| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
14. லோகவாத³படிஸங்யுத்ததி³ட்டி²னித்³தே³ஸோ
14. Lokavādapaṭisaṃyuttadiṭṭhiniddeso
147. லோகவாத³படிஸங்யுத்தாய தி³ட்டி²யா கதமேஹி அட்ட²ஹி ஆகாரேஹி அபி⁴னிவேஸோ ஹோதி? ஸஸ்ஸதோ அத்தா ச லோகோ சாதி – அபி⁴னிவேஸபராமாஸோ லோகவாத³படிஸங்யுத்தா தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா, தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் பட²மா லோகவாத³படிஸங்யுத்தா தி³ட்டி². லோகவாத³படிஸங்யுத்தா தி³ட்டி² மிச்சா²தி³ட்டி²…பே॰… இமானி ஸஞ்ஞோஜனானி, ந ச தி³ட்டி²யோ.
147. Lokavādapaṭisaṃyuttāya diṭṭhiyā katamehi aṭṭhahi ākārehi abhiniveso hoti? Sassato attā ca loko cāti – abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā, diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi…pe… imāni saññojanāni, na ca diṭṭhiyo.
அஸஸ்ஸதோ அத்தா ச லோகோ சாதி…பே॰… ஸஸ்ஸதோ ச அஸஸ்ஸதோ ச அத்தா ச லோகோ சாதி…பே॰… நேவ ஸஸ்ஸதோ நாஸஸ்ஸதோ அத்தா ச லோகோ சாதி… அந்தவா அத்தா ச லோகோ சாதி… அனந்தவா அத்தா ச லோகோ சாதி… அந்தவா ச அனந்தவா ச அத்தா ச லோகோ சாதி… நேவ அந்தவா ந அனந்தவா அத்தா ச லோகோ சாதி அபி⁴னிவேஸபராமாஸோ லோகவாத³படிஸங்யுத்தா தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் அட்ட²மீ லோகவாத³படிஸங்யுத்தா தி³ட்டி². லோகவாத³படிஸங்யுத்தா தி³ட்டி² மிச்சா²தி³ட்டி² …பே॰… இமானி ஸஞ்ஞோஜனானி, ந ச தி³ட்டி²யோ. லோகவாத³படிஸங்யுத்தாய தி³ட்டி²யா இமேஹி அட்ட²ஹி ஆகாரேஹி அபி⁴னிவேஸோ ஹோதி.
Asassato attā ca loko cāti…pe… sassato ca asassato ca attā ca loko cāti…pe… neva sassato nāsassato attā ca loko cāti… antavā attā ca loko cāti… anantavā attā ca loko cāti… antavā ca anantavā ca attā ca loko cāti… neva antavā na anantavā attā ca loko cāti abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhamī lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi …pe… imāni saññojanāni, na ca diṭṭhiyo. Lokavādapaṭisaṃyuttāya diṭṭhiyā imehi aṭṭhahi ākārehi abhiniveso hoti.
லோகவாத³படிஸங்யுத்ததி³ட்டி²னித்³தே³ஸோ சுத்³த³ஸமோ.
Lokavādapaṭisaṃyuttadiṭṭhiniddeso cuddasamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 14. லோகவாத³படிஸங்யுத்ததி³ட்டி²னித்³தே³ஸவண்ணனா • 14. Lokavādapaṭisaṃyuttadiṭṭhiniddesavaṇṇanā
