| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൦. ലോകസുത്തവണ്ണനാ
10. Lokasuttavaṇṇanā
൭൦. കിസ്മിന്തി കിസ്മിം സതി? തസ്സ പന സന്തഭാവോ ഉപ്പത്തിവസേനേവാതി ആഹ ‘‘കിസ്മിം ഉപ്പന്നേ’’തി? ലോകോ ഉപ്പന്നോതി വുച്ചതി അനുപാദാനത്താ ലോകസമഞ്ഞായ. ഛസൂതി ഏത്ഥാപി ഏസേവ നയോ സന്ഥവന്തി അധികസിനേഹം കരോതി അധികസിനേഹവത്ഥുഭാവതോ അജ്ഝത്തികായതനാനം. ഉപാദായാതി പുബ്ബകാലകിരിയാ അപരകാലകിരിയം അപേക്ഖതീതി വചനസേസവസേന കിരിയാപദം ഗഹിതം ‘‘പവത്തതീ’’തി. കിം പന പവത്തതി? ലോകോ, ലോകസമഞ്ഞാതി അത്ഥോ. ഛസൂതി ഇദം നിമിത്തത്ഥേ ഭുമ്മം. ഛളായതനനിമിത്തഞ്ഹി സബ്ബദുക്ഖം. അയന്തി സത്തലോകോ. ഉപ്പന്നോ നാമ ഹോതി ഛളായതനം നാമ മൂലം സബ്ബദുക്ഖാനന്തി കത്വാ. ബാഹിരേസു ആയതനേസു സന്ഥവം കരോതി വിസേസതോ രൂപാദീനം തണ്ഹാവത്ഥുകത്താ. യസ്മാ ചക്ഖാദീനം സന്തപ്പനവസേന രൂപാദീനം പരിഗ്ഗഹിതത്താ ലോകസ്സ നിസേവിതായ സംവത്തതി, തസ്മാ വുത്തം ‘‘ഛന്നം…പേ॰… വിഹഞ്ഞതീ’’തി.
70.Kisminti kismiṃ sati? Tassa pana santabhāvo uppattivasenevāti āha ‘‘kismiṃ uppanne’’ti? Loko uppannoti vuccati anupādānattā lokasamaññāya. Chasūti etthāpi eseva nayo santhavanti adhikasinehaṃ karoti adhikasinehavatthubhāvato ajjhattikāyatanānaṃ. Upādāyāti pubbakālakiriyā aparakālakiriyaṃ apekkhatīti vacanasesavasena kiriyāpadaṃ gahitaṃ ‘‘pavattatī’’ti. Kiṃ pana pavattati? Loko, lokasamaññāti attho. Chasūti idaṃ nimittatthe bhummaṃ. Chaḷāyatananimittañhi sabbadukkhaṃ. Ayanti sattaloko. Uppanno nāma hoti chaḷāyatanaṃ nāma mūlaṃ sabbadukkhānanti katvā. Bāhiresu āyatanesu santhavaṃ karoti visesato rūpādīnaṃ taṇhāvatthukattā. Yasmā cakkhādīnaṃ santappanavasena rūpādīnaṃ pariggahitattā lokassa nisevitāya saṃvattati, tasmā vuttaṃ ‘‘channaṃ…pe… vihaññatī’’ti.
ലോകസുത്തവണ്ണനാ നിട്ഠിതാ.
Lokasuttavaṇṇanā niṭṭhitā.
അദ്ധവഗ്ഗവണ്ണനാ നിട്ഠിതാ.
Addhavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ലോകസുത്തം • 10. Lokasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. ലോകസുത്തവണ്ണനാ • 10. Lokasuttavaṇṇanā
