| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā |
༡༤. ལོཀཝཱདཔཊིསཾཡུཏྟདིཊྛིནིདྡེསཝཎྞནཱ
14. Lokavādapaṭisaṃyuttadiṭṭhiniddesavaṇṇanā
༡༤༧. ཨཏྟཱ ཙ ལོཀོ ཙཱཏི སོ ཨེཝ ཨཏྟཱ ཙ ཨཱལོཀནཊྛེན ལོཀོ ཙཱཏི ཨཏྠོ། སསྶཏོཏི སསྶཏཝཱདཱནཾ དིཊྛི། ཨསསྶཏོཏི ཨུཙྪེདཝཱདཱནཾ། སསྶཏོ ཙ ཨསསྶཏོ ཙཱཏི ཨེཀཙྩསསྶཏིཀཱནཾ། ནེཝ སསྶཏོ ནཱསསྶཏོཏི ཨམརཱཝིཀྑེཔིཀཱནཾ། ཨནྟཝཱཏི པརིཏྟཀསིཎལཱབྷཱིནཾ ཏཀྐིཀཱནཉྩ ནིགཎྛཱཛཱིཝིཀཱནཉྩ། ཨཐ ཝཱ ཨུཙྪེདཝཱདིནོ ‘‘སཏྟོ ཛཱཏིཡཱ པུབྦནྟཝཱ, མརཎེན ཨཔརནྟཝཱ’’ཏི ཝདནྟི། ཨདྷིཙྩསམུཔྤནྣིཀཱ ‘‘སཏྟོ ཛཱཏིཡཱ པུབྦནྟཝཱ’’ཏི ཝདནྟི། ཨནནྟཝཱཏི ཨཔྤམཱཎཀསིཎལཱབྷཱིནཾ། སསྶཏཝཱདིནོ པན ‘‘པུབྦནྟཱཔརནྟཱ ནཏྠི, ཏེན ཨནནྟཝཱ’’ཏི ཝདནྟི། ཨདྷིཙྩསམུཔྤནྣིཀཱ ‘‘ཨཔརནྟེན ཨནནྟཝཱ’’ཏི ཝདནྟི།
147.Attā ca loko cāti so eva attā ca ālokanaṭṭhena loko cāti attho. Sassatoti sassatavādānaṃ diṭṭhi. Asassatoti ucchedavādānaṃ. Sassato ca asassato cāti ekaccasassatikānaṃ. Neva sassato nāsassatoti amarāvikkhepikānaṃ. Antavāti parittakasiṇalābhīnaṃ takkikānañca nigaṇṭhājīvikānañca. Atha vā ucchedavādino ‘‘satto jātiyā pubbantavā, maraṇena aparantavā’’ti vadanti. Adhiccasamuppannikā ‘‘satto jātiyā pubbantavā’’ti vadanti. Anantavāti appamāṇakasiṇalābhīnaṃ. Sassatavādino pana ‘‘pubbantāparantā natthi, tena anantavā’’ti vadanti. Adhiccasamuppannikā ‘‘aparantena anantavā’’ti vadanti.
ཨནྟཝཱ ཙ ཨནནྟཝཱ ཙཱཏི ཨུདྡྷམདྷོ ཨཝཌྜྷིཏྭཱ ཏིརིཡཾ ཝཌྜྷིཏཀསིཎཱནཾ། ནེཝ ཨནྟཝཱ ན ཨནནྟཝཱཏི ཨམརཱཝིཀྑེཔིཀཱནཾ།
Antavāca anantavā cāti uddhamadho avaḍḍhitvā tiriyaṃ vaḍḍhitakasiṇānaṃ. Neva antavā na anantavāti amarāvikkhepikānaṃ.
ལོཀཝཱདཔཊིསཾཡུཏྟདིཊྛིནིདྡེསཝཎྞནཱ ནིཊྛིཏཱ།
Lokavādapaṭisaṃyuttadiṭṭhiniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / པཊིསམྦྷིདཱམགྒཔཱལི༹ • Paṭisambhidāmaggapāḷi / ༡༤. ལོཀཝཱདཔཊིསཾཡུཏྟདིཊྛིནིདྡེསོ • 14. Lokavādapaṭisaṃyuttadiṭṭhiniddeso
