti mārena saddhiṃ avasesalokaṃ, ‘‘sabrahmakassā’’ti brahmehi saddhiṃ avasesalokaṃ. Evaṃ sabbepi tibhavūpage satte tīsu padesu pakkhipitvā puna dvīhi padehi pariyādiyanto ‘‘sassamaṇabrāhmaṇiyā pajāya sadevamanussāyā’’ti āha. Evaṃ pañcahipi padehi khandhattayaparicchinne sabbasatte pariyādiyati.
яасмаа д̇ам̣ д̇ат̇ааг̇ад̇зна абхисамб̣уд̣̇д̇ханд̇и иминаа ид̣̇ам̣ д̣̇ассзд̇и – яам̣ абаримаан̣аасу логад̇хаад̇уусу имасса сад̣̇звагасса логасса ‘‘нийлам̣ бийд̇ага’’нд̇иаад̣̇и руубаарамман̣ам̣ жагкуд̣̇ваарз аабаат̇ам̣ ааг̇ажчад̇и, д̇ам̣ саб̣б̣ам̣ ‘‘аяам̣ сад̇д̇о имасмим̣ кан̣з имам̣ наама руубаарамман̣ам̣ д̣̇исваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и д̇ат̇ааг̇ад̇асса звам̣ абхисамб̣уд̣̇д̇хам̣. д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса ‘‘бхзрисад̣̇д̣̇о муд̣̇ин̇г̇асад̣̇д̣̇о’’д̇иаад̣̇и сад̣̇д̣̇аарамман̣ам̣ сод̇ад̣̇ваарз аабаат̇ам̣ ааг̇ажчад̇и, ‘‘муулаг̇анд̇хо д̇ажаг̇анд̇хо’’д̇иаад̣̇и г̇анд̇хаарамман̣ам̣ гхаанад̣̇ваарз аабаат̇амааг̇ажчад̇и, ‘‘мууларасо канд̇харасо’’д̇иаад̣̇и расаарамман̣ам̣ ж̇ивхаад̣̇ваарз аабаат̇амааг̇ажчад̇и , ‘‘гагкал̣ам̣ муд̣̇уга’’нд̇иаад̣̇и бат̇авийд̇хаад̇уд̇зж̇од̇хаад̇увааяод̇хаад̇убхзд̣̇ам̣ подтаб̣б̣аарамман̣ам̣ гааяад̣̇ваарз аабаат̇амааг̇ажчад̇и , ‘‘аяам̣ сад̇д̇о имасмим̣ кан̣з имам̣ наама подтаб̣б̣ам̣ пусид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ам̣ д̇ат̇ааг̇ад̇асса звам̣ абхисамб̣уд̣̇д̇хам̣.
Yasmā taṃ tathāgatena abhisambuddhanti iminā idaṃ dasseti – yaṃ aparimāṇāsu lokadhātūsu imassa sadevakassa lokassa ‘‘nīlaṃ pītaka’’ntiādi rūpārammaṇaṃ cakkhudvāre āpāthaṃ āgacchati, taṃ sabbaṃ ‘‘ayaṃ satto imasmiṃ khaṇe imaṃ nāma rūpārammaṇaṃ disvā sumano vā dummano vā majjhatto vā jāto’’ti tathāgatassa evaṃ abhisambuddhaṃ. Tathā yaṃ aparimāṇāsu lokadhātūsu imassa sadevakassa lokassa ‘‘bherisaddo mudiṅgasaddo’’tiādi saddārammaṇaṃ sotadvāre āpāthaṃ āgacchati, ‘‘mūlagandho tacagandho’’tiādi gandhārammaṇaṃ ghānadvāre āpāthamāgacchati, ‘‘mūlaraso khandharaso’’tiādi rasārammaṇaṃ jivhādvāre āpāthamāgacchati , ‘‘kakkhaḷaṃ muduka’’ntiādi pathavīdhātutejodhātuvāyodhātubhedaṃ phoṭṭhabbārammaṇaṃ kāyadvāre āpāthamāgacchati , ‘‘ayaṃ satto imasmiṃ khaṇe imaṃ nāma phoṭṭhabbaṃ phusitvā sumano vā dummano vā majjhatto vā jāto’’ti sabbaṃ taṃ tathāgatassa evaṃ abhisambuddhaṃ.
д̇ат̇аа яам̣ абаримаан̣аасу логад̇хаад̇уусу имасса сад̣̇звагасса логасса сукаад̣̇ибхзд̣̇ам̣ д̇хаммаарамман̣ам̣ манод̣̇ваарз аабаат̇амааг̇ажчад̇и, ‘‘аяам̣ сад̇д̇о имасмим̣ кан̣з имам̣ наама д̇хаммаарамман̣ам̣ ж̇аанид̇ваа сумано ваа д̣̇уммано ваа маж̇жхад̇д̇о ваа ж̇аад̇о’’д̇и саб̣б̣ам̣ д̇ам̣ д̇ат̇ааг̇ад̇асса звам̣ абхисамб̣уд̣̇д̇хам̣. звам̣ яам̣ имасса сад̣̇звагасса логасса д̣̇идтам̣ суд̇ам̣ муд̇ам̣ вин̃н̃аад̇ам̣, д̇ам̣ д̇ат̇ааг̇ад̇зна ад̣̇идтам̣ ваа асуд̇ам̣ ваа амуд̇ам̣ ваа авин̃н̃аад̇ам̣ ваа над̇т̇и. имасса бана махааж̇анасса бариязсид̇ваа аббад̇д̇амби ад̇т̇и, абариязсид̇ваа аббад̇д̇амби ад̇т̇и, бариязсид̇ваа бад̇д̇амби ад̇т̇и, абариязсид̇ваа бад̇д̇амби ад̇т̇и. саб̣б̣амби д̇ат̇ааг̇ад̇асса аббад̇д̇ам̣ наама над̇т̇и н̃аан̣зна асажчигад̇ам̣. д̇ад̇о зва яам̣ абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкуд̣̇ваарз аабаат̇амааг̇ажчанд̇ам̣ руубаарамман̣ам̣ наама ад̇т̇и, д̇ам̣ бхаг̇аваа саб̣б̣ам̣ саб̣б̣аагаарзна ж̇аанаад̇и бассад̇и. звам̣ ж̇аанад̇аа бассад̇аа жаанзна д̇ам̣ идтаанидтаад̣̇ивасзна ваа д̣̇идтасуд̇амуд̇авин̃н̃аад̇зсу лаб̣бхамаанабад̣̇авасзна ваа ‘‘гад̇амам̣ д̇ам̣ руубам̣ руубааяад̇анам̣? яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇иаад̣̇инаа (д̇ха. са. 617) наязна анзгзхи наамзхи д̇зрасахи ваарзхи д̣̇взбан̃н̃аасааяа наязхи вибхаж̇ж̇амаанам̣ д̇ат̇зва ход̇и, вид̇ат̇ам̣ над̇т̇и. зса наяо сод̇ад̣̇ваараад̣̇ийсуби аабаат̇амааг̇ажчанд̇зсу сад̣̇д̣̇аад̣̇ийсу.
Tathā yaṃ aparimāṇāsu lokadhātūsu imassa sadevakassa lokassa sukhādibhedaṃ dhammārammaṇaṃ manodvāre āpāthamāgacchati, ‘‘ayaṃ satto imasmiṃ khaṇe imaṃ nāma dhammārammaṇaṃ jānitvā sumano vā dummano vā majjhatto vā jāto’’ti sabbaṃ taṃ tathāgatassa evaṃ abhisambuddhaṃ. Evaṃ yaṃ imassa sadevakassa lokassa diṭṭhaṃ sutaṃ mutaṃ viññātaṃ, taṃ tathāgatena adiṭṭhaṃ vā asutaṃ vā amutaṃ vā aviññātaṃ vā natthi. Imassa pana mahājanassa pariyesitvā appattampi atthi, apariyesitvā appattampi atthi, pariyesitvā pattampi atthi, apariyesitvā pattampi atthi. Sabbampi tathāgatassa appattaṃ nāma natthi ñāṇena asacchikataṃ. Tato eva yaṃ aparimāṇāsu lokadhātūsu aparimāṇānaṃ sattānaṃ cakkhudvāre āpāthamāgacchantaṃ rūpārammaṇaṃ nāma atthi, taṃ bhagavā sabbaṃ sabbākārena jānāti passati. Evaṃ jānatā passatā cānena taṃ iṭṭhāniṭṭhādivasena vā diṭṭhasutamutaviññātesu labbhamānapadavasena vā ‘‘katamaṃ taṃ rūpaṃ rūpāyatanaṃ? Yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’ntiādinā (dha. sa. 617) nayena anekehi nāmehi terasahi vārehi dvepaññāsāya nayehi vibhajjamānaṃ tatheva hoti, vitathaṃ natthi. Esa nayo sotadvārādīsupi āpāthamāgacchantesu saddādīsu.
д̇асмаа д̇ат̇ааг̇ад̇од̇и вужжад̇ийд̇и яам̣ яат̇аа логзна г̇ад̇ам̣, д̇асса д̇ат̇зва г̇ад̇ад̇д̇аа д̇ат̇ааг̇ад̇од̇и вужжад̇и. баал̣ияам̣ бана ‘‘абхисамб̣уд̣̇д̇ха’’нд̇и вуд̇д̇ам̣, д̇ам̣ д̇ат̇ааг̇ад̇асад̣̇д̣̇зна самаанад̇т̇ам̣. иминаа д̇ат̇аад̣̇ассибхаавад̇о д̇ат̇ааг̇ад̇од̇и аяамад̇т̇о д̣̇ассид̇о ход̇и. вуд̇д̇ан̃хзд̇ам̣ д̇хаммасзнаабад̇инаа –
Tasmā tathāgatoti vuccatīti yaṃ yathā lokena gataṃ, tassa tatheva gatattā tathāgatoti vuccati. Pāḷiyaṃ pana ‘‘abhisambuddha’’nti vuttaṃ, taṃ tathāgatasaddena samānatthaṃ. Iminā tathādassibhāvato tathāgatoti ayamattho dassito hoti. Vuttañhetaṃ dhammasenāpatinā –
‘‘на д̇асса ад̣̇д̣̇идтамид̇хад̇т̇и гин̃жи,
‘‘Na tassa addiṭṭhamidhatthi kiñci,
ат̇о авин̃н̃аад̇амаж̇аанид̇аб̣б̣ам̣;
Atho aviññātamajānitabbaṃ;
саб̣б̣ам̣ абхин̃н̃ааси яад̣̇ад̇т̇и нзяяам̣,
Sabbaṃ abhiññāsi yadatthi neyyaṃ,
д̇ат̇ааг̇ад̇о д̇зна саманд̇ажагкуу’’д̇и. (махаани. 156; жуул̣ани. могхарааж̇амаан̣авабужчаанид̣̇д̣̇зса 85; бади. ма. 1.121);
Tathāgato tena samantacakkhū’’ti. (mahāni. 156; cūḷani. mogharājamāṇavapucchāniddesa 85; paṭi. ma. 1.121);
суд̇д̇анд̇зби вуд̇д̇ам̣ бхаг̇авад̇аа –
Suttantepi vuttaṃ bhagavatā –
‘‘яам̣ , бхигкавз, сад̣̇звагасса логасса…бз… сад̣̇звамануссааяа баж̇ааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, д̇амахам̣ аб̣бхан̃н̃аасим̣, д̇ам̣ д̇ат̇ааг̇ад̇асса вид̣̇ид̇ам̣, д̇ам̣ д̇ат̇ааг̇ад̇о на убадтаасий’’д̇и (а. ни. 4.24).
‘‘Yaṃ , bhikkhave, sadevakassa lokassa…pe… sadevamanussāya pajāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, tamahaṃ abbhaññāsiṃ, taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24).
яан̃жа, бхигкавз, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇ийд̇и яассан̃жа висаакабун̣н̣амарад̇д̇ияам̣ д̇ат̇аа ааг̇ад̇аад̣̇иад̇т̇зна д̇ат̇ааг̇ад̇о бхаг̇аваа б̣од̇химан̣д̣з абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа уд̇д̇арид̇араабхаавад̇о ануд̇д̇арам̣ саммаасамб̣од̇хим̣ аасавагкаяан̃аан̣зна сад̣̇д̇хим̣ саб̣б̣ан̃н̃уд̇ан̃н̃аан̣ам̣ ад̇хиг̇ажчад̇и. яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇ийд̇и яассан̃жа висаакабун̣н̣амарад̇д̇ияам̣язва гусинаарааяам̣ убавад̇д̇анз маллаанам̣ саалаванз яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. яам̣ зд̇асмим̣ анд̇арзд̇и имаасам̣ д̣̇виннам̣ саубаад̣̇исзсаанубаад̣̇исзсаниб̣б̣аанад̇хаад̇уунам̣ взмаж̇жхз бан̃жажад̇д̇аалийсавассабаримаан̣з гаалз батамаб̣од̇хияамби, маж̇жхимаб̣од̇хияамби, бажчимаб̣од̇хияамби яам̣ суд̇д̇аг̇зяяаад̣̇иббабхзд̣̇ам̣ д̇хаммам̣ бхаасад̇и нид̣̇д̣̇исанавасзна, лабад̇и уд̣̇д̇хисанавасзна, нид̣̇д̣̇исад̇и бадинид̣̇д̣̇исанавасзна. саб̣б̣ам̣ д̇ам̣ д̇ат̇зва ход̇ийд̇и д̇ам̣ зд̇т̇анд̇арз д̣̇зсид̇ам̣ саб̣б̣ам̣ суд̇д̇аг̇зяяаад̣̇инаван̇г̇ам̣ б̣уд̣̇д̇хаважанам̣ ад̇т̇ад̇о б̣яан̃ж̇анад̇о жа анубаваж̇ж̇ам̣ ануунам̣ анад̇хигам̣ саб̣б̣аагаарабарибун̣н̣ам̣ рааг̇амад̣̇аниммад̣̇анам̣…бз… мохамад̣̇аниммад̣̇анам̣, над̇т̇и д̇ад̇т̇а ваалаг̇г̇амад̇д̇амби авагкалид̇ам̣, згамуд̣̇д̣̇игааяа лан̃чид̇ам̣ вияа зганаал̣ияаа мид̇ам̣ вияа згад̇улааяа д̇улид̇ам̣ вияа жа д̇ам̣ д̇ат̇зва ход̇и яассад̇т̇ааяа бхаасид̇ам̣, зганд̇знзва д̇асса саад̇ханад̇о, но ан̃н̃ат̇аа. д̇асмаа д̇ат̇ам̣, авид̇ат̇ам̣, анан̃н̃ат̇ам̣. зд̇зна д̇ат̇ааваад̣̇ид̇ааяа д̇ат̇ааг̇ад̇од̇и д̣̇ассзд̇и. г̇ад̣̇аад̇т̇о аяам̣ г̇ад̇асад̣̇д̣̇о д̣̇агаарасса д̇агаарам̣ гад̇ваа, д̇асмаа д̇ат̇ам̣ г̇ад̣̇ад̇ийд̇и д̇ат̇ааг̇ад̇од̇и ад̇т̇о. ат̇а ваа ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авибарийд̇о ааг̇ад̣̇о яассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и звамзд̇т̇а бад̣̇асид̣̇д̇хи взд̣̇ид̇аб̣б̣аа.
Yañca, bhikkhave, rattiṃ tathāgato anuttaraṃ sammāsambodhiṃ abhisambujjhatīti yassañca visākhapuṇṇamarattiyaṃ tathā āgatādiatthena tathāgato bhagavā bodhimaṇḍe aparājitapallaṅke nisinno tiṇṇaṃ mārānaṃ matthakaṃ madditvā uttaritarābhāvato anuttaraṃ sammāsambodhiṃ āsavakkhayañāṇena saddhiṃ sabbaññutaññāṇaṃ adhigacchati. Yañca rattiṃ anupādisesāya nibbānadhātuyā parinibbāyatīti yassañca visākhapuṇṇamarattiyaṃyeva kusinārāyaṃ upavattane mallānaṃ sālavane yamakasālānamantare anupādisesāya nibbānadhātuyā parinibbāyati. Yaṃ etasmiṃ antareti imāsaṃ dvinnaṃ saupādisesaanupādisesanibbānadhātūnaṃ vemajjhe pañcacattālīsavassaparimāṇe kāle paṭhamabodhiyampi, majjhimabodhiyampi, pacchimabodhiyampi yaṃ suttageyyādippabhedaṃ dhammaṃ bhāsati niddisanavasena, lapati uddhisanavasena, niddisati paṭiniddisanavasena. Sabbaṃ taṃ tatheva hotīti taṃ etthantare desitaṃ sabbaṃ suttageyyādinavaṅgaṃ buddhavacanaṃ atthato byañjanato ca anupavajjaṃ anūnaṃ anadhikaṃ sabbākāraparipuṇṇaṃ rāgamadanimmadanaṃ…pe… mohamadanimmadanaṃ, natthi tattha vālaggamattampi avakkhalitaṃ, ekamuddikāya lañchitaṃ viya ekanāḷiyā mitaṃ viya ekatulāya tulitaṃ viya ca taṃ tatheva hoti yassatthāya bhāsitaṃ, ekanteneva tassa sādhanato, no aññathā. Tasmā tathaṃ, avitathaṃ, anaññathaṃ. Etena tathāvāditāya tathāgatoti dasseti. Gadaattho ayaṃ gatasaddo dakārassa takāraṃ katvā, tasmā tathaṃ gadatīti tathāgatoti attho. Atha vā āgadanaṃ āgado, vacananti attho. Tatho aviparīto āgado yassāti dakārassa takāraṃ katvā tathāgatoti evamettha padasiddhi veditabbā.
яат̇ааваад̣̇ий д̇ат̇аагаарийд̇и яз д̇хаммз бхаг̇аваа ‘‘имз д̇хаммаа агусалаа сааваж̇ж̇аа вин̃н̃уг̇арахид̇аа самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇ий’’д̇и барзсам̣ д̇хаммам̣ д̣̇зсзнд̇о вад̣̇ад̇и, д̇з д̇хаммз зганд̇знзва саяам̣ бахааси. яз бана д̇хаммз бхаг̇аваа ‘‘имз д̇хаммаа гусалаа анаваж̇ж̇аа вин̃н̃уббасад̇т̇аа самад̇д̇аа самаад̣̇иннаа хид̇ааяа сукааяа сам̣вад̇д̇анд̇ий’’д̇и вад̣̇ад̇и, д̇з д̇хаммз зганд̇знзва саяам̣ убасамбаж̇ж̇а вихааси. д̇асмаа яат̇ааваад̣̇ий бхаг̇аваа, д̇ат̇аагаарийд̇и взд̣̇ид̇аб̣б̣о. яат̇аагаарий д̇ат̇ааваад̣̇ийд̇и саммад̣̇зва сийлаад̣̇ибарибууран̣авасзна саммаа бадибанно саяам̣ яат̇аагаарий бхаг̇аваа, д̇ат̇зва д̇хаммад̣̇зсанааяа барзсам̣ д̇ад̇т̇а бад̇идтаабанавасзна д̇ат̇ааваад̣̇ий. бхаг̇авад̇о хи ваажааяа гааяо ануломзд̇и, гааяассаби ваажаа. д̇асмаа яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий жа ход̇и. звам̣бхууд̇асса жасса яат̇аа ваажаа, гааяоби д̇ат̇аа г̇ад̇о бавад̇д̇о. яат̇аа жа гааяо, ваажааби д̇ат̇аа г̇ад̇аа бавад̇д̇аад̇и ад̇т̇о.
Yathāvādī tathākārīti ye dhamme bhagavā ‘‘ime dhammā akusalā sāvajjā viññugarahitā samattā samādinnā ahitāya dukkhāya saṃvattantī’’ti paresaṃ dhammaṃ desento vadati, te dhamme ekanteneva sayaṃ pahāsi. Ye pana dhamme bhagavā ‘‘ime dhammā kusalā anavajjā viññuppasatthā samattā samādinnā hitāya sukhāya saṃvattantī’’ti vadati, te dhamme ekanteneva sayaṃ upasampajja vihāsi. Tasmā yathāvādī bhagavā, tathākārīti veditabbo. Yathākārī tathāvādīti sammadeva sīlādiparipūraṇavasena sammā paṭipanno sayaṃ yathākārī bhagavā, tatheva dhammadesanāya paresaṃ tattha patiṭṭhāpanavasena tathāvādī. Bhagavato hi vācāya kāyo anulometi, kāyassapi vācā. Tasmā yathāvādī tathākārī, yathākārī tathāvādī ca hoti. Evaṃbhūtassa cassa yathā vācā, kāyopi tathā gato pavatto. Yathā ca kāyo, vācāpi tathā gatā pavattāti attho.
абхибхуу анабхибхууд̇од̇и убари бхаваг̇г̇ам̣ хздтаа авийжинираяам̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу бхаг̇аваа саб̣б̣асад̇д̇з абхибхавад̇и сийлзнаби самаад̇хинааби бан̃н̃ааяаби вимуд̇д̇ияааби вимуд̇д̇ин̃аан̣ад̣̇ассанзнаби, на д̇асса д̇улаа ваа бамаан̣ам̣ ваа ад̇т̇и, асамо асамасамо аббадимо аббадибхааг̇о аббадибуг̇г̇ало ад̇уло аббамзяяо ануд̇д̇аро д̇хаммарааж̇аа д̣̇зваанам̣ ад̇ид̣̇зво саггаанам̣ ад̇исагго б̣рахмаанам̣ ад̇иб̣рахмаа. д̇ад̇о зва саяам̣ на гзнажи абхибхууд̇од̇и анабхибхууд̇о. ан̃н̃ад̣̇ад̇т̇ууд̇и згам̣сад̇т̇з нибаад̇о. яан̃хи гин̃жи нзяяам̣ наама, саб̣б̣ам̣ д̇ам̣ хад̇т̇ад̇алз аамалагам̣ вияа бассад̇ийд̇и д̣̇асо. авибарийд̇ам̣ аасаяаад̣̇иаваб̣од̇хзна хид̇уубасам̣хаараад̣̇инаа жа сад̇д̇з, бхааван̃н̃ат̇ад̇д̇уубанаяавасзна сан̇каарз саб̣б̣аагаарзна сужин̣н̣авасид̇ааяа самаабад̇д̇ияо жид̇д̇ан̃жа васз вад̇д̇зд̇ийд̇и васавад̇д̇ий. зд̇д̇аавад̇аа абхибхаванадтзна бхаг̇аваа ад̇д̇ано д̇ат̇ааг̇ад̇абхаавам̣ д̣̇ассзд̇и.
Abhibhū anabhibhūtoti upari bhavaggaṃ heṭṭhā avīcinirayaṃ pariyantaṃ katvā tiriyaṃ aparimāṇāsu lokadhātūsu bhagavā sabbasatte abhibhavati sīlenapi samādhināpi paññāyapi vimuttiyāpi vimuttiñāṇadassanenapi, na tassa tulā vā pamāṇaṃ vā atthi, asamo asamasamo appaṭimo appaṭibhāgo appaṭipuggalo atulo appameyyo anuttaro dhammarājā devānaṃ atidevo sakkānaṃ atisakko brahmānaṃ atibrahmā. Tato eva sayaṃ na kenaci abhibhūtoti anabhibhūto. Aññadatthūti ekaṃsatthe nipāto. Yañhi kiñci neyyaṃ nāma, sabbaṃ taṃ hatthatale āmalakaṃ viya passatīti daso. Aviparītaṃ āsayādiavabodhena hitūpasaṃhārādinā ca satte, bhāvaññathattūpanayavasena saṅkhāre sabbākārena suciṇṇavasitāya samāpattiyo cittañca vase vattetīti vasavattī. Ettāvatā abhibhavanaṭṭhena bhagavā attano tathāgatabhāvaṃ dasseti.
д̇ад̇рзвам̣ бад̣̇асид̣̇д̇хи взд̣̇ид̇аб̣б̣аа – аг̇ад̣̇о вияа аг̇ад̣̇о. го банзса? д̣̇зсанаавилаасо жзва бун̃н̃уссаяо жа. д̇знзва хзса махаанубхааво бхисагго вияа д̣̇иб̣б̣ааг̇ад̣̇зна саббз, саб̣б̣з бараббаваад̣̇ино сад̣̇зваган̃жа логам̣ абхибхавад̇и. ид̇и саб̣б̣алогаабхибхаванз д̇ат̇о авибарийд̇о д̣̇зсанаавилаасо жзва бун̃н̃уссаяо жа аг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и взд̣̇ид̇аб̣б̣о. д̇зна вуд̇д̇ам̣ ‘‘сад̣̇звагз, бхигкавз, логз…бз… васавад̇д̇ий, д̇асмаа д̇ат̇ааг̇ад̇од̇и вужжад̇ий’’д̇и.
Tatrevaṃ padasiddhi veditabbā – agado viya agado. Ko panesa? Desanāvilāso ceva puññussayo ca. Teneva hesa mahānubhāvo bhisakko viya dibbāgadena sappe, sabbe parappavādino sadevakañca lokaṃ abhibhavati. Iti sabbalokābhibhavane tatho aviparīto desanāvilāso ceva puññussayo ca agado assāti dakārassa takāraṃ katvā tathāgatoti veditabbo. Tena vuttaṃ ‘‘sadevake, bhikkhave, loke…pe… vasavattī, tasmā tathāgatoti vuccatī’’ti.
г̇аат̇аасу саб̣б̣алогам̣ абхин̃н̃ааяаад̇и д̇зд̇хаад̇угалогасанниваасам̣ ж̇аанид̇ваа. саб̣б̣алогз яат̇аад̇ат̇анд̇и д̇асмим̣ д̇зд̇хаад̇угалогасанниваасз яам̣гин̃жи нзяяам̣, д̇ам̣ саб̣б̣ам̣ яат̇аад̇ат̇ам̣ авибарийд̇ам̣ ж̇аанид̇ваа. саб̣б̣алогависам̣яуд̇д̇од̇и жад̇уннам̣ яог̇аанам̣ анавасзсаббахаанзна саб̣б̣знаби логзна висам̣яуд̇д̇о виббамуд̇д̇о. ануубаяод̇и саб̣б̣асмимби логз д̇ан̣хаад̣̇идтиубаязхи ануубаяо д̇зхи убаязхи вирахид̇о.
Gāthāsu sabbalokaṃ abhiññāyāti tedhātukalokasannivāsaṃ jānitvā. Sabbaloke yathātathanti tasmiṃ tedhātukalokasannivāse yaṃkiñci neyyaṃ, taṃ sabbaṃ yathātathaṃ aviparītaṃ jānitvā. Sabbalokavisaṃyuttoti catunnaṃ yogānaṃ anavasesappahānena sabbenapi lokena visaṃyutto vippamutto. Anūpayoti sabbasmimpi loke taṇhādiṭṭhiupayehi anūpayo tehi upayehi virahito.
саб̣б̣аабхибхууд̇и руубаад̣̇ийни саб̣б̣аарамман̣аани, саб̣б̣ам̣ сан̇каараг̇ад̇ам̣, саб̣б̣зби маарз абхибхавид̇ваа тид̇о. д̇хийрод̇и д̇хид̇исамбанно. саб̣б̣аг̇ант̇аббаможанод̇и саб̣б̣з абхиж̇жхаагааяаг̇ант̇аад̣̇игз можзд̇ваа тид̇о взнзяяасанд̇аанзби ад̇д̇ано д̣̇зсанаавилаасзна д̇зсам̣ баможанад̇о саб̣б̣аг̇ант̇аббаможано. пудтаассаад̇и пудтаа асса. гаран̣ад̇т̇з ид̣̇ам̣ саамиважанам̣, пудтаа анзнаад̇и ад̇т̇о. барамаа санд̇ийд̇и ниб̣б̣аанам̣. д̇ан̃хи д̇зна н̃аан̣апусанзна пудтам̣. д̇знзвааха ‘‘ниб̣б̣аанам̣ агуд̇обхаяа’’нд̇и. ат̇а ваа барамаа санд̇ийд̇и уд̇д̇амаа санд̇и. гад̇араа саад̇и? ниб̣б̣аанам̣. яасмаа бана ниб̣б̣аанз гуд̇ожи бхаяам̣ над̇т̇и, д̇асмаа д̇ам̣ агуд̇обхаяанд̇и вужжад̇и.
Sabbābhibhūti rūpādīni sabbārammaṇāni, sabbaṃ saṅkhāragataṃ, sabbepi māre abhibhavitvā ṭhito. Dhīroti dhitisampanno. Sabbaganthappamocanoti sabbe abhijjhākāyaganthādike mocetvā ṭhito veneyyasantānepi attano desanāvilāsena tesaṃ pamocanato sabbaganthappamocano. Phuṭṭhāssāti phuṭṭhā assa. Karaṇatthe idaṃ sāmivacanaṃ, phuṭṭhā anenāti attho. Paramā santīti nibbānaṃ. Tañhi tena ñāṇaphusanena phuṭṭhaṃ. Tenevāha ‘‘nibbānaṃ akutobhaya’’nti. Atha vā paramā santīti uttamā santi. Katarā sāti? Nibbānaṃ. Yasmā pana nibbāne kutoci bhayaṃ natthi, tasmā taṃ akutobhayanti vuccati.
анийгход̇и нид̣̇д̣̇угко. саб̣б̣агаммагкаяам̣ бад̇д̇од̇и саб̣б̣зсам̣ гаммаанам̣ каяам̣ барияосаанам̣ ажжанд̇аабхаавам̣ бад̇д̇о. вимуд̇д̇о убад̇хисан̇каязд̇и убад̇хисан̇каяасан̇каад̇з ниб̣б̣аанз д̇ад̣̇аарамман̣ааяа палавимуд̇д̇ияаа вимуд̇д̇о. зса сод̇и зсо со. сийхо ануд̇д̇арод̇и бариссаяаанам̣ саханадтзна, гилзсаанам̣ хананадтзна жа, д̇ат̇ааг̇ад̇о ануд̇д̇аро сийхо наама. б̣рахманд̇и сздтам̣. жагганд̇и д̇хаммажаггам̣. бавад̇д̇аяийд̇и д̇ибариваддам̣ д̣̇ваад̣̇асаагаарам̣ бавад̇д̇зси.
Anīghoti niddukkho. Sabbakammakkhayaṃ pattoti sabbesaṃ kammānaṃ khayaṃ pariyosānaṃ accantābhāvaṃ patto. Vimutto upadhisaṅkhayeti upadhisaṅkhayasaṅkhāte nibbāne tadārammaṇāya phalavimuttiyā vimutto. Esa soti eso so. Sīho anuttaroti parissayānaṃ sahanaṭṭhena, kilesānaṃ hananaṭṭhena ca, tathāgato anuttaro sīho nāma. Brahmanti seṭṭhaṃ. Cakkanti dhammacakkaṃ. Pavattayīti tiparivaṭṭaṃ dvādasākāraṃ pavattesi.
ид̇ийд̇и звам̣ д̇ат̇ааг̇ад̇асса г̇ун̣з ж̇аанид̇ваа. сан̇г̇аммаад̇и самааг̇анд̇ваа. д̇ам̣ намассанд̇ийд̇и д̇ам̣ д̇ат̇ааг̇ад̇ам̣ д̇з саран̣ам̣ г̇ад̇аа д̣̇звамануссаа намассанд̇и. маханд̇зхи сийлаад̣̇иг̇ун̣зхи саманнааг̇ад̇ад̇д̇аа маханд̇ам̣, жад̇увзсаараж̇ж̇аяог̇зна вийд̇асаарад̣̇ам̣. ид̣̇аани яам̣ вад̣̇анд̇аа д̇з намассанд̇и, д̇ам̣ д̣̇ассзд̇ум̣ д̣̇анд̇од̇иаад̣̇и вуд̇д̇ам̣. д̇ам̣ уд̇д̇аанад̇т̇амзва.
Itīti evaṃ tathāgatassa guṇe jānitvā. Saṅgammāti samāgantvā. Taṃnamassantīti taṃ tathāgataṃ te saraṇaṃ gatā devamanussā namassanti. Mahantehi sīlādiguṇehi samannāgatattā mahantaṃ, catuvesārajjayogena vītasāradaṃ. Idāni yaṃ vadantā te namassanti, taṃ dassetuṃ dantotiādi vuttaṃ. Taṃ uttānatthameva.
ид̇и имасмим̣ жад̇угганибаад̇з чадтз сад̇д̇амз жа суд̇д̇з ваддам̣ гат̇ид̇ам̣, батамад̣̇уд̇ияад̇ад̇ияад̣̇ваад̣̇асамад̇зрасамзсу виваддам̣ гат̇ид̇ам̣, сзсзсу ваддавиваддам̣ гат̇ид̇анд̇и взд̣̇ид̇аб̣б̣ам̣.
Iti imasmiṃ catukkanipāte chaṭṭhe sattame ca sutte vaṭṭaṃ kathitaṃ, paṭhamadutiyatatiyadvādasamaterasamesu vivaṭṭaṃ kathitaṃ, sesesu vaṭṭavivaṭṭaṃ kathitanti veditabbaṃ.
д̇зрасамасуд̇д̇аван̣н̣анаа нидтид̇аа.
Terasamasuttavaṇṇanā niṭṭhitā.
ид̇и барамад̇т̇ад̣̇ийбанияаа
Iti paramatthadīpaniyā
куд̣̇д̣̇аганигааяа-адтагат̇ааяа
Khuddakanikāya-aṭṭhakathāya
ид̇ивуд̇д̇агасса жад̇угганибаад̇аван̣н̣анаа нидтид̇аа.
Itivuttakassa catukkanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 13. логасуд̇д̇ам̣ • 13. Lokasuttaṃ
