| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৮. লোকুত্তরকথা
8. Lokuttarakathā
৪৩. কতমে ধম্মা লোকুত্তরা? চত্তারো সতিপট্ঠানা, চত্তারো সম্মপ্পধানা, চত্তারো ইদ্ধিপাদা, পঞ্চিন্দ্রিযানি, পঞ্চ বলানি, সত্ত বোজ্ঝঙ্গা, অরিযো অট্ঠঙ্গিকো মগ্গো, চত্তারো অরিযমগ্গা, চত্তারি চ সামঞ্ঞফলানি, নিব্বানঞ্চ – ইমে ধম্মা লোকুত্তরা।
43. Katame dhammā lokuttarā? Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri ca sāmaññaphalāni, nibbānañca – ime dhammā lokuttarā.
লোকুত্তরাতি কেনট্ঠেন লোকুত্তরা? লোকং তরন্তীতি – লোকুত্তরা। লোকা উত্তরন্তীতি – লোকুত্তরা। লোকতো উত্তরন্তীতি – লোকুত্তরা। লোকম্হা উত্তরন্তীতি – লোকুত্তরা। লোকং অতিক্কমন্তীতি – লোকুত্তরা। লোকং সমতিক্কমন্তীতি – লোকুত্তরা। লোকং সমতিক্কন্তাতি – লোকুত্তরা। লোকেন অতিরেকাতি – লোকুত্তরা। লোকন্তং তরন্তীতি – লোকুত্তরা। লোকা নিস্সরন্তীতি – লোকুত্তরা। লোকতো নিস্সরন্তীতি – লোকুত্তরা। লোকম্হা নিস্সরন্তীতি – লোকুত্তরা। লোকা নিস্সটাতি – লোকুত্তরা। লোকেন নিস্সটাতি – লোকুত্তরা। লোকম্হা নিস্সটাতি – লোকুত্তরা। লোকে ন তিট্ঠন্তীতি – লোকুত্তরা। লোকস্মিং ন তিট্ঠন্তীতি – লোকুত্তরা। লোকে ন লিম্পন্তীতি – লোকুত্তরা। লোকেন ন লিম্পন্তীতি – লোকুত্তরা। লোকে অসংলিত্তাতি – লোকুত্তরা। লোকেন অসংলিত্তাতি – লোকুত্তরা। লোকে অনুপলিত্তাতি – লোকুত্তরা। লোকেন অনুপলিত্তাতি – লোকুত্তরা। লোকে ৰিপ্পমুত্তাতি – লোকুত্তরা। লোকেন ৰিপ্পমুত্তাতি – লোকুত্তরা। লোকা ৰিপ্পমুত্তাতি – লোকুত্তরা। লোকতো ৰিপ্পমুত্তাতি – লোকুত্তরা। লোকম্হা ৰিপ্পমুত্তাতি – লোকুত্তরা। লোকে ৰিসঞ্ঞুত্তাতি – লোকুত্তরা। লোকেন ৰিসঞ্ঞুত্তাতি – লোকুত্তরা। লোকা ৰিসঞ্ঞুত্তাতি – লোকুত্তরা। লোকস্মিং ৰিসঞ্ঞুত্তাতি – লোকুত্তরা। লোকতো ৰিসঞ্ঞুত্তাতি – লোকুত্তরা। লোকম্হা ৰিসঞ্ঞুত্তাতি – লোকুত্তরা। লোকা সুজ্ঝন্তীতি – লোকুত্তরা। লোকতো সুজ্ঝন্তীতি – লোকুত্তরা। লোকম্হা সুজ্ঝন্তীতি – লোকুত্তরা। লোকা ৰিসুজ্ঝন্তীতি – লোকুত্তরা। লোকতো ৰিসুজ্ঝন্তীতি – লোকুত্তরা। লোকম্হা ৰিসুজ্ঝন্তীতি – লোকুত্তরা। লোকা ৰুট্ঠহন্তীতি 1 – লোকুত্তরা। লোকতো ৰুট্ঠহন্তীতি – লোকুত্তরা। লোকম্হা ৰুট্ঠহন্তীতি – লোকুত্তরা। লোকা ৰিৰট্টন্তীতি – লোকুত্তরা । লোকতো ৰিৰট্টন্তীতি – লোকুত্তরা। লোকম্হা ৰিৰট্টন্তীতি – লোকুত্তরা। লোকে ন সজ্জন্তীতি – লোকুত্তরা। লোকে ন গয্হন্তীতি – লোকুত্তরা। লোকে ন বজ্ঝন্তীতি – লোকুত্তরা। লোকং সমুচ্ছিন্দন্তীতি – লোকুত্তরা। লোকং সমুচ্ছিন্নত্তাতি – লোকুত্তরা। লোকং পটিপ্পস্সম্ভেন্তীতি – লোকুত্তরা। লোকং পটিপ্পস্সম্ভিতত্তাতি – লোকুত্তরা। লোকস্স অপথাতি – লোকুত্তরা। লোকস্স অগতীতি – লোকুত্তরা। লোকস্স অৰিসযাতি – লোকুত্তরা। লোকস্স অসাধারণাতি – লোকুত্তরা। লোকং ৰমন্তীতি – লোকুত্তরা। লোকং ন পচ্চাৰমন্তীতি – লোকুত্তরা। লোকং পজহন্তীতি – লোকুত্তরা। লোকং ন উপাদিযন্তীতি – লোকুত্তরা। লোকং ৰিসিনেন্তীতি – লোকুত্তরা। লোকং ন উস্সিনেন্তীতি – লোকুত্তরা। লোকং ৰিধূপেন্তীতি – লোকুত্তরা। লোকং ন সংধূপেন্তীতি – লোকুত্তরা। লোকং সমতিক্কম্ম অভিভুয্য তিট্ঠন্তীতি – লোকুত্তরা।
Lokuttarāti kenaṭṭhena lokuttarā? Lokaṃ tarantīti – lokuttarā. Lokā uttarantīti – lokuttarā. Lokato uttarantīti – lokuttarā. Lokamhā uttarantīti – lokuttarā. Lokaṃ atikkamantīti – lokuttarā. Lokaṃ samatikkamantīti – lokuttarā. Lokaṃ samatikkantāti – lokuttarā. Lokena atirekāti – lokuttarā. Lokantaṃ tarantīti – lokuttarā. Lokā nissarantīti – lokuttarā. Lokato nissarantīti – lokuttarā. Lokamhā nissarantīti – lokuttarā. Lokā nissaṭāti – lokuttarā. Lokena nissaṭāti – lokuttarā. Lokamhā nissaṭāti – lokuttarā. Loke na tiṭṭhantīti – lokuttarā. Lokasmiṃ na tiṭṭhantīti – lokuttarā. Loke na limpantīti – lokuttarā. Lokena na limpantīti – lokuttarā. Loke asaṃlittāti – lokuttarā. Lokena asaṃlittāti – lokuttarā. Loke anupalittāti – lokuttarā. Lokena anupalittāti – lokuttarā. Loke vippamuttāti – lokuttarā. Lokena vippamuttāti – lokuttarā. Lokā vippamuttāti – lokuttarā. Lokato vippamuttāti – lokuttarā. Lokamhā vippamuttāti – lokuttarā. Loke visaññuttāti – lokuttarā. Lokena visaññuttāti – lokuttarā. Lokā visaññuttāti – lokuttarā. Lokasmiṃ visaññuttāti – lokuttarā. Lokato visaññuttāti – lokuttarā. Lokamhā visaññuttāti – lokuttarā. Lokā sujjhantīti – lokuttarā. Lokato sujjhantīti – lokuttarā. Lokamhā sujjhantīti – lokuttarā. Lokā visujjhantīti – lokuttarā. Lokato visujjhantīti – lokuttarā. Lokamhā visujjhantīti – lokuttarā. Lokā vuṭṭhahantīti 2 – lokuttarā. Lokato vuṭṭhahantīti – lokuttarā. Lokamhā vuṭṭhahantīti – lokuttarā. Lokā vivaṭṭantīti – lokuttarā . Lokato vivaṭṭantīti – lokuttarā. Lokamhā vivaṭṭantīti – lokuttarā. Loke na sajjantīti – lokuttarā. Loke na gayhantīti – lokuttarā. Loke na bajjhantīti – lokuttarā. Lokaṃ samucchindantīti – lokuttarā. Lokaṃ samucchinnattāti – lokuttarā. Lokaṃ paṭippassambhentīti – lokuttarā. Lokaṃ paṭippassambhitattāti – lokuttarā. Lokassa apathāti – lokuttarā. Lokassa agatīti – lokuttarā. Lokassa avisayāti – lokuttarā. Lokassa asādhāraṇāti – lokuttarā. Lokaṃ vamantīti – lokuttarā. Lokaṃ na paccāvamantīti – lokuttarā. Lokaṃ pajahantīti – lokuttarā. Lokaṃ na upādiyantīti – lokuttarā. Lokaṃ visinentīti – lokuttarā. Lokaṃ na ussinentīti – lokuttarā. Lokaṃ vidhūpentīti – lokuttarā. Lokaṃ na saṃdhūpentīti – lokuttarā. Lokaṃ samatikkamma abhibhuyya tiṭṭhantīti – lokuttarā.
লোকুত্তরকথা নিট্ঠিতা।
Lokuttarakathā niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / লোকুত্তরকথাৰণ্ণনা • Lokuttarakathāvaṇṇanā
