| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. லோகாயதிகஸுத்தவண்ணனா
7. Lokāyatikasuttavaṇṇanā
38. ஸத்தமே லோகாயதிகாதி லோகாயதவாத³கா. ஸததந்தி ஸதா³. ஸமிதந்தி நிரந்தரங். திட்ட²தேதந்தி திட்ட²து ஏதங், மா ஏதங் பட்ட²பேத², கோ வோ ஏதேன அத்தோ². த⁴ம்மங் வோ ப்³ராஹ்மணா தே³ஸெஸ்ஸாமீதி அஹங் வோ சதுஸச்சத⁴ம்மங் தே³ஸெஸ்ஸாமி.
38. Sattame lokāyatikāti lokāyatavādakā. Satatanti sadā. Samitanti nirantaraṃ. Tiṭṭhatetanti tiṭṭhatu etaṃ, mā etaṃ paṭṭhapetha, ko vo etena attho. Dhammaṃ vo brāhmaṇā desessāmīti ahaṃ vo catusaccadhammaṃ desessāmi.
த³ள்ஹத⁴ம்மோதி த³ள்ஹத⁴னுங் க³ஹெத்வா டி²தோ. த⁴னுக்³க³ஹோதி இஸ்ஸாஸோ. த³ள்ஹத⁴னு நாம த்³விஸஹஸ்ஸதா²மங் வுச்சதி. த்³விஸஹஸ்ஸதா²மங் நாம யஸ்ஸ ஆரோபிதஸ்ஸ ஜியாப³த்³தோ⁴ லோஹஸீஸாதீ³னங் பா⁴ரோ த³ண்டே³ க³ஹெத்வா யாவ கண்ட³ப்பமாணா உக்கி²த்தஸ்ஸ பத²விதோ முச்சதி. ஸிக்கி²தோதி த³ஸ த்³வாத³ஸ வஸ்ஸானி ஆசரியகுலே உக்³க³ஹிதஸிப்போ. கதஹத்தோ²தி ஏகோ ஸிப்பமேவ உக்³க³ண்ஹாதி, கதஹத்தோ² ந ஹோதி அயங் பன கதஹத்தோ² சிண்ணவஸிபா⁴வோ. கதூபாஸனோதி ராஜகுலாதீ³ஸு த³ஸ்ஸிதஸிப்போ. லஹுகேன அஸனேனாதி அந்தோ ஸுஸிரங் கத்வா தூலாதீ³ஹி பூரெத்வா கதலக்க²பரிகம்மேன ஸல்லஹுககண்டே³ன. ஏவங் கதஞ்ஹி ஏகஉஸப⁴கா³மீ த்³வே உஸபா⁴னிபி க³ச்ச²தி…பே॰… அட்டு²ஸப⁴கா³மீ ஸோளஸ உஸபா⁴னிபி க³ச்ச²தி. அப்பகஸிரேனாதி நித்³து³க்கே²ன. அதிபாதெய்யாதி அதிக்கமெய்ய. இத³ங் வுத்தங் ஹோதி – யதா² ஸோ த⁴னுக்³க³ஹோ தங் வித³த்தி²சதுரங்கு³லங் சா²யங் ஸீக⁴மேவ அதிக்காமேதி, ஏவங் ஸகலசக்கவாளங் ஸீக⁴ங் ஸீக⁴ங் அதிக்கமனஸமத்தே²ன ஜவேன ஸமன்னாக³தோ. ஸந்தா⁴வனிகாயாதி பத³ஸா தா⁴வனேன. ஏவமாஹங்ஸூதி ஏவங் வத³ந்தி.
Daḷhadhammoti daḷhadhanuṃ gahetvā ṭhito. Dhanuggahoti issāso. Daḷhadhanu nāma dvisahassathāmaṃ vuccati. Dvisahassathāmaṃ nāma yassa āropitassa jiyābaddho lohasīsādīnaṃ bhāro daṇḍe gahetvā yāva kaṇḍappamāṇā ukkhittassa pathavito muccati. Sikkhitoti dasa dvādasa vassāni ācariyakule uggahitasippo. Katahatthoti eko sippameva uggaṇhāti, katahattho na hoti ayaṃ pana katahattho ciṇṇavasibhāvo. Katūpāsanoti rājakulādīsu dassitasippo. Lahukena asanenāti anto susiraṃ katvā tūlādīhi pūretvā katalakkhaparikammena sallahukakaṇḍena. Evaṃ katañhi ekausabhagāmī dve usabhānipi gacchati…pe… aṭṭhusabhagāmī soḷasa usabhānipi gacchati. Appakasirenāti niddukkhena. Atipāteyyāti atikkameyya. Idaṃ vuttaṃ hoti – yathā so dhanuggaho taṃ vidatthicaturaṅgulaṃ chāyaṃ sīghameva atikkāmeti, evaṃ sakalacakkavāḷaṃ sīghaṃ sīghaṃ atikkamanasamatthena javena samannāgato. Sandhāvanikāyāti padasā dhāvanena. Evamāhaṃsūti evaṃ vadanti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. லோகாயதிகஸுத்தங் • 7. Lokāyatikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. லோகாயதிகஸுத்தவண்ணனா • 7. Lokāyatikasuttavaṇṇanā
