| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
10. ලොකසුත්‌තවණ්‌ණනා
10. Lokasuttavaṇṇanā
70. දසමෙ කිස්‌මිං ලොකො සමුප්‌පන්‌නොති කිස්‌මිං උප්‌පන්‌නෙ ලොකො උප්‌පන්‌නොති පුච්‌ඡති. ඡසූති ඡසු අජ්‌ඣත්‌තිකෙසු ආයතනෙසු උප්‌පන්‌නෙසු උප්‌පන්‌නොති වුච්‌චති. ඡසු කුබ්‌බතීති තෙසුයෙව ඡසු සන්‌ථවං කරොති. උපාදායාති තානියෙව ච උපාදාය ආගම්‌ම පටිච්‌ච පවත්‌තති. විහඤ්‌ඤතීති තෙසුයෙව ඡසු විහඤ්‌ඤති පීළියති. ඉති අජ්‌ඣත්‌තිකායතනවසෙන අයං පඤ්‌හො ආගතො, අජ්‌ඣත්‌තිකබාහිරානං පන වසෙන ආහරිතුං වට්‌ටති. ඡසු හි අජ්‌ඣත්‌තිකායතනෙසු උප්‌පන්‌නෙසු අයං උප්‌පන්‌නො නාම හොති, ඡසු බාහිරෙසු සන්‌ථවං කරොති, ඡන්‌නං අජ්‌ඣත්‌තිකානං උපාදාය ඡසු බාහිරෙසු විහඤ්‌ඤතීති. දසමං.
70. Dasame kismiṃ loko samuppannoti kismiṃ uppanne loko uppannoti pucchati. Chasūti chasu ajjhattikesu āyatanesu uppannesu uppannoti vuccati. Chasu kubbatīti tesuyeva chasu santhavaṃ karoti. Upādāyāti tāniyeva ca upādāya āgamma paṭicca pavattati. Vihaññatīti tesuyeva chasu vihaññati pīḷiyati. Iti ajjhattikāyatanavasena ayaṃ pañho āgato, ajjhattikabāhirānaṃ pana vasena āharituṃ vaṭṭati. Chasu hi ajjhattikāyatanesu uppannesu ayaṃ uppanno nāma hoti, chasu bāhiresu santhavaṃ karoti, channaṃ ajjhattikānaṃ upādāya chasu bāhiresu vihaññatīti. Dasamaṃ.
අද්‌ධවග්‌ගො සත්‌තමො.
Addhavaggo sattamo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. ලොකසුත්‌තං • 10. Lokasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. ලොකසුත්‌තවණ්‌ණනා • 10. Lokasuttavaṇṇanā
