| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. லோகாயதிகஸுத்தவண்ணனா
8. Lokāyatikasuttavaṇṇanā
48. அட்ட²மே லோகாயதிகோதி விதண்ட³ஸத்தே² லோகாயதே கதபரிசயோ. ஜெட்ட²மேதங் லோகாயதந்தி பட²மங் லோகாயதங். லோகாயதந்தி ச லோகஸ்ஸேவ ஆயதங், பா³லபுது²ஜ்ஜனலோகஸ்ஸ ஆயதங், மஹந்தங் க³ம்பீ⁴ரந்தி உபதா⁴ரிதப்³ப³ங் பரித்தங் பா⁴வங் தி³ட்டி²க³தங். ஏகத்தந்தி ஏகஸபா⁴வங், நிச்சஸபா⁴வமேவாதி புச்ச²தி. புது²த்தந்தி புரிமஸபா⁴வேன நானாஸபா⁴வங், தே³வமனுஸ்ஸாதி³பா⁴வேன பட²மங் ஹுத்வா பச்சா² ந ஹோதீதி உச்சே²த³ங் ஸந்தா⁴ய புச்ச²தி. ஏவமெத்த² ‘‘ஸப்³ப³மத்தி², ஸப்³ப³மேகத்த’’ந்தி இமா த்³வேபி ஸஸ்ஸததி³ட்டி²யோ, ‘‘ஸப்³ப³ங் நத்தி², ஸப்³ப³ங் புது²த்த’’ந்தி இமா த்³வே உச்சே²த³தி³ட்டி²யோதி வேதி³தப்³பா³. அட்ட²மங்.
48. Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyataṃ, bālaputhujjanalokassa āyataṃ, mahantaṃ gambhīranti upadhāritabbaṃ parittaṃ bhāvaṃ diṭṭhigataṃ. Ekattanti ekasabhāvaṃ, niccasabhāvamevāti pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pacchā na hotīti ucchedaṃ sandhāya pucchati. Evamettha ‘‘sabbamatthi, sabbamekatta’’nti imā dvepi sassatadiṭṭhiyo, ‘‘sabbaṃ natthi, sabbaṃ puthutta’’nti imā dve ucchedadiṭṭhiyoti veditabbā. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. லோகாயதிகஸுத்தங் • 8. Lokāyatikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. லோகாயதிகஸுத்தவண்ணனா • 8. Lokāyatikasuttavaṇṇanā
