| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
логуд̇д̇арагусалам̣ багин̣н̣агагат̇аа
Lokuttarakusalaṃ pakiṇṇakakathā
д̇ад̇рид̣̇ам̣ багин̣н̣агам̣ –
Tatridaṃ pakiṇṇakaṃ –
аж̇жхад̇д̇ан̃жа б̣ахид̣̇д̇хаа жа, руубааруубзсу бан̃жасу;
Ajjhattañca bahiddhā ca, rūpārūpesu pañcasu;
сад̇д̇адтан̇г̇абарин̣аамам̣, нимид̇д̇ам̣ бадибад̣̇аабад̇ийд̇и.
Sattaṭṭhaṅgapariṇāmaṃ, nimittaṃ paṭipadāpatīti.
логуд̇д̇арамаг̇г̇о хи аж̇жхад̇д̇ам̣ абхинивисид̇ваа аж̇жхад̇д̇ам̣ вудтаад̇и , аж̇жхад̇д̇ам̣ абхинивисид̇ваа б̣ахид̣̇д̇хаа вудтаад̇и, б̣ахид̣̇д̇хаа абхинивисид̇ваа б̣ахид̣̇д̇хаа вудтаад̇и, б̣ахид̣̇д̇хаа абхинивисид̇ваа аж̇жхад̇д̇ам̣ вудтаад̇и. руубз абхинивисид̇ваа руубаа вудтаад̇и, руубз абхинивисид̇ваа аруубаа вудтаад̇и. аруубз абхинивисид̇ваа аруубаа вудтаад̇и, аруубз абхинивисид̇ваа руубаа вудтаад̇и, згаббахаарзнзва бан̃жахи канд̇хзхи вудтаад̇и.
Lokuttaramaggo hi ajjhattaṃ abhinivisitvā ajjhattaṃ vuṭṭhāti , ajjhattaṃ abhinivisitvā bahiddhā vuṭṭhāti, bahiddhā abhinivisitvā bahiddhā vuṭṭhāti, bahiddhā abhinivisitvā ajjhattaṃ vuṭṭhāti. Rūpe abhinivisitvā rūpā vuṭṭhāti, rūpe abhinivisitvā arūpā vuṭṭhāti. Arūpe abhinivisitvā arūpā vuṭṭhāti, arūpe abhinivisitvā rūpā vuṭṭhāti, ekappahāreneva pañcahi khandhehi vuṭṭhāti.
‘сад̇д̇адтан̇г̇абарин̣аама’нд̇и со банзса маг̇г̇о адтан̇г̇игоби ход̇и сад̇д̇ан̇г̇игоби. б̣ож̇жхан̇г̇ааби сад̇д̇а ваа хонд̇и ча ваа. жхаанам̣ бана бан̃жан̇г̇игам̣ ваа ход̇и жад̇уран̇г̇игам̣ ваа; д̇иван̇г̇игам̣ ваа д̣̇уван̇г̇игам̣ ваа. звам̣ сад̇д̇аадтаад̣̇ийнам̣ ан̇г̇аанам̣ барин̣аамо взд̣̇ид̇аб̣б̣од̇и ад̇т̇о.
‘Sattaṭṭhaṅgapariṇāma’nti so panesa maggo aṭṭhaṅgikopi hoti sattaṅgikopi. Bojjhaṅgāpi satta vā honti cha vā. Jhānaṃ pana pañcaṅgikaṃ vā hoti caturaṅgikaṃ vā; tivaṅgikaṃ vā duvaṅgikaṃ vā. Evaṃ sattaaṭṭhādīnaṃ aṅgānaṃ pariṇāmo veditabboti attho.
‘нимид̇д̇ам̣ бадибад̣̇аабад̇ий’д̇и нимид̇д̇анд̇и яад̇о вудтаанам̣ ход̇и; ‘бадибад̣̇аабад̇ий’д̇и бадибад̣̇ааяа жа ад̇хибад̇ино жа жаланаажаланам̣ взд̣̇ид̇аб̣б̣ам̣.
‘Nimittaṃ paṭipadāpatī’ti nimittanti yato vuṭṭhānaṃ hoti; ‘paṭipadāpatī’ti paṭipadāya ca adhipatino ca calanācalanaṃ veditabbaṃ.
д̇ад̇т̇а аж̇жхад̇д̇ам̣ абхинивисид̇ваа аж̇жхад̇д̇ам̣ вудтаад̇ийд̇иаад̣̇ийсу д̇аава ид̇хзгажжо аад̣̇ид̇ова аж̇жхад̇д̇ам̣ бан̃жасу канд̇хзсу абхинивисад̇и, абхинивисид̇ваа д̇з анижжаад̣̇ид̇о бассад̇и, яасмаа бана на суд̣̇д̇хааж̇жхад̇д̇ад̣̇ассанамад̇д̇знзва маг̇г̇авудтаанам̣ ход̇и, б̣ахид̣̇д̇хааби д̣̇адтаб̣б̣амзва, д̇асмаа барасса канд̇хзби анубаад̣̇иннасан̇каарзби анижжам̣ д̣̇угкаманад̇д̇аад̇и бассад̇и. со гаалзна аж̇жхад̇д̇ам̣ саммасад̇и гаалзна б̣ахид̣̇д̇хаад̇и. д̇ассзвам̣ саммасад̇о аж̇жхад̇д̇ам̣ саммасанагаалз вибассанаа маг̇г̇зна сад̣̇д̇хим̣ гхадияад̇и. звам̣ аж̇жхад̇д̇ам̣ абхинивисид̇ваа аж̇жхад̇д̇ам̣ вудтаад̇и наама. сажз банасса б̣ахид̣̇д̇хаа саммасанагаалз вибассанаа маг̇г̇зна сад̣̇д̇хим̣ гхадияад̇и, звам̣ аж̇жхад̇д̇ам̣ абхинивисид̇ваа б̣ахид̣̇д̇хаа вудтаад̇и наама. зсзва наяо б̣ахид̣̇д̇хаа абхинивисид̇ваа б̣ахид̣̇д̇хаа жа аж̇жхад̇д̇ан̃жа вудтаанзби.
Tattha ajjhattaṃ abhinivisitvā ajjhattaṃ vuṭṭhātītiādīsu tāva idhekacco āditova ajjhattaṃ pañcasu khandhesu abhinivisati, abhinivisitvā te aniccādito passati, yasmā pana na suddhaajjhattadassanamatteneva maggavuṭṭhānaṃ hoti, bahiddhāpi daṭṭhabbameva, tasmā parassa khandhepi anupādinnasaṅkhārepi aniccaṃ dukkhamanattāti passati. So kālena ajjhattaṃ sammasati kālena bahiddhāti. Tassevaṃ sammasato ajjhattaṃ sammasanakāle vipassanā maggena saddhiṃ ghaṭiyati. Evaṃ ajjhattaṃ abhinivisitvā ajjhattaṃ vuṭṭhāti nāma. Sace panassa bahiddhā sammasanakāle vipassanā maggena saddhiṃ ghaṭiyati, evaṃ ajjhattaṃ abhinivisitvā bahiddhā vuṭṭhāti nāma. Eseva nayo bahiddhā abhinivisitvā bahiddhā ca ajjhattañca vuṭṭhānepi.
абаро аад̣̇ид̇ова руубз абхинивисад̇и абхинивисид̇ваа бхууд̇аруубан̃жа убаад̣̇ааруубан̃жа барижчинд̣̇ид̇ваа анижжаад̣̇ид̇о бассад̇и, яасмаа бана на суд̣̇д̇харуубад̣̇ассанамад̇д̇знзва вудтаанам̣ ход̇и аруубамби д̣̇адтаб̣б̣амзва, д̇асмаа д̇ам̣ руубам̣ аарамман̣ам̣ гад̇ваа уббаннам̣ взд̣̇анам̣ сан̃н̃ам̣ сан̇каарз вин̃н̃аан̣ан̃жа ид̣̇ам̣ аруубанд̇и барижчинд̣̇ид̇ваа анижжаад̣̇ид̇о бассад̇и. со гаалзна руубам̣ саммасад̇и гаалзна аруубам̣. д̇ассзвам̣ саммасад̇о руубасаммасанагаалз вибассанаа маг̇г̇зна сад̣̇д̇хим̣ гхадияад̇и. звам̣ руубз абхинивисид̇ваа руубаа вудтаад̇и наама. сажз банасса аруубасаммасанагаалз вибассанаа маг̇г̇зна сад̣̇д̇хим̣ гхадияад̇и, звам̣ руубз абхинивисид̇ваа аруубаа вудтаад̇и наама. зса наяо аруубз абхинивисид̇ваа аруубаа жа руубаа жа вудтаанзби.
Aparo āditova rūpe abhinivisati abhinivisitvā bhūtarūpañca upādārūpañca paricchinditvā aniccādito passati, yasmā pana na suddharūpadassanamatteneva vuṭṭhānaṃ hoti arūpampi daṭṭhabbameva, tasmā taṃ rūpaṃ ārammaṇaṃ katvā uppannaṃ vedanaṃ saññaṃ saṅkhāre viññāṇañca idaṃ arūpanti paricchinditvā aniccādito passati. So kālena rūpaṃ sammasati kālena arūpaṃ. Tassevaṃ sammasato rūpasammasanakāle vipassanā maggena saddhiṃ ghaṭiyati. Evaṃ rūpe abhinivisitvā rūpā vuṭṭhāti nāma. Sace panassa arūpasammasanakāle vipassanā maggena saddhiṃ ghaṭiyati, evaṃ rūpe abhinivisitvā arūpā vuṭṭhāti nāma. Esa nayo arūpe abhinivisitvā arūpā ca rūpā ca vuṭṭhānepi.
‘‘яам̣гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и (махаава. 16; д̣̇ий. ни. 1.298) звам̣ абхинивисид̇ваа звамзва вудтаанагаалз бана згаббахаарзна бан̃жахи канд̇хзхи вудтаад̇и наамаад̇и. аяам̣ д̇игкавибассагасса махаабан̃н̃асса бхигкуно вибассанаа.
‘‘Yaṃkiñci samudayadhammaṃ sabbaṃ taṃ nirodhadhamma’’nti (mahāva. 16; dī. ni. 1.298) evaṃ abhinivisitvā evameva vuṭṭhānakāle pana ekappahārena pañcahi khandhehi vuṭṭhāti nāmāti. Ayaṃ tikkhavipassakassa mahāpaññassa bhikkhuno vipassanā.
яат̇аа хи чаад̇аж̇жхад̇д̇асса бурисасса маж̇жхз г̇уут̇абин̣д̣ам̣ табзд̇ваа наанаг̇г̇арасабхож̇анабун̣н̣ам̣ баад̇им̣ убанзяяум̣, со б̣яан̃ж̇анам̣ хад̇т̇зна вияууханд̇о д̇ам̣ г̇уут̇абин̣д̣ам̣ д̣̇исваа ‘гимид̣̇а’нд̇и бужчид̇ваа г̇уут̇абин̣д̣од̇и вуд̇д̇з ‘д̇хи д̇хи, абанзт̇аа’д̇и бхад̇д̇зби баад̇ияамби нираалаяо ход̇и. звам̣самбад̣̇амид̣̇ам̣ д̣̇адтаб̣б̣ам̣.
Yathā hi chātajjhattassa purisassa majjhe gūthapiṇḍaṃ ṭhapetvā nānaggarasabhojanapuṇṇaṃ pātiṃ upaneyyuṃ, so byañjanaṃ hatthena viyūhanto taṃ gūthapiṇḍaṃ disvā ‘kimida’nti pucchitvā gūthapiṇḍoti vutte ‘dhi dhi, apanethā’ti bhattepi pātiyampi nirālayo hoti. Evaṃsampadamidaṃ daṭṭhabbaṃ.
бхож̇анабаад̇ид̣̇ассанасмин̃хи д̇асса ад̇д̇аманагаало вияа имасса бхигкуно б̣аалабут̇уж̇ж̇анагаалз бан̃жагканд̇хз ‘ахам̣ мамаа’д̇и г̇ахид̇агаало. г̇уут̇абин̣д̣асса д̣̇идтагаало вияа д̇ин̣н̣ам̣ лагкан̣аанам̣ саллагкид̇агаало. бхад̇д̇зби баад̇ияамби нираалаяагаало вияа д̇игкавибассагасса махаабан̃н̃асса бхигкуно ‘‘яам̣гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и бан̃жахи канд̇хзхи згаббахаарзна вудтид̇агаало взд̣̇ид̇аб̣б̣о.
Bhojanapātidassanasmiñhi tassa attamanakālo viya imassa bhikkhuno bālaputhujjanakāle pañcakkhandhe ‘ahaṃ mamā’ti gahitakālo. Gūthapiṇḍassa diṭṭhakālo viya tiṇṇaṃ lakkhaṇānaṃ sallakkhitakālo. Bhattepi pātiyampi nirālayakālo viya tikkhavipassakassa mahāpaññassa bhikkhuno ‘‘yaṃkiñci samudayadhammaṃ sabbaṃ taṃ nirodhadhamma’’nti pañcahi khandhehi ekappahārena vuṭṭhitakālo veditabbo.
‘сад̇д̇адтан̇г̇абарин̣аама’нд̇и зд̇т̇а аяам̣ вуд̇д̇аббабхзд̣̇о ан̇г̇абарин̣аамо яат̇аа ход̇и д̇ат̇аа взд̣̇ид̇аб̣б̣о. сан̇каарубзгкаан̃аан̣амзва хи арияамаг̇г̇асса б̣ож̇жхан̇г̇амаг̇г̇ан̇г̇ажхаанан̇г̇ависзсам̣ нияамзд̇и. гзжи бана т̇зраа ‘б̣ож̇жхан̇г̇амаг̇г̇ан̇г̇ажхаанан̇г̇ависзсам̣ баад̣̇агаж̇жхаанам̣ нияамзд̇ий’д̇и вад̣̇анд̇и. гзжи ‘вибассанааяа аарамман̣абхууд̇аа канд̇хаа нияамзнд̇ий’д̇и вад̣̇анд̇и. гзжи ‘буг̇г̇алаж̇жхаасаяо нияамзд̇ий’д̇и вад̣̇анд̇и. д̇зсамби ваад̣̇зсу аяам̣ сан̇каарубзгкаасан̇каад̇аа буб̣б̣абхааг̇аа вудтаанаг̇ааминивибассанаава нияамзд̇ийд̇и взд̣̇ид̇аб̣б̣аа.
‘Sattaṭṭhaṅgapariṇāma’nti ettha ayaṃ vuttappabhedo aṅgapariṇāmo yathā hoti tathā veditabbo. Saṅkhārupekkhāñāṇameva hi ariyamaggassa bojjhaṅgamaggaṅgajhānaṅgavisesaṃ niyameti. Keci pana therā ‘bojjhaṅgamaggaṅgajhānaṅgavisesaṃ pādakajjhānaṃ niyametī’ti vadanti. Keci ‘vipassanāya ārammaṇabhūtā khandhā niyamentī’ti vadanti. Keci ‘puggalajjhāsayo niyametī’ti vadanti. Tesampi vādesu ayaṃ saṅkhārupekkhāsaṅkhātā pubbabhāgā vuṭṭhānagāminivipassanāva niyametīti veditabbā.
д̇ад̇рааяам̣ анубуб̣б̣ийгат̇аа – вибассанаанияамзна хи сугкавибассагасса уббаннамаг̇г̇оби самаабад̇д̇илаабхино жхаанам̣ баад̣̇агам̣ агад̇ваа уббаннамаг̇г̇оби батамаж̇жхаанам̣ баад̣̇агам̣ гад̇ваа багин̣н̣агасан̇каарз саммасид̇ваа уббаад̣̇ид̇амаг̇г̇оби батамаж̇жхаанигова ход̇и. саб̣б̣зсу сад̇д̇а б̣ож̇жхан̇г̇аани адта маг̇г̇ан̇г̇аани бан̃жа жхаанан̇г̇аани хонд̇и. д̇зсан̃хи буб̣б̣абхааг̇авибассанаа соманассасахаг̇ад̇ааби убзгкаасахаг̇ад̇ааби худ̇ваа вудтаанагаалз сан̇каарубзгкаабхаавам̣ бад̇д̇аа соманассасахаг̇ад̇аава ход̇и.
Tatrāyaṃ anupubbīkathā – vipassanāniyamena hi sukkhavipassakassa uppannamaggopi samāpattilābhino jhānaṃ pādakaṃ akatvā uppannamaggopi paṭhamajjhānaṃ pādakaṃ katvā pakiṇṇakasaṅkhāre sammasitvā uppāditamaggopi paṭhamajjhānikova hoti. Sabbesu satta bojjhaṅgāni aṭṭha maggaṅgāni pañca jhānaṅgāni honti. Tesañhi pubbabhāgavipassanā somanassasahagatāpi upekkhāsahagatāpi hutvā vuṭṭhānakāle saṅkhārupekkhābhāvaṃ pattā somanassasahagatāva hoti.
бан̃жаганаяз д̣̇уд̇ияад̇ад̇ияажад̇уд̇т̇аж̇жхаанаани баад̣̇агаани гад̇ваа уббаад̣̇ид̇амаг̇г̇зсу яат̇ааггамзнзва жхаанам̣ жад̇уран̇г̇игам̣ д̇иван̇г̇игам̣ д̣̇уван̇г̇иган̃жа ход̇и. саб̣б̣зсу бана сад̇д̇а маг̇г̇ан̇г̇аани хонд̇и, жад̇уд̇т̇з ча б̣ож̇жхан̇г̇аани. аяам̣ висзсо баад̣̇агаж̇жхаананияамзна жзва вибассанаанияамзна жа ход̇и. д̇зсамби хи буб̣б̣абхааг̇авибассанаа соманассасахаг̇ад̇ааби убзгкаасахаг̇ад̇ааби ход̇и. вудтаанаг̇ааминий соманассасахаг̇ад̇аава.
Pañcakanaye dutiyatatiyacatutthajjhānāni pādakāni katvā uppāditamaggesu yathākkameneva jhānaṃ caturaṅgikaṃ tivaṅgikaṃ duvaṅgikañca hoti. Sabbesu pana satta maggaṅgāni honti, catutthe cha bojjhaṅgāni. Ayaṃ viseso pādakajjhānaniyamena ceva vipassanāniyamena ca hoti. Tesampi hi pubbabhāgavipassanā somanassasahagatāpi upekkhāsahagatāpi hoti. Vuṭṭhānagāminī somanassasahagatāva.
бан̃жамаж̇жхаанам̣ баад̣̇агам̣ гад̇ваа ниб̣б̣ад̇д̇ид̇амаг̇г̇з бана убзгкаажид̇д̇згаг̇г̇ад̇аавасзна д̣̇вз жхаанан̇г̇аани б̣ож̇жхан̇г̇амаг̇г̇ан̇г̇аани ча сад̇д̇а жзва. аяамби висзсо убхаяанияамавасзна ход̇и. имасмин̃хи наяз буб̣б̣абхааг̇авибассанаа соманассасахаг̇ад̇аа ваа убзгкаасахаг̇ад̇аа ваа ход̇и, вудтаанаг̇ааминий убзгкаасахаг̇ад̇аава. аруубаж̇жхаанаани баад̣̇агаани гад̇ваа уббаад̣̇ид̇амаг̇г̇зби зсзва наяо. звам̣ баад̣̇агаж̇жхаанад̇о вудтааяа яз гзжи сан̇каарз саммасид̇ваа ниб̣б̣ад̇д̇ид̇амаг̇г̇асса аасаннабад̣̇зсз вудтид̇аа самаабад̇д̇и ад̇д̇анаа сад̣̇исабхаавам̣ гарод̇и, бхуумиван̣н̣о вияа г̇од̇хааван̣н̣асса.
Pañcamajjhānaṃ pādakaṃ katvā nibbattitamagge pana upekkhācittekaggatāvasena dve jhānaṅgāni bojjhaṅgamaggaṅgāni cha satta ceva. Ayampi viseso ubhayaniyamavasena hoti. Imasmiñhi naye pubbabhāgavipassanā somanassasahagatā vā upekkhāsahagatā vā hoti, vuṭṭhānagāminī upekkhāsahagatāva. Arūpajjhānāni pādakāni katvā uppāditamaggepi eseva nayo. Evaṃ pādakajjhānato vuṭṭhāya ye keci saṅkhāre sammasitvā nibbattitamaggassa āsannapadese vuṭṭhitā samāpatti attanā sadisabhāvaṃ karoti, bhūmivaṇṇo viya godhāvaṇṇassa.
д̣̇уд̇ияад̇т̇зраваад̣̇з бана яад̇о яад̇о самаабад̇д̇ид̇о вудтааяа яз яз самаабад̇д̇ид̇хаммз саммасид̇ваа маг̇г̇о ниб̣б̣ад̇д̇ид̇о ход̇и д̇ам̣д̇ам̣самаабад̇д̇исад̣̇исова ход̇и, саммасид̇асамаабад̇д̇исад̣̇исод̇и ад̇т̇о. сажз бана гаамааважарад̇хаммз саммасад̇и батамаж̇жхаанигова ход̇и. д̇ад̇рааби вибассанаанияамо вуд̇д̇анаязнзва взд̣̇ид̇аб̣б̣о.
Dutiyattheravāde pana yato yato samāpattito vuṭṭhāya ye ye samāpattidhamme sammasitvā maggo nibbattito hoti taṃtaṃsamāpattisadisova hoti, sammasitasamāpattisadisoti attho. Sace pana kāmāvacaradhamme sammasati paṭhamajjhānikova hoti. Tatrāpi vipassanāniyamo vuttanayeneva veditabbo.
д̇ад̇ияад̇т̇зраваад̣̇з ‘ахо вад̇аахам̣ сад̇д̇ан̇г̇игам̣ маг̇г̇ам̣ баабун̣зяяам̣, адтан̇г̇игам̣ маг̇г̇ам̣ баабун̣зяяа’нд̇и ад̇д̇ано аж̇жхаасаяаануруубзна яам̣ яам̣ жхаанам̣ баад̣̇агам̣ гад̇ваа яз ваа яз ваа жхаанад̇хаммз саммасид̇ваа маг̇г̇о ниб̣б̣ад̇д̇ид̇о д̇ам̣д̇ам̣жхаанасад̣̇исова ход̇и. баад̣̇агаж̇жхаанам̣ бана саммасид̇аж̇жхаанам̣ ваа винаа, аж̇жхаасаяамад̇д̇знзва д̇ам̣ на иж̇жхад̇и. свааяамад̇т̇о нанд̣̇аговаад̣̇асуд̇д̇зна д̣̇ийбзд̇аб̣б̣о. вуд̇д̇ан̃хзд̇ам̣ –
Tatiyattheravāde ‘aho vatāhaṃ sattaṅgikaṃ maggaṃ pāpuṇeyyaṃ, aṭṭhaṅgikaṃ maggaṃ pāpuṇeyya’nti attano ajjhāsayānurūpena yaṃ yaṃ jhānaṃ pādakaṃ katvā ye vā ye vā jhānadhamme sammasitvā maggo nibbattito taṃtaṃjhānasadisova hoti. Pādakajjhānaṃ pana sammasitajjhānaṃ vā vinā, ajjhāsayamatteneva taṃ na ijjhati. Svāyamattho nandakovādasuttena dīpetabbo. Vuttañhetaṃ –
‘‘сзяяат̇ааби, бхигкавз, д̇ад̣̇ахубосат̇з баннарасз на ход̇и б̣ахуно ж̇анасса ган̇каа ваа вимад̇и ваа ‘ууно ну ко жанд̣̇о бун̣н̣о ну ко жанд̣̇о’д̇и, ат̇а ко бун̣н̣о жанд̣̇од̇взва ход̇и, звамзва ко, бхигкавз, д̇аа бхигкунияо нанд̣̇агасса д̇хаммад̣̇зсанааяа ад̇д̇аманаа жзва барибун̣н̣асан̇габбаа жа. д̇аасам̣, бхигкавз, бан̃жаннам̣ бхигкунисад̇аанам̣ яаа бажчимигаа бхигкуний саа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа’’д̇и (ма. ни. 3.415).
‘‘Seyyathāpi, bhikkhave, tadahuposathe pannarase na hoti bahuno janassa kaṅkhā vā vimati vā ‘ūno nu kho cando puṇṇo nu kho cando’ti, atha kho puṇṇo candotveva hoti, evameva kho, bhikkhave, tā bhikkhuniyo nandakassa dhammadesanāya attamanā ceva paripuṇṇasaṅkappā ca. Tāsaṃ, bhikkhave, pañcannaṃ bhikkhunisatānaṃ yā pacchimikā bhikkhunī sā sotāpannā avinipātadhammā niyatā sambodhiparāyaṇā’’ti (ma. ni. 3.415).
д̇аасу хи яассаа бхигкунияаа сод̇аабад̇д̇ипаласса убаниссаяо, саа сод̇аабад̇д̇ипалзнзва барибун̣н̣асан̇габбаа ахоси…бз… яассаа арахад̇д̇асса убаниссаяо саа арахад̇д̇знзва. звамзва ад̇д̇ано аж̇жхаасаяаануруубзна яам̣ яам̣ жхаанам̣ баад̣̇агам̣ гад̇ваа яз ваа яз ваа жхаанад̇хаммз саммасид̇ваа маг̇г̇о ниб̣б̣ад̇д̇ид̇о д̇ам̣д̇ам̣жхаанасад̣̇исова со ход̇и. баад̣̇агаж̇жхаанам̣ бана саммасид̇аж̇жхаанам̣ ваа винаа, аж̇жхаасаяамад̇д̇знзва д̇ам̣ на иж̇жхад̇ийд̇и. зд̇т̇ааби жа вибассанаанияамо вуд̇д̇анаязнзва взд̣̇ид̇аб̣б̣о.
Tāsu hi yassā bhikkhuniyā sotāpattiphalassa upanissayo, sā sotāpattiphaleneva paripuṇṇasaṅkappā ahosi…pe… yassā arahattassa upanissayo sā arahatteneva. Evameva attano ajjhāsayānurūpena yaṃ yaṃ jhānaṃ pādakaṃ katvā ye vā ye vā jhānadhamme sammasitvā maggo nibbattito taṃtaṃjhānasadisova so hoti. Pādakajjhānaṃ pana sammasitajjhānaṃ vā vinā, ajjhāsayamatteneva taṃ na ijjhatīti. Etthāpi ca vipassanāniyamo vuttanayeneva veditabbo.
д̇ад̇т̇а ‘баад̣̇агаж̇жхаанамзва нияамзд̇ий’д̇и звам̣ваад̣̇им̣ д̇ибидагажуул̣анааг̇ад̇т̇зрам̣ анд̇зваасигаа аахам̣су – ‘бханд̇з, яад̇т̇а д̇аава баад̣̇агаж̇жхаанам̣ ад̇т̇и д̇ад̇т̇а д̇ам̣ нияамзд̇у; яасмим̣ бана баад̣̇агаж̇жхаанам̣ над̇т̇и, д̇асмим̣ аруубабхавз гим̣ нияамзд̇ий’д̇и? ‘аавусо, д̇ад̇т̇аби баад̣̇агаж̇жхаанамзва нияамзд̇и. яо хи бхигку адтасамаабад̇д̇илаабхий батамаж̇жхаанам̣ баад̣̇агам̣ гад̇ваа сод̇аабад̇д̇имаг̇г̇апалаани ниб̣б̣ад̇д̇зд̇ваа абарихийнаж̇жхаано гаалам̣ гад̇ваа аруубабхавз ниб̣б̣ад̇д̇о, батамаж̇жхаанигааяа сод̇аабад̇д̇ипаласамаабад̇д̇ияаа вудтааяа вибассанам̣ бадтабзд̇ваа убари д̇ийн̣и маг̇г̇апалаани ниб̣б̣ад̇д̇зд̇и, д̇асса д̇аани батамаж̇жхаанигаанзва хонд̇и. д̣̇уд̇ияаж̇жхаанигаад̣̇ийсуби зсзва наяо. аруубз д̇игажад̇уггаж̇жхаанам̣ уббаж̇ж̇ад̇и, д̇ан̃жа ко логуд̇д̇арам̣ на логияам̣. звам̣ д̇ад̇т̇ааби баад̣̇агаж̇жхаанамзва нияамзд̇и аавусо’д̇и. ‘сугат̇ид̇о, бханд̇з, бан̃хо’д̇и.
Tattha ‘pādakajjhānameva niyametī’ti evaṃvādiṃ tipiṭakacūḷanāgattheraṃ antevāsikā āhaṃsu – ‘bhante, yattha tāva pādakajjhānaṃ atthi tattha taṃ niyametu; yasmiṃ pana pādakajjhānaṃ natthi, tasmiṃ arūpabhave kiṃ niyametī’ti? ‘Āvuso, tatthapi pādakajjhānameva niyameti. Yo hi bhikkhu aṭṭhasamāpattilābhī paṭhamajjhānaṃ pādakaṃ katvā sotāpattimaggaphalāni nibbattetvā aparihīnajjhāno kālaṃ katvā arūpabhave nibbatto, paṭhamajjhānikāya sotāpattiphalasamāpattiyā vuṭṭhāya vipassanaṃ paṭṭhapetvā upari tīṇi maggaphalāni nibbatteti, tassa tāni paṭhamajjhānikāneva honti. Dutiyajjhānikādīsupi eseva nayo. Arūpe tikacatukkajjhānaṃ uppajjati, tañca kho lokuttaraṃ na lokiyaṃ. Evaṃ tatthāpi pādakajjhānameva niyameti āvuso’ti. ‘Sukathito, bhante, pañho’ti.
‘вибассанааяа аарамман̣абхууд̇аа канд̇хаа нияамзнд̇и; яам̣ яам̣ хи бан̃жагканд̇хам̣ саммасид̇ваа вудтаад̇и д̇ам̣д̇ам̣сад̣̇исова маг̇г̇о ход̇ий’д̇и ваад̣̇им̣ мораваабиваасимахаад̣̇ад̇д̇ад̇т̇зрамби анд̇зваасигаа аахам̣су ‘бханд̇з, д̇умхаагам̣ ваад̣̇з д̣̇осо бан̃н̃ааяад̇и – руубам̣ саммасид̇ваа вудтид̇абхигкуно хи руубасад̣̇исзна аб̣яаагад̇зна маг̇г̇зна бхавид̇аб̣б̣ам̣, нзвасан̃н̃аанаасан̃н̃ааяад̇анам̣ наяад̇о бариг̇г̇ахзд̇ваа вудтид̇асса д̇ам̣сад̣̇исзнзва нзвасан̃н̃аанаасан̃н̃аабхааваббад̇д̇зна маг̇г̇зна бхавид̇аб̣б̣а’нд̇и. ‘на, аавусо, звам̣ ход̇и. логуд̇д̇арамаг̇г̇о хи аббанам̣ аббад̇д̇о наама над̇т̇и, д̇асмаа руубам̣ саммасид̇ваа вудтид̇асса адтан̇г̇иго соманассасахаг̇ад̇амаг̇г̇о ход̇и, нзвасан̃н̃аанаасан̃н̃ааяад̇анам̣ саммасид̇ваа вудтид̇ассаби на саб̣б̣аагаарзна д̇аад̣̇исо ход̇и, сад̇д̇ан̇г̇иго бана убзгкаасахаг̇ад̇амаг̇г̇о ход̇ий’д̇и.
‘Vipassanāya ārammaṇabhūtā khandhā niyamenti; yaṃ yaṃ hi pañcakkhandhaṃ sammasitvā vuṭṭhāti taṃtaṃsadisova maggo hotī’ti vādiṃ moravāpivāsimahādattattherampi antevāsikā āhaṃsu ‘bhante, tumhākaṃ vāde doso paññāyati – rūpaṃ sammasitvā vuṭṭhitabhikkhuno hi rūpasadisena abyākatena maggena bhavitabbaṃ, nevasaññānāsaññāyatanaṃ nayato pariggahetvā vuṭṭhitassa taṃsadiseneva nevasaññānāsaññābhāvappattena maggena bhavitabba’nti. ‘Na, āvuso, evaṃ hoti. Lokuttaramaggo hi appanaṃ appatto nāma natthi, tasmā rūpaṃ sammasitvā vuṭṭhitassa aṭṭhaṅgiko somanassasahagatamaggo hoti, nevasaññānāsaññāyatanaṃ sammasitvā vuṭṭhitassapi na sabbākārena tādiso hoti, sattaṅgiko pana upekkhāsahagatamaggo hotī’ti.
‘буг̇г̇алаж̇жхаасаяо нияамзд̇ий’д̇иваад̣̇ино жуул̣аабхаяад̇т̇зрассааби ваад̣̇ам̣ аахарид̇ваа д̇ибидагажуул̣анааг̇ад̇т̇зрасса гат̇аяим̣су. со ааха – ‘яасса д̇аава баад̣̇агаж̇жхаанам̣ ад̇т̇и д̇асса буг̇г̇алаж̇жхаасаяо нияамзд̇у, яасса д̇ам̣ над̇т̇и д̇асса гад̇араж̇жхаасаяо нияамзссад̇и нид̣̇д̇ханасса вуд̣дхиг̇авзсанагаало вияа ход̇ий’д̇и.
‘Puggalajjhāsayo niyametī’tivādino cūḷābhayattherassāpi vādaṃ āharitvā tipiṭakacūḷanāgattherassa kathayiṃsu. So āha – ‘yassa tāva pādakajjhānaṃ atthi tassa puggalajjhāsayo niyametu, yassa taṃ natthi tassa katarajjhāsayo niyamessati niddhanassa vuḍḍhigavesanakālo viya hotī’ti.
д̇ам̣ гат̇ам̣ аахарид̇ваа д̇ибидагажуул̣аабхаяад̇т̇зрасса буна гат̇аяим̣су. со ‘баад̣̇агаж̇жхаанавад̇о ид̣̇ам̣ гат̇ид̇ам̣ аавусо’д̇и ааха. яат̇аа бана баад̣̇агаж̇жхаанавад̇о, саммасид̇аж̇жхаанавад̇оби д̇ат̇зва взд̣̇ид̇аб̣б̣ам̣. бан̃жамаж̇жхаанад̇о вудтааяа хи батамаад̣̇ийни саммасад̇о уббаннамаг̇г̇о батамад̇т̇зраваад̣̇зна бан̃жамаж̇жхааниго. д̣̇уд̇ияаваад̣̇зна батамаад̣̇иж̇жхааниго аабаж̇ж̇ад̇ийд̇и д̣̇взби ваад̣̇аа вируж̇жханд̇и. д̇ад̇ияаваад̣̇зна банзд̇т̇а ‘яам̣ ижчад̇и д̇аж̇жхааниго ход̇ий’д̇и д̇з жа ваад̣̇аа на вируж̇жханд̇и, аж̇жхаасаяо жа саад̇т̇аго ход̇ийд̇и. звам̣ д̇аяоби т̇зраа бан̣д̣ид̇аа б̣яад̇д̇аа б̣уд̣̇д̇хисамбаннаава . д̇зна д̇зсам̣ ваад̣̇ам̣ д̇анд̇им̣ гад̇ваа табаяим̣су. ид̇ха бана ад̇т̇амзва уд̣̇д̇харид̇ваа д̇аяобзд̇з ваад̣̇з вибассанаава нияамзд̇ийд̇и д̣̇ассид̇ам̣.
Taṃ kathaṃ āharitvā tipiṭakacūḷābhayattherassa puna kathayiṃsu. So ‘pādakajjhānavato idaṃ kathitaṃ āvuso’ti āha. Yathā pana pādakajjhānavato, sammasitajjhānavatopi tatheva veditabbaṃ. Pañcamajjhānato vuṭṭhāya hi paṭhamādīni sammasato uppannamaggo paṭhamattheravādena pañcamajjhāniko. Dutiyavādena paṭhamādijjhāniko āpajjatīti dvepi vādā virujjhanti. Tatiyavādena panettha ‘yaṃ icchati tajjhāniko hotī’ti te ca vādā na virujjhanti, ajjhāsayo ca sātthako hotīti. Evaṃ tayopi therā paṇḍitā byattā buddhisampannāva . Tena tesaṃ vādaṃ tantiṃ katvā ṭhapayiṃsu. Idha pana atthameva uddharitvā tayopete vāde vipassanāva niyametīti dassitaṃ.
ид̣̇аани ‘нимид̇д̇ам̣ бадибад̣̇аабад̇ий’д̇и зд̇т̇а звам̣ ан̇г̇абарин̣аамавад̇о маг̇г̇асса уббаад̣̇агаалз г̇од̇рабху гуд̇о вудтаад̇и? маг̇г̇о гуд̇од̇и? г̇од̇рабху д̇аава нимид̇д̇ад̇о вудтаад̇и, бавад̇д̇ам̣ чзд̇д̇ум̣ на саггод̇и, згад̇овудтаано хзса. маг̇г̇о нимид̇д̇ад̇о вудтаад̇и, бавад̇д̇амби чинд̣̇ад̇и убхад̇овудтаано хзса. д̇зсам̣ аяам̣ уббад̇д̇инаяо – яасмин̃хи ваарз маг̇г̇авудтаанам̣ ход̇и, д̇асмим̣ ануломам̣ нзва згам̣ ход̇и, на бан̃жамам̣. зган̃хи аасзванам̣ на лабхад̇и, бан̃жамам̣ бхаван̇г̇асса аасаннад̇д̇аа бавзд̇хад̇и. д̇ад̣̇аа хи ж̇аванам̣ бад̇ид̇ам̣ наама ход̇и. д̇асмаа нзва згам̣ ход̇и на бан̃жамам̣. махаабан̃н̃асса бана д̣̇вз ануломаани хонд̇и, д̇ад̇ияам̣ г̇од̇рабху, жад̇уд̇т̇ам̣ маг̇г̇ажид̇д̇ам̣, д̇ийн̣и палаани, д̇ад̇о бхаван̇г̇од̇аран̣ам̣. маж̇жхимабан̃н̃асса д̇ийн̣и ануломаани хонд̇и, жад̇уд̇т̇ам̣ г̇од̇рабху, бан̃жамам̣ маг̇г̇ажид̇д̇ам̣, д̣̇вз палаани, д̇ад̇о бхаван̇г̇од̇аран̣ам̣. манд̣̇абан̃н̃асса жад̇д̇аари ануломаани, хонд̇и бан̃жамам̣ г̇од̇рабху, чадтам̣ маг̇г̇ажид̇д̇ам̣, сад̇д̇амам̣ палам̣, д̇ад̇о бхаван̇г̇од̇аран̣ам̣. д̇ад̇ра махаабан̃н̃аманд̣̇абан̃н̃аанам̣ васзна агат̇зд̇ваа маж̇жхимабан̃н̃асса васзна гат̇зд̇аб̣б̣ам̣.
Idāni ‘nimittaṃ paṭipadāpatī’ti ettha evaṃ aṅgapariṇāmavato maggassa uppādakāle gotrabhu kuto vuṭṭhāti? Maggo kutoti? Gotrabhu tāva nimittato vuṭṭhāti, pavattaṃ chettuṃ na sakkoti, ekatovuṭṭhāno hesa. Maggo nimittato vuṭṭhāti, pavattampi chindati ubhatovuṭṭhāno hesa. Tesaṃ ayaṃ uppattinayo – yasmiñhi vāre maggavuṭṭhānaṃ hoti, tasmiṃ anulomaṃ neva ekaṃ hoti, na pañcamaṃ. Ekañhi āsevanaṃ na labhati, pañcamaṃ bhavaṅgassa āsannattā pavedhati. Tadā hi javanaṃ patitaṃ nāma hoti. Tasmā neva ekaṃ hoti na pañcamaṃ. Mahāpaññassa pana dve anulomāni honti, tatiyaṃ gotrabhu, catutthaṃ maggacittaṃ, tīṇi phalāni, tato bhavaṅgotaraṇaṃ. Majjhimapaññassa tīṇi anulomāni honti, catutthaṃ gotrabhu, pañcamaṃ maggacittaṃ, dve phalāni, tato bhavaṅgotaraṇaṃ. Mandapaññassa cattāri anulomāni, honti pañcamaṃ gotrabhu, chaṭṭhaṃ maggacittaṃ, sattamaṃ phalaṃ, tato bhavaṅgotaraṇaṃ. Tatra mahāpaññamandapaññānaṃ vasena akathetvā majjhimapaññassa vasena kathetabbaṃ.
яасмин̃хи ваарз маг̇г̇авудтаанам̣ ход̇и, д̇асмим̣ гирияаахзд̇угамановин̃н̃аан̣ад̇хаад̇у убзгкаасахаг̇ад̇аа манод̣̇ваарааваж̇ж̇анам̣ худ̇ваа вибассанааг̇ожарз канд̇хз аарамман̣ам̣ гад̇ваа бхаван̇г̇ам̣ ааваддзд̇и. д̇ад̣̇ананд̇арам̣ д̇знзва ааваж̇ж̇анзна г̇ахид̇агканд̇хз г̇ахзд̇ваа уббаж̇ж̇ад̇и батамам̣ ж̇аванам̣ ануломан̃аан̣ам̣. д̇ам̣ д̇зсу канд̇хзсу анижжаад̇и ваа д̣̇угкаад̇и ваа анад̇д̇аад̇и ваа бавад̇д̇ид̇ваа ол̣ааригам̣ ол̣ааригам̣ сажжабадижчаад̣̇агад̇амам̣ винод̣̇зд̇ваа д̇ийн̣и лагкан̣аани бхияяо бхияяо баагадаани гад̇ваа нируж̇жхад̇и. д̇ад̣̇ананд̇арам̣ уббаж̇ж̇ад̇и д̣̇уд̇ияаануломам̣. д̇зсу буримам̣ анаасзванам̣. д̣̇уд̇ияасса буримам̣ аасзванам̣ ход̇и. д̇амби лад̣̇д̇хаасзванад̇д̇аа д̇игкам̣ суурам̣ басаннам̣ худ̇ваа д̇асмим̣язваарамман̣з д̇знзваагаарзна бавад̇д̇ид̇ваа маж̇жхимаббамаан̣ам̣ сажжабадижчаад̣̇агад̇амам̣ винод̣̇зд̇ваа д̇ийн̣и лагкан̣аани бхияяо бхияяо баагадаани гад̇ваа нируж̇жхад̇и. д̇ад̣̇ананд̇арам̣ уббаж̇ж̇ад̇и д̇ад̇ияаануломам̣. д̇асса д̣̇уд̇ияам̣ аасзванам̣ ход̇и. д̇амби лад̣̇д̇хаасзванад̇д̇аа д̇игкам̣ суурам̣ басаннам̣ худ̇ваа д̇асмим̣язваарамман̣з д̇знзваагаарзна бавад̇д̇ид̇ваа д̇ад̣̇авасзсам̣ ан̣усахаг̇ад̇ам̣ сажжабадижчаад̣̇агад̇амам̣ винод̣̇зд̇ваа ниравасзсам̣ гад̇ваа д̇ийн̣и лагкан̣аани бхияяо бхияяо баагадаани гад̇ваа нируж̇жхад̇и. звам̣ д̇ийхи ануломзхи сажжабадижчаад̣̇агад̇амз винод̣̇ид̇з д̇ад̣̇ананд̇арам̣ уббаж̇ж̇ад̇и г̇од̇рабхун̃н̃аан̣ам̣ ниб̣б̣аанам̣ аарамман̣ам̣ гурумаанам̣.
Yasmiñhi vāre maggavuṭṭhānaṃ hoti, tasmiṃ kiriyāhetukamanoviññāṇadhātu upekkhāsahagatā manodvārāvajjanaṃ hutvā vipassanāgocare khandhe ārammaṇaṃ katvā bhavaṅgaṃ āvaṭṭeti. Tadanantaraṃ teneva āvajjanena gahitakkhandhe gahetvā uppajjati paṭhamaṃ javanaṃ anulomañāṇaṃ. Taṃ tesu khandhesu aniccāti vā dukkhāti vā anattāti vā pavattitvā oḷārikaṃ oḷārikaṃ saccapaṭicchādakatamaṃ vinodetvā tīṇi lakkhaṇāni bhiyyo bhiyyo pākaṭāni katvā nirujjhati. Tadanantaraṃ uppajjati dutiyānulomaṃ. Tesu purimaṃ anāsevanaṃ. Dutiyassa purimaṃ āsevanaṃ hoti. Tampi laddhāsevanattā tikkhaṃ sūraṃ pasannaṃ hutvā tasmiṃyevārammaṇe tenevākārena pavattitvā majjhimappamāṇaṃ saccapaṭicchādakatamaṃ vinodetvā tīṇi lakkhaṇāni bhiyyo bhiyyo pākaṭāni katvā nirujjhati. Tadanantaraṃ uppajjati tatiyānulomaṃ. Tassa dutiyaṃ āsevanaṃ hoti. Tampi laddhāsevanattā tikkhaṃ sūraṃ pasannaṃ hutvā tasmiṃyevārammaṇe tenevākārena pavattitvā tadavasesaṃ aṇusahagataṃ saccapaṭicchādakatamaṃ vinodetvā niravasesaṃ katvā tīṇi lakkhaṇāni bhiyyo bhiyyo pākaṭāni katvā nirujjhati. Evaṃ tīhi anulomehi saccapaṭicchādakatame vinodite tadanantaraṃ uppajjati gotrabhuññāṇaṃ nibbānaṃ ārammaṇaṃ kurumānaṃ.
д̇ад̇рааяам̣ убамаа – зго гира жагкумаа бурисо нагкад̇д̇аяог̇ам̣ ж̇ааниссаамийд̇и рад̇д̇ибхааг̇з нигкамид̇ваа жанд̣̇ам̣ бассид̇ум̣ уд̣̇д̇хам̣ уллогзси. д̇асса валаахагзхи бадижчаннад̇д̇аа жанд̣̇о на бан̃н̃ааяид̇т̇а. ат̇зго ваад̇о удтахид̇ваа т̇уулат̇уулз валаахагз вид̣̇д̇хам̣сзси. абаро маж̇жхимз. абаро сукумз. д̇ад̇о со бурисо виг̇ад̇авалаахагз набхз жанд̣̇ам̣ д̣̇исваа нагкад̇д̇аяог̇ам̣ ан̃н̃ааси.
Tatrāyaṃ upamā – eko kira cakkhumā puriso nakkhattayogaṃ jānissāmīti rattibhāge nikkhamitvā candaṃ passituṃ uddhaṃ ullokesi. Tassa valāhakehi paṭicchannattā cando na paññāyittha. Atheko vāto uṭṭhahitvā thūlathūle valāhake viddhaṃsesi. Aparo majjhime. Aparo sukhume. Tato so puriso vigatavalāhake nabhe candaṃ disvā nakkhattayogaṃ aññāsi.
д̇ад̇т̇а д̇аяо валаахагаа вияа сажжабадижчаад̣̇агат̇ууламаж̇жхимасукумагилзсанд̇хагаараа. д̇аяо ваад̇аа вияа д̇ийн̣и ануломажид̇д̇аани. жагкумаа бурисо вияа г̇од̇рабхун̃н̃аан̣ам̣. жанд̣̇о вияа ниб̣б̣аанам̣. згзгасса ваад̇асса яат̇ааггамзна валаахагад̇д̇аяавид̣̇д̇хам̣санам̣ вияа згзгасса ануломажид̇д̇асса сажжабадижчаад̣̇агад̇амавинод̣̇анам̣. виг̇ад̇авалаахагз набхз д̇асса бурисасса висуд̣̇д̇хажанд̣̇ад̣̇ассанам̣ вияа виг̇ад̇з сажжабадижчаад̣̇агз д̇амз г̇од̇рабхун̃н̃аан̣асса сувисуд̣̇д̇ханиб̣б̣аанаарамман̣агаран̣ам̣.
Tattha tayo valāhakā viya saccapaṭicchādakathūlamajjhimasukhumakilesandhakārā. Tayo vātā viya tīṇi anulomacittāni. Cakkhumā puriso viya gotrabhuññāṇaṃ. Cando viya nibbānaṃ. Ekekassa vātassa yathākkamena valāhakattayaviddhaṃsanaṃ viya ekekassa anulomacittassa saccapaṭicchādakatamavinodanaṃ. Vigatavalāhake nabhe tassa purisassa visuddhacandadassanaṃ viya vigate saccapaṭicchādake tame gotrabhuññāṇassa suvisuddhanibbānārammaṇakaraṇaṃ.
яат̇зва хи д̇аяо ваад̇аа жанд̣̇абадижчаад̣̇агз валаахагзязва вид̣̇д̇хам̣сзд̇ум̣ саггонд̇и, на жанд̣̇ам̣ д̣̇адтум̣, звам̣ ануломаани сажжабадижчаад̣̇агад̇амзязва винод̣̇зд̇ум̣ саггонд̇и, на ниб̣б̣аанам̣ аарамман̣ам̣ гаад̇ум̣ . яат̇аа со бурисо жанд̣̇амзва д̣̇адтум̣ саггод̇и на валаахагз вид̣̇д̇хам̣сзд̇ум̣, звам̣ г̇од̇рабхун̃н̃аан̣ам̣ ниб̣б̣аанамзва аарамман̣ам̣ гаад̇ум̣ саггод̇и на гилзсад̇амам̣ винод̣̇зд̇ум̣. звам̣ ануломам̣ сан̇каараарамман̣ам̣ ход̇и, г̇од̇рабху ниб̣б̣аанаарамман̣ам̣.
Yatheva hi tayo vātā candapaṭicchādake valāhakeyeva viddhaṃsetuṃ sakkonti, na candaṃ daṭṭhuṃ, evaṃ anulomāni saccapaṭicchādakatameyeva vinodetuṃ sakkonti, na nibbānaṃ ārammaṇaṃ kātuṃ . Yathā so puriso candameva daṭṭhuṃ sakkoti na valāhake viddhaṃsetuṃ, evaṃ gotrabhuññāṇaṃ nibbānameva ārammaṇaṃ kātuṃ sakkoti na kilesatamaṃ vinodetuṃ. Evaṃ anulomaṃ saṅkhārārammaṇaṃ hoti, gotrabhu nibbānārammaṇaṃ.
яад̣̇и хи г̇од̇рабху ануломзна г̇ахид̇аарамман̣ам̣ г̇ан̣хзяяа буна ануломам̣ д̇ам̣ ануб̣анд̇хзяяаад̇и маг̇г̇авудтаанамзва на бхавзяяа. г̇од̇рабхун̃н̃аан̣ам̣ бана ануломасса аарамман̣ам̣ аг̇г̇ахзд̇ваа д̇ам̣ абажчад̇обавад̇д̇игам̣ гад̇ваа саяам̣ анааваж̇ж̇анамби самаанам̣ ааваж̇ж̇анадтаанз тад̇ваа звам̣ ниб̣б̣ад̇д̇аахийд̇и маг̇г̇асса сан̃н̃ам̣ д̣̇ад̇ваа вияа нируж̇жхад̇и. маг̇г̇оби д̇зна д̣̇иннасан̃н̃ам̣ амун̃жид̇ваава авийжисанд̇ад̇ивасзна д̇ам̣ н̃аан̣ам̣ ануб̣анд̇хамаано аниб̣б̣ид̣̇д̇хабуб̣б̣ам̣ абад̣̇аалид̇абуб̣б̣ам̣ лобхагканд̇хам̣ д̣̇осагканд̇хам̣ мохагканд̇хам̣ ниб̣б̣иж̇жхамаанова бад̣̇аалаяамаанова ниб̣б̣ад̇д̇ад̇и.
Yadi hi gotrabhu anulomena gahitārammaṇaṃ gaṇheyya puna anulomaṃ taṃ anubandheyyāti maggavuṭṭhānameva na bhaveyya. Gotrabhuññāṇaṃ pana anulomassa ārammaṇaṃ aggahetvā taṃ apacchatopavattikaṃ katvā sayaṃ anāvajjanampi samānaṃ āvajjanaṭṭhāne ṭhatvā evaṃ nibbattāhīti maggassa saññaṃ datvā viya nirujjhati. Maggopi tena dinnasaññaṃ amuñcitvāva avīcisantativasena taṃ ñāṇaṃ anubandhamāno anibbiddhapubbaṃ apadālitapubbaṃ lobhakkhandhaṃ dosakkhandhaṃ mohakkhandhaṃ nibbijjhamānova padālayamānova nibbattati.
д̇ад̇рааяам̣ убамаа – зго гира иссаасо д̇ханусад̇амад̇т̇агз палагасад̇ам̣ табаабзд̇ваа вад̇т̇зна мукам̣ взтзд̇ваа сарам̣ саннаяхид̇ваа жаггаяанд̇з адтааси. ан̃н̃о бурисо жаггаяанд̇ам̣ ааван̃чид̇ваа яад̣̇аа иссаасасса палагасад̇ам̣ абхимукам̣ ход̇и д̇ад̣̇аа д̇ад̇т̇а д̣̇ан̣д̣агзна сан̃н̃ам̣ д̣̇зд̇и, иссаасо д̣̇ан̣д̣агасан̃н̃ам̣ амун̃жид̇ваава сарам̣ кибид̇ваа палагасад̇ам̣ ниб̣б̣иж̇жхад̇и. д̇ад̇т̇а д̣̇ан̣д̣агасан̃н̃аа вияа г̇од̇рабхун̃н̃аан̣ам̣. иссаасо вияа маг̇г̇ан̃аан̣ам̣. иссаасасса д̣̇ан̣д̣агасан̃н̃ам̣ амун̃жид̇ваава палагасад̇аниб̣б̣иж̇жханам̣ вияа маг̇г̇ан̃аан̣асса г̇од̇рабхун̃н̃аан̣зна д̣̇иннасан̃н̃ам̣ амун̃жид̇ваава ниб̣б̣аанам̣ аарамман̣ам̣ гад̇ваа аниб̣б̣ид̣̇д̇хабуб̣б̣аабад̣̇аалид̇абуб̣б̣аанам̣ лобхагканд̇хаад̣̇ийнам̣ ниб̣б̣иж̇жханабад̣̇ааланам̣. бхуумилад̣̇д̇хаваддасзд̇усамуг̇гхаад̇агаран̣анд̇иби зд̇ад̣̇зва. маг̇г̇асса хи згамзва гижжам̣ анусаяаббаж̇аханам̣. ид̇и со анусаяз баж̇аханд̇о нимид̇д̇аа вудтаад̇и наама, бавад̇д̇ам̣ чинд̣̇ад̇и наама. ‘нимид̇д̇а’нд̇и руубавзд̣̇анаасан̃н̃аасан̇кааравин̃н̃аан̣анимид̇д̇ам̣. ‘бавад̇д̇а’мби руубавзд̣̇анаасан̃н̃аасан̇кааравин̃н̃аан̣абавад̇д̇амзва. д̇ам̣ д̣̇увид̇хам̣ ход̇и – убаад̣̇иннагам̣ анубаад̣̇иннаганд̇и. д̇зсу маг̇г̇асса анубаад̣̇иннагад̇о вудтаанажчааяаа д̣̇иссад̇ийд̇и вад̇ваа анубаад̣̇иннагад̇о вудтаад̇ийд̇и вад̣̇им̣су.
Tatrāyaṃ upamā – eko kira issāso dhanusatamatthake phalakasataṃ ṭhapāpetvā vatthena mukhaṃ veṭhetvā saraṃ sannayhitvā cakkayante aṭṭhāsi. Añño puriso cakkayantaṃ āvañchitvā yadā issāsassa phalakasataṃ abhimukhaṃ hoti tadā tattha daṇḍakena saññaṃ deti, issāso daṇḍakasaññaṃ amuñcitvāva saraṃ khipitvā phalakasataṃ nibbijjhati. Tattha daṇḍakasaññā viya gotrabhuññāṇaṃ. Issāso viya maggañāṇaṃ. Issāsassa daṇḍakasaññaṃ amuñcitvāva phalakasatanibbijjhanaṃ viya maggañāṇassa gotrabhuññāṇena dinnasaññaṃ amuñcitvāva nibbānaṃ ārammaṇaṃ katvā anibbiddhapubbaapadālitapubbānaṃ lobhakkhandhādīnaṃ nibbijjhanapadālanaṃ. Bhūmiladdhavaṭṭasetusamugghātakaraṇantipi etadeva. Maggassa hi ekameva kiccaṃ anusayappajahanaṃ. Iti so anusaye pajahanto nimittā vuṭṭhāti nāma, pavattaṃ chindati nāma. ‘Nimitta’nti rūpavedanāsaññāsaṅkhāraviññāṇanimittaṃ. ‘Pavatta’mpi rūpavedanāsaññāsaṅkhāraviññāṇapavattameva. Taṃ duvidhaṃ hoti – upādinnakaṃ anupādinnakanti. Tesu maggassa anupādinnakato vuṭṭhānacchāyā dissatīti vatvā anupādinnakato vuṭṭhātīti vadiṃsu.
сод̇аабад̇д̇имаг̇г̇зна хи жад̇д̇аари д̣̇идтиг̇ад̇асамбаяуд̇д̇аани вижигижчаасахаг̇ад̇анд̇и бан̃жа жид̇д̇аани бахийяанд̇и. д̇аани руубам̣ самудтаабзнд̇и. д̇ам̣ анубаад̣̇иннагаруубагканд̇хо. д̇аани жид̇д̇аани вин̃н̃аан̣агканд̇хо. д̇ам̣самбаяуд̇д̇аа взд̣̇анаа сан̃н̃аа сан̇каараа д̇аяо аруубагканд̇хаа. д̇ад̇т̇а сажз сод̇аабаннасса сод̇аабад̇д̇имаг̇г̇о абхаавид̇о абхависса д̇аани бан̃жа жид̇д̇аани часу аарамман̣зсу барияудтаанам̣ баабун̣зяяум̣. сод̇аабад̇д̇имаг̇г̇о бана д̇зсам̣ барияудтаанзнаббад̇д̇им̣ ваараяамаано сзд̇усамуг̇гхаад̇ам̣ абхаб̣б̣уббад̇д̇игабхаавам̣ гурумаано анубаад̣̇иннагад̇о вудтаад̇и наама.
Sotāpattimaggena hi cattāri diṭṭhigatasampayuttāni vicikicchāsahagatanti pañca cittāni pahīyanti. Tāni rūpaṃ samuṭṭhāpenti. Taṃ anupādinnakarūpakkhandho. Tāni cittāni viññāṇakkhandho. Taṃsampayuttā vedanā saññā saṅkhārā tayo arūpakkhandhā. Tattha sace sotāpannassa sotāpattimaggo abhāvito abhavissa tāni pañca cittāni chasu ārammaṇesu pariyuṭṭhānaṃ pāpuṇeyyuṃ. Sotāpattimaggo pana tesaṃ pariyuṭṭhānenappattiṃ vārayamāno setusamugghātaṃ abhabbuppattikabhāvaṃ kurumāno anupādinnakato vuṭṭhāti nāma.
сагад̣̇ааг̇аамимаг̇г̇зна жад̇д̇аари д̣̇идтиг̇ад̇авиббаяуд̇д̇аани д̣̇вз д̣̇оманассасахаг̇ад̇аанийд̇и ол̣ааригагаамарааг̇аб̣яаабаад̣̇авасзна ча жид̇д̇аани бахийяанд̇и. анааг̇аамимаг̇г̇зна ан̣усахаг̇ад̇агаамарааг̇аб̣яаабаад̣̇авасзна д̇аани зва ча жид̇д̇аани бахийяанд̇и. арахад̇д̇амаг̇г̇зна жад̇д̇аари д̣̇идтиг̇ад̇авиббаяуд̇д̇аани уд̣̇д̇хажжасахаг̇ад̇ан̃жаад̇и бан̃жа агусалажид̇д̇аани бахийяанд̇и. д̇ад̇т̇а сажз д̇зсам̣ арияаанам̣ д̇з маг̇г̇аа абхаавид̇аа ассу, д̇аани жид̇д̇аани часу аарамман̣зсу барияудтаанам̣ баабун̣зяяум̣. д̇з бана д̇зсам̣ маг̇г̇аа барияудтаанаббад̇д̇им̣ ваараяамаанаа сзд̇усамуг̇гхаад̇ам̣ абхаб̣б̣уббад̇д̇игабхаавам̣ гурумаанаа анубаад̣̇иннагад̇о вудтаханд̇и наама.
Sakadāgāmimaggena cattāri diṭṭhigatavippayuttāni dve domanassasahagatānīti oḷārikakāmarāgabyāpādavasena cha cittāni pahīyanti. Anāgāmimaggena aṇusahagatakāmarāgabyāpādavasena tāni eva cha cittāni pahīyanti. Arahattamaggena cattāri diṭṭhigatavippayuttāni uddhaccasahagatañcāti pañca akusalacittāni pahīyanti. Tattha sace tesaṃ ariyānaṃ te maggā abhāvitā assu, tāni cittāni chasu ārammaṇesu pariyuṭṭhānaṃ pāpuṇeyyuṃ. Te pana tesaṃ maggā pariyuṭṭhānappattiṃ vārayamānā setusamugghātaṃ abhabbuppattikabhāvaṃ kurumānā anupādinnakato vuṭṭhahanti nāma.
убаад̣̇иннагад̇о вудтаанажчааяаа д̣̇иссад̇ийд̇и вад̇ваа убаад̣̇иннагад̇о вудтаад̇ийд̇иби вад̣̇им̣су. сажз хи сод̇аабаннасса сод̇аабад̇д̇имаг̇г̇о абхаавид̇о абхависса, табзд̇ваа сад̇д̇а бхавз анамад̇аг̇г̇з сам̣саараваддз убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. д̇ийн̣и сам̣яож̇анаани д̣̇идтаанусаяо вижигижчаанусаяод̇и имз бана бан̃жа гилзсз сод̇аабад̇д̇имаг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о сод̇аабаннасса сад̇д̇а бхавз табзд̇ваа анамад̇аг̇г̇з сам̣саараваддз убаад̣̇иннагаббавад̇д̇ам̣ бавад̇д̇иссад̇и? звам̣ сод̇аабад̇д̇имаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагад̇о вудтаад̇и наама.
Upādinnakato vuṭṭhānacchāyā dissatīti vatvā upādinnakato vuṭṭhātītipi vadiṃsu. Sace hi sotāpannassa sotāpattimaggo abhāvito abhavissa, ṭhapetvā satta bhave anamatagge saṃsāravaṭṭe upādinnakappavattaṃ pavatteyya. Kasmā? Tassa pavattiyā hetūnaṃ atthitāya. Tīṇi saṃyojanāni diṭṭhānusayo vicikicchānusayoti ime pana pañca kilese sotāpattimaggo uppajjamānova samugghāteti. Idāni kuto sotāpannassa satta bhave ṭhapetvā anamatagge saṃsāravaṭṭe upādinnakappavattaṃ pavattissati? Evaṃ sotāpattimaggo upādinnakappavattaṃ appavattaṃ kurumāno upādinnakato vuṭṭhāti nāma.
сажз сагад̣̇ааг̇аамисса сагад̣̇ааг̇аамимаг̇г̇о абхаавид̇о абхависса, табзд̇ваа д̣̇вз бхавз бан̃жасу бхавзсу убаад̣̇иннагабавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. ол̣ааригаани гаамарааг̇абадигхасам̣яож̇анаани ол̣аариго гаамарааг̇аанусаяо бадигхаанусаяод̇и имз бана жад̇д̇ааро гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о сагад̣̇ааг̇аамисса д̣̇вз бхавз табзд̇ваа бан̃жасу бхавзсу убаад̣̇иннагаббавад̇д̇ам̣ бавад̇д̇иссад̇и? звам̣ сагад̣̇ааг̇аамимаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагад̇о вудтаад̇и наама.
Sace sakadāgāmissa sakadāgāmimaggo abhāvito abhavissa, ṭhapetvā dve bhave pañcasu bhavesu upādinnakapavattaṃ pavatteyya. Kasmā? Tassa pavattiyā hetūnaṃ atthitāya. Oḷārikāni kāmarāgapaṭighasaṃyojanāni oḷāriko kāmarāgānusayo paṭighānusayoti ime pana cattāro kilese so maggo uppajjamānova samugghāteti. Idāni kuto sakadāgāmissa dve bhave ṭhapetvā pañcasu bhavesu upādinnakappavattaṃ pavattissati? Evaṃ sakadāgāmimaggo upādinnakappavattaṃ appavattaṃ kurumāno upādinnakato vuṭṭhāti nāma.
сажз анааг̇аамисса анааг̇аамимаг̇г̇о абхаавид̇о абхависса, табзд̇ваа згам̣ бхавам̣ д̣̇уд̇ияабхавз убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа. ан̣усахаг̇ад̇аани гаамарааг̇абадигхасам̣яож̇анаани ан̣усахаг̇ад̇о гаамарааг̇аанусаяо бадигхаанусаяод̇и имз бана жад̇д̇ааро гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о анааг̇аамисса згам̣ бхавам̣ табзд̇ваа д̣̇уд̇ияабхавз убаад̣̇иннагаббавад̇д̇ам̣ бавад̇д̇иссад̇и? звам̣ анааг̇аамимаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагад̇о вудтаад̇и наама.
Sace anāgāmissa anāgāmimaggo abhāvito abhavissa, ṭhapetvā ekaṃ bhavaṃ dutiyabhave upādinnakappavattaṃ pavatteyya. Kasmā? Tassa pavattiyā hetūnaṃ atthitāya. Aṇusahagatāni kāmarāgapaṭighasaṃyojanāni aṇusahagato kāmarāgānusayo paṭighānusayoti ime pana cattāro kilese so maggo uppajjamānova samugghāteti. Idāni kuto anāgāmissa ekaṃ bhavaṃ ṭhapetvā dutiyabhave upādinnakappavattaṃ pavattissati? Evaṃ anāgāmimaggo upādinnakappavattaṃ appavattaṃ kurumāno upādinnakato vuṭṭhāti nāma.
сажз арахад̇о арахад̇д̇амаг̇г̇о абхаавид̇о абхависса, руубааруубабхавзсу убаад̣̇иннагаббавад̇д̇ам̣ бавад̇д̇зяяа. гасмаа? д̇асса бавад̇д̇ияаа хзд̇уунам̣ ад̇т̇ид̇ааяа . руубарааг̇о аруубарааг̇о маано уд̣̇д̇хажжам̣ авиж̇ж̇аа маанаанусаяо бхаварааг̇аанусаяо авиж̇ж̇аанусаяод̇и имз бана адта гилзсз со маг̇г̇о уббаж̇ж̇амаанова самуг̇гхаад̇зд̇и. ид̣̇аани гуд̇о кийн̣аасавасса бунаб̣бхавз убаад̣̇иннагаббавад̇д̇ам̣ бавад̇д̇иссад̇и? звам̣ арахад̇д̇амаг̇г̇о убаад̣̇иннагаббавад̇д̇ам̣ аббавад̇д̇ам̣ гурумаано убаад̣̇иннагад̇о вудтаад̇и наама.
Sace arahato arahattamaggo abhāvito abhavissa, rūpārūpabhavesu upādinnakappavattaṃ pavatteyya. Kasmā? Tassa pavattiyā hetūnaṃ atthitāya . Rūparāgo arūparāgo māno uddhaccaṃ avijjā mānānusayo bhavarāgānusayo avijjānusayoti ime pana aṭṭha kilese so maggo uppajjamānova samugghāteti. Idāni kuto khīṇāsavassa punabbhave upādinnakappavattaṃ pavattissati? Evaṃ arahattamaggo upādinnakappavattaṃ appavattaṃ kurumāno upādinnakato vuṭṭhāti nāma.
сод̇аабад̇д̇имаг̇г̇о жзд̇т̇а абааяабхавад̇о вудтаад̇и, сагад̣̇ааг̇аамимаг̇г̇о суг̇ад̇игаамабхавзгад̣̇зсад̇о, анааг̇аамимаг̇г̇о гаамабхавад̇о, арахад̇д̇амаг̇г̇о руубааруубабхавад̇о саб̣б̣абхавзхиби вудтаад̇и зваад̇и вад̣̇анд̇и.
Sotāpattimaggo cettha apāyabhavato vuṭṭhāti, sakadāgāmimaggo sugatikāmabhavekadesato, anāgāmimaggo kāmabhavato, arahattamaggo rūpārūpabhavato sabbabhavehipi vuṭṭhāti evāti vadanti.
имасса банад̇т̇асса вибхааванад̇т̇ам̣ аяам̣ баал̣и – ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна сад̇д̇а бхавз табзд̇ваа анамад̇аг̇г̇з сам̣саараваддз яз уббаж̇ж̇зяяум̣, нааман̃жа руубан̃жа зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇и.
Imassa panatthassa vibhāvanatthaṃ ayaṃ pāḷi – ‘‘sotāpattimaggañāṇena abhisaṅkhāraviññāṇassa nirodhena satta bhave ṭhapetvā anamatagge saṃsāravaṭṭe ye uppajjeyyuṃ, nāmañca rūpañca etthete nirujjhanti vūpasamanti atthaṃ gacchanti paṭippassambhanti.
‘сагад̣̇ааг̇аамимаг̇г̇ан̃аан̣зна абхисан̇кааравин̃н̃аан̣асса нирод̇хзна д̣̇вз бхавз табзд̇ваа бан̃жасу бхавзсу яз уббаж̇ж̇зяяум̣, нааман̃жа руубан̃жа зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇и.
‘Sakadāgāmimaggañāṇena abhisaṅkhāraviññāṇassa nirodhena dve bhave ṭhapetvā pañcasu bhavesu ye uppajjeyyuṃ, nāmañca rūpañca etthete nirujjhanti vūpasamanti atthaṃ gacchanti paṭippassambhanti.
‘анааг̇аамимаг̇г̇ан̃аан̣зна абхисан̇кааравин̃н̃аан̣асса нирод̇хзна згам̣ бхавам̣ табзд̇ваа гаамад̇хаад̇уяаа д̣̇вийсу бхавзсу яз уббаж̇ж̇зяяум̣, нааман̃жа руубан̃жа зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇и.
‘Anāgāmimaggañāṇena abhisaṅkhāraviññāṇassa nirodhena ekaṃ bhavaṃ ṭhapetvā kāmadhātuyā dvīsu bhavesu ye uppajjeyyuṃ, nāmañca rūpañca etthete nirujjhanti vūpasamanti atthaṃ gacchanti paṭippassambhanti.
‘арахад̇д̇амаг̇г̇ан̃аан̣зна абхисан̇кааравин̃н̃аан̣асса нирод̇хзна руубад̇хаад̇уяаа ваа аруубад̇хаад̇уяаа ваа яз уббаж̇ж̇зяяум̣ , нааман̃жа руубан̃жа зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇и. арахад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇асса жаримавин̃н̃аан̣асса нирод̇хзна бан̃н̃аа жа сад̇и жа нааман̃жа руубан̃жа зд̇т̇зд̇з нируж̇жханд̇и вуубасаманд̇и ад̇т̇ам̣ г̇ажчанд̇и бадиббассамбханд̇ий’’д̇и (жуул̣ани. аж̇ид̇амаан̣авабужчаанид̣̇д̣̇зса 6). аяам̣ д̇аава нимид̇д̇з винижчаяо.
‘Arahattamaggañāṇena abhisaṅkhāraviññāṇassa nirodhena rūpadhātuyā vā arūpadhātuyā vā ye uppajjeyyuṃ , nāmañca rūpañca etthete nirujjhanti vūpasamanti atthaṃ gacchanti paṭippassambhanti. Arahato anupādisesāya nibbānadhātuyā parinibbāyantassa carimaviññāṇassa nirodhena paññā ca sati ca nāmañca rūpañca etthete nirujjhanti vūpasamanti atthaṃ gacchanti paṭippassambhantī’’ti (cūḷani. ajitamāṇavapucchāniddesa 6). Ayaṃ tāva nimitte vinicchayo.
‘бадибад̣̇аабад̇ий’д̇и – зд̇т̇а бана бадибад̣̇аа жалад̇и на жалад̇ийд̇и? жалад̇и. д̇ат̇ааг̇ад̇асса хи саарибуд̇д̇ад̇т̇зрасса жа жад̇д̇аароби маг̇г̇аа сукабадибад̣̇аа киббаабхин̃н̃аа ахзсум̣. махаамог̇г̇аллаанад̇т̇зрасса батамамаг̇г̇о сукабадибад̣̇о киббаабхин̃н̃о, убари д̇аяо маг̇г̇аа д̣̇угкабадибад̣̇аа киббаабхин̃н̃аа. гасмаа? нид̣̇д̣̇аабхибхууд̇ад̇д̇аа. саммаасамб̣уд̣̇д̇хо гира сад̇д̇аахам̣ д̣̇ахарагумаарагам̣ вияа т̇зрам̣ барихари. т̇зроби згад̣̇ивасам̣ нид̣̇д̣̇ааяамаано нисийд̣̇и. ат̇а нам̣ сад̇т̇аа ааха – ‘‘бажалааяаси но д̇вам̣, мог̇г̇аллаана, бажалааяаси но д̇вам̣ мог̇г̇аллаанаа’’д̇и (а. ни. 7.61). зваруубассаби махаабхин̃н̃аббад̇д̇асса саавагасса бадибад̣̇аа жалад̇и, сзсаанам̣ гим̣ на жалиссад̇и? згажжасса хи бхигкуно жад̇д̇аароби маг̇г̇аа д̣̇угкабадибад̣̇аа д̣̇анд̇хаабхин̃н̃аа хонд̇и, згажжасса д̣̇угкабадибад̣̇аа киббаабхин̃н̃аа, згажжасса сукабадибад̣̇аа д̣̇анд̇хаабхин̃н̃аа, згажжасса сукабадибад̣̇аа киббаабхин̃н̃аа. згажжасса батамамаг̇г̇о д̣̇угкабадибад̣̇о д̣̇анд̇хаабхин̃н̃о ход̇и, д̣̇уд̇ияамаг̇г̇о д̣̇угкабадибад̣̇о киббаабхин̃н̃о, д̇ад̇ияамаг̇г̇о сукабадибад̣̇о д̣̇анд̇хаабхин̃н̃о, жад̇уд̇т̇амаг̇г̇о сукабадибад̣̇о киббаабхин̃н̃од̇и.
‘Paṭipadāpatī’ti – ettha pana paṭipadā calati na calatīti? Calati. Tathāgatassa hi sāriputtattherassa ca cattāropi maggā sukhapaṭipadā khippābhiññā ahesuṃ. Mahāmoggallānattherassa paṭhamamaggo sukhapaṭipado khippābhiñño, upari tayo maggā dukkhapaṭipadā khippābhiññā. Kasmā? Niddābhibhūtattā. Sammāsambuddho kira sattāhaṃ daharakumārakaṃ viya theraṃ parihari. Theropi ekadivasaṃ niddāyamāno nisīdi. Atha naṃ satthā āha – ‘‘pacalāyasi no tvaṃ, moggallāna, pacalāyasi no tvaṃ moggallānā’’ti (a. ni. 7.61). Evarūpassapi mahābhiññappattassa sāvakassa paṭipadā calati, sesānaṃ kiṃ na calissati? Ekaccassa hi bhikkhuno cattāropi maggā dukkhapaṭipadā dandhābhiññā honti, ekaccassa dukkhapaṭipadā khippābhiññā, ekaccassa sukhapaṭipadā dandhābhiññā, ekaccassa sukhapaṭipadā khippābhiññā. Ekaccassa paṭhamamaggo dukkhapaṭipado dandhābhiñño hoti, dutiyamaggo dukkhapaṭipado khippābhiñño, tatiyamaggo sukhapaṭipado dandhābhiñño, catutthamaggo sukhapaṭipado khippābhiññoti.
яат̇аа жа бадибад̣̇аа звам̣ ад̇хибад̇иби жалад̇и зва. згажжасса хи бхигкуно жад̇д̇аароби маг̇г̇аа чанд̣̇аад̇хибад̇зяяаа хонд̇и, згажжасса вийрияаад̇хибад̇зяяаа, згажжасса жид̇д̇аад̇хибад̇зяяаа, згажжасса виймам̣саад̇хибад̇зяяаа. згажжасса бана батамамаг̇г̇о чанд̣̇аад̇хибад̇зяяо ход̇и, д̣̇уд̇ияо вийрияаад̇хибад̇зяяо, д̇ад̇ияо жид̇д̇аад̇хибад̇зяяо, жад̇уд̇т̇о виймам̣саад̇хибад̇зяяод̇и.
Yathā ca paṭipadā evaṃ adhipatipi calati eva. Ekaccassa hi bhikkhuno cattāropi maggā chandādhipateyyā honti, ekaccassa vīriyādhipateyyā, ekaccassa cittādhipateyyā, ekaccassa vīmaṃsādhipateyyā. Ekaccassa pana paṭhamamaggo chandādhipateyyo hoti, dutiyo vīriyādhipateyyo, tatiyo cittādhipateyyo, catuttho vīmaṃsādhipateyyoti.
багин̣н̣агагат̇аа нидтид̇аа.
Pakiṇṇakakathā niṭṭhitā.
