| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
13. логаваг̇г̇о
13. Lokavaggo
167.
167.
хийнам̣ д̇хаммам̣ на сзвзяяа, бамаад̣̇зна на сам̣васз;
Hīnaṃ dhammaṃ na seveyya, pamādena na saṃvase;
мижчаад̣̇идтим̣ на сзвзяяа, на сияаа логавад̣дхано.
Micchādiṭṭhiṃ na seveyya, na siyā lokavaḍḍhano.
168.
168.
уд̇д̇идтз наббамаж̇ж̇зяяа, д̇хаммам̣ сужарид̇ам̣ жарз;
Uttiṭṭhe nappamajjeyya, dhammaṃ sucaritaṃ care;
д̇хаммажаарий сукам̣ сзд̇и, асмим̣ логз барамхи жа.
Dhammacārī sukhaṃ seti, asmiṃ loke paramhi ca.
169.
169.
д̇хаммам̣ жарз сужарид̇ам̣, на нам̣ д̣̇ужжарид̇ам̣ жарз;
Dhammaṃ care sucaritaṃ, na naṃ duccaritaṃ care;
д̇хаммажаарий сукам̣ сзд̇и, асмим̣ логз барамхи жа.
Dhammacārī sukhaṃ seti, asmiṃ loke paramhi ca.
170.
170.
яат̇аа буб̣б̣ул̣агам̣ 1 бассз, яат̇аа бассз марийжигам̣;
Yathā pubbuḷakaṃ 2 passe, yathā passe marīcikaṃ;
звам̣ логам̣ авзгканд̇ам̣, мажжурааж̇аа на бассад̇и.
Evaṃ lokaṃ avekkhantaṃ, maccurājā na passati.
171.
171.
зт̇а бассат̇имам̣ логам̣, жид̇д̇ам̣ рааж̇арат̇уубамам̣;
Etha passathimaṃ lokaṃ, cittaṃ rājarathūpamaṃ;
яад̇т̇а б̣аалаа висийд̣̇анд̇и, над̇т̇и сан̇г̇о виж̇аанад̇ам̣.
Yattha bālā visīdanti, natthi saṅgo vijānataṃ.
172.
172.
яо жа буб̣б̣з бамаж̇ж̇ид̇ваа, бажчаа со наббамаж̇ж̇ад̇и;
Yo ca pubbe pamajjitvā, pacchā so nappamajjati;
сомам̣ логам̣ бабхаасзд̇и, аб̣бхаа муд̇д̇ова жанд̣̇имаа.
Somaṃ lokaṃ pabhāseti, abbhā muttova candimā.
173.
173.
яасса баабам̣ гад̇ам̣ гаммам̣, гусалзна бид̇хийяад̇и 3;
Yassa pāpaṃ kataṃ kammaṃ, kusalena pidhīyati 4;
сомам̣ логам̣ бабхаасзд̇и, аб̣бхаа муд̇д̇ова жанд̣̇имаа.
Somaṃ lokaṃ pabhāseti, abbhā muttova candimā.
174.
174.
сагун̣о ж̇ааламуд̇д̇ова, аббо саг̇г̇ааяа г̇ажчад̇и.
Sakuṇo jālamuttova, appo saggāya gacchati.
175.
175.
хам̣саад̣̇ижжабат̇з яанд̇и, аагаасз яанд̇и ид̣̇д̇хияаа;
Haṃsādiccapathe yanti, ākāse yanti iddhiyā;
нийяанд̇и д̇хийраа логамхаа, ж̇зд̇ваа маарам̣ саваахиним̣ 7.
Nīyanti dhīrā lokamhā, jetvā māraṃ savāhiniṃ 8.
176.
176.
згам̣ д̇хаммам̣ ад̇ийд̇асса, мусааваад̣̇исса ж̇анд̇уно;
Ekaṃ dhammaṃ atītassa, musāvādissa jantuno;
вид̇ин̣н̣абаралогасса, над̇т̇и баабам̣ агаарияам̣.
Vitiṇṇaparalokassa, natthi pāpaṃ akāriyaṃ.
177.
177.
на вз гад̣̇арияаа д̣̇звалогам̣ важ̇анд̇и, б̣аалаа хавз наббасам̣санд̇и д̣̇аанам̣;
Na ve kadariyā devalokaṃ vajanti, bālā have nappasaṃsanti dānaṃ;
д̇хийро жа д̣̇аанам̣ анумод̣̇амаано, д̇знзва со ход̇и сукий барад̇т̇а.
Dhīro ca dānaṃ anumodamāno, teneva so hoti sukhī parattha.
178.
178.
бат̇аб̣яаа згараж̇ж̇зна, саг̇г̇асса г̇аманзна ваа;
Pathabyā ekarajjena, saggassa gamanena vā;
саб̣б̣алогаад̇хибажжзна, сод̇аабад̇д̇ипалам̣ варам̣.
Sabbalokādhipaccena, sotāpattiphalaṃ varaṃ.
логаваг̇г̇о д̇зрасамо нидтид̇о.
Lokavaggo terasamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 13. логаваг̇г̇о • 13. Lokavaggo
