| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. логасуд̇д̇аван̣н̣анаа
10. Lokasuttavaṇṇanā
30. д̣̇асамз б̣уд̣̇д̇хажагкунаад̇и зд̇т̇а аасаяаанусаяан̃аан̣ам̣ инд̣̇рияабаробарияад̇д̇ан̃аан̣ан̃жа б̣уд̣̇д̇хажагку наама. яат̇ааха –
30. Dasame buddhacakkhunāti ettha āsayānusayañāṇaṃ indriyaparopariyattañāṇañca buddhacakkhu nāma. Yathāha –
‘‘ад̣̇д̣̇асаа ко бхаг̇аваа б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз’’д̇иаад̣̇и (ма. ни. 1.283; 2.339).
‘‘Addasā kho bhagavā buddhacakkhunā lokaṃ volokento satte apparajakkhe mahārajakkhe tikkhindriye mudindriye’’tiādi (ma. ni. 1.283; 2.339).
логанд̇и д̇аяо логаа – огаасалого, сан̇кааралого, сад̇д̇алогод̇и. д̇ад̇т̇а –
Lokanti tayo lokā – okāsaloko, saṅkhāraloko, sattalokoti. Tattha –
‘‘яаавад̇аа жанд̣̇имасуурияаа барихаранд̇и,
‘‘Yāvatā candimasūriyā pariharanti,
д̣̇исаа бханд̇и вирожанаа;
Disā bhanti virocanā;
д̇аава сахассад̇хаа лого,
Tāva sahassadhā loko,
зд̇т̇а д̇з вад̇д̇ад̇ий васо’’д̇и. –
Ettha te vattatī vaso’’ti. –
аад̣̇ийсу (ма. ни. 1.503) огаасалого. ‘‘зго лого – саб̣б̣з сад̇д̇аа аахаарадтид̇игаа, д̣̇вз логаа – нааман̃жа руубан̃жа, д̇аяо логаа – д̇иссо взд̣̇анаа , жад̇д̇ааро логаа – жад̇д̇ааро аахаараа, бан̃жа логаа – бан̃жубаад̣̇аанагканд̇хаа, ча логаа – ча аж̇жхад̇д̇игаани ааяад̇анаани, сад̇д̇а логаа – сад̇д̇а вин̃н̃аан̣адтид̇ияо, адта логаа – адта логад̇хаммаа, нава логаа – нава сад̇д̇ааваасаа, д̣̇аса логаа – д̣̇асааяад̇анаани, д̣̇ваад̣̇аса логаа – д̣̇ваад̣̇асааяад̇анаани, адтаараса логаа – адтаараса д̇хаад̇уяо’’д̇иаад̣̇ийсу (бади. ма. 1.112) сан̇кааралого. ‘‘сассад̇о лого, асассад̇о лого’’д̇иаад̣̇ийсу сад̇д̇алого вуд̇д̇о. ид̇хааби сад̇д̇алого взд̣̇ид̇аб̣б̣о.
Ādīsu (ma. ni. 1.503) okāsaloko. ‘‘Eko loko – sabbe sattā āhāraṭṭhitikā, dve lokā – nāmañca rūpañca, tayo lokā – tisso vedanā , cattāro lokā – cattāro āhārā, pañca lokā – pañcupādānakkhandhā, cha lokā – cha ajjhattikāni āyatanāni, satta lokā – satta viññāṇaṭṭhitiyo, aṭṭha lokā – aṭṭha lokadhammā, nava lokā – nava sattāvāsā, dasa lokā – dasāyatanāni, dvādasa lokā – dvādasāyatanāni, aṭṭhārasa lokā – aṭṭhārasa dhātuyo’’tiādīsu (paṭi. ma. 1.112) saṅkhāraloko. ‘‘Sassato loko, asassato loko’’tiādīsu sattaloko vutto. Idhāpi sattaloko veditabbo.
д̇ад̇т̇а логийяад̇и вижид̇д̇аагаарад̇о д̣̇иссад̇ийд̇и жаггаваал̣асан̇каад̇о лого огаасалого, сан̇кааро луж̇ж̇ад̇и балуж̇ж̇ад̇ийд̇и лого, логийяад̇и зд̇т̇а бун̃н̃абаабам̣ д̇аб̣б̣ибааго жаад̇и сад̇д̇алого. д̇зсу бхаг̇аваа махаагарун̣ааяа анугамбамаано сам̣саарад̣̇угкад̇о можзд̇угаамо сад̇д̇алогам̣ ологзси. гад̇амасса бана сад̇д̇аахасса ажжаязна ологзси? батамасса сад̇д̇аахасса. бхаг̇аваа хи баллан̇гасад̇д̇аахасса барияосаанз бажчимаяаамаавасаанз ‘‘яад̣̇аа хавз баад̇убхаванд̇и д̇хаммаа…бз… суурияова обхаасаяаманд̇алигка’’нд̇и (уд̣̇аа. 1-3; гат̇аа. 321; махаава. 1-3) имам̣ арияамаг̇г̇аанубхаавад̣̇ийбагам̣ уд̣̇аанам̣ уд̣̇аанзд̇ваа, ‘‘ахам̣ д̇аава звам̣ суд̣̇уд̇д̇арам̣ сам̣саарамахогхам̣ имааяа д̇хамманаавааяа самуд̇д̇арид̇ваа ниб̣б̣аанабаарз тид̇о, ханд̣̇а д̣̇аани логамби д̇аарзссаами, гийд̣̇исо ну ко лого’’д̇и логам̣ вологзси. д̇ам̣ санд̇хааяа вуд̇д̇ам̣ – ‘‘ат̇а ко бхаг̇аваа д̇асса сад̇д̇аахасса ажжаязна д̇амхаа самаад̇химхаа вудтахид̇ваа б̣уд̣̇д̇хажагкунаа логам̣ вологзсий’’д̇и.
Tattha lokīyati vicittākārato dissatīti cakkavāḷasaṅkhāto loko okāsaloko, saṅkhāro lujjati palujjatīti loko, lokīyati ettha puññapāpaṃ tabbipāko cāti sattaloko. Tesu bhagavā mahākaruṇāya anukampamāno saṃsāradukkhato mocetukāmo sattalokaṃ olokesi. Katamassa pana sattāhassa accayena olokesi? Paṭhamassa sattāhassa. Bhagavā hi pallaṅkasattāhassa pariyosāne pacchimayāmāvasāne ‘‘yadā have pātubhavanti dhammā…pe… sūriyova obhāsayamantalikkha’’nti (udā. 1-3; kathā. 321; mahāva. 1-3) imaṃ ariyamaggānubhāvadīpakaṃ udānaṃ udānetvā, ‘‘ahaṃ tāva evaṃ suduttaraṃ saṃsāramahoghaṃ imāya dhammanāvāya samuttaritvā nibbānapāre ṭhito, handa dāni lokampi tāressāmi, kīdiso nu kho loko’’ti lokaṃ volokesi. Taṃ sandhāya vuttaṃ – ‘‘atha kho bhagavātassa sattāhassa accayena tamhā samādhimhā vuṭṭhahitvā buddhacakkhunā lokaṃ volokesī’’ti.
д̇ад̇т̇а вологзсийд̇и вивид̇хзхи аагаарзхи басси, хад̇т̇ад̇алз табид̇ааамалагам̣ вияа ад̇д̇ано н̃аан̣зна бажжагкам̣ агааси. анзгзхи санд̇аабзхийд̇иаад̣̇и вологид̇аагаарад̣̇ассанам̣. анзгзхи санд̇аабзхийд̇и анзгзхи д̣̇угкзхи. д̣̇угкан̃хи санд̇аабанабийл̣анадтзна санд̇аабод̇и вужжад̇и. яат̇ааха – ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто’’д̇и (бади. ма. 1.17). д̇ан̃жа д̣̇угкад̣̇угкаад̣̇ивасзна жзва ж̇аад̇иаад̣̇ивасзна жа анзгаббагаарам̣. д̇зна вуд̇д̇ам̣ ‘‘анзгзхи санд̇аабзхий’’д̇и. анзгзхи д̣̇угкзхи санд̇аббамаанз бийл̣ияамаанз б̣аад̇хияамаанз. барил̣аахзхийд̇и барид̣̇аахзхи. барид̣аяхамаанзд̇и инд̇ханам̣ вияа аг̇г̇инаа саманд̇ад̇о д̣аяхамаанз. рааг̇аж̇зхийд̇и рааг̇асамбхууд̇зхи . зса наяо сзсзсуби. рааг̇аад̣̇аяо хи яасмим̣ санд̇аанз уббаж̇ж̇анд̇и, д̇ам̣ нид̣̇д̣̇аханд̇аа вияа виб̣аад̇хзнд̇и, д̇зна вуд̇д̇ам̣ – ‘‘д̇аяомз, бхигкавз, аг̇г̇ий – рааг̇аг̇г̇и, д̣̇осаг̇г̇и, мохаг̇г̇ий’’д̇и (ид̇иву. 93). яад̇о д̇з жид̇д̇ам̣ гааяан̃жа гилзсзнд̇ийд̇и гилзсаад̇и вужжанд̇и. зд̇т̇а жа барид̣аяхамаанзд̇и зд̇зна бхаг̇аваа рааг̇аад̣̇игилзсаанам̣ бавад̇д̇ид̣̇угкад̇ам̣, д̇зна жа сад̇д̇аанам̣ абхибхууд̇ад̇ам̣ д̣̇ассзд̇и. санд̇аббамаанзд̇и иминаа бана д̇зсам̣ гааланд̇арад̣̇угкад̇ам̣, д̇зна ниранд̇аробад̣̇д̣̇авад̇ан̃жа д̣̇ассзд̇и.
Tattha volokesīti vividhehi ākārehi passi, hatthatale ṭhapitaāmalakaṃ viya attano ñāṇena paccakkhaṃ akāsi. Anekehi santāpehītiādi volokitākāradassanaṃ. Anekehi santāpehīti anekehi dukkhehi. Dukkhañhi santāpanapīḷanaṭṭhena santāpoti vuccati. Yathāha – ‘‘dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho’’ti (paṭi. ma. 1.17). Tañca dukkhadukkhādivasena ceva jātiādivasena ca anekappakāraṃ. Tena vuttaṃ ‘‘anekehi santāpehī’’ti. Anekehi dukkhehi santappamāne pīḷiyamāne bādhiyamāne. Pariḷāhehīti paridāhehi. Pariḍayhamāneti indhanaṃ viya agginā samantato ḍayhamāne. Rāgajehīti rāgasambhūtehi . Esa nayo sesesupi. Rāgādayo hi yasmiṃ santāne uppajjanti, taṃ niddahantā viya vibādhenti, tena vuttaṃ – ‘‘tayome, bhikkhave, aggī – rāgaggi, dosaggi, mohaggī’’ti (itivu. 93). Yato te cittaṃ kāyañca kilesentīti kilesāti vuccanti. Ettha ca pariḍayhamāneti etena bhagavā rāgādikilesānaṃ pavattidukkhataṃ, tena ca sattānaṃ abhibhūtataṃ dasseti. Santappamāneti iminā pana tesaṃ kālantaradukkhataṃ, tena nirantaropaddavatañca dasseti.
бхаг̇аваа хи б̣од̇хиругкамуулз абарааж̇ид̇абаллан̇гз нисинно батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажчимаяаамз бадижжасамуббаад̣̇з н̃аан̣ам̣ од̇аарзд̇ваа гилзсамуулагам̣ ваддад̣̇угкам̣ абхин̃н̃ааяа сан̇каарз бариг̇г̇ахзд̇ваа саммасанд̇о ануггамзна вибассанам̣ вад̣дхзд̇ваа арияамаг̇г̇аад̇хиг̇амзна саяам̣ виг̇ад̇авид̣̇д̇хасд̇агилзсо абхисамб̣уд̣̇д̇хо худ̇ваа бажжавзгкан̣аананд̇арам̣ анавасзсаанам̣ гилзсаанам̣ бахийнад̇д̇аа ад̇д̇ано ваддад̣̇угкасса баригкийн̣абхаавад̣̇ийбагам̣ саб̣б̣аб̣уд̣̇д̇хаанам̣ авиж̇ахид̇ам̣ ‘‘анзгаж̇аад̇исам̣саара’’нд̇и (д̇ха. ба. 153) уд̣̇аанам̣ уд̣̇аанзд̇ваа д̇знзва баллан̇гзна сад̇д̇аахам̣ вимуд̇д̇исукабадисам̣взд̣̇ий нисинно сад̇д̇амааяа рад̇д̇ияаа д̇ийсу яаамзсу вуд̇д̇анаязна д̇ийн̣и уд̣̇аанаани уд̣̇аанзд̇ваа д̇ад̇ияауд̣̇аанаананд̇арам̣ б̣уд̣̇д̇хажагкунаа логам̣ вологзнд̇о ‘‘сагаламид̣̇ам̣ сад̇д̇аанам̣ ваддад̣̇угкам̣ гилзсамуулагам̣, гилзсаа наамзд̇з бавад̇д̇ид̣̇угкаа ааяад̇имби д̣̇угкахзд̇убхууд̇аа, д̇зхи имз сад̇д̇аа санд̇аббанд̇и барид̣аяханд̇и жаа’’д̇и басси. д̇зна вуд̇д̇ам̣ ‘‘ад̣̇д̣̇асаа ко бхаг̇аваа…бз… мохаж̇зхибий’’д̇и.
Bhagavā hi bodhirukkhamūle aparājitapallaṅke nisinno paṭhamayāme pubbenivāsaṃ anussaritvā majjhimayāme dibbacakkhuṃ visodhetvā pacchimayāme paṭiccasamuppāde ñāṇaṃ otāretvā kilesamūlakaṃ vaṭṭadukkhaṃ abhiññāya saṅkhāre pariggahetvā sammasanto anukkamena vipassanaṃ vaḍḍhetvā ariyamaggādhigamena sayaṃ vigataviddhastakileso abhisambuddho hutvā paccavekkhaṇānantaraṃ anavasesānaṃ kilesānaṃ pahīnattā attano vaṭṭadukkhassa parikkhīṇabhāvadīpakaṃ sabbabuddhānaṃ avijahitaṃ ‘‘anekajātisaṃsāra’’nti (dha. pa. 153) udānaṃ udānetvā teneva pallaṅkena sattāhaṃ vimuttisukhapaṭisaṃvedī nisinno sattamāya rattiyā tīsu yāmesu vuttanayena tīṇi udānāni udānetvā tatiyaudānānantaraṃ buddhacakkhunā lokaṃ volokento ‘‘sakalamidaṃ sattānaṃ vaṭṭadukkhaṃ kilesamūlakaṃ, kilesā nāmete pavattidukkhā āyatimpi dukkhahetubhūtā, tehi ime sattā santappanti pariḍayhanti cā’’ti passi. Tena vuttaṃ ‘‘addasā kho bhagavā…pe… mohajehipī’’ti.
зд̇амад̇т̇ам̣ вид̣̇ид̇ваад̇и зд̇ам̣ логасса яат̇аавуд̇д̇асанд̇аабабарил̣аахзхи абхибхуяяамаанад̇ам̣ саб̣б̣аагаарад̇о вид̣̇ид̇ваа. имам̣ уд̣̇аананд̇и имам̣ саб̣б̣асанд̇аабабарил̣аахад̇о бариниб̣б̣аанавибхааванам̣ махаауд̣̇аанам̣ уд̣̇аанзси.
Etamatthaṃviditvāti etaṃ lokassa yathāvuttasantāpapariḷāhehi abhibhuyyamānataṃ sabbākārato viditvā. Imaṃ udānanti imaṃ sabbasantāpapariḷāhato parinibbānavibhāvanaṃ mahāudānaṃ udānesi.
д̇ад̇т̇а аяам̣ лого санд̇аабаж̇аад̇од̇и аяам̣ саб̣б̣оби лого ж̇араарог̇амаран̣зхи жзва наанаавид̇хаб̣яасанзхи жа гилзсабарияудтаанзхи жа ж̇аад̇асанд̇аабо, уббаннагааяигажзд̇асигад̣̇угкаабхибхавод̇и ад̇т̇о. пассабарзд̇од̇и д̇ад̇о зва анзгзхи д̣̇угкасампассзхи барихад̇о убад̣̇д̣̇уд̇о. ат̇а ваа пассабарзд̇од̇и сукаад̣̇исан̇каад̇аанам̣ д̇иссаннам̣ д̣̇угкад̇аанам̣ бажжаяабхууд̇зхи чахи пассзхи абхибхууд̇о, д̇ад̇о д̇ад̇о д̣̇ваарад̇о д̇асмим̣ д̇асмим̣ аарамман̣з бавад̇д̇ивасзна убассадто. рог̇ам̣ вад̣̇ад̇и ад̇д̇ад̇од̇и пассабажжаяаа уббаж̇ж̇амаанам̣ взд̣̇анаасан̇каад̇ам̣ рог̇ам̣ д̣̇угкам̣, канд̇хабан̃жагамзва ваа яат̇аабхууд̇ам̣ аж̇аананд̇о ‘‘аха’’нд̇и сан̃н̃ааяа д̣̇идтиг̇аахавасзна ‘‘ахам̣ сукид̇о д̣̇угкид̇о’’д̇и ад̇д̇ад̇о вад̣̇ад̇и. ‘‘ад̇д̇ано’’д̇иби батанд̇и. д̇ассад̇т̇о – явааяам̣ лого гзнажи д̣̇угкад̇хаммзна пудто абхаавид̇ад̇д̇ад̇ааяа ад̇хиваасзд̇ум̣ асаггонд̇о ‘‘ахо д̣̇угкам̣, ийд̣̇исам̣ д̣̇угкам̣ маяхам̣ ад̇д̇аноби маа ход̇уу’’д̇иаад̣̇инаа виббалабанд̇о гзвалам̣ ад̇д̇ано рог̇ам̣ вад̣̇ад̇и, д̇асса бана бахаанааяа на бадибаж̇ж̇ад̇ийд̇и ад̇хиббааяо. ат̇а ваа д̇ам̣ яат̇аавуд̇д̇ам̣ д̣̇угкам̣ яат̇аабхууд̇ам̣ аж̇аананд̇о д̇ан̣хааг̇аахавасзна ‘‘мама’’нд̇и сан̃н̃ааяа ад̇д̇ад̇о вад̣̇ад̇и, ‘‘мама ид̣̇а’’нд̇и ваажам̣ нижчаарзд̇и.
Tattha ayaṃ loko santāpajātoti ayaṃ sabbopi loko jarārogamaraṇehi ceva nānāvidhabyasanehi ca kilesapariyuṭṭhānehi ca jātasantāpo, uppannakāyikacetasikadukkhābhibhavoti attho. Phassaparetoti tato eva anekehi dukkhasamphassehi parihato upadduto. Atha vā phassaparetoti sukhādisaṅkhātānaṃ tissannaṃ dukkhatānaṃ paccayabhūtehi chahi phassehi abhibhūto, tato tato dvārato tasmiṃ tasmiṃ ārammaṇe pavattivasena upassaṭṭho. Rogaṃ vadati attatoti phassapaccayā uppajjamānaṃ vedanāsaṅkhātaṃ rogaṃ dukkhaṃ, khandhapañcakameva vā yathābhūtaṃ ajānanto ‘‘aha’’nti saññāya diṭṭhigāhavasena ‘‘ahaṃ sukhito dukkhito’’ti attato vadati. ‘‘Attano’’tipi paṭhanti. Tassattho – yvāyaṃ loko kenaci dukkhadhammena phuṭṭho abhāvitattatāya adhivāsetuṃ asakkonto ‘‘aho dukkhaṃ, īdisaṃ dukkhaṃ mayhaṃ attanopi mā hotū’’tiādinā vippalapanto kevalaṃ attano rogaṃ vadati, tassa pana pahānāya na paṭipajjatīti adhippāyo. Atha vā taṃ yathāvuttaṃ dukkhaṃ yathābhūtaṃ ajānanto taṇhāgāhavasena ‘‘mama’’nti saññāya attato vadati, ‘‘mama ida’’nti vācaṃ nicchāreti.
язна язна хи ман̃н̃ад̇ийд̇и звамимам̣ рог̇абхууд̇ам̣ канд̇хабан̃жагам̣ ад̇д̇ад̇о ад̇д̇ано ваа вад̣̇анд̇о лого язна язна руубавзд̣̇анаад̣̇инаа гааран̣абхууд̇зна, язна ваа сассад̇аад̣̇инаа багаарзна д̣̇идтимаанад̇ан̣хааман̃н̃анаахи ман̃н̃ад̇и. д̇ад̇о д̇ам̣ ход̇и ан̃н̃ат̇аад̇и д̇ад̇о ад̇д̇анаа баригаббид̇аагаарад̇о д̇ам̣ ман̃н̃анааяа вад̇т̇убхууд̇ам̣ канд̇хабан̃жагам̣ ан̃н̃ат̇аа анад̇д̇аанад̇д̇анияамзва ход̇и. васз вад̇д̇зд̇ум̣ асаггун̣зяяад̇ааяа ахан̇гаарамаман̇гаарад̇д̇ам̣ на нибпаад̣̇зд̇ийд̇и ад̇т̇о. ат̇а ваа д̇ад̇од̇и д̇асмаа ман̃н̃анаамад̇д̇абхаавад̇о д̇ам̣ канд̇хабан̃жагам̣ нижжаад̣̇ивасзна ман̃н̃ид̇ам̣ ан̃н̃ат̇аа анижжаад̣̇исабхаавамзва ход̇и. на хи ман̃н̃анаа бхааван̃н̃ат̇ад̇д̇ам̣ ваа лагкан̣ан̃н̃ат̇ад̇д̇ам̣ ваа гаад̇ум̣ саггод̇и.
Yena yena hi maññatīti evamimaṃ rogabhūtaṃ khandhapañcakaṃ attato attano vā vadanto loko yena yena rūpavedanādinā kāraṇabhūtena, yena vā sassatādinā pakārena diṭṭhimānataṇhāmaññanāhi maññati. Tato taṃ hoti aññathāti tato attanā parikappitākārato taṃ maññanāya vatthubhūtaṃ khandhapañcakaṃ aññathā anattānattaniyameva hoti. Vase vattetuṃ asakkuṇeyyatāya ahaṅkāramamaṅkārattaṃ na nipphādetīti attho. Atha vā tatoti tasmā maññanāmattabhāvato taṃ khandhapañcakaṃ niccādivasena maññitaṃ aññathā aniccādisabhāvameva hoti. Na hi maññanā bhāvaññathattaṃ vā lakkhaṇaññathattaṃ vā kātuṃ sakkoti.
ан̃н̃ат̇аабхаавий бхавасад̇д̇од̇и асамбхавз вад̣дхияам̣ хид̇асукз сад̇д̇о лаг̇г̇о сад̇д̇алого ман̃н̃анааяа яат̇ааружи жинд̇ияамааноби вибарийд̇аббадибад̇д̇ияаа д̇ад̇о ан̃н̃ат̇аабхаавий ахид̇ад̣̇угкабхаавий вигхаад̇ам̣язва баабун̣аад̇и. бхавамзваабхинанд̣̇ад̇ийд̇и звам̣ санд̇зби д̇ам̣ ман̃н̃анаабаригаббид̇ам̣ авиж̇ж̇амаанам̣ бхавам̣ вад̣дхим̣ абхинанд̣̇ад̇и зва абхиган̇кад̇и зва. ат̇а ваа ан̃н̃ат̇аабхаавийд̇и ‘‘нижжо мз ад̇д̇аа’’д̇иаад̣̇инаа ман̃н̃анааяа баригаббид̇аагаарад̇о саяам̣ ан̃н̃ат̇аабхаавий самаано анижжо ад̇хувод̇и ад̇т̇о. бхавасад̇д̇од̇и гаамаад̣̇ибхавзсу бхавад̇ан̣хааяа сад̇д̇о лаг̇г̇о г̇ад̇хид̇о. бхавамзваабхинанд̣̇ад̇ийд̇и анижжаад̣̇исабхаавам̣ бхавамзва нижжаад̣̇ивасзна бараамасид̇ваа, д̇ад̇т̇а ваа ад̇химуд̇д̇исан̃н̃ам̣ д̇ан̣хаад̣̇идтаабхинанд̣̇анаахи абхинанд̣̇ад̇и, на д̇ад̇т̇а ниб̣б̣инд̣̇ад̇и . яад̣̇абхинанд̣̇ад̇и д̇ам̣ бхаяанд̇и яам̣ вад̣дхисан̇каад̇ам̣ бхавам̣ гаамаад̣̇ибхавам̣ ваа абхинанд̣̇ад̇и, д̇ам̣ анижжаад̣̇ивибарин̣аамасабхаавад̇д̇аа анзгаб̣яасанаануб̣анд̇хад̇д̇аа жа бхавахзд̇убхаавад̇о ад̇ивияа бхаяаанагадтзна бхаяам̣. яасса бхааяад̇ийд̇и яад̇о ж̇араамаран̣аад̣̇ид̇о бхааяад̇и, д̇ам̣ ж̇араамаран̣аад̣̇и д̣̇угкаад̇хидтаанабхаавад̇о д̣̇угкад̣̇угкабхаавад̇о жа д̣̇угкам̣. ат̇а ваа яасса бхааяад̇ийд̇и бхаваабхинанд̣̇анзна яасса вибхавасса бхааяад̇и , со ужчзд̣̇асан̇каад̇о вибхаво, д̇ад̇о бхааяанан̃жа д̣̇угкавад̇т̇убхаавад̇о ж̇аад̇иаад̣̇ид̣̇угкасса анад̇ивад̇д̇анад̇о жа д̣̇угкам̣ д̣̇угкасабхаавамзваад̇и ад̇т̇о. ат̇а ваа яасса бхааяад̇и д̇ам̣ д̣̇угканд̇и яасса анижжаад̣̇игасса бхааяад̇и д̇ам̣ ниссаран̣ам̣ аж̇аананд̇о, д̇ам̣ бхаяам̣ д̇асса д̣̇угкам̣ ход̇и, д̣̇угкам̣ аавахад̇ийд̇и ад̇т̇о.
Aññathābhāvī bhavasattoti asambhave vaḍḍhiyaṃ hitasukhe satto laggo sattaloko maññanāya yathāruci cintiyamānopi viparītappaṭipattiyā tato aññathābhāvī ahitadukkhabhāvī vighātaṃyeva pāpuṇāti. Bhavamevābhinandatīti evaṃ santepi taṃ maññanāparikappitaṃ avijjamānaṃ bhavaṃ vaḍḍhiṃ abhinandati eva abhikaṅkhati eva. Atha vā aññathābhāvīti ‘‘nicco me attā’’tiādinā maññanāya parikappitākārato sayaṃ aññathābhāvī samāno anicco adhuvoti attho. Bhavasattoti kāmādibhavesu bhavataṇhāya satto laggo gadhito. Bhavamevābhinandatīti aniccādisabhāvaṃ bhavameva niccādivasena parāmasitvā, tattha vā adhimuttisaññaṃ taṇhādiṭṭhābhinandanāhi abhinandati, na tattha nibbindati . Yadabhinandati taṃ bhayanti yaṃ vaḍḍhisaṅkhātaṃ bhavaṃ kāmādibhavaṃ vā abhinandati, taṃ aniccādivipariṇāmasabhāvattā anekabyasanānubandhattā ca bhavahetubhāvato ativiya bhayānakaṭṭhena bhayaṃ. Yassa bhāyatīti yato jarāmaraṇādito bhāyati, taṃ jarāmaraṇādi dukkhādhiṭṭhānabhāvato dukkhadukkhabhāvato ca dukkhaṃ. Atha vā yassa bhāyatīti bhavābhinandanena yassa vibhavassa bhāyati , so ucchedasaṅkhāto vibhavo, tato bhāyanañca dukkhavatthubhāvato jātiādidukkhassa anativattanato ca dukkhaṃ dukkhasabhāvamevāti attho. Atha vā yassa bhāyati taṃ dukkhanti yassa aniccādikassa bhāyati taṃ nissaraṇaṃ ajānanto, taṃ bhayaṃ tassa dukkhaṃ hoti, dukkhaṃ āvahatīti attho.
зд̇д̇агзна ваддам̣ д̣̇ассзд̇ваа ид̣̇аани виваддам̣ д̣̇ассзд̇ум̣, ‘‘бхававиббахаанааяа ко банид̣̇ам̣ б̣рахмажарияам̣ вуссад̇ий’’д̇и ааха. д̇ад̇т̇а бхававиббахаанааяаад̇и гаамаад̣̇ибхавасса баж̇аханад̇т̇ааяа. код̇и авад̇хааран̣з, банаад̇и бад̣̇абууран̣з нибаад̇о. ид̣̇анд̇и аасаннабажжагкаважанам̣. б̣рахмажарияанд̇и маг̇г̇аб̣рахмажарияам̣. вуссад̇ийд̇и буурзссад̇и. ид̣̇ам̣ вуд̇д̇ам̣ ход̇и – зганд̇знзва гаамаад̣̇ибхавасса самуд̣̇аяаббахаанзна анавасзсабаж̇аханад̇т̇ааяа ид̣̇ам̣ маяаа сад̇асахассагаббаад̇хигаани жад̇д̇аари асан̇кязяяаани ад̇ид̣̇уггараани аажарид̇ваа баарамияо буурзд̇ваа б̣од̇химан̣д̣з д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа ад̇хиг̇ад̇ам̣ сийлаад̣̇игканд̇хад̇д̇аяасан̇г̇ахам̣ адтан̇г̇игамаг̇г̇аб̣рахмажарияам̣ жарияад̇и бхаавияад̇ийд̇и.
Ettakena vaṭṭaṃ dassetvā idāni vivaṭṭaṃ dassetuṃ, ‘‘bhavavippahānāya kho panidaṃ brahmacariyaṃ vussatī’’ti āha. Tattha bhavavippahānāyāti kāmādibhavassa pajahanatthāya. Khoti avadhāraṇe, panāti padapūraṇe nipāto. Idanti āsannapaccakkhavacanaṃ. Brahmacariyanti maggabrahmacariyaṃ. Vussatīti pūressati. Idaṃ vuttaṃ hoti – ekanteneva kāmādibhavassa samudayappahānena anavasesapajahanatthāya idaṃ mayā satasahassakappādhikāni cattāri asaṅkhyeyyāni atidukkarāni ācaritvā pāramiyo pūretvā bodhimaṇḍe tiṇṇaṃ mārānaṃ matthakaṃ madditvā adhigataṃ sīlādikkhandhattayasaṅgahaṃ aṭṭhaṅgikamaggabrahmacariyaṃ cariyati bhāviyatīti.
звам̣ арияамаг̇г̇асса згам̣сзнзва нияяаанигабхаавам̣ д̣̇ассзд̇ваа ид̣̇аани ан̃н̃амаг̇г̇асса д̇ад̣̇абхаавам̣ д̣̇ассзнд̇о ‘‘яз хи гзжий’’д̇иаад̣̇имааха. д̇ад̇т̇а язд̇и анияаманид̣̇д̣̇зсо. хийд̇и нибаад̇амад̇д̇ам̣. гзжийд̇и згажжз. бад̣̇ад̣̇ваязнааби д̇ат̇ааваад̣̇ино д̣̇идтиг̇ад̇игз анияамад̇о барияаад̣̇ияад̇и. саман̣аад̇и баб̣б̣аж̇ж̇уубаг̇аманамад̇д̇зна саман̣аа, на самид̇абаабаа. б̣раахман̣аад̇и ж̇аад̇имад̇д̇зна б̣раахман̣аа, на б̣аахид̇абаабаа. ваасад̣̇д̣̇о вигаббад̇т̇о. бхавзна бхавасса виббамогкамаахам̣сууд̇и згажжз гаамабхавзна руубабхавзна ваа саб̣б̣абхавад̇о вимуд̇д̇им̣ сам̣саарасуд̣̇д̇хим̣ гат̇аяим̣су.
Evaṃ ariyamaggassa ekaṃseneva niyyānikabhāvaṃ dassetvā idāni aññamaggassa tadabhāvaṃ dassento ‘‘ye hi kecī’’tiādimāha. Tattha yeti aniyamaniddeso. Hīti nipātamattaṃ. Kecīti ekacce. Padadvayenāpi tathāvādino diṭṭhigatike aniyamato pariyādiyati. Samaṇāti pabbajjūpagamanamattena samaṇā, na samitapāpā. Brāhmaṇāti jātimattena brāhmaṇā, na bāhitapāpā. Vāsaddo vikappattho. Bhavena bhavassa vippamokkhamāhaṃsūti ekacce kāmabhavena rūpabhavena vā sabbabhavato vimuttiṃ saṃsārasuddhiṃ kathayiṃsu.
гз банзвам̣ вад̣̇анд̇ийд̇и? д̣̇идтад̇хамманиб̣б̣аанаваад̣̇ино д̇зсу хи гзжи ‘‘ул̣аарзхи бан̃жахи гаамаг̇ун̣зхи самаббид̇о ад̇д̇аа д̣̇идтзва д̇хаммз барамам̣ ниб̣б̣уд̇им̣ бад̇д̇о ход̇ий’’д̇и вад̣̇анд̇и. гзжи ‘‘руубааважараж̇жхаанзсу батамаж̇жхаанасаман̇г̇ий…бз… гзжи ‘‘д̣̇уд̇ияад̇ад̇ияажад̇уд̇т̇аж̇жхаанасаман̇г̇ий ад̇д̇аа д̣̇идтзва д̇хаммз барамам̣ ниб̣б̣уд̇им̣ бад̇д̇о ход̇ий’’д̇и вад̣̇анд̇и. яат̇ааха –
Ke panevaṃ vadantīti? Diṭṭhadhammanibbānavādino tesu hi keci ‘‘uḷārehi pañcahi kāmaguṇehi samappito attā diṭṭheva dhamme paramaṃ nibbutiṃ patto hotī’’ti vadanti. Keci ‘‘rūpāvacarajjhānesu paṭhamajjhānasamaṅgī…pe… keci ‘‘dutiyatatiyacatutthajjhānasamaṅgī attā diṭṭheva dhamme paramaṃ nibbutiṃ patto hotī’’ti vadanti. Yathāha –
‘‘ид̇ха , бхигкавз, згажжо саман̣о ваа б̣раахман̣о ваа звам̣ваад̣̇ий ход̇и звам̣д̣̇идти ‘яад̇о ко бхо аяам̣ ад̇д̇аа бан̃жахи гаамаг̇ун̣зхи самаббид̇о’’’д̇и (д̣̇ий. ни. 1.94) вид̇т̇ааро.
‘‘Idha , bhikkhave, ekacco samaṇo vā brāhmaṇo vā evaṃvādī hoti evaṃdiṭṭhi ‘yato kho bho ayaṃ attā pañcahi kāmaguṇehi samappito’’’ti (dī. ni. 1.94) vitthāro.
д̇з бана яасмаа яаавад̣̇ад̇т̇ам̣ бийд̇ад̇д̇аа сухид̇ааяа ж̇алуугааяа вияа рухирабибаасаа гаамаад̣̇исукзхи самаббид̇асса д̇асса ад̇д̇ано гаамзсанаад̣̇аяо на бхависсанд̇и, д̇ад̣̇абхаавз жа бхавасса абхаавоязва, яасмим̣ яасмин̃жа бхавз тид̇асса аяам̣ наяо лаб̣бхад̇и, д̇зна д̇зна бхавзна саб̣б̣абхавад̇о вимуд̇д̇и ход̇ийд̇и вад̣̇анд̇и, д̇асмаа ‘‘бхавзна бхавасса виббамогкамаахам̣суу’’д̇и вуд̇д̇аа. язсан̃жа ‘‘зд̇д̇агам̣ наама гаалам̣ сам̣сарид̇ваа б̣аалаа жа бан̣д̣ид̇аа жа барияосаанабхавз тад̇ваа сам̣саарад̇о вимужжанд̇ий’’д̇и лад̣̇д̇хи, д̇зби бхавзна бхавасса виббамогкам̣ вад̣̇анд̇и наама. вуд̇д̇ан̃хзд̇ам̣ –
Te pana yasmā yāvadatthaṃ pītattā suhitāya jalūkāya viya ruhirapipāsā kāmādisukhehi samappitassa tassa attano kāmesanādayo na bhavissanti, tadabhāve ca bhavassa abhāvoyeva, yasmiṃ yasmiñca bhave ṭhitassa ayaṃ nayo labbhati, tena tena bhavena sabbabhavato vimutti hotīti vadanti, tasmā ‘‘bhavena bhavassa vippamokkhamāhaṃsū’’ti vuttā. Yesañca ‘‘ettakaṃ nāma kālaṃ saṃsaritvā bālā ca paṇḍitā ca pariyosānabhave ṭhatvā saṃsārato vimuccantī’’ti laddhi, tepi bhavena bhavassa vippamokkhaṃ vadanti nāma. Vuttañhetaṃ –
‘‘жуллаасийд̇и махаагаббино сад̇асахассаани яаани б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇ий’’д̇и (д̣̇ий. ни. 1.168).
‘‘Cullāsīti mahākappino satasahassāni yāni bāle ca paṇḍite ca sandhāvitvā saṃsaritvā dukkhassantaṃ karissantī’’ti (dī. ni. 1.168).
ат̇а ваа бхавзнаад̇и бхавад̣̇идтияаа. бхавад̇и сассад̇ам̣ д̇идтад̇ийд̇и бавад̇д̇анад̇о сассад̇ад̣̇идти бхавад̣̇идтийд̇и вужжад̇и, бхавад̣̇идти звзд̇т̇а уд̇д̇арабад̣̇алобзна бхавад̇ан̣хаад̇иаад̣̇ийсу вияа бхавод̇и вуд̇д̇о. бхавад̣̇идтивасзна жа згажжз бхавависзсам̣язва гилзсаанам̣ вуубасанд̇авуд̇д̇ияаа ааяуно жа д̣̇ийгхааваасад̇ааяа нижжаад̣̇исабхаавам̣ бхававимогкам̣ ман̃н̃анд̇и, сзяяат̇ааби б̣аго б̣рахмаа ‘‘ид̣̇ам̣ нижжам̣, ид̣̇ам̣ д̇хувам̣, ид̣̇ам̣ сассад̇ам̣, ид̣̇ам̣ авибарин̣аамад̇хамма’’нд̇и (ма. ни. 1.501) авожа. д̇зсамзвам̣ вибарийд̇аг̇аахийнам̣ аниссаран̣з ниссаран̣ад̣̇идтийнам̣ гуд̇о бхававимогко. д̇знааха бхаг̇аваа – ‘‘саб̣б̣з д̇з ‘авиббамуд̇д̇аа бхавасмаа’д̇и вад̣̇аамий’’д̇и.
Atha vā bhavenāti bhavadiṭṭhiyā. Bhavati sassataṃ tiṭṭhatīti pavattanato sassatadiṭṭhi bhavadiṭṭhīti vuccati, bhavadiṭṭhi evettha uttarapadalopena bhavataṇhātiādīsu viya bhavoti vutto. Bhavadiṭṭhivasena ca ekacce bhavavisesaṃyeva kilesānaṃ vūpasantavuttiyā āyuno ca dīghāvāsatāya niccādisabhāvaṃ bhavavimokkhaṃ maññanti, seyyathāpi bako brahmā ‘‘idaṃ niccaṃ, idaṃ dhuvaṃ, idaṃ sassataṃ, idaṃ avipariṇāmadhamma’’nti (ma. ni. 1.501) avoca. Tesamevaṃ viparītagāhīnaṃ anissaraṇe nissaraṇadiṭṭhīnaṃ kuto bhavavimokkho. Tenāha bhagavā – ‘‘sabbe te ‘avippamuttā bhavasmā’ti vadāmī’’ti.
вибхавзнаад̇и ужчзд̣̇зна. бхавасса ниссаран̣амаахам̣сууд̇и саб̣б̣абхавад̇о ниг̇г̇аманам̣ нигканд̇им̣ сам̣саарасуд̣̇д̇хим̣ вад̣̇им̣су. д̇з хи ‘‘бхавзна бхавасса виббамогко’’д̇и вад̣̇анд̇аанам̣ ваад̣̇ам̣ анануж̇аананд̇аа бхавуубажчзд̣̇зна ниссаран̣ам̣ бадиж̇ааним̣су. вибхавзнаад̇и ваа ужчзд̣̇ад̣̇идтияаа. вибхавад̇и винассад̇и ужчиж̇ж̇ад̇и ад̇д̇аа жа лого жаад̇и бавад̇д̇анад̇о ужчзд̣̇ад̣̇идти вуд̇д̇анаязна ‘‘вибхаво’’д̇и вужжад̇и. ужчзд̣̇ад̣̇идтивасзна хи сад̇д̇аа ад̇химужжид̇ваа д̇ад̇т̇а д̇ад̇т̇а уббаннаа ужчиж̇ж̇анд̇и, саа зва сам̣саарасуд̣̇д̇хийд̇и ужчзд̣̇аваад̣̇ино. вуд̇д̇ан̃хзд̇ам̣ –
Vibhavenāti ucchedena. Bhavassa nissaraṇamāhaṃsūti sabbabhavato niggamanaṃ nikkhantiṃ saṃsārasuddhiṃ vadiṃsu. Te hi ‘‘bhavena bhavassa vippamokkho’’ti vadantānaṃ vādaṃ ananujānantā bhavūpacchedena nissaraṇaṃ paṭijāniṃsu. Vibhavenāti vā ucchedadiṭṭhiyā. Vibhavati vinassati ucchijjati attā ca loko cāti pavattanato ucchedadiṭṭhi vuttanayena ‘‘vibhavo’’ti vuccati. Ucchedadiṭṭhivasena hi sattā adhimuccitvā tattha tattha uppannā ucchijjanti, sā eva saṃsārasuddhīti ucchedavādino. Vuttañhetaṃ –
‘‘яад̇о ко бхо аяам̣ ад̇д̇аа руубий жаад̇умахаабхууд̇иго…бз… нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и, зд̇д̇аавад̇аа ко бхо аяам̣ ад̇д̇аа саммаа самужчинно ход̇ий’’д̇и (д̣̇ий. ни. 1.85).
‘‘Yato kho bho ayaṃ attā rūpī cātumahābhūtiko…pe… nevasaññānāsaññāyatanaṃ upasampajja viharati, ettāvatā kho bho ayaṃ attā sammā samucchinno hotī’’ti (dī. ni. 1.85).
д̇ат̇аа –
Tathā –
‘‘над̇т̇и, махаарааж̇а, д̣̇иннам̣, над̇т̇и яидтам̣ над̇т̇и худ̇ам̣…бз… б̣аалз жа бан̣д̣ид̇з жа гааяасса бхзд̣̇аа ужчиж̇ж̇анд̇и винассанд̇и на хонд̇и барам̣ маран̣аа’’д̇и жа (д̣̇ий. ни. 1.171).
‘‘Natthi, mahārāja, dinnaṃ, natthi yiṭṭhaṃ natthi hutaṃ…pe… bāle ca paṇḍite ca kāyassa bhedā ucchijjanti vinassanti na honti paraṃ maraṇā’’ti ca (dī. ni. 1.171).
д̇зсамби звам̣ вибарийд̇аг̇аахийнам̣ гуд̇о бхаваниссаран̣ам̣. д̇знааха бхаг̇аваа – ‘‘саб̣б̣з д̇з ‘аниссадаа бхавасмаа’д̇и вад̣̇аамий’’д̇и. на хи арияамаг̇г̇абхааванааяа анавасзсагилзсам̣ асамуг̇гхаад̇зд̇ваа гад̣̇аажиби бхавад̇о ниссаран̣авимуд̇д̇и самбхавад̇и. д̇ат̇аа хи д̇зсам̣ саман̣аб̣раахман̣аанам̣ яат̇аабхууд̇ааваб̣од̇хаабхаавад̇о ‘‘ад̇т̇и над̇т̇ий’’д̇и анд̇ад̣̇ваяанибад̇ид̇аанам̣ д̇ан̣хаад̣̇идтивасзна самбарид̇асид̇авибпанд̣̇ид̇амад̇д̇ам̣, яад̇о д̇з д̣̇идтиг̇ад̇игаа бавад̇д̇ихзд̇уусуби саммуул̣хаа саггааяабхуумияам̣ суникаад̇з вибарийд̇ад̣̇ассанат̇амбхз д̇ан̣хааб̣анд̇ханзна б̣ад̣̇д̇хаа г̇ад̣̇д̣̇уулаб̣анд̇ханаа вияа саа на виж̇аханд̇и б̣анд̇ханадтаанам̣, гуд̇о нзсам̣ вимогко?
Tesampi evaṃ viparītagāhīnaṃ kuto bhavanissaraṇaṃ. Tenāha bhagavā – ‘‘sabbe te ‘anissaṭā bhavasmā’ti vadāmī’’ti. Na hi ariyamaggabhāvanāya anavasesakilesaṃ asamugghātetvā kadācipi bhavato nissaraṇavimutti sambhavati. Tathā hi tesaṃ samaṇabrāhmaṇānaṃ yathābhūtāvabodhābhāvato ‘‘atthi natthī’’ti antadvayanipatitānaṃ taṇhādiṭṭhivasena samparitasitavipphanditamattaṃ, yato te diṭṭhigatikā pavattihetūsupi sammūḷhā sakkāyabhūmiyaṃ sunikhāte viparītadassanathambhe taṇhābandhanena baddhā gaddūlabandhanā viya sā na vijahanti bandhanaṭṭhānaṃ, kuto nesaṃ vimokkho?
яз бана жад̇усажжавибхааванзна бавад̇д̇иаад̣̇ийсу асаммохад̇о д̇ам̣ анд̇ад̣̇ваяам̣ анубаг̇амма маж̇жхимам̣ бадибад̣̇ам̣ самаарул̣хаа, д̇зсам̣язва бхававиббамогко ниссаран̣ан̃жаад̇и д̣̇ассзнд̇о сад̇т̇аа ‘‘убад̇хим̣ хий’’д̇иаад̣̇имааха. д̇ад̇т̇а убад̇хинд̇и канд̇хаад̣̇иубад̇хим̣. хийд̇и нибаад̇амад̇д̇ам̣. бадижжаад̇и ниссааяа, бажжаяам̣ гад̇ваа. д̣̇угканд̇и ж̇аад̇иаад̣̇и д̣̇угкам̣. гим̣ вуд̇д̇ам̣ ход̇и? яад̇т̇имз д̣̇идтиг̇ад̇игаа вимогкасан̃н̃ино, д̇ад̇т̇а канд̇хагилзсаабхисан̇кааруубад̇хаяо ад̇хиг̇ад̇аа, гуд̇о д̇ад̇т̇а д̣̇угканиссаран̣ам̣? яад̇ра хи гилзсаа, д̇ад̇раабхисан̇каарасамбхавад̇о бхавабаб̣анд̇хасса авижчзд̣̇оязваад̇и ваддад̣̇угкасса анивад̇д̇и. д̇зна вуд̇д̇ам̣ – ‘‘убад̇хин̃хи бадижжа д̣̇угкамид̣̇ам̣ самбход̇ий’’д̇и.
Ye pana catusaccavibhāvanena pavattiādīsu asammohato taṃ antadvayaṃ anupagamma majjhimaṃ paṭipadaṃ samāruḷhā, tesaṃyeva bhavavippamokkho nissaraṇañcāti dassento satthā ‘‘upadhiṃ hī’’tiādimāha. Tattha upadhinti khandhādiupadhiṃ. Hīti nipātamattaṃ. Paṭiccāti nissāya, paccayaṃ katvā. Dukkhanti jātiādi dukkhaṃ. Kiṃ vuttaṃ hoti? Yatthime diṭṭhigatikā vimokkhasaññino, tattha khandhakilesābhisaṅkhārūpadhayo adhigatā, kuto tattha dukkhanissaraṇaṃ? Yatra hi kilesā, tatrābhisaṅkhārasambhavato bhavapabandhassa avicchedoyevāti vaṭṭadukkhassa anivatti. Tena vuttaṃ – ‘‘upadhiñhi paṭicca dukkhamidaṃ sambhotī’’ti.
ид̣̇аани яам̣ барамад̇т̇ад̇о д̣̇угкасса ниссаран̣ам̣, д̇ам̣ д̣̇ассзд̇ум̣, ‘‘саб̣б̣убаад̣̇аанагкаяаа над̇т̇и д̣̇угкасса самбхаво’’д̇и вуд̇д̇ам̣. д̇ад̇т̇а саб̣б̣убаад̣̇аанагкаяаад̇и гаамубаад̣̇аанам̣ д̣̇идтубаад̣̇аанам̣ сийлаб̣б̣ад̇убаад̣̇аанам̣ ад̇д̇аваад̣̇убаад̣̇аананд̇и саб̣б̣зсам̣ имзсам̣ жад̇уннамби убаад̣̇аанаанам̣ арияамаг̇г̇аад̇хиг̇амзна анавасзсаббахаанад̇о. д̇ад̇т̇а д̣̇идтубаад̣̇аанам̣ сийлаб̣б̣ад̇убаад̣̇аанам̣ ад̇д̇аваад̣̇убаад̣̇аананд̇и имаани д̇ийн̣и убаад̣̇аанаани сод̇аабад̇д̇имаг̇г̇зна кийяанд̇и, ануббад̇д̇ид̇хаммад̇ам̣ аабаж̇ж̇анд̇и. гаамубаад̣̇аанам̣ абааяаг̇аманийяам̣ батамзна, гаамарааг̇абхууд̇ам̣ б̣ахалам̣ д̣̇уд̇иязна, сукумам̣ д̇ад̇иязна, руубарааг̇ааруубарааг̇аббахаанам̣ жад̇уд̇т̇знаад̇и жад̇уухиби маг̇г̇зхи кийяад̇и, ануббад̇д̇ид̇хаммад̇ам̣ аабаж̇ж̇ад̇ийд̇и взд̣̇ид̇аб̣б̣ам̣. над̇т̇и д̣̇угкасса самбхавод̇и звам̣ саб̣б̣асо убаад̣̇аанагкаяаа д̇ад̣̇згадтад̇ааяа саб̣б̣ассаби гилзсаг̇ан̣асса ануббаад̣̇анад̇о аббамад̇д̇агассаби ваддад̣̇угкасса самбхаво баад̇убхааво над̇т̇и.
Idāni yaṃ paramatthato dukkhassa nissaraṇaṃ, taṃ dassetuṃ, ‘‘sabbupādānakkhayā natthi dukkhassa sambhavo’’ti vuttaṃ. Tattha sabbupādānakkhayāti kāmupādānaṃ diṭṭhupādānaṃ sīlabbatupādānaṃ attavādupādānanti sabbesaṃ imesaṃ catunnampi upādānānaṃ ariyamaggādhigamena anavasesappahānato. Tattha diṭṭhupādānaṃ sīlabbatupādānaṃ attavādupādānanti imāni tīṇi upādānāni sotāpattimaggena khīyanti, anuppattidhammataṃ āpajjanti. Kāmupādānaṃ apāyagamanīyaṃ paṭhamena, kāmarāgabhūtaṃ bahalaṃ dutiyena, sukhumaṃ tatiyena, rūparāgārūparāgappahānaṃ catutthenāti catūhipi maggehi khīyati, anuppattidhammataṃ āpajjatīti veditabbaṃ. Natthi dukkhassa sambhavoti evaṃ sabbaso upādānakkhayā tadekaṭṭhatāya sabbassapi kilesagaṇassa anuppādanato appamattakassapi vaṭṭadukkhassa sambhavo pātubhāvo natthi.
звам̣ бхаг̇аваа хзд̇унаа сад̣̇д̇хим̣ бавад̇д̇им̣ нивад̇д̇ин̃жа д̣̇ассзд̇ваа ‘‘имам̣ наяам̣ аж̇аананд̇о аяам̣ сад̇д̇алого ваддад̇оби сийсам̣ на угкибад̇ий’’д̇и д̣̇ассзнд̇о ‘‘логамимам̣ бассаа’’д̇иаад̣̇имааха. д̇ад̇т̇а логамимам̣ бассаад̇и ад̇д̇ано б̣уд̣̇д̇хажагкунаа бажжагкад̇о висаяабхаавасса убаг̇ад̇ад̇д̇аа ‘‘логамимам̣ бассаа’’д̇и бхаг̇аваад̣̇ассанагирияааяа нияож̇знд̇о ад̇д̇аанамзваалабад̇и. бут̇ууд̇и б̣ахуу, висум̣ висум̣ ваа. авиж̇ж̇ааяа барзд̇аад̇и ‘‘д̣̇угкз ан̃н̃аан̣а’’нд̇иаад̣̇инаа (д̇ха. са. 1106; вибха. 226) наязна вуд̇д̇ааяа жад̇усажжабадижчаад̣̇игааяа авиж̇ж̇ааяа абхибхууд̇аа. бхууд̇аад̇и гаммагилзсзхи ж̇аад̇аа ниб̣б̣ад̇д̇аа. бхууд̇арад̇аад̇и бхууд̇зсу маад̇аабид̇убуд̇д̇ад̣̇аараад̣̇исан̃н̃ааяа ан̃н̃асад̇д̇зсу д̇ан̣хааяа рад̇аа, бхууд̇з ваа канд̇хабан̃жагз анижжаасубхад̣̇угкаанад̇д̇асабхаавз д̇ам̣сабхааваанаваб̣од̇хад̇о ид̇т̇ибурисаад̣̇ибаригаббавасзна нижжаад̣̇ивасзна ад̇д̇ад̇д̇анияаг̇аахавасзна жа абхирад̇аа. бхаваа абаримуд̇д̇аад̇и яат̇аавуд̇д̇зна д̇ан̣хаад̣̇идтиг̇аахзна бхавад̇о сам̣саарад̇о на баримуд̇д̇аа.
Evaṃ bhagavā hetunā saddhiṃ pavattiṃ nivattiñca dassetvā ‘‘imaṃ nayaṃ ajānanto ayaṃ sattaloko vaṭṭatopi sīsaṃ na ukkhipatī’’ti dassento ‘‘lokamimaṃ passā’’tiādimāha. Tattha lokamimaṃ passāti attano buddhacakkhunā paccakkhato visayabhāvassa upagatattā ‘‘lokamimaṃ passā’’ti bhagavādassanakiriyāya niyojento attānamevālapati. Puthūti bahū, visuṃ visuṃ vā. Avijjāya paretāti ‘‘dukkhe aññāṇa’’ntiādinā (dha. sa. 1106; vibha. 226) nayena vuttāya catusaccapaṭicchādikāya avijjāya abhibhūtā. Bhūtāti kammakilesehi jātā nibbattā. Bhūtaratāti bhūtesu mātāpituputtadārādisaññāya aññasattesu taṇhāya ratā, bhūte vā khandhapañcake aniccāsubhadukkhānattasabhāve taṃsabhāvānavabodhato itthipurisādiparikappavasena niccādivasena attattaniyagāhavasena ca abhiratā. Bhavā aparimuttāti yathāvuttena taṇhādiṭṭhigāhena bhavato saṃsārato na parimuttā.
зд̇т̇а жа ‘‘логамима’’нд̇и батамам̣ д̇аава сагаламби сад̇д̇анигааяам̣ сааман̃н̃ад̇о згад̇д̇ам̣ убанзнд̇о згаважанзна анод̇хисо г̇ахан̣ам̣ д̣̇ийбзд̇ваа ‘‘свааяам̣ лого бхаваяониг̇ад̇итид̇исад̇д̇ааваасаад̣̇ивасзна жзва д̇ад̇т̇ааби д̇ам̣д̇ам̣сад̇д̇анигааяаад̣̇ивасзна жа анзгабхзд̣̇абхинно бажжзгам̣ маяаа вологид̇о’’д̇и ад̇д̇ано б̣уд̣̇д̇хажагкун̃аан̣аанубхаавам̣ багаасзнд̇о сад̇т̇аа буна важанабхзд̣̇ам̣ гад̇ваа б̣ахуважанзна од̇хисо г̇ахан̣ам̣ д̣̇ийбзд̇и ‘‘бут̇уу авиж̇ж̇ааяа барзд̇аа бхууд̇аа’’д̇иаад̣̇инаа. зван̃жа гад̇ваа ‘‘логамима’’нд̇и убаяог̇аважанам̣ гад̇ваа ‘‘авиж̇ж̇ааяа барзд̇аа’’д̇иаад̣̇инаа бажжад̇д̇аб̣ахуважананид̣̇д̣̇зсоби авируд̣̇д̇хо ход̇и бхиннаваагяад̇д̇аа. гзжи бана згаваагяад̇аад̇хиббааязна ‘‘авиж̇ж̇ааяа барзд̇ам̣ бхууд̇ам̣ бхууд̇арад̇ам̣ бхаваа абаримуд̇д̇а’’нд̇и батанд̇и, вибхад̇д̇ибхзд̣̇авасзнзва бана бураан̣абаато.
Ettha ca ‘‘lokamima’’nti paṭhamaṃ tāva sakalampi sattanikāyaṃ sāmaññato ekattaṃ upanento ekavacanena anodhiso gahaṇaṃ dīpetvā ‘‘svāyaṃ loko bhavayonigatiṭhitisattāvāsādivasena ceva tatthāpi taṃtaṃsattanikāyādivasena ca anekabhedabhinno paccekaṃ mayā volokito’’ti attano buddhacakkhuñāṇānubhāvaṃ pakāsento satthā puna vacanabhedaṃ katvā bahuvacanena odhiso gahaṇaṃ dīpeti ‘‘puthū avijjāya paretā bhūtā’’tiādinā. Evañca katvā ‘‘lokamima’’nti upayogavacanaṃ katvā ‘‘avijjāya paretā’’tiādinā paccattabahuvacananiddesopi aviruddho hoti bhinnavākyattā. Keci pana ekavākyatādhippāyena ‘‘avijjāya paretaṃ bhūtaṃ bhūtarataṃ bhavā aparimutta’’nti paṭhanti, vibhattibhedavaseneva pana purāṇapāṭho.
ид̣̇аани язна убааязна бхававиббамогко ход̇и, д̇ам̣ саб̣б̣ам̣ д̇ид̇т̇ияаанам̣ ависаяабхууд̇ам̣ б̣уд̣̇д̇хаг̇ожарам̣ вибассанаавийт̇им̣ д̣̇ассзнд̇о ‘‘яз хи гзжий’’д̇иаад̣̇имааха. д̇ад̇т̇а яз хи гзжи бхаваад̇и гаамабхаваад̣̇и сан̃н̃ийбхаваад̣̇и згавогаарабхаваад̣̇ивибхааг̇зна наанаабхзд̣̇абхиннаа саад̇аванд̇о ваа асаад̇аванд̇о ваа д̣̇ийгхааяугаа ваа ид̇д̇арагкан̣аа ваа яз хи гзжи бхаваа. саб̣б̣ад̇хийд̇и уд̣̇д̇хам̣ ад̇хо д̇ирияанд̇и аад̣̇ивибхааг̇зна саб̣б̣ад̇т̇а. саб̣б̣ад̇т̇ад̇ааяаад̇и саг̇г̇аабааяамануссаад̣̇ивибхааг̇зна. саб̣б̣з д̇зд̇иаад̣̇ийсу саб̣б̣зби д̇з бхаваа руубавзд̣̇анаад̣̇ид̇хаммаа худ̇ваа абхаавадтзна анижжаа, уд̣̇аяаб̣б̣аяабадибийл̣ид̇ад̇д̇аа д̣̇угкаа, ж̇арааяа маран̣зна жаад̇и д̣̇вид̇хаа вибарин̣аамзд̇аб̣б̣ад̇ааяа вибарин̣аамад̇хаммаа. ид̇исад̣̇д̣̇о аад̣̇иад̇т̇о багаарад̇т̇о ваа, д̇зна анад̇д̇алагкан̣амби сан̇г̇ахзд̇ваа авасавад̇д̇анадтзна анад̇д̇аа, вибарин̣аамад̇хаммад̇ааяа ваа авасавад̇д̇анадтзна анад̇д̇аад̇и вуд̇д̇аа.
Idāni yena upāyena bhavavippamokkho hoti, taṃ sabbaṃ titthiyānaṃ avisayabhūtaṃ buddhagocaraṃ vipassanāvīthiṃ dassento ‘‘ye hi kecī’’tiādimāha. Tattha ye hi keci bhavāti kāmabhavādi saññībhavādi ekavokārabhavādivibhāgena nānābhedabhinnā sātavanto vā asātavanto vā dīghāyukā vā ittarakkhaṇā vā ye hi keci bhavā. Sabbadhīti uddhaṃ adho tiriyanti ādivibhāgena sabbattha. Sabbatthatāyāti saggāpāyamanussādivibhāgena. Sabbe tetiādīsu sabbepi te bhavā rūpavedanādidhammā hutvā abhāvaṭṭhena aniccā, udayabbayapaṭipīḷitattā dukkhā, jarāya maraṇena cāti dvidhā vipariṇāmetabbatāya vipariṇāmadhammā. Itisaddo ādiattho pakārattho vā, tena anattalakkhaṇampi saṅgahetvā avasavattanaṭṭhena anattā, vipariṇāmadhammatāya vā avasavattanaṭṭhena anattāti vuttā.
звам̣ лагкан̣ад̇д̇аяабадивиж̇жханаагаарзна зд̇ам̣ бхавасан̇каад̇ам̣ канд̇хабан̃жагам̣ яат̇аабхууд̇ам̣ авибарийд̇ам̣ саммаббан̃н̃ааяа саммаа н̃ааязна вибассанаасахид̇ааяа маг̇г̇абан̃н̃ааяа бассад̇о барин̃н̃аабхисамаяаад̣̇ивасзна бадивиж̇жхад̇о ‘‘бхаво нижжо’’д̇и аад̣̇инаяаббавад̇д̇аа бхавзсу д̇ан̣хаа бахийяад̇и, аг̇г̇амаг̇г̇аббад̇д̇исамагааламзва анавасзсам̣ нируж̇жхад̇и, ужчзд̣̇ад̣̇идтияаа саб̣б̣асо бахийнад̇д̇аа вибхавам̣ вижчзд̣̇ам̣ наабхинанд̣̇ад̇и на бад̇т̇зд̇и. звам̣бхууд̇асса д̇асса яаа гаамад̇ан̣хаад̣̇ивасзна адтасад̇абхзд̣̇аа авад̇т̇аад̣̇ивибхааг̇зна ананд̇абхзд̣̇аа жа, д̇аасам̣ саб̣б̣асо саб̣б̣аббагаарзна д̇ан̣хаанам̣ каяаа бахаанаа, д̇ад̣̇згадтад̇ааяа саб̣б̣ассаби сам̣гилзсабагкасса асзсам̣ ниссзсам̣ вирааг̇зна арияамаг̇г̇зна яо ануббаад̣̇анирод̇хо, д̇ам̣ ниб̣б̣аананд̇и.
Evaṃ lakkhaṇattayapaṭivijjhanākārena etaṃ bhavasaṅkhātaṃ khandhapañcakaṃ yathābhūtaṃ aviparītaṃ sammappaññāya sammā ñāyena vipassanāsahitāya maggapaññāya passato pariññābhisamayādivasena paṭivijjhato ‘‘bhavo nicco’’ti ādinayappavattā bhavesu taṇhā pahīyati, aggamaggappattisamakālameva anavasesaṃ nirujjhati, ucchedadiṭṭhiyā sabbaso pahīnattā vibhavaṃ vicchedaṃ nābhinandati na pattheti. Evaṃbhūtassa tassa yā kāmataṇhādivasena aṭṭhasatabhedā avatthādivibhāgena anantabhedā ca, tāsaṃ sabbaso sabbappakārena taṇhānaṃ khayā pahānā, tadekaṭṭhatāya sabbassapi saṃkilesapakkhassa asesaṃ nissesaṃ virāgena ariyamaggena yo anuppādanirodho, taṃ nibbānanti.
звам̣ д̇ан̣хааяа бахаанамукзна саубаад̣̇исзсаниб̣б̣аанам̣ д̣̇ассзд̇ваа ид̣̇аани анубаад̣̇исзсаниб̣б̣аанам̣ д̣̇ассзнд̇о ‘‘д̇асса ниб̣б̣уд̇ассаа’’д̇иаад̣̇имааха. д̇ассад̇т̇о – яо со саб̣б̣асо д̇ан̣хаанам̣ каяаа гилзсабариниб̣б̣аанзна ниб̣б̣уд̇о вуд̇д̇анаязна бхиннагилзсо кийн̣аасавабхигку, д̇асса ниб̣б̣уд̇асса бхигкуно анубаад̣̇аа убаад̣̇аанаабхаавад̇о гилзсаабхисан̇каарамаараанам̣ ваа аг̇г̇ахан̣ад̇о бунаб̣бхаво на ход̇и, ааяад̇им̣ бадисанд̇хивасзна убабад̇д̇ибхаво над̇т̇и. звам̣бхууд̇зна жа д̇зна абхибхууд̇о мааро, арияамаг̇г̇агкан̣з гилзсамааро абхисан̇каарамааро д̣̇звабуд̇д̇амааро жа жаримагажид̇д̇агкан̣з канд̇хамааро мажжумааро жаад̇и бан̃жавид̇хо мааро абхибхууд̇о барааж̇ид̇о, буна сийсам̣ угкибид̇ум̣ аббад̣̇аанзна ниб̣б̣исзвано гад̇о, яад̇о д̇зна виж̇ид̇о сан̇г̇аамо маарзхи д̇ад̇т̇а д̇ад̇т̇а бавад̇д̇ид̇о. звам̣ виж̇ид̇асан̇г̇аамо бана идтаад̣̇ийсу саб̣б̣зсу вигаараабхаавзна д̇аад̣̇илагкан̣аббад̇д̇ияаа д̇аад̣̇ий арахаа саб̣б̣абхаваани яат̇аавуд̇д̇абхзд̣̇з саб̣б̣зби бхавз убажжаг̇аа самад̇игганд̇о, на яад̇т̇а гад̇т̇ажи сан̇кам̣ убзд̇и, ан̃н̃ад̣̇ад̇т̇у анубаад̣̇аано вияа ж̇аад̇авзд̣̇о бариниб̣б̣аанад̇о уд̣̇д̇хам̣ абан̃н̃ад̇д̇игова ход̇ийд̇и. ид̇и бхаг̇аваа имам̣ махаауд̣̇аанам̣ анубаад̣̇исзсааяа ниб̣б̣аанад̇хаад̇уяаа гуудам̣ г̇ахзд̇ваа нидтабзси.
Evaṃ taṇhāya pahānamukhena saupādisesanibbānaṃ dassetvā idāni anupādisesanibbānaṃ dassento ‘‘tassa nibbutassā’’tiādimāha. Tassattho – yo so sabbaso taṇhānaṃ khayā kilesaparinibbānena nibbuto vuttanayena bhinnakileso khīṇāsavabhikkhu, tassa nibbutassa bhikkhuno anupādā upādānābhāvato kilesābhisaṅkhāramārānaṃ vā aggahaṇato punabbhavo na hoti, āyatiṃ paṭisandhivasena upapattibhavo natthi. Evaṃbhūtena ca tena abhibhūto māro, ariyamaggakkhaṇe kilesamāro abhisaṅkhāramāro devaputtamāro ca carimakacittakkhaṇe khandhamāro maccumāro cāti pañcavidho māro abhibhūto parājito, puna sīsaṃ ukkhipituṃ appadānena nibbisevano kato, yato tena vijito saṅgāmo mārehi tattha tattha pavattito. Evaṃ vijitasaṅgāmo pana iṭṭhādīsu sabbesu vikārābhāvena tādilakkhaṇappattiyā tādī arahā sabbabhavāni yathāvuttabhede sabbepi bhave upaccagā samatikkanto, na yattha katthaci saṅkhaṃ upeti, aññadatthu anupādāno viya jātavedo parinibbānato uddhaṃ apaññattikova hotīti. Iti bhagavā imaṃ mahāudānaṃ anupādisesāya nibbānadhātuyā kūṭaṃ gahetvā niṭṭhapesi.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа нанд̣̇аваг̇г̇аван̣н̣анаа.
Niṭṭhitā ca nandavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. логасуд̇д̇ам̣ • 10. Lokasuttaṃ
