| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
8. логуд̇д̇арагат̇аа
8. Lokuttarakathā
логуд̇д̇арагат̇ааван̣н̣анаа
Lokuttarakathāvaṇṇanā
43. ид̣̇аани логуд̇д̇арад̇хаммавад̇ияаа д̇хаммажаггагат̇ааяа ананд̇арам̣ гат̇ид̇ааяа логуд̇д̇арагат̇ааяа абуб̣б̣ад̇т̇аануван̣н̣анаа. д̇ад̇т̇а логуд̇д̇арабад̣̇асса ад̇т̇о нид̣̇д̣̇зсаваарз аави бхависсад̇и. жад̇д̇ааро сад̇ибадтаанаад̇иаад̣̇аяо сад̇д̇ад̇им̣са б̣од̇хибагкияад̇хаммаа яат̇ааяог̇ам̣ маг̇г̇апаласамбаяуд̇д̇аа. д̇з б̣уж̇жханадтзна б̣од̇хийд̇и звам̣лад̣̇д̇ханаамасса арияасса багкз бхавад̇д̇аа б̣од̇хибагкияаа наама. багкз бхавад̇д̇аад̇и убагаарабхаавз тид̇ад̇д̇аа. д̇зсу аарамман̣зсу огганд̇ид̇ваа багканд̣̇ид̇ваа убадтаанад̇о убадтаанам̣, сад̇иязва убадтаанам̣ сад̇ибадтаанам̣. гааяавзд̣̇анаажид̇д̇ад̇хаммзсу банасса асубхад̣̇угкаанижжаанад̇д̇аагаараг̇ахан̣авасзна субхасуканижжаад̇д̇асан̃н̃аабахаанагижжасаад̇ханавасзна жа бавад̇д̇ид̇о жад̇уд̇хаа бхзд̣̇о ход̇и. д̇асмаа жад̇д̇ааро сад̇ибадтаанаад̇и вужжад̇и. бад̣̇аханд̇и зд̇знаад̇и бад̇хаанам̣, собханам̣ бад̇хаанам̣ саммаббад̇хаанам̣, саммаа ваа бад̣̇аханд̇и зд̇знаад̇и саммаббад̇хаанам̣, собханам̣ ваа д̇ам̣ гилзсавируубабавад̇д̇авирахид̇ад̇о бад̇хаанан̃жа хид̇асуканибпаад̣̇агадтзна сздтабхаавааваханад̇о бад̇хаанабхаавагаран̣ад̇о ваад̇и саммаббад̇хаанам̣. вийрияассзд̇ам̣ ад̇хиважанам̣. д̇аяид̣̇ам̣ уббаннаануббаннаанам̣ агусалаанам̣ бахаанаануббад̇д̇игижжам̣, ануббаннуббаннаанан̃жа гусалаанам̣ уббад̇д̇идтид̇игижжам̣ саад̇хаяад̇ийд̇и жад̇уб̣б̣ид̇хам̣ ход̇и. д̇асмаа жад̇д̇ааро саммаббад̇хаанаад̇и вужжад̇и. нибпад̇д̇ибарияааязна иж̇жханадтзна, иж̇жханд̇и зд̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и иминаа ваа барияааязна ид̣̇д̇хи, д̇ассаа самбаяуд̇д̇ааяа буб̣б̣ан̇г̇амадтзна палабхууд̇ааяа буб̣б̣абхааг̇агааран̣адтзна жа ид̣̇д̇хияаа баад̣̇од̇и ид̣̇д̇хибаад̣̇о. со чанд̣̇авийрияажид̇д̇авиймам̣саавасзна жад̇уб̣б̣ид̇хова ход̇и. д̇асмаа жад̇д̇ааро ид̣̇д̇хибаад̣̇аад̇и вужжад̇и. ассад̣̇д̇хияагосаж̇ж̇абамаад̣̇авигкзбасаммохаанам̣ абхибхаванад̇о абхибхаванасан̇каад̇зна ад̇хибад̇ияадтзна инд̣̇рияам̣. ассад̣̇д̇хияаад̣̇ийхи анабхибхаванийяад̇о агамбияадтзна б̣алам̣. д̇ад̣̇убхаяамби сад̣̇д̇хаавийрияасад̇исамаад̇хибан̃н̃аавасзна бан̃жавид̇хам̣ ход̇и. д̇асмаа бан̃жинд̣̇рияаани бан̃жа б̣алаанийд̇и вужжанд̇и. б̣уж̇жханагасад̇д̇асса бана ан̇г̇абхаавзна сад̇иаад̣̇аяо сад̇д̇а д̇хаммаа б̣ож̇жхан̇г̇аа, нияяаанадтзна жа саммаад̣̇идтиаад̣̇аяо адта маг̇г̇ан̇г̇аа хонд̇и. д̇зна вужжад̇и сад̇д̇а б̣ож̇жхан̇г̇аа арияо адтан̇г̇иго маг̇г̇од̇и.
43. Idāni lokuttaradhammavatiyā dhammacakkakathāya anantaraṃ kathitāya lokuttarakathāya apubbatthānuvaṇṇanā. Tattha lokuttarapadassa attho niddesavāre āvi bhavissati. Cattāro satipaṭṭhānātiādayo sattatiṃsa bodhipakkhiyadhammā yathāyogaṃ maggaphalasampayuttā. Te bujjhanaṭṭhena bodhīti evaṃladdhanāmassa ariyassa pakkhe bhavattā bodhipakkhiyā nāma. Pakkhe bhavattāti upakārabhāve ṭhitattā. Tesu ārammaṇesu okkantitvā pakkhanditvā upaṭṭhānato upaṭṭhānaṃ, satiyeva upaṭṭhānaṃ satipaṭṭhānaṃ. Kāyavedanācittadhammesu panassa asubhadukkhāniccānattākāragahaṇavasena subhasukhaniccaattasaññāpahānakiccasādhanavasena ca pavattito catudhā bhedo hoti. Tasmā cattāro satipaṭṭhānāti vuccati. Padahanti etenāti padhānaṃ, sobhanaṃ padhānaṃ sammappadhānaṃ, sammā vā padahanti etenāti sammappadhānaṃ, sobhanaṃ vā taṃ kilesavirūpapavattavirahitato padhānañca hitasukhanipphādakaṭṭhena seṭṭhabhāvāvahanato padhānabhāvakaraṇato vāti sammappadhānaṃ. Vīriyassetaṃ adhivacanaṃ. Tayidaṃ uppannānuppannānaṃ akusalānaṃ pahānānuppattikiccaṃ, anuppannuppannānañca kusalānaṃ uppattiṭṭhitikiccaṃ sādhayatīti catubbidhaṃ hoti. Tasmā cattāro sammappadhānāti vuccati. Nipphattipariyāyena ijjhanaṭṭhena, ijjhanti etāya sattā iddhā vuddhā ukkaṃsagatā hontīti iminā vā pariyāyena iddhi, tassā sampayuttāya pubbaṅgamaṭṭhena phalabhūtāya pubbabhāgakāraṇaṭṭhena ca iddhiyā pādoti iddhipādo. So chandavīriyacittavīmaṃsāvasena catubbidhova hoti. Tasmā cattāro iddhipādāti vuccati. Assaddhiyakosajjapamādavikkhepasammohānaṃ abhibhavanato abhibhavanasaṅkhātena adhipatiyaṭṭhena indriyaṃ. Assaddhiyādīhi anabhibhavanīyato akampiyaṭṭhena balaṃ. Tadubhayampi saddhāvīriyasatisamādhipaññāvasena pañcavidhaṃ hoti. Tasmā pañcindriyāni pañca balānīti vuccanti. Bujjhanakasattassa pana aṅgabhāvena satiādayo satta dhammā bojjhaṅgā, niyyānaṭṭhena ca sammādiṭṭhiādayo aṭṭha maggaṅgā honti. Tena vuccati satta bojjhaṅgā ariyo aṭṭhaṅgiko maggoti.
ид̇и имз сад̇д̇ад̇им̣са б̣од̇хибагкияаа д̇хаммаа буб̣б̣абхааг̇з логияавибассанааяа вад̇д̇амаанааяа жуд̣̇д̣̇асавид̇хзна гааяам̣ бариг̇г̇ан̣хад̇о жа гааяаанубассанаасад̇ибадтаанам̣, нававид̇хзна взд̣̇анам̣ бариг̇г̇ан̣хад̇о жа взд̣̇анаанубассанаасад̇ибадтаанам̣, сол̣асавид̇хзна жид̇д̇ам̣ бариг̇г̇ан̣хад̇о жа жид̇д̇аанубассанаасад̇ибадтаанам̣, бан̃жавид̇хзна д̇хаммз бариг̇г̇ан̣хад̇о жа д̇хаммаанубассанаасад̇ибадтаанам̣. ид̇и имасмим̣ ад̇д̇абхаавз ануббаннабуб̣б̣ам̣ барасса уббаннам̣ агусалам̣ д̣̇исваа ‘‘яат̇аа бадибаннасса д̇асса д̇ам̣ уббаннам̣, на д̇ат̇аа бадибаж̇ж̇иссаами, звам̣ мз зд̇ам̣ нуббаж̇ж̇иссад̇ий’’д̇и д̇асса ануббаад̣̇ааяа вааяаманагаалз батамам̣ саммаббад̇хаанам̣, ад̇д̇ано самуд̣̇аажаараббад̇д̇амагусалам̣ д̣̇исваа д̇асса бахаанааяа вааяаманагаалз д̣̇уд̇ияам̣, имасмим̣ ад̇д̇абхаавз ануббаннабуб̣б̣ам̣ жхаанам̣ ваа вибассанам̣ ваа уббаад̣̇зд̇ум̣ вааяаманд̇асса д̇ад̇ияам̣, уббаннам̣ яат̇аа на барихааяад̇и, звам̣ бунаббунам̣ уббаад̣̇знд̇асса жад̇уд̇т̇ам̣ саммаббад̇хаанам̣. чанд̣̇ам̣ д̇хурам̣ гад̇ваа гусалуббаад̣̇анагаалз чанд̣̇ид̣̇д̇хибаад̣̇о, вийрияам̣, жид̇д̇ам̣, виймам̣сам̣ д̇хурам̣ гад̇ваа гусалуббаад̣̇анагаалз виймам̣сид̣̇д̇хибаад̣̇о. мижчааваажааяа вираман̣агаалз саммааваажаа , мижчаагамманд̇аа, мижчааж̇ийваа вираман̣агаалз саммааж̇ийвод̇и звам̣ наанаажид̇д̇зсу лаб̣бханд̇и. жад̇умаг̇г̇агкан̣з бана згажид̇д̇з лаб̣бханд̇и, палагкан̣з табзд̇ваа жад̇д̇ааро саммаббад̇хаанз авасзсаа д̇зд̇д̇им̣са лаб̣бханд̇и. звам̣ згажид̇д̇з лаб̣бхамаанзсу жзд̇зсу згаава ниб̣б̣аанаарамман̣аа сад̇и гааяаад̣̇ийсу субхасан̃н̃аад̣̇ибахаанагижжасаад̇ханавасзна ‘‘жад̇д̇ааро сад̇ибадтаанаа’’д̇и вужжад̇и. згамзва жа вийрияам̣ ануббаннуббаннаанам̣ ануббаад̣̇аад̣̇игижжасаад̇ханавасзна ‘‘жад̇д̇ааро саммаббад̇хаанаа’’д̇и вужжад̇и. сзсзсу хаабанавад̣дханам̣ над̇т̇и.
Iti ime sattatiṃsa bodhipakkhiyā dhammā pubbabhāge lokiyavipassanāya vattamānāya cuddasavidhena kāyaṃ pariggaṇhato ca kāyānupassanāsatipaṭṭhānaṃ, navavidhena vedanaṃ pariggaṇhato ca vedanānupassanāsatipaṭṭhānaṃ, soḷasavidhena cittaṃ pariggaṇhato ca cittānupassanāsatipaṭṭhānaṃ, pañcavidhena dhamme pariggaṇhato ca dhammānupassanāsatipaṭṭhānaṃ. Iti imasmiṃ attabhāve anuppannapubbaṃ parassa uppannaṃ akusalaṃ disvā ‘‘yathā paṭipannassa tassa taṃ uppannaṃ, na tathā paṭipajjissāmi, evaṃ me etaṃ nuppajjissatī’’ti tassa anuppādāya vāyamanakāle paṭhamaṃ sammappadhānaṃ, attano samudācārappattamakusalaṃ disvā tassa pahānāya vāyamanakāle dutiyaṃ, imasmiṃ attabhāve anuppannapubbaṃ jhānaṃ vā vipassanaṃ vā uppādetuṃ vāyamantassa tatiyaṃ, uppannaṃ yathā na parihāyati, evaṃ punappunaṃ uppādentassa catutthaṃ sammappadhānaṃ. Chandaṃ dhuraṃ katvā kusaluppādanakāle chandiddhipādo, vīriyaṃ, cittaṃ, vīmaṃsaṃ dhuraṃ katvā kusaluppādanakāle vīmaṃsiddhipādo. Micchāvācāya viramaṇakāle sammāvācā , micchākammantā, micchājīvā viramaṇakāle sammājīvoti evaṃ nānācittesu labbhanti. Catumaggakkhaṇe pana ekacitte labbhanti, phalakkhaṇe ṭhapetvā cattāro sammappadhāne avasesā tettiṃsa labbhanti. Evaṃ ekacitte labbhamānesu cetesu ekāva nibbānārammaṇā sati kāyādīsu subhasaññādipahānakiccasādhanavasena ‘‘cattāro satipaṭṭhānā’’ti vuccati. Ekameva ca vīriyaṃ anuppannuppannānaṃ anuppādādikiccasādhanavasena ‘‘cattāro sammappadhānā’’ti vuccati. Sesesu hāpanavaḍḍhanaṃ natthi.
абижа д̇зсу –
Apica tesu –
нава згавид̇хаа зго, д̣̇взд̇хаат̇а жад̇убан̃жад̇хаа;
Nava ekavidhā eko, dvedhātha catupañcadhā;
адтад̇хаа навад̇хаа жзва, ид̇и чад̣̇д̇хаа бхаванд̇и д̇з.
Aṭṭhadhā navadhā ceva, iti chaddhā bhavanti te.
нава згавид̇хаад̇и чанд̣̇о жид̇д̇ам̣ бийд̇и бассад̣̇д̇хи убзгкаа сан̇габбо ваажаа гамманд̇о ааж̇ийвод̇и имз нава чанд̣̇ид̣̇д̇хибаад̣̇аад̣̇ивасзна згавид̇хаава хонд̇и, ан̃н̃агодтаасам̣ на бхаж̇анд̇и. зго д̣̇взд̇хаад̇и сад̣̇д̇хаа инд̣̇рияаб̣алавасзна д̣̇взд̇хаа тид̇аа. ат̇а жад̇убан̃жад̇хаад̇и ат̇ан̃н̃о зго жад̇уд̇хаа, ан̃н̃о бан̃жад̇хаа тид̇од̇и ад̇т̇о. д̇ад̇т̇а самаад̇хи зго инд̣̇рияаб̣алаб̣ож̇жхан̇г̇амаг̇г̇ан̇г̇авасзна жад̇уд̇хаа тид̇о, бан̃н̃аа д̇зсам̣ жад̇уннам̣ ид̣̇д̇хибаад̣̇агодтаасасса жа васзна бан̃жад̇хаа. адтад̇хаа навад̇хаа жзваад̇и абаро зго адтад̇хаа, зго навад̇хаа тид̇од̇и ад̇т̇о. жад̇усад̇ибадтаанаинд̣̇рияаб̣алаб̣ож̇жхан̇г̇амаг̇г̇ан̇г̇авасзна сад̇и адтад̇хаа тид̇аа, жад̇усаммаббад̇хаанаид̣̇д̇хибаад̣̇аинд̣̇рияаб̣алаб̣ож̇жхан̇г̇амаг̇г̇ан̇г̇авасзна вийрияам̣ навад̇хаад̇и. звам̣ –
Navaekavidhāti chando cittaṃ pīti passaddhi upekkhā saṅkappo vācā kammanto ājīvoti ime nava chandiddhipādādivasena ekavidhāva honti, aññakoṭṭhāsaṃ na bhajanti. Eko dvedhāti saddhā indriyabalavasena dvedhā ṭhitā. Atha catupañcadhāti athañño eko catudhā, añño pañcadhā ṭhitoti attho. Tattha samādhi eko indriyabalabojjhaṅgamaggaṅgavasena catudhā ṭhito, paññā tesaṃ catunnaṃ iddhipādakoṭṭhāsassa ca vasena pañcadhā. Aṭṭhadhā navadhā cevāti aparo eko aṭṭhadhā, eko navadhā ṭhitoti attho. Catusatipaṭṭhānaindriyabalabojjhaṅgamaggaṅgavasena sati aṭṭhadhā ṭhitā, catusammappadhānaiddhipādaindriyabalabojjhaṅgamaggaṅgavasena vīriyaṃ navadhāti. Evaṃ –
жуд̣̇д̣̇асзва асамбхиннаа, хонд̇зд̇з б̣од̇хибагкияаа;
Cuddaseva asambhinnā, hontete bodhipakkhiyā;
годтаасад̇о сад̇д̇авид̇хаа, сад̇д̇ад̇им̣са бабхзд̣̇ад̇о.
Koṭṭhāsato sattavidhā, sattatiṃsa pabhedato.
сагижжанибпаад̣̇анад̇о, саруубзна жа вуд̇д̇ид̇о;
Sakiccanipphādanato, sarūpena ca vuttito;
саб̣б̣зва арияамаг̇г̇асса, самбхавз самбхаванд̇и д̇з.
Sabbeva ariyamaggassa, sambhave sambhavanti te.
звам̣ маг̇г̇апаласамбаяуд̇д̇з сад̇д̇ад̇им̣са б̣од̇хибагкияад̇хаммз д̣̇ассзд̇ваа буна д̇з маг̇г̇апалзсу сан̇кибид̇ваа жад̇д̇ааро арияамаг̇г̇аа жад̇д̇аари жа сааман̃н̃апалаанийд̇и ааха. саман̣абхааво сааман̃н̃ам̣, жад̇уннам̣ арияамаг̇г̇аанамзд̇ам̣ наамам̣. сааман̃н̃аанам̣ палаани сааман̃н̃апалаани. ниб̣б̣аанам̣ бана саб̣б̣зхи асаммиссамзва. ид̇и вид̇т̇аарад̇о сад̇д̇ад̇им̣саб̣од̇хибагкияажад̇умаг̇г̇ажад̇упаланиб̣б̣аанаанам̣ васзна чажад̇д̇аалийса логуд̇д̇арад̇хаммаа, д̇ад̇о сан̇кзбзна жад̇умаг̇г̇ажад̇упаланиб̣б̣аанаанам̣ васзна нава логуд̇д̇арад̇хаммаа, д̇ад̇оби сан̇кзбзна маг̇г̇апаланиб̣б̣аанаанам̣ васзна д̇аяо логуд̇д̇арад̇хаммаад̇и взд̣̇ид̇аб̣б̣ам̣. сад̇ибадтаанаад̣̇ийнам̣ маг̇г̇апалаанан̃жа логуд̇д̇арад̇д̇з вуд̇д̇з д̇ам̣самбаяуд̇д̇аанам̣ пассаад̣̇ийнамби логуд̇д̇арад̇д̇ам̣ вуд̇д̇амзва ход̇и. бад̇хаанад̇хаммавасзна бана сад̇ибадтаанаад̣̇аяова вуд̇д̇аа. абхид̇хаммз (д̇ха. са. 277 аад̣̇аяо, 505 аад̣̇аяо) жа логуд̇д̇арад̇хамманид̣̇д̣̇зсз маг̇г̇апаласамбаяуд̇д̇аанам̣ пассаад̣̇ийнам̣ логуд̇д̇арад̇д̇ам̣ вуд̇д̇амзваад̇и.
Evaṃ maggaphalasampayutte sattatiṃsa bodhipakkhiyadhamme dassetvā puna te maggaphalesu saṅkhipitvā cattāro ariyamaggā cattāri ca sāmaññaphalānīti āha. Samaṇabhāvo sāmaññaṃ, catunnaṃ ariyamaggānametaṃ nāmaṃ. Sāmaññānaṃ phalāni sāmaññaphalāni. Nibbānaṃ pana sabbehi asammissameva. Iti vitthārato sattatiṃsabodhipakkhiyacatumaggacatuphalanibbānānaṃ vasena chacattālīsa lokuttaradhammā, tato saṅkhepena catumaggacatuphalanibbānānaṃ vasena nava lokuttaradhammā, tatopi saṅkhepena maggaphalanibbānānaṃ vasena tayo lokuttaradhammāti veditabbaṃ. Satipaṭṭhānādīnaṃ maggaphalānañca lokuttaratte vutte taṃsampayuttānaṃ phassādīnampi lokuttarattaṃ vuttameva hoti. Padhānadhammavasena pana satipaṭṭhānādayova vuttā. Abhidhamme (dha. sa. 277 ādayo, 505 ādayo) ca lokuttaradhammaniddese maggaphalasampayuttānaṃ phassādīnaṃ lokuttarattaṃ vuttamevāti.
логам̣ д̇аранд̇ийд̇и логам̣ ад̇иггаманд̇и. саб̣б̣амид̇ха ийд̣̇исам̣ вад̇д̇амаанагаалаважанам̣ жад̇д̇ааро арияамаг̇г̇з санд̇хааяа вуд̇д̇ам̣. сод̇аабад̇д̇имаг̇г̇о хи абааяалогам̣ д̇арад̇и, сагад̣̇ааг̇аамимаг̇г̇о гаамааважаралогзгад̣̇зсам̣ д̇арад̇и, анааг̇аамимаг̇г̇о гаамааважаралогам̣ д̇арад̇и, арахад̇д̇амаг̇г̇о руубааруубааважаралогам̣ д̇арад̇и. логаа уд̇д̇аранд̇ийд̇и логаа уг̇г̇ажчанд̇и. логад̇од̇и жа логамхаад̇и жа д̇ад̣̇зва ниссаггаважанам̣ висзсзд̇ваа д̣̇ассид̇ам̣. логам̣ самад̇иггаманд̇ийд̇и батамам̣ вуд̇д̇ад̇т̇амзва. д̇ад̇т̇а убасаг̇г̇ад̇т̇ам̣ анабзгкид̇ваа вуд̇д̇ам̣, ид̇ха саха убасаг̇г̇ад̇т̇зна вуд̇д̇ам̣. логам̣ самад̇игганд̇аад̇и яат̇аавуд̇д̇ам̣ логам̣ саммаа ад̇игганд̇аа. саб̣б̣амид̇ха ийд̣̇исам̣ ад̇ийд̇агаалаважанам̣ паланиб̣б̣аанаани санд̇хааяа вуд̇д̇ам̣, сод̇аабад̇д̇ипалаад̣̇ийни хи яат̇аавуд̇д̇ам̣ логам̣ ад̇иггамид̇ваа тид̇аани, сад̣̇аа ниб̣б̣аанам̣ саб̣б̣алогам̣ ад̇иггамид̇ваа тид̇ам̣. логзна ад̇ирзгаад̇и логад̇о ад̇хигабхууд̇аа. ид̣̇ам̣ саб̣б̣зби логуд̇д̇арад̇хаммз санд̇хааяа вуд̇д̇ам̣. ниссаранд̇ийд̇и ниг̇г̇ажчанд̇и. ниссадаад̇и ниг̇г̇ад̇аа. логз на д̇идтанд̇ийд̇иаад̣̇ийни адтаараса важанаани саб̣б̣алогуд̇д̇арзсуби яуж̇ж̇анд̇и. на д̇идтанд̇ийд̇и логз абарияаабаннад̇д̇аа вуд̇д̇ам̣. логз на лимбанд̇ийд̇и канд̇хасанд̇аанз вад̇д̇амаанааби д̇асмим̣ на лимбанд̇ийд̇и ад̇т̇о. логзна на лимбанд̇ийд̇и агад̇абадивзд̇хаанам̣ гзнажи жид̇д̇зна, гад̇абадивзд̇хаанам̣ агусалзна аббамад̇д̇знаби жид̇д̇зна на лимбанд̇ийд̇и ад̇т̇о. асам̣лид̇д̇аа анубалид̇д̇аад̇и убасаг̇г̇зна висзсид̇ам̣.
Lokaṃ tarantīti lokaṃ atikkamanti. Sabbamidha īdisaṃ vattamānakālavacanaṃ cattāro ariyamagge sandhāya vuttaṃ. Sotāpattimaggo hi apāyalokaṃ tarati, sakadāgāmimaggo kāmāvacaralokekadesaṃ tarati, anāgāmimaggo kāmāvacaralokaṃ tarati, arahattamaggo rūpārūpāvacaralokaṃ tarati. Lokā uttarantīti lokā uggacchanti. Lokatoti ca lokamhāti ca tadeva nissakkavacanaṃ visesetvā dassitaṃ. Lokaṃ samatikkamantīti paṭhamaṃ vuttatthameva. Tattha upasaggatthaṃ anapekkhitvā vuttaṃ, idha saha upasaggatthena vuttaṃ. Lokaṃ samatikkantāti yathāvuttaṃ lokaṃ sammā atikkantā. Sabbamidha īdisaṃ atītakālavacanaṃ phalanibbānāni sandhāya vuttaṃ, sotāpattiphalādīni hi yathāvuttaṃ lokaṃ atikkamitvā ṭhitāni, sadā nibbānaṃ sabbalokaṃ atikkamitvā ṭhitaṃ. Lokena atirekāti lokato adhikabhūtā. Idaṃ sabbepi lokuttaradhamme sandhāya vuttaṃ. Nissarantīti niggacchanti. Nissaṭāti niggatā. Loke na tiṭṭhantītiādīni aṭṭhārasa vacanāni sabbalokuttaresupi yujjanti. Na tiṭṭhantīti loke apariyāpannattā vuttaṃ. Loke na limpantīti khandhasantāne vattamānāpi tasmiṃ na limpantīti attho. Lokena na limpantīti akatapaṭivedhānaṃ kenaci cittena, katapaṭivedhānaṃ akusalena appamattenapi cittena na limpantīti attho. Asaṃlittā anupalittāti upasaggena visesitaṃ.
виббамуд̇д̇аад̇и алид̇д̇ад̇д̇амзва наанааб̣яан̃ж̇анзна висзсид̇ам̣. яз гзжи хи яад̇т̇а язна ваа алид̇д̇аа, д̇з д̇ад̇т̇а д̇зна ваа виббамуд̇д̇аа хонд̇и. логаа виббамуд̇д̇аад̇иаад̣̇ийни д̇ийн̣и ниссаггавасзна вуд̇д̇аани. висан̃н̃уд̇д̇аад̇и виббамуд̇д̇ад̇д̇ависзсанам̣. яз гзжи хи яад̇т̇а язна яад̇о виббамуд̇д̇аа, д̇з д̇ад̇т̇а д̇зна д̇ад̇о висан̃н̃уд̇д̇аа наама хонд̇и. логаа суж̇жханд̇ийд̇и логамалам̣ д̇ховид̇ваа логаа суж̇жханд̇и. висуж̇жханд̇ийд̇и д̇ад̣̇зва убасаг̇г̇зна висзсид̇ам̣. вудтаханд̇ийд̇и удтид̇аа хонд̇и. вивадданд̇ийд̇и нивадданд̇и. на саж̇ж̇анд̇ийд̇и на лаг̇г̇анд̇и. на г̇аяханд̇ийд̇и на г̇ан̣хийяанд̇и. на б̣аж̇жханд̇ийд̇и на б̣аад̇хийяанд̇и. самужчинд̣̇анд̇ийд̇и аббавад̇д̇им̣ гаронд̇и. яат̇аа жа логам̣ самужчиннад̇д̇аад̇и, д̇ат̇зва ‘‘логаа висуд̣̇д̇хад̇д̇аа’’д̇иаад̣̇и вуд̇д̇амзва ход̇и. бадиббассамбхзнд̇ийд̇и нирод̇хзнд̇и. абат̇аад̇иаад̣̇ийни жад̇д̇аари саб̣б̣зсуби логуд̇д̇арзсу яуж̇ж̇анд̇и. абат̇аад̇и амаг̇г̇аа. аг̇ад̇ийд̇и аббад̇идтаа. ависаяаад̇и анааяад̇д̇аа. асаад̇хааран̣аад̇и асамаанаа. ваманд̇ийд̇и уг̇г̇иланд̇и. на бажжааваманд̇ийд̇и вуд̇д̇абадибагканаязна вуд̇д̇ам̣, ванд̇ам̣ буна на ад̣̇анд̇ийд̇и ад̇т̇о. зд̇зна ванд̇асса суванд̇абхааво вуд̇д̇о ход̇и. ананд̇арад̣̇угад̇д̇аязби зсзва наяо. висийнзнд̇ийд̇и вигиранд̇и вимужжанд̇и, на б̣анд̇ханд̇ийд̇и ад̇т̇о. на уссийнзнд̇ийд̇и на вигиранд̇и на вимужжанд̇и. ‘‘висинзнд̇ий’’д̇и ‘‘на уссинзнд̇ий’’д̇и рассам̣ гад̇ваа баато сунд̣̇аро. вид̇хуубзнд̇ийд̇и ниб̣б̣аабзнд̇и. на сам̣д̇хуубзнд̇ийд̇и на уж̇ж̇аланд̇и. логам̣ самад̇иггамма абхибхуяяа д̇идтанд̇ийд̇и саб̣б̣зби логуд̇д̇араа д̇хаммаа логам̣ саммаа ад̇иггамид̇ваа абхибхавид̇ваа жа д̇идтанд̇ийд̇и логуд̇д̇араа. саб̣б̣зхиби имзхи яат̇аавуд̇д̇зхи багаарзхи логуд̇д̇араанам̣ логад̇о уд̇д̇арабхааво ад̇хигабхааво жа вуд̇д̇о ход̇ийд̇и.
Vippamuttāti alittattameva nānābyañjanena visesitaṃ. Ye keci hi yattha yena vā alittā, te tattha tena vā vippamuttā honti. Lokā vippamuttātiādīni tīṇi nissakkavasena vuttāni. Visaññuttāti vippamuttattavisesanaṃ. Ye keci hi yattha yena yato vippamuttā, te tattha tena tato visaññuttā nāma honti. Lokā sujjhantīti lokamalaṃ dhovitvā lokā sujjhanti. Visujjhantīti tadeva upasaggena visesitaṃ. Vuṭṭhahantīti uṭṭhitā honti. Vivaṭṭantīti nivaṭṭanti. Na sajjantīti na lagganti. Na gayhantīti na gaṇhīyanti. Na bajjhantīti na bādhīyanti. Samucchindantīti appavattiṃ karonti. Yathā ca lokaṃ samucchinnattāti, tatheva ‘‘lokā visuddhattā’’tiādi vuttameva hoti. Paṭippassambhentīti nirodhenti. Apathātiādīni cattāri sabbesupi lokuttaresu yujjanti. Apathāti amaggā. Agatīti appatiṭṭhā. Avisayāti anāyattā. Asādhāraṇāti asamānā. Vamantīti uggilanti. Na paccāvamantīti vuttapaṭipakkhanayena vuttaṃ, vantaṃ puna na adantīti attho. Etena vantassa suvantabhāvo vutto hoti. Anantaradukattayepi eseva nayo. Visīnentīti vikiranti vimuccanti, na bandhantīti attho. Na ussīnentīti na vikiranti na vimuccanti. ‘‘Visinentī’’ti ‘‘na ussinentī’’ti rassaṃ katvā pāṭho sundaro. Vidhūpentīti nibbāpenti. Nasaṃdhūpentīti na ujjalanti. Lokaṃ samatikkamma abhibhuyya tiṭṭhantīti sabbepi lokuttarā dhammā lokaṃ sammā atikkamitvā abhibhavitvā ca tiṭṭhantīti lokuttarā. Sabbehipi imehi yathāvuttehi pakārehi lokuttarānaṃ lokato uttarabhāvo adhikabhāvo ca vutto hotīti.
логуд̇д̇арагат̇ааван̣н̣анаа нидтид̇аа.
Lokuttarakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 8. логуд̇д̇арагат̇аа • 8. Lokuttarakathā
