| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༠. ལོཀསུཏྟཝཎྞནཱ
10. Lokasuttavaṇṇanā
༧༠. དསམེ ཀིསྨིཾ ལོཀོ སམུཔྤནྣོཏི ཀིསྨིཾ ཨུཔྤནྣེ ལོཀོ ཨུཔྤནྣོཏི པུཙྪཏི། ཚསཱུཏི ཚསུ ཨཛ྄ཛྷཏྟིཀེསུ ཨཱཡཏནེསུ ཨུཔྤནྣེསུ ཨུཔྤནྣོཏི ཝུཙྩཏི། ཚསུ ཀུབྦཏཱིཏི ཏེསུཡེཝ ཚསུ སནྠཝཾ ཀརོཏི། ཨུཔཱདཱཡཱཏི ཏཱནིཡེཝ ཙ ཨུཔཱདཱཡ ཨཱགམྨ པཊིཙྩ པཝཏྟཏི། ཝིཧཉྙཏཱིཏི ཏེསུཡེཝ ཚསུ ཝིཧཉྙཏི པཱིལི༹ཡཏི། ཨིཏི ཨཛ྄ཛྷཏྟིཀཱཡཏནཝསེན ཨཡཾ པཉྷོ ཨཱགཏོ, ཨཛ྄ཛྷཏྟིཀབཱཧིརཱནཾ པན ཝསེན ཨཱཧརིཏུཾ ཝཊྚཏི། ཚསུ ཧི ཨཛ྄ཛྷཏྟིཀཱཡཏནེསུ ཨུཔྤནྣེསུ ཨཡཾ ཨུཔྤནྣོ ནཱམ ཧོཏི, ཚསུ བཱཧིརེསུ སནྠཝཾ ཀརོཏི, ཚནྣཾ ཨཛ྄ཛྷཏྟིཀཱནཾ ཨུཔཱདཱཡ ཚསུ བཱཧིརེསུ ཝིཧཉྙཏཱིཏི། དསམཾ།
70. Dasame kismiṃ loko samuppannoti kismiṃ uppanne loko uppannoti pucchati. Chasūti chasu ajjhattikesu āyatanesu uppannesu uppannoti vuccati. Chasu kubbatīti tesuyeva chasu santhavaṃ karoti. Upādāyāti tāniyeva ca upādāya āgamma paṭicca pavattati. Vihaññatīti tesuyeva chasu vihaññati pīḷiyati. Iti ajjhattikāyatanavasena ayaṃ pañho āgato, ajjhattikabāhirānaṃ pana vasena āharituṃ vaṭṭati. Chasu hi ajjhattikāyatanesu uppannesu ayaṃ uppanno nāma hoti, chasu bāhiresu santhavaṃ karoti, channaṃ ajjhattikānaṃ upādāya chasu bāhiresu vihaññatīti. Dasamaṃ.
ཨདྡྷཝགྒོ སཏྟམོ།
Addhavaggo sattamo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. ལོཀསུཏྟཾ • 10. Lokasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. ལོཀསུཏྟཝཎྞནཱ • 10. Lokasuttavaṇṇanā
