| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. লোকাযতিকসুত্তৰণ্ণনা
8. Lokāyatikasuttavaṇṇanā
৪৮. অট্ঠমে লোকাযতিকোতি ৰিতণ্ডসত্থে লোকাযতে কতপরিচযো। জেট্ঠমেতং লোকাযতন্তি পঠমং লোকাযতং। লোকাযতন্তি চ লোকস্সেৰ আযতং, বালপুথুজ্জনলোকস্স আযতং, মহন্তং গম্ভীরন্তি উপধারিতব্বং পরিত্তং ভাৰং দিট্ঠিগতং। একত্তন্তি একসভাৰং, নিচ্চসভাৰমেৰাতি পুচ্ছতি। পুথুত্তন্তি পুরিমসভাৰেন নানাসভাৰং, দেৰমনুস্সাদিভাৰেন পঠমং হুত্ৰা পচ্ছা ন হোতীতি উচ্ছেদং সন্ধায পুচ্ছতি। এৰমেত্থ ‘‘সব্বমত্থি, সব্বমেকত্ত’’ন্তি ইমা দ্ৰেপি সস্সতদিট্ঠিযো, ‘‘সব্বং নত্থি, সব্বং পুথুত্ত’’ন্তি ইমা দ্ৰে উচ্ছেদদিট্ঠিযোতি ৰেদিতব্বা। অট্ঠমং।
48. Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyataṃ, bālaputhujjanalokassa āyataṃ, mahantaṃ gambhīranti upadhāritabbaṃ parittaṃ bhāvaṃ diṭṭhigataṃ. Ekattanti ekasabhāvaṃ, niccasabhāvamevāti pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pacchā na hotīti ucchedaṃ sandhāya pucchati. Evamettha ‘‘sabbamatthi, sabbamekatta’’nti imā dvepi sassatadiṭṭhiyo, ‘‘sabbaṃ natthi, sabbaṃ puthutta’’nti imā dve ucchedadiṭṭhiyoti veditabbā. Aṭṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. লোকাযতিকসুত্তং • 8. Lokāyatikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. লোকাযতিকসুত্তৰণ্ণনা • 8. Lokāyatikasuttavaṇṇanā
