Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    7. логааяад̇игасуд̇д̇ам̣

    7. Lokāyatikasuttaṃ

    38. ат̇а ко д̣̇вз логааяад̇игаа б̣раахман̣аа язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з б̣раахман̣аа бхаг̇аванд̇ам̣ зд̇ад̣̇авожум̣ –

    38. Atha kho dve lokāyatikā brāhmaṇā yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te brāhmaṇā bhagavantaṃ etadavocuṃ –

    ‘‘бууран̣о, бхо г̇од̇ама, гассабо саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇и – ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со звамааха – ‘ахам̣ ананд̇зна н̃аан̣зна ананд̇ам̣ логам̣ ж̇аанам̣ бассам̣ вихараамий’д̇и. аяамби 1, бхо г̇од̇ама, ниг̇ан̣то наадабуд̇д̇о саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанаад̇и – ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со 2 звамааха – ‘ахам̣ ананд̇зна н̃аан̣зна ананд̇ам̣ логам̣ ж̇аанам̣ бассам̣ вихараамий’д̇и. имзсам̣, бхо г̇од̇ама, убхиннам̣ н̃аан̣аваад̣̇аанам̣ убхиннам̣ ан̃н̃аман̃н̃ам̣ вибажжанийгаваад̣̇аанам̣ го сажжам̣ ааха го мусаа’’д̇и?

    ‘‘Pūraṇo, bho gotama, kassapo sabbaññū sabbadassāvī aparisesaṃ ñāṇadassanaṃ paṭijānāti – ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So evamāha – ‘ahaṃ anantena ñāṇena anantaṃ lokaṃ jānaṃ passaṃ viharāmī’ti. Ayampi 3, bho gotama, nigaṇṭho nāṭaputto sabbaññū sabbadassāvī aparisesaṃ ñāṇadassanaṃ paṭijānāti – ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So 4 evamāha – ‘ahaṃ anantena ñāṇena anantaṃ lokaṃ jānaṃ passaṃ viharāmī’ti. Imesaṃ, bho gotama, ubhinnaṃ ñāṇavādānaṃ ubhinnaṃ aññamaññaṃ vipaccanīkavādānaṃ ko saccaṃ āha ko musā’’ti?

    ‘‘алам̣, б̣раахман̣аа! д̇идтад̇зд̇ам̣ – ‘имзсам̣ убхиннам̣ н̃аан̣аваад̣̇аанам̣ убхиннам̣ ан̃н̃аман̃н̃ам̣ вибажжанийгаваад̣̇аанам̣ го сажжам̣ ааха го мусаа’д̇и. д̇хаммам̣ во, б̣раахман̣аа, д̣̇зсзссаами, д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бхо’’д̇и ко д̇з б̣раахман̣аа бхаг̇авад̇о бажжассосум̣. бхаг̇аваа зд̇ад̣̇авожа –

    ‘‘Alaṃ, brāhmaṇā! Tiṭṭhatetaṃ – ‘imesaṃ ubhinnaṃ ñāṇavādānaṃ ubhinnaṃ aññamaññaṃ vipaccanīkavādānaṃ ko saccaṃ āha ko musā’ti. Dhammaṃ vo, brāhmaṇā, desessāmi, taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bho’’ti kho te brāhmaṇā bhagavato paccassosuṃ. Bhagavā etadavoca –

    ‘‘сзяяат̇ааби, б̣раахман̣аа, жад̇д̇ааро бурисаа жад̇уд̣̇д̣̇исаа тид̇аа барамзна ж̇авзна жа саманнааг̇ад̇аа барамзна жа бад̣̇авийд̇ихаарзна. д̇з зваруубзна ж̇авзна саманнааг̇ад̇аа ассу, сзяяат̇ааби наама д̣̇ал̣хад̇хаммаа 5 д̇хануг̇г̇ахо сигкид̇о гад̇ахад̇т̇о гад̇уубаасано лахугзна асанзна аббагасирзна д̇ирияам̣ д̇аалажчааяам̣ 6 ад̇ибаад̇зяяа; зваруубзна жа бад̣̇авийд̇ихаарзна, сзяяат̇ааби наама бурад̇т̇имаа самуд̣̇д̣̇аа бажчимо самуд̣̇д̣̇о ат̇а бурад̇т̇имааяа д̣̇исааяа тид̇о бурисо звам̣ вад̣̇зяяа – ‘ахам̣ г̇аманзна логасса анд̇ам̣ баабун̣иссаамий’д̇и. со ан̃н̃ад̇рзва асид̇абийд̇акааяид̇асааяид̇аа ан̃н̃ад̇ра ужжаарабассаавагаммаа ан̃н̃ад̇ра нид̣̇д̣̇аагиламат̇абадивинод̣̇анаа вассасад̇ааяуго вассасад̇аж̇ийвий вассасад̇ам̣ г̇анд̇ваа аббад̇ваава логасса анд̇ам̣ анд̇араа гаалам̣ гарзяяа. ат̇а бажчимааяа д̣̇исааяа…бз… ат̇а уд̇д̇арааяа д̣̇исааяа… ат̇а д̣̇агкин̣ааяа д̣̇исааяа тид̇о бурисо звам̣ вад̣̇зяяа – ‘ахам̣ г̇аманзна логасса анд̇ам̣ баабун̣иссаамий’д̇и. со ан̃н̃ад̇рзва асид̇абийд̇акааяид̇асааяид̇аа ан̃н̃ад̇ра ужжаарабассаавагаммаа ан̃н̃ад̇ра нид̣̇д̣̇аагиламат̇абадивинод̣̇анаа вассасад̇ааяуго вассасад̇аж̇ийвий вассасад̇ам̣ г̇анд̇ваа аббад̇ваава логасса анд̇ам̣ анд̇араа гаалам̣ гарзяяа. д̇ам̣ гисса хзд̇у? наахам̣, б̣раахман̣аа, зваруубааяа санд̇хааванигааяа логасса анд̇ам̣ н̃аад̇зяяам̣ д̣̇адтзяяам̣ бад̇д̇зяяанд̇и вад̣̇аами. на жаахам̣, б̣раахман̣аа, аббад̇ваава логасса анд̇ам̣ д̣̇угкасса анд̇агирияам̣ вад̣̇аами.

    ‘‘Seyyathāpi, brāhmaṇā, cattāro purisā catuddisā ṭhitā paramena javena ca samannāgatā paramena ca padavītihārena. Te evarūpena javena samannāgatā assu, seyyathāpi nāma daḷhadhammā 7 dhanuggaho sikkhito katahattho katūpāsano lahukena asanena appakasirena tiriyaṃ tālacchāyaṃ 8 atipāteyya; evarūpena ca padavītihārena, seyyathāpi nāma puratthimā samuddā pacchimo samuddo atha puratthimāya disāya ṭhito puriso evaṃ vadeyya – ‘ahaṃ gamanena lokassa antaṃ pāpuṇissāmī’ti. So aññatreva asitapītakhāyitasāyitā aññatra uccārapassāvakammā aññatra niddākilamathapaṭivinodanā vassasatāyuko vassasatajīvī vassasataṃ gantvā appatvāva lokassa antaṃ antarā kālaṃ kareyya. Atha pacchimāya disāya…pe… atha uttarāya disāya… atha dakkhiṇāya disāya ṭhito puriso evaṃ vadeyya – ‘ahaṃ gamanena lokassa antaṃ pāpuṇissāmī’ti. So aññatreva asitapītakhāyitasāyitā aññatra uccārapassāvakammā aññatra niddākilamathapaṭivinodanā vassasatāyuko vassasatajīvī vassasataṃ gantvā appatvāva lokassa antaṃ antarā kālaṃ kareyya. Taṃ kissa hetu? Nāhaṃ, brāhmaṇā, evarūpāya sandhāvanikāya lokassa antaṃ ñāteyyaṃ daṭṭheyyaṃ patteyyanti vadāmi. Na cāhaṃ, brāhmaṇā, appatvāva lokassa antaṃ dukkhassa antakiriyaṃ vadāmi.

    ‘‘бан̃жимз, б̣раахман̣аа, гаамаг̇ун̣аа арияасса винаяз логод̇и вужжад̇и. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа; сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа; имз ко, б̣раахман̣аа, бан̃жа гаамаг̇ун̣аа арияасса винаяз логод̇и вужжад̇и.

    ‘‘Pañcime, brāhmaṇā, kāmaguṇā ariyassa vinaye lokoti vuccati. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā; sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā; ime kho, brāhmaṇā, pañca kāmaguṇā ariyassa vinaye lokoti vuccati.

    ‘‘ид̇ха, б̣раахман̣аа, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяам̣ вужжад̇и, б̣раахман̣аа, ‘бхигку логасса анд̇амааг̇амма, логасса анд̇з вихарад̇и’. д̇аман̃н̃з звамаахам̣су – ‘аяамби логабарияаабанно, аяамби аниссадо логамхаа’д̇и. ахамби хи 9, б̣раахман̣аа, звам̣ вад̣̇аами – ‘аяамби логабарияаабанно, аяамби аниссадо логамхаа’’’д̇и.

    ‘‘Idha, brāhmaṇā, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, brāhmaṇā, ‘bhikkhu lokassa antamāgamma, lokassa ante viharati’. Tamaññe evamāhaṃsu – ‘ayampi lokapariyāpanno, ayampi anissaṭo lokamhā’ti. Ahampi hi 10, brāhmaṇā, evaṃ vadāmi – ‘ayampi lokapariyāpanno, ayampi anissaṭo lokamhā’’’ti.

    ‘‘буна жабарам̣, б̣раахман̣аа, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, б̣раахман̣аа, ‘бхигку логасса анд̇амааг̇амма логасса анд̇з вихарад̇и’. д̇аман̃н̃з звамаахам̣су – ‘аяамби логабарияаабанно, аяамби аниссадо логамхаа’д̇и. ахамби хи, б̣раахман̣аа, звам̣ вад̣̇аами – ‘аяамби логабарияаабанно, аяамби аниссадо логамхаа’’’д̇и.

    ‘‘Puna caparaṃ, brāhmaṇā, bhikkhu vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati. Ayaṃ vuccati, brāhmaṇā, ‘bhikkhu lokassa antamāgamma lokassa ante viharati’. Tamaññe evamāhaṃsu – ‘ayampi lokapariyāpanno, ayampi anissaṭo lokamhā’ti. Ahampi hi, brāhmaṇā, evaṃ vadāmi – ‘ayampi lokapariyāpanno, ayampi anissaṭo lokamhā’’’ti.

    ‘‘буна жабарам̣, б̣раахман̣аа, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ вужжад̇и, б̣раахман̣аа, ‘бхигку логасса анд̇амааг̇амма логасса анд̇з вихарад̇и’. д̇аман̃н̃з звамаахам̣су – ‘аяамби логабарияаабанно, аяамби аниссадо логамхаа’д̇и . ахамби хи, б̣раахман̣аа, звам̣ вад̣̇аами – ‘аяамби логабарияаабанно, аяамби аниссадо логамхаа’’’д̇и.

    ‘‘Puna caparaṃ, brāhmaṇā, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, brāhmaṇā, ‘bhikkhu lokassa antamāgamma lokassa ante viharati’. Tamaññe evamāhaṃsu – ‘ayampi lokapariyāpanno, ayampi anissaṭo lokamhā’ti . Ahampi hi, brāhmaṇā, evaṃ vadāmi – ‘ayampi lokapariyāpanno, ayampi anissaṭo lokamhā’’’ti.

    ‘‘буна жабарам̣, б̣раахман̣аа, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и…бз… саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и…бз… саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, б̣раахман̣аа , ‘бхигку логасса анд̇амааг̇амма логасса анд̇з вихарад̇и’. д̇аман̃н̃з звамаахам̣су – ‘аяамби логабарияаабанно, аяамби аниссадо логамхаа’д̇и. ахамби хи, б̣раахман̣аа, звам̣ вад̣̇аами – ‘аяамби логабарияаабанно, аяамби аниссадо логамхаа’’’д̇и.

    ‘‘Puna caparaṃ, brāhmaṇā, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati…pe… sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati…pe… sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ vuccati, brāhmaṇā , ‘bhikkhu lokassa antamāgamma lokassa ante viharati’. Tamaññe evamāhaṃsu – ‘ayampi lokapariyāpanno, ayampi anissaṭo lokamhā’ti. Ahampi hi, brāhmaṇā, evaṃ vadāmi – ‘ayampi lokapariyāpanno, ayampi anissaṭo lokamhā’’’ti.

    ‘‘буна жабарам̣, б̣раахман̣аа, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, б̣раахман̣аа, ‘бхигку логасса анд̇амааг̇амма логасса анд̇з вихарад̇и д̇ин̣н̣о логз висад̇д̇ига’’’нд̇и. сад̇д̇амам̣.

    ‘‘Puna caparaṃ, brāhmaṇā, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ayaṃ vuccati, brāhmaṇā, ‘bhikkhu lokassa antamāgamma lokassa ante viharati tiṇṇo loke visattika’’’nti. Sattamaṃ.




    Next: 8. д̣̇зваасурасан̇г̇аамасуд̇д̇ам̣ • 8. Devāsurasaṅgāmasuttaṃ




    Footnotes:
    1. аяамби хи (сяаа. га.)
    2. соби (?)
    3. ayampi hi (syā. ka.)
    4. sopi (?)
    5. д̣̇ал̣хад̇хаммо (саб̣б̣ад̇т̇а) а. ни. 4.45; ма. ни. 1.116 жа, д̇ам̣сам̣ван̣н̣анаадийгааяо жа мог̇г̇аллаанаб̣яаагаран̣ан̃жа ологзд̇аб̣б̣аа
    6. д̇аалажчаад̇им̣ (сий. сяаа. бий.), д̇аалажчаад̣̇им̣ (га.) а. ни. 4.45; ма. ни. 1.161 бассид̇аб̣б̣ам̣
    7. daḷhadhammo (sabbattha) a. ni. 4.45; ma. ni. 1.116 ca, taṃsaṃvaṇṇanāṭīkāyo ca moggallānabyākaraṇañca oloketabbā
    8. tālacchātiṃ (sī. syā. pī.), tālacchādiṃ (ka.) a. ni. 4.45; ma. ni. 1.161 passitabbaṃ
    9. ахамби (сий. бий.)
    10. ahampi (sī. pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. логааяад̇игасуд̇д̇аван̣н̣анаа • 7. Lokāyatikasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. логааяад̇игасуд̇д̇аван̣н̣анаа • 7. Lokāyatikasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact