| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. လောကသုတ္တဝဏ္ဏနာ
10. Lokasuttavaṇṇanā
၇၀. ကိသ္မိန္တိ ကိသ္မိံ သတိ? တသ္သ ပန သန္တဘာဝော ဥပ္ပတ္တိဝသေနေဝာတိ အာဟ ‘‘ကိသ္မိံ ဥပ္ပန္နေ’’တိ? လောကော ဥပ္ပန္နောတိ ဝုစ္စတိ အနုပာဒာနတ္တာ လောကသမညာယ။ ဆသူတိ ဧတ္ထာပိ ဧသေဝ နယော သန္ထဝန္တိ အဓိကသိနေဟံ ကရောတိ အဓိကသိနေဟဝတ္ထုဘာဝတော အဇ္ဈတ္တိကာယတနာနံ။ ဥပာဒာယာတိ ပုဗ္ဗကာလကိရိယာ အပရကာလကိရိယံ အပေက္ခတီတိ ဝစနသေသဝသေန ကိရိယာပဒံ ဂဟိတံ ‘‘ပဝတ္တတီ’’တိ။ ကိံ ပန ပဝတ္တတိ? လောကော, လောကသမညာတိ အတ္ထော။ ဆသူတိ ဣဒံ နိမိတ္တတ္ထေ ဘုမ္မံ။ ဆဠာယတနနိမိတ္တဉ္ဟိ သဗ္ဗဒုက္ခံ။ အယန္တိ သတ္တလောကော။ ဥပ္ပန္နော နာမ ဟောတိ ဆဠာယတနံ နာမ မူလံ သဗ္ဗဒုက္ခာနန္တိ ကတ္ဝာ။ ဗာဟိရေသု အာယတနေသု သန္ထဝံ ကရောတိ ဝိသေသတော ရူပာဒီနံ တဏ္ဟာဝတ္ထုကတ္တာ။ ယသ္မာ စက္ခာဒီနံ သန္တပ္ပနဝသေန ရူပာဒီနံ ပရိဂ္ဂဟိတတ္တာ လောကသ္သ နိသေဝိတာယ သံဝတ္တတိ, တသ္မာ ဝုတ္တံ ‘‘ဆန္နံ။ပေ.။ ဝိဟညတီ’’တိ။
70.Kisminti kismiṃ sati? Tassa pana santabhāvo uppattivasenevāti āha ‘‘kismiṃ uppanne’’ti? Loko uppannoti vuccati anupādānattā lokasamaññāya. Chasūti etthāpi eseva nayo santhavanti adhikasinehaṃ karoti adhikasinehavatthubhāvato ajjhattikāyatanānaṃ. Upādāyāti pubbakālakiriyā aparakālakiriyaṃ apekkhatīti vacanasesavasena kiriyāpadaṃ gahitaṃ ‘‘pavattatī’’ti. Kiṃ pana pavattati? Loko, lokasamaññāti attho. Chasūti idaṃ nimittatthe bhummaṃ. Chaḷāyatananimittañhi sabbadukkhaṃ. Ayanti sattaloko. Uppanno nāma hoti chaḷāyatanaṃ nāma mūlaṃ sabbadukkhānanti katvā. Bāhiresu āyatanesu santhavaṃ karoti visesato rūpādīnaṃ taṇhāvatthukattā. Yasmā cakkhādīnaṃ santappanavasena rūpādīnaṃ pariggahitattā lokassa nisevitāya saṃvattati, tasmā vuttaṃ ‘‘channaṃ…pe… vihaññatī’’ti.
လောကသုတ္တဝဏ္ဏနာ နိဋ္ဌိတာ။
Lokasuttavaṇṇanā niṭṭhitā.
အဒ္ဓဝဂ္ဂဝဏ္ဏနာ နိဋ္ဌိတာ။
Addhavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. လောကသုတ္တံ • 10. Lokasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. လောကသုတ္တဝဏ္ဏနာ • 10. Lokasuttavaṇṇanā
