| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. లోకాయతికసుత్తవణ్ణనా
8. Lokāyatikasuttavaṇṇanā
౪౮. అట్ఠమే లోకాయతికోతి వితణ్డసత్థే లోకాయతే కతపరిచయో. జేట్ఠమేతం లోకాయతన్తి పఠమం లోకాయతం. లోకాయతన్తి చ లోకస్సేవ ఆయతం, బాలపుథుజ్జనలోకస్స ఆయతం, మహన్తం గమ్భీరన్తి ఉపధారితబ్బం పరిత్తం భావం దిట్ఠిగతం. ఏకత్తన్తి ఏకసభావం, నిచ్చసభావమేవాతి పుచ్ఛతి. పుథుత్తన్తి పురిమసభావేన నానాసభావం, దేవమనుస్సాదిభావేన పఠమం హుత్వా పచ్ఛా న హోతీతి ఉచ్ఛేదం సన్ధాయ పుచ్ఛతి. ఏవమేత్థ ‘‘సబ్బమత్థి, సబ్బమేకత్త’’న్తి ఇమా ద్వేపి సస్సతదిట్ఠియో, ‘‘సబ్బం నత్థి, సబ్బం పుథుత్త’’న్తి ఇమా ద్వే ఉచ్ఛేదదిట్ఠియోతి వేదితబ్బా. అట్ఠమం.
48. Aṭṭhame lokāyatikoti vitaṇḍasatthe lokāyate kataparicayo. Jeṭṭhametaṃ lokāyatanti paṭhamaṃ lokāyataṃ. Lokāyatanti ca lokasseva āyataṃ, bālaputhujjanalokassa āyataṃ, mahantaṃ gambhīranti upadhāritabbaṃ parittaṃ bhāvaṃ diṭṭhigataṃ. Ekattanti ekasabhāvaṃ, niccasabhāvamevāti pucchati. Puthuttanti purimasabhāvena nānāsabhāvaṃ, devamanussādibhāvena paṭhamaṃ hutvā pacchā na hotīti ucchedaṃ sandhāya pucchati. Evamettha ‘‘sabbamatthi, sabbamekatta’’nti imā dvepi sassatadiṭṭhiyo, ‘‘sabbaṃ natthi, sabbaṃ puthutta’’nti imā dve ucchedadiṭṭhiyoti veditabbā. Aṭṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. లోకాయతికసుత్తం • 8. Lokāyatikasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. లోకాయతికసుత్తవణ్ణనా • 8. Lokāyatikasuttavaṇṇanā
