| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. логааяад̇игасуд̇д̇аван̣н̣анаа
7. Lokāyatikasuttavaṇṇanā
38. сад̇д̇амз логааяад̇аваад̣̇агаад̇и ааяад̇им̣ хид̇ам̣ лого на яад̇ад̇и на вирухад̇и зд̇знаад̇и логааяад̇ам̣, вид̇ан̣д̣асад̇т̇ам̣. д̇ан̃хи г̇ант̇ам̣ ниссааяа сад̇д̇аа бун̃н̃агирияааяа жид̇д̇амби на уббаад̣̇знд̇и, д̇ам̣ вад̣̇анд̇ийд̇и логааяад̇аваад̣̇агаа.
38. Sattame lokāyatavādakāti āyatiṃ hitaṃ loko na yatati na viruhati etenāti lokāyataṃ, vitaṇḍasatthaṃ. Tañhi ganthaṃ nissāya sattā puññakiriyāya cittampi na uppādenti, taṃ vadantīti lokāyatavādakā.
д̣̇ал̣хам̣ т̇ирам̣ д̇хану зд̇ассаад̇и д̣̇ал̣хад̇ханваа (а. ни. дий. 2.4.45-46; сам̣. ни. дий. 1.1.107), со зва ‘‘д̣̇ал̣хад̇хаммаа’’д̇и вуд̇д̇о. бадисад̇д̇увид̇хаманад̇т̇ам̣ д̇ханум̣ г̇ан̣хаад̇ийд̇и д̇хануг̇г̇ахо. со зва усум̣ сарам̣ асад̇и кибад̇ийд̇и иссаасо. д̣̇висахассат̇ааманд̇и лохаад̣̇ибхаарам̣ вахид̇ум̣ самад̇т̇ам̣ д̣̇висахассат̇аамам̣. д̇знааха ‘‘д̣̇висахассат̇аамам̣ наамаа’’д̇иаад̣̇и. д̣̇ан̣д̣зд̇и д̇хануд̣̇ан̣д̣з. яаава ган̣д̣аббамаан̣аад̇и д̣̇ийгхад̇о яад̇д̇агам̣ ган̣д̣асса бамаан̣ам̣, д̇ад̇д̇агз д̇хануд̣̇ан̣д̣з угкид̇д̇амад̇д̇з ааробид̇зсуязва ж̇ияаад̣̇ан̣д̣зсу со жз бхааро бат̇авид̇о мужжад̇и, звам̣ ид̣̇ам̣ д̣̇висахассат̇аамам̣ наама д̇ханууд̇и д̣̇адтаб̣б̣ам̣. уг̇г̇ахид̇асиббод̇и уг̇г̇ахид̇ад̇ханусиббо. гад̇ахад̇т̇од̇и т̇ирад̇арам̣ лагкзсу авираж̇жханасарагкзбо. ийд̣̇исо бана д̇ад̇т̇а васибхууд̇о гад̇ахад̇т̇о наама ход̇ийд̇и ааха ‘‘жин̣н̣авасибхааво’’д̇и. гад̇ам̣ рааж̇агулаад̣̇ийсу убзжжа асанам̣ зд̇зна со гад̇уубаасанод̇и ааха ‘‘рааж̇агулаад̣̇ийсу д̣̇ассид̇асиббо’’д̇и. звам̣ гад̇анд̇и звам̣ анд̇осусирагаран̣аад̣̇инаа саллахугам̣ гад̇ам̣.
Daḷhaṃ thiraṃ dhanu etassāti daḷhadhanvā (a. ni. ṭī. 2.4.45-46; saṃ. ni. ṭī. 1.1.107), so eva ‘‘daḷhadhammā’’ti vutto. Paṭisattuvidhamanatthaṃ dhanuṃ gaṇhātīti dhanuggaho. So eva usuṃ saraṃ asati khipatīti issāso. Dvisahassathāmanti lohādibhāraṃ vahituṃ samatthaṃ dvisahassathāmaṃ. Tenāha ‘‘dvisahassathāmaṃ nāmā’’tiādi. Daṇḍeti dhanudaṇḍe. Yāva kaṇḍappamāṇāti dīghato yattakaṃ kaṇḍassa pamāṇaṃ, tattake dhanudaṇḍe ukkhittamatte āropitesuyeva jiyādaṇḍesu so ce bhāro pathavito muccati, evaṃ idaṃ dvisahassathāmaṃ nāma dhanūti daṭṭhabbaṃ. Uggahitasippoti uggahitadhanusippo. Katahatthoti thirataraṃ lakkhesu avirajjhanasarakkhepo. Īdiso pana tattha vasibhūto katahattho nāma hotīti āha ‘‘ciṇṇavasibhāvo’’ti. Kataṃ rājakulādīsu upecca asanaṃ etena so katūpāsanoti āha ‘‘rājakulādīsu dassitasippo’’ti. Evaṃ katanti evaṃ antosusirakaraṇādinā sallahukaṃ kataṃ.
логааяад̇игасуд̇д̇аван̣н̣анаа нидтид̇аа.
Lokāyatikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. логааяад̇игасуд̇д̇ам̣ • 7. Lokāyatikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. логааяад̇игасуд̇д̇аван̣н̣анаа • 7. Lokāyatikasuttavaṇṇanā
