| Library / Tipiṭaka / ติปิฎก • Tipiṭaka / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā |
๑๔. โลกวาทปฎิสํยุตฺตทิฎฺฐินิเทฺทสวณฺณนา
14. Lokavādapaṭisaṃyuttadiṭṭhiniddesavaṇṇanā
๑๔๗. อตฺตา จ โลโก จาติ โส เอว อตฺตา จ อาโลกนเฎฺฐน โลโก จาติ อโตฺถฯ สสฺสโตติ สสฺสตวาทานํ ทิฎฺฐิฯ อสสฺสโตติ อุเจฺฉทวาทานํฯ สสฺสโต จ อสสฺสโต จาติ เอกจฺจสสฺสติกานํฯ เนว สสฺสโต นาสสฺสโตติ อมราวิเกฺขปิกานํฯ อนฺตวาติ ปริตฺตกสิณลาภีนํ ตกฺกิกานญฺจ นิคณฺฐาชีวิกานญฺจฯ อถ วา อุเจฺฉทวาทิโน ‘‘สโตฺต ชาติยา ปุพฺพนฺตวา, มรเณน อปรนฺตวา’’ติ วทนฺติฯ อธิจฺจสมุปฺปนฺนิกา ‘‘สโตฺต ชาติยา ปุพฺพนฺตวา’’ติ วทนฺติฯ อนนฺตวาติ อปฺปมาณกสิณลาภีนํฯ สสฺสตวาทิโน ปน ‘‘ปุพฺพนฺตาปรนฺตา นตฺถิ, เตน อนนฺตวา’’ติ วทนฺติฯ อธิจฺจสมุปฺปนฺนิกา ‘‘อปรเนฺตน อนนฺตวา’’ติ วทนฺติฯ
147.Attā ca loko cāti so eva attā ca ālokanaṭṭhena loko cāti attho. Sassatoti sassatavādānaṃ diṭṭhi. Asassatoti ucchedavādānaṃ. Sassato ca asassato cāti ekaccasassatikānaṃ. Neva sassato nāsassatoti amarāvikkhepikānaṃ. Antavāti parittakasiṇalābhīnaṃ takkikānañca nigaṇṭhājīvikānañca. Atha vā ucchedavādino ‘‘satto jātiyā pubbantavā, maraṇena aparantavā’’ti vadanti. Adhiccasamuppannikā ‘‘satto jātiyā pubbantavā’’ti vadanti. Anantavāti appamāṇakasiṇalābhīnaṃ. Sassatavādino pana ‘‘pubbantāparantā natthi, tena anantavā’’ti vadanti. Adhiccasamuppannikā ‘‘aparantena anantavā’’ti vadanti.
อนฺตวา จ อนนฺตวา จาติ อุทฺธมโธ อวฑฺฒิตฺวา ติริยํ วฑฺฒิตกสิณานํฯ เนว อนฺตวา น อนนฺตวาติ อมราวิเกฺขปิกานํฯ
Antavāca anantavā cāti uddhamadho avaḍḍhitvā tiriyaṃ vaḍḍhitakasiṇānaṃ. Neva antavā na anantavāti amarāvikkhepikānaṃ.
โลกวาทปฎิสํยุตฺตทิฎฺฐินิเทฺทสวณฺณนา นิฎฺฐิตาฯ
Lokavādapaṭisaṃyuttadiṭṭhiniddesavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / ปฎิสมฺภิทามคฺคปาฬิ • Paṭisambhidāmaggapāḷi / ๑๔. โลกวาทปฎิสํยุตฺตทิฎฺฐินิเทฺทโส • 14. Lokavādapaṭisaṃyuttadiṭṭhiniddeso
