| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਲੋਕਾਯਤਿਕਸੁਤ੍ਤવਣ੍ਣਨਾ
7. Lokāyatikasuttavaṇṇanā
੩੮. ਸਤ੍ਤਮੇ ਲੋਕਾਯਤਿਕਾਤਿ ਲੋਕਾਯਤવਾਦਕਾ। ਸਤਤਨ੍ਤਿ ਸਦਾ। ਸਮਿਤਨ੍ਤਿ ਨਿਰਨ੍ਤਰਂ। ਤਿਟ੍ਠਤੇਤਨ੍ਤਿ ਤਿਟ੍ਠਤੁ ਏਤਂ, ਮਾ ਏਤਂ ਪਟ੍ਠਪੇਥ, ਕੋ વੋ ਏਤੇਨ ਅਤ੍ਥੋ। ਧਮ੍ਮਂ વੋ ਬ੍ਰਾਹ੍ਮਣਾ ਦੇਸੇਸ੍ਸਾਮੀਤਿ ਅਹਂ વੋ ਚਤੁਸਚ੍ਚਧਮ੍ਮਂ ਦੇਸੇਸ੍ਸਾਮਿ।
38. Sattame lokāyatikāti lokāyatavādakā. Satatanti sadā. Samitanti nirantaraṃ. Tiṭṭhatetanti tiṭṭhatu etaṃ, mā etaṃ paṭṭhapetha, ko vo etena attho. Dhammaṃ vo brāhmaṇā desessāmīti ahaṃ vo catusaccadhammaṃ desessāmi.
ਦਲ਼੍ਹਧਮ੍ਮੋਤਿ ਦਲ਼੍ਹਧਨੁਂ ਗਹੇਤ੍વਾ ਠਿਤੋ। ਧਨੁਗ੍ਗਹੋਤਿ ਇਸ੍ਸਾਸੋ। ਦਲ਼੍ਹਧਨੁ ਨਾਮ ਦ੍વਿਸਹਸ੍ਸਥਾਮਂ વੁਚ੍ਚਤਿ। ਦ੍વਿਸਹਸ੍ਸਥਾਮਂ ਨਾਮ ਯਸ੍ਸ ਆਰੋਪਿਤਸ੍ਸ ਜਿਯਾਬਦ੍ਧੋ ਲੋਹਸੀਸਾਦੀਨਂ ਭਾਰੋ ਦਣ੍ਡੇ ਗਹੇਤ੍વਾ ਯਾવ ਕਣ੍ਡਪ੍ਪਮਾਣਾ ਉਕ੍ਖਿਤ੍ਤਸ੍ਸ ਪਥવਿਤੋ ਮੁਚ੍ਚਤਿ। ਸਿਕ੍ਖਿਤੋਤਿ ਦਸ ਦ੍વਾਦਸ વਸ੍ਸਾਨਿ ਆਚਰਿਯਕੁਲੇ ਉਗ੍ਗਹਿਤਸਿਪ੍ਪੋ। ਕਤਹਤ੍ਥੋਤਿ ਏਕੋ ਸਿਪ੍ਪਮੇવ ਉਗ੍ਗਣ੍ਹਾਤਿ, ਕਤਹਤ੍ਥੋ ਨ ਹੋਤਿ ਅਯਂ ਪਨ ਕਤਹਤ੍ਥੋ ਚਿਣ੍ਣવਸਿਭਾવੋ। ਕਤੂਪਾਸਨੋਤਿ ਰਾਜਕੁਲਾਦੀਸੁ ਦਸ੍ਸਿਤਸਿਪ੍ਪੋ। ਲਹੁਕੇਨ ਅਸਨੇਨਾਤਿ ਅਨ੍ਤੋ ਸੁਸਿਰਂ ਕਤ੍વਾ ਤੂਲਾਦੀਹਿ ਪੂਰੇਤ੍વਾ ਕਤਲਕ੍ਖਪਰਿਕਮ੍ਮੇਨ ਸਲ੍ਲਹੁਕਕਣ੍ਡੇਨ। ਏવਂ ਕਤਞ੍ਹਿ ਏਕਉਸਭਗਾਮੀ ਦ੍વੇ ਉਸਭਾਨਿਪਿ ਗਚ੍ਛਤਿ…ਪੇ॰… ਅਟ੍ਠੁਸਭਗਾਮੀ ਸੋਲ਼ਸ ਉਸਭਾਨਿਪਿ ਗਚ੍ਛਤਿ। ਅਪ੍ਪਕਸਿਰੇਨਾਤਿ ਨਿਦ੍ਦੁਕ੍ਖੇਨ। ਅਤਿਪਾਤੇਯ੍ਯਾਤਿ ਅਤਿਕ੍ਕਮੇਯ੍ਯ। ਇਦਂ વੁਤ੍ਤਂ ਹੋਤਿ – ਯਥਾ ਸੋ ਧਨੁਗ੍ਗਹੋ ਤਂ વਿਦਤ੍ਥਿਚਤੁਰਙ੍ਗੁਲਂ ਛਾਯਂ ਸੀਘਮੇવ ਅਤਿਕ੍ਕਾਮੇਤਿ, ਏવਂ ਸਕਲਚਕ੍ਕવਾਲ਼ਂ ਸੀਘਂ ਸੀਘਂ ਅਤਿਕ੍ਕਮਨਸਮਤ੍ਥੇਨ ਜવੇਨ ਸਮਨ੍ਨਾਗਤੋ। ਸਨ੍ਧਾવਨਿਕਾਯਾਤਿ ਪਦਸਾ ਧਾવਨੇਨ। ਏવਮਾਹਂਸੂਤਿ ਏવਂ વਦਨ੍ਤਿ।
Daḷhadhammoti daḷhadhanuṃ gahetvā ṭhito. Dhanuggahoti issāso. Daḷhadhanu nāma dvisahassathāmaṃ vuccati. Dvisahassathāmaṃ nāma yassa āropitassa jiyābaddho lohasīsādīnaṃ bhāro daṇḍe gahetvā yāva kaṇḍappamāṇā ukkhittassa pathavito muccati. Sikkhitoti dasa dvādasa vassāni ācariyakule uggahitasippo. Katahatthoti eko sippameva uggaṇhāti, katahattho na hoti ayaṃ pana katahattho ciṇṇavasibhāvo. Katūpāsanoti rājakulādīsu dassitasippo. Lahukena asanenāti anto susiraṃ katvā tūlādīhi pūretvā katalakkhaparikammena sallahukakaṇḍena. Evaṃ katañhi ekausabhagāmī dve usabhānipi gacchati…pe… aṭṭhusabhagāmī soḷasa usabhānipi gacchati. Appakasirenāti niddukkhena. Atipāteyyāti atikkameyya. Idaṃ vuttaṃ hoti – yathā so dhanuggaho taṃ vidatthicaturaṅgulaṃ chāyaṃ sīghameva atikkāmeti, evaṃ sakalacakkavāḷaṃ sīghaṃ sīghaṃ atikkamanasamatthena javena samannāgato. Sandhāvanikāyāti padasā dhāvanena. Evamāhaṃsūti evaṃ vadanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਲੋਕਾਯਤਿਕਸੁਤ੍ਤਂ • 7. Lokāyatikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਲੋਕਾਯਤਿਕਸੁਤ੍ਤવਣ੍ਣਨਾ • 7. Lokāyatikasuttavaṇṇanā
