| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
8. логуд̇д̇арагат̇аа
8. Lokuttarakathā
43. гад̇амз д̇хаммаа логуд̇д̇араа? жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о, жад̇д̇ааро арияамаг̇г̇аа, жад̇д̇аари жа сааман̃н̃апалаани, ниб̣б̣аанан̃жа – имз д̇хаммаа логуд̇д̇араа.
43. Katame dhammā lokuttarā? Cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo, cattāro ariyamaggā, cattāri ca sāmaññaphalāni, nibbānañca – ime dhammā lokuttarā.
логуд̇д̇араад̇и гзнадтзна логуд̇д̇араа? логам̣ д̇аранд̇ийд̇и – логуд̇д̇араа. логаа уд̇д̇аранд̇ийд̇и – логуд̇д̇араа. логад̇о уд̇д̇аранд̇ийд̇и – логуд̇д̇араа. логамхаа уд̇д̇аранд̇ийд̇и – логуд̇д̇араа. логам̣ ад̇иггаманд̇ийд̇и – логуд̇д̇араа. логам̣ самад̇иггаманд̇ийд̇и – логуд̇д̇араа. логам̣ самад̇игганд̇аад̇и – логуд̇д̇араа. логзна ад̇ирзгаад̇и – логуд̇д̇араа. логанд̇ам̣ д̇аранд̇ийд̇и – логуд̇д̇араа. логаа ниссаранд̇ийд̇и – логуд̇д̇араа. логад̇о ниссаранд̇ийд̇и – логуд̇д̇араа. логамхаа ниссаранд̇ийд̇и – логуд̇д̇араа. логаа ниссадаад̇и – логуд̇д̇араа. логзна ниссадаад̇и – логуд̇д̇араа. логамхаа ниссадаад̇и – логуд̇д̇араа. логз на д̇идтанд̇ийд̇и – логуд̇д̇араа. логасмим̣ на д̇идтанд̇ийд̇и – логуд̇д̇араа. логз на лимбанд̇ийд̇и – логуд̇д̇араа. логзна на лимбанд̇ийд̇и – логуд̇д̇араа. логз асам̣лид̇д̇аад̇и – логуд̇д̇араа. логзна асам̣лид̇д̇аад̇и – логуд̇д̇араа. логз анубалид̇д̇аад̇и – логуд̇д̇араа. логзна анубалид̇д̇аад̇и – логуд̇д̇араа. логз виббамуд̇д̇аад̇и – логуд̇д̇араа. логзна виббамуд̇д̇аад̇и – логуд̇д̇араа. логаа виббамуд̇д̇аад̇и – логуд̇д̇араа. логад̇о виббамуд̇д̇аад̇и – логуд̇д̇араа. логамхаа виббамуд̇д̇аад̇и – логуд̇д̇араа. логз висан̃н̃уд̇д̇аад̇и – логуд̇д̇араа. логзна висан̃н̃уд̇д̇аад̇и – логуд̇д̇араа. логаа висан̃н̃уд̇д̇аад̇и – логуд̇д̇араа. логасмим̣ висан̃н̃уд̇д̇аад̇и – логуд̇д̇араа. логад̇о висан̃н̃уд̇д̇аад̇и – логуд̇д̇араа. логамхаа висан̃н̃уд̇д̇аад̇и – логуд̇д̇араа. логаа суж̇жханд̇ийд̇и – логуд̇д̇араа. логад̇о суж̇жханд̇ийд̇и – логуд̇д̇араа. логамхаа суж̇жханд̇ийд̇и – логуд̇д̇араа. логаа висуж̇жханд̇ийд̇и – логуд̇д̇араа. логад̇о висуж̇жханд̇ийд̇и – логуд̇д̇араа. логамхаа висуж̇жханд̇ийд̇и – логуд̇д̇араа. логаа вудтаханд̇ийд̇и 1 – логуд̇д̇араа. логад̇о вудтаханд̇ийд̇и – логуд̇д̇араа. логамхаа вудтаханд̇ийд̇и – логуд̇д̇араа. логаа вивадданд̇ийд̇и – логуд̇д̇араа . логад̇о вивадданд̇ийд̇и – логуд̇д̇араа. логамхаа вивадданд̇ийд̇и – логуд̇д̇араа. логз на саж̇ж̇анд̇ийд̇и – логуд̇д̇араа. логз на г̇аяханд̇ийд̇и – логуд̇д̇араа. логз на б̣аж̇жханд̇ийд̇и – логуд̇д̇араа. логам̣ самужчинд̣̇анд̇ийд̇и – логуд̇д̇араа. логам̣ самужчиннад̇д̇аад̇и – логуд̇д̇араа. логам̣ бадиббассамбхзнд̇ийд̇и – логуд̇д̇араа. логам̣ бадиббассамбхид̇ад̇д̇аад̇и – логуд̇д̇араа. логасса абат̇аад̇и – логуд̇д̇араа. логасса аг̇ад̇ийд̇и – логуд̇д̇араа. логасса ависаяаад̇и – логуд̇д̇араа. логасса асаад̇хааран̣аад̇и – логуд̇д̇араа. логам̣ ваманд̇ийд̇и – логуд̇д̇араа. логам̣ на бажжааваманд̇ийд̇и – логуд̇д̇араа. логам̣ баж̇аханд̇ийд̇и – логуд̇д̇араа. логам̣ на убаад̣̇ияанд̇ийд̇и – логуд̇д̇араа. логам̣ висинзнд̇ийд̇и – логуд̇д̇араа. логам̣ на уссинзнд̇ийд̇и – логуд̇д̇араа. логам̣ вид̇хуубзнд̇ийд̇и – логуд̇д̇араа. логам̣ на сам̣д̇хуубзнд̇ийд̇и – логуд̇д̇араа. логам̣ самад̇иггамма абхибхуяяа д̇идтанд̇ийд̇и – логуд̇д̇араа.
Lokuttarāti kenaṭṭhena lokuttarā? Lokaṃ tarantīti – lokuttarā. Lokā uttarantīti – lokuttarā. Lokato uttarantīti – lokuttarā. Lokamhā uttarantīti – lokuttarā. Lokaṃ atikkamantīti – lokuttarā. Lokaṃ samatikkamantīti – lokuttarā. Lokaṃ samatikkantāti – lokuttarā. Lokena atirekāti – lokuttarā. Lokantaṃ tarantīti – lokuttarā. Lokā nissarantīti – lokuttarā. Lokato nissarantīti – lokuttarā. Lokamhā nissarantīti – lokuttarā. Lokā nissaṭāti – lokuttarā. Lokena nissaṭāti – lokuttarā. Lokamhā nissaṭāti – lokuttarā. Loke na tiṭṭhantīti – lokuttarā. Lokasmiṃ na tiṭṭhantīti – lokuttarā. Loke na limpantīti – lokuttarā. Lokena na limpantīti – lokuttarā. Loke asaṃlittāti – lokuttarā. Lokena asaṃlittāti – lokuttarā. Loke anupalittāti – lokuttarā. Lokena anupalittāti – lokuttarā. Loke vippamuttāti – lokuttarā. Lokena vippamuttāti – lokuttarā. Lokā vippamuttāti – lokuttarā. Lokato vippamuttāti – lokuttarā. Lokamhā vippamuttāti – lokuttarā. Loke visaññuttāti – lokuttarā. Lokena visaññuttāti – lokuttarā. Lokā visaññuttāti – lokuttarā. Lokasmiṃ visaññuttāti – lokuttarā. Lokato visaññuttāti – lokuttarā. Lokamhā visaññuttāti – lokuttarā. Lokā sujjhantīti – lokuttarā. Lokato sujjhantīti – lokuttarā. Lokamhā sujjhantīti – lokuttarā. Lokā visujjhantīti – lokuttarā. Lokato visujjhantīti – lokuttarā. Lokamhā visujjhantīti – lokuttarā. Lokā vuṭṭhahantīti 2 – lokuttarā. Lokato vuṭṭhahantīti – lokuttarā. Lokamhā vuṭṭhahantīti – lokuttarā. Lokā vivaṭṭantīti – lokuttarā . Lokato vivaṭṭantīti – lokuttarā. Lokamhā vivaṭṭantīti – lokuttarā. Loke na sajjantīti – lokuttarā. Loke na gayhantīti – lokuttarā. Loke na bajjhantīti – lokuttarā. Lokaṃ samucchindantīti – lokuttarā. Lokaṃ samucchinnattāti – lokuttarā. Lokaṃ paṭippassambhentīti – lokuttarā. Lokaṃ paṭippassambhitattāti – lokuttarā. Lokassa apathāti – lokuttarā. Lokassa agatīti – lokuttarā. Lokassa avisayāti – lokuttarā. Lokassa asādhāraṇāti – lokuttarā. Lokaṃ vamantīti – lokuttarā. Lokaṃ na paccāvamantīti – lokuttarā. Lokaṃ pajahantīti – lokuttarā. Lokaṃ na upādiyantīti – lokuttarā. Lokaṃ visinentīti – lokuttarā. Lokaṃ na ussinentīti – lokuttarā. Lokaṃ vidhūpentīti – lokuttarā. Lokaṃ na saṃdhūpentīti – lokuttarā. Lokaṃ samatikkamma abhibhuyya tiṭṭhantīti – lokuttarā.
логуд̇д̇арагат̇аа нидтид̇аа.
Lokuttarakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / логуд̇д̇арагат̇ааван̣н̣анаа • Lokuttarakathāvaṇṇanā
