| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
10. ලොකසුත්‌තවණ්‌ණනා
10. Lokasuttavaṇṇanā
70. කිස්‌මින්‌ති කිස්‌මිං සති? තස්‌ස පන සන්‌තභාවො උප්‌පත්‌තිවසෙනෙවාති ආහ ‘‘කිස්‌මිං උප්‌පන්‌නෙ’’ති? ලොකො උප්‌පන්‌නොති වුච්‌චති අනුපාදානත්‌තා ලොකසමඤ්‌ඤාය. ඡසූති එත්‌ථාපි එසෙව නයො සන්‌ථවන්‌ති අධිකසිනෙහං කරොති අධිකසිනෙහවත්‌ථුභාවතො අජ්‌ඣත්‌තිකායතනානං. උපාදායාති පුබ්‌බකාලකිරියා අපරකාලකිරියං අපෙක්‌ඛතීති වචනසෙසවසෙන කිරියාපදං ගහිතං ‘‘පවත්‌තතී’’ති. කිං පන පවත්‌තති? ලොකො, ලොකසමඤ්‌ඤාති අත්‌ථො. ඡසූති ඉදං නිමිත්‌තත්‌ථෙ භුම්‌මං. ඡළායතනනිමිත්‌තඤ්‌හි සබ්‌බදුක්‌ඛං. අයන්‌ති සත්‌තලොකො. උප්‌පන්‌නො නාම හොති ඡළායතනං නාම මූලං සබ්‌බදුක්‌ඛානන්‌ති කත්‌වා. බාහිරෙසු ආයතනෙසු සන්‌ථවං කරොති විසෙසතො රූපාදීනං තණ්‌හාවත්‌ථුකත්‌තා. යස්‌මා චක්‌ඛාදීනං සන්‌තප්‌පනවසෙන රූපාදීනං පරිග්‌ගහිතත්‌තා ලොකස්‌ස නිසෙවිතාය සංවත්‌තති, තස්‌මා වුත්‌තං ‘‘ඡන්‌නං…පෙ.… විහඤ්‌ඤතී’’ති.
70.Kisminti kismiṃ sati? Tassa pana santabhāvo uppattivasenevāti āha ‘‘kismiṃ uppanne’’ti? Loko uppannoti vuccati anupādānattā lokasamaññāya. Chasūti etthāpi eseva nayo santhavanti adhikasinehaṃ karoti adhikasinehavatthubhāvato ajjhattikāyatanānaṃ. Upādāyāti pubbakālakiriyā aparakālakiriyaṃ apekkhatīti vacanasesavasena kiriyāpadaṃ gahitaṃ ‘‘pavattatī’’ti. Kiṃ pana pavattati? Loko, lokasamaññāti attho. Chasūti idaṃ nimittatthe bhummaṃ. Chaḷāyatananimittañhi sabbadukkhaṃ. Ayanti sattaloko. Uppanno nāma hoti chaḷāyatanaṃ nāma mūlaṃ sabbadukkhānanti katvā. Bāhiresu āyatanesu santhavaṃ karoti visesato rūpādīnaṃ taṇhāvatthukattā. Yasmā cakkhādīnaṃ santappanavasena rūpādīnaṃ pariggahitattā lokassa nisevitāya saṃvattati, tasmā vuttaṃ ‘‘channaṃ…pe… vihaññatī’’ti.
ලොකසුත්‌තවණ්‌ණනා නිට්‌ඨිතා.
Lokasuttavaṇṇanā niṭṭhitā.
අද්‌ධවග්‌ගවණ්‌ණනා නිට්‌ඨිතා.
Addhavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 10. ලොකසුත්‌තං • 10. Lokasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. ලොකසුත්‌තවණ්‌ණනා • 10. Lokasuttavaṇṇanā
