| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
8. லோகுத்தரகதா²
8. Lokuttarakathā
43. கதமே த⁴ம்மா லோகுத்தரா? சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³, பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ மக்³கோ³, சத்தாரோ அரியமக்³கா³, சத்தாரி ச ஸாமஞ்ஞப²லானி, நிப்³பா³னஞ்ச – இமே த⁴ம்மா லோகுத்தரா.
43. Katame dhammā lokuttarā? Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri ca sāmaññaphalāni, nibbānañca – ime dhammā lokuttarā.
லோகுத்தராதி கேனட்டே²ன லோகுத்தரா? லோகங் தரந்தீதி – லோகுத்தரா. லோகா உத்தரந்தீதி – லோகுத்தரா. லோகதோ உத்தரந்தீதி – லோகுத்தரா. லோகம்ஹா உத்தரந்தீதி – லோகுத்தரா. லோகங் அதிக்கமந்தீதி – லோகுத்தரா. லோகங் ஸமதிக்கமந்தீதி – லோகுத்தரா. லோகங் ஸமதிக்கந்தாதி – லோகுத்தரா. லோகேன அதிரேகாதி – லோகுத்தரா. லோகந்தங் தரந்தீதி – லோகுத்தரா. லோகா நிஸ்ஸரந்தீதி – லோகுத்தரா. லோகதோ நிஸ்ஸரந்தீதி – லோகுத்தரா. லோகம்ஹா நிஸ்ஸரந்தீதி – லோகுத்தரா. லோகா நிஸ்ஸடாதி – லோகுத்தரா. லோகேன நிஸ்ஸடாதி – லோகுத்தரா. லோகம்ஹா நிஸ்ஸடாதி – லோகுத்தரா. லோகே ந திட்ட²ந்தீதி – லோகுத்தரா. லோகஸ்மிங் ந திட்ட²ந்தீதி – லோகுத்தரா. லோகே ந லிம்பந்தீதி – லோகுத்தரா. லோகேன ந லிம்பந்தீதி – லோகுத்தரா. லோகே அஸங்லித்தாதி – லோகுத்தரா. லோகேன அஸங்லித்தாதி – லோகுத்தரா. லோகே அனுபலித்தாதி – லோகுத்தரா. லோகேன அனுபலித்தாதி – லோகுத்தரா. லோகே விப்பமுத்தாதி – லோகுத்தரா. லோகேன விப்பமுத்தாதி – லோகுத்தரா. லோகா விப்பமுத்தாதி – லோகுத்தரா. லோகதோ விப்பமுத்தாதி – லோகுத்தரா. லோகம்ஹா விப்பமுத்தாதி – லோகுத்தரா. லோகே விஸஞ்ஞுத்தாதி – லோகுத்தரா. லோகேன விஸஞ்ஞுத்தாதி – லோகுத்தரா. லோகா விஸஞ்ஞுத்தாதி – லோகுத்தரா. லோகஸ்மிங் விஸஞ்ஞுத்தாதி – லோகுத்தரா. லோகதோ விஸஞ்ஞுத்தாதி – லோகுத்தரா. லோகம்ஹா விஸஞ்ஞுத்தாதி – லோகுத்தரா. லோகா ஸுஜ்ஜ²ந்தீதி – லோகுத்தரா. லோகதோ ஸுஜ்ஜ²ந்தீதி – லோகுத்தரா. லோகம்ஹா ஸுஜ்ஜ²ந்தீதி – லோகுத்தரா. லோகா விஸுஜ்ஜ²ந்தீதி – லோகுத்தரா. லோகதோ விஸுஜ்ஜ²ந்தீதி – லோகுத்தரா. லோகம்ஹா விஸுஜ்ஜ²ந்தீதி – லோகுத்தரா. லோகா வுட்ட²ஹந்தீதி 1 – லோகுத்தரா. லோகதோ வுட்ட²ஹந்தீதி – லோகுத்தரா. லோகம்ஹா வுட்ட²ஹந்தீதி – லோகுத்தரா. லோகா விவட்டந்தீதி – லோகுத்தரா . லோகதோ விவட்டந்தீதி – லோகுத்தரா. லோகம்ஹா விவட்டந்தீதி – லோகுத்தரா. லோகே ந ஸஜ்ஜந்தீதி – லோகுத்தரா. லோகே ந க³ய்ஹந்தீதி – லோகுத்தரா. லோகே ந ப³ஜ்ஜ²ந்தீதி – லோகுத்தரா. லோகங் ஸமுச்சி²ந்த³ந்தீதி – லோகுத்தரா. லோகங் ஸமுச்சி²ன்னத்தாதி – லோகுத்தரா. லோகங் படிப்பஸ்ஸம்பெ⁴ந்தீதி – லோகுத்தரா. லோகங் படிப்பஸ்ஸம்பி⁴தத்தாதி – லோகுத்தரா. லோகஸ்ஸ அபதா²தி – லோகுத்தரா. லோகஸ்ஸ அக³தீதி – லோகுத்தரா. லோகஸ்ஸ அவிஸயாதி – லோகுத்தரா. லோகஸ்ஸ அஸாதா⁴ரணாதி – லோகுத்தரா. லோகங் வமந்தீதி – லோகுத்தரா. லோகங் ந பச்சாவமந்தீதி – லோகுத்தரா. லோகங் பஜஹந்தீதி – லோகுத்தரா. லோகங் ந உபாதி³யந்தீதி – லோகுத்தரா. லோகங் விஸினெந்தீதி – லோகுத்தரா. லோகங் ந உஸ்ஸினெந்தீதி – லோகுத்தரா. லோகங் விதூ⁴பெந்தீதி – லோகுத்தரா. லோகங் ந ஸங்தூ⁴பெந்தீதி – லோகுத்தரா. லோகங் ஸமதிக்கம்ம அபி⁴பு⁴ய்ய திட்ட²ந்தீதி – லோகுத்தரா.
Lokuttarāti kenaṭṭhena lokuttarā? Lokaṃ tarantīti – lokuttarā. Lokā uttarantīti – lokuttarā. Lokato uttarantīti – lokuttarā. Lokamhā uttarantīti – lokuttarā. Lokaṃ atikkamantīti – lokuttarā. Lokaṃ samatikkamantīti – lokuttarā. Lokaṃ samatikkantāti – lokuttarā. Lokena atirekāti – lokuttarā. Lokantaṃ tarantīti – lokuttarā. Lokā nissarantīti – lokuttarā. Lokato nissarantīti – lokuttarā. Lokamhā nissarantīti – lokuttarā. Lokā nissaṭāti – lokuttarā. Lokena nissaṭāti – lokuttarā. Lokamhā nissaṭāti – lokuttarā. Loke na tiṭṭhantīti – lokuttarā. Lokasmiṃ na tiṭṭhantīti – lokuttarā. Loke na limpantīti – lokuttarā. Lokena na limpantīti – lokuttarā. Loke asaṃlittāti – lokuttarā. Lokena asaṃlittāti – lokuttarā. Loke anupalittāti – lokuttarā. Lokena anupalittāti – lokuttarā. Loke vippamuttāti – lokuttarā. Lokena vippamuttāti – lokuttarā. Lokā vippamuttāti – lokuttarā. Lokato vippamuttāti – lokuttarā. Lokamhā vippamuttāti – lokuttarā. Loke visaññuttāti – lokuttarā. Lokena visaññuttāti – lokuttarā. Lokā visaññuttāti – lokuttarā. Lokasmiṃ visaññuttāti – lokuttarā. Lokato visaññuttāti – lokuttarā. Lokamhā visaññuttāti – lokuttarā. Lokā sujjhantīti – lokuttarā. Lokato sujjhantīti – lokuttarā. Lokamhā sujjhantīti – lokuttarā. Lokā visujjhantīti – lokuttarā. Lokato visujjhantīti – lokuttarā. Lokamhā visujjhantīti – lokuttarā. Lokā vuṭṭhahantīti 2 – lokuttarā. Lokato vuṭṭhahantīti – lokuttarā. Lokamhā vuṭṭhahantīti – lokuttarā. Lokā vivaṭṭantīti – lokuttarā . Lokato vivaṭṭantīti – lokuttarā. Lokamhā vivaṭṭantīti – lokuttarā. Loke na sajjantīti – lokuttarā. Loke na gayhantīti – lokuttarā. Loke na bajjhantīti – lokuttarā. Lokaṃ samucchindantīti – lokuttarā. Lokaṃ samucchinnattāti – lokuttarā. Lokaṃ paṭippassambhentīti – lokuttarā. Lokaṃ paṭippassambhitattāti – lokuttarā. Lokassa apathāti – lokuttarā. Lokassa agatīti – lokuttarā. Lokassa avisayāti – lokuttarā. Lokassa asādhāraṇāti – lokuttarā. Lokaṃ vamantīti – lokuttarā. Lokaṃ na paccāvamantīti – lokuttarā. Lokaṃ pajahantīti – lokuttarā. Lokaṃ na upādiyantīti – lokuttarā. Lokaṃ visinentīti – lokuttarā. Lokaṃ na ussinentīti – lokuttarā. Lokaṃ vidhūpentīti – lokuttarā. Lokaṃ na saṃdhūpentīti – lokuttarā. Lokaṃ samatikkamma abhibhuyya tiṭṭhantīti – lokuttarā.
லோகுத்தரகதா² நிட்டி²தா.
Lokuttarakathā niṭṭhitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / லோகுத்தரகதா²வண்ணனா • Lokuttarakathāvaṇṇanā
