| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
১৪. লোকৰাদপটিসংযুত্তদিট্ঠিনিদ্দেসো
14. Lokavādapaṭisaṃyuttadiṭṭhiniddeso
১৪৭. লোকৰাদপটিসংযুত্তায দিট্ঠিযা কতমেহি অট্ঠহি আকারেহি অভিনিৰেসো হোতি? সস্সতো অত্তা চ লোকো চাতি – অভিনিৰেসপরামাসো লোকৰাদপটিসংযুত্তা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা, দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং পঠমা লোকৰাদপটিসংযুত্তা দিট্ঠি। লোকৰাদপটিসংযুত্তা দিট্ঠি মিচ্ছাদিট্ঠি…পে॰… ইমানি সঞ্ঞোজনানি, ন চ দিট্ঠিযো।
147. Lokavādapaṭisaṃyuttāya diṭṭhiyā katamehi aṭṭhahi ākārehi abhiniveso hoti? Sassato attā ca loko cāti – abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā, diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi…pe… imāni saññojanāni, na ca diṭṭhiyo.
অসস্সতো অত্তা চ লোকো চাতি…পে॰… সস্সতো চ অসস্সতো চ অত্তা চ লোকো চাতি…পে॰… নেৰ সস্সতো নাসস্সতো অত্তা চ লোকো চাতি… অন্তৰা অত্তা চ লোকো চাতি… অনন্তৰা অত্তা চ লোকো চাতি… অন্তৰা চ অনন্তৰা চ অত্তা চ লোকো চাতি… নেৰ অন্তৰা ন অনন্তৰা অত্তা চ লোকো চাতি অভিনিৰেসপরামাসো লোকৰাদপটিসংযুত্তা দিট্ঠি। দিট্ঠি ন ৰত্থু, ৰত্থু ন দিট্ঠি। অঞ্ঞা দিট্ঠি, অঞ্ঞং ৰত্থু। যা চ দিট্ঠি যঞ্চ ৰত্থু – অযং অট্ঠমী লোকৰাদপটিসংযুত্তা দিট্ঠি। লোকৰাদপটিসংযুত্তা দিট্ঠি মিচ্ছাদিট্ঠি …পে॰… ইমানি সঞ্ঞোজনানি, ন চ দিট্ঠিযো। লোকৰাদপটিসংযুত্তায দিট্ঠিযা ইমেহি অট্ঠহি আকারেহি অভিনিৰেসো হোতি।
Asassato attā ca loko cāti…pe… sassato ca asassato ca attā ca loko cāti…pe… neva sassato nāsassato attā ca loko cāti… antavā attā ca loko cāti… anantavā attā ca loko cāti… antavā ca anantavā ca attā ca loko cāti… neva antavā na anantavā attā ca loko cāti abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhamī lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi …pe… imāni saññojanāni, na ca diṭṭhiyo. Lokavādapaṭisaṃyuttāya diṭṭhiyā imehi aṭṭhahi ākārehi abhiniveso hoti.
লোকৰাদপটিসংযুত্তদিট্ঠিনিদ্দেসো চুদ্দসমো।
Lokavādapaṭisaṃyuttadiṭṭhiniddeso cuddasamo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ১৪. লোকৰাদপটিসংযুত্তদিট্ঠিনিদ্দেসৰণ্ণনা • 14. Lokavādapaṭisaṃyuttadiṭṭhiniddesavaṇṇanā
